29 август көнне Балтач районының Таузар авылында Рашат Шәрифуллиннар хуҗалыгында янгын чыккан. Анда әби белән бабай, аларның улы һәм килене яшәгән була.

– Янгын көндез чыкты. Сәбәбен – электр чыбыкларында, диләр. Ярый әле янгын төнлә булмаган. Бәхеткә, өйдәгеләр чыгып котылган, – ди Карадуган җирлеге башлыгы урынбасары Фәйрүзә Миннебаева. – Авылдашларыбызның бар каралты-курасы янып бетте. Лапастан башланган янгын, тиз арада бөтен өйләрен камап алды. Күршедә кеше тормый торган иске өй бар иде. Аңа да үрелгән иде, вакытында күреп сүндерделәр. Әле ярый башка йортларга күчмәде дип сөенәбез. Әлегә Шәрифуллиннар авылдагы туганнарында яшәп тора. Безнең җирлеккә кергән авыллардан акча җыйдык инде. Тагын да ярдәм кирәк. Ничек тә бу гаиләне йортлы итәсе иде, – ди Фәйрүзә ханым.

Чыганак: Ватаным Татарстан

Запись Балтачта янгын чыгып, дүрт пенсионер йортсыз кала. Үзләре… впервые появилась Tatar Today - татар яңалыклары..

10 август 11:40 сәгатьтә Волгоградның Трактор заводы районында газ станциясендә шартлау була.

⠀- Шартлау нәтиҗәсендә сигез кеше зыян күрә. Өч кешенең җиңел җәрәхәтләре бар, бер кеше хастаханәгә озатыла- дип хәбәр итә Волгоград өлкәсенең Сәламәтлек саклау комитеты.

Шаһитларның сүзе буенча, шартлау тавышы хәтта танылган “трактор базары”нда да ачык ишетелгән, бу исә сәүдәгәрләр һәм килүчеләр арасында курку уяткан. Якын тирәдәге йортларда да фатир тәрзәләре калтыраган.

Чыганак: РИА Новости

Запись Волгоградта газ станциясендә цистерна шартлый… Зыян күрүчеләр саны? впервые появилась Tatar Today - татар яңалыклары..

Лүзия апа ул көнне  өй мәшәкатьләре белән мәш килеп йөри. Ашарга пешерә, керләр юа. Ишегалдында йөргәндә янгын турында хәбәр итә торган җиһаз тавышын ишетеп куркып кала. Өй тулы балалар. Лүзия апа алты бала анасы. Бу көнне олы кызы Илзия кунакта була, калган балалар телевизор карап калалар.  Люзия апа балаларын җыеп тиз генә урамга чыга. Шул арада көтмәгәндә өйгә куе төтен тарала. Күз ачып йомганчы йортны ялкын били. Икенче улы, 17 яшьлек  Илсаф янгынны сүндерәм диеп, кабат өйгә кереп китә, тик аңын югалтып егыла. Ярый үги әтиләре Айнур вакытында балага ярдәм итә.

Янгын сүндерүчеләр бу күңелсез хәл кыска ялганыш аркасында килеп чыккан дип нәтиҗә ясаган. “Янгын келәттән башланган күрәсең, анда буш урын күп булгач, суыткычны да шунда чыгарып куйган идек. Агач йорт иске иде шул. 1970 елларда салынган. Барысы да көл булды. Кызганыч, бернәрсәне дә алып чыгарга өлгермәдек. Рәхмәт күршеләрем, авылдашларым ярдәм итә”, – дип сөйли Лүзия апа. Әлегә алар бертуган сеңлесе Илнарияләрнең йортында яшәп торалар.

– Алты бала белән апага болай да җиңел түгел иде. Язмыш тагын сынау бирде, шөкер үзләре исән-сау дип сөенәбез инде. Олы кызлары Илзия быел авыл хуҗалыгы техникумын тәмамлый. Тиздән чыгарылыш кичәсе узачак. Аны башкалар кебек матур итеп киендерәсе килә. Тиздән 1 сентябрь. Быел өченче балалары укырга керәчәк. Аны да мәктәпкә әзерләргә туры киләчәк. Шушы көннәрдә туганнарым иминиятләштерү акчасын алырга җыеналар. Битараф булмаган кешеләр, ипилек булса да ярдәм күрсәтеп тора. Барысына да зур рәхмәт. Мондый хәсрәтләрне берәүгә дә күрергә язмасын”, –  ди Илнария.

РЕКВИЗИТЛАР

Получатель: Мухамадиева Люзия Рашитовна

Счет получателя: 40817810762000450291

Банк получателя: Отделение «Банк Татарстан» №8610 ПАО Сбербанк г.Казань

ИНН Банка получателя: 7707083893

БИК Банка получателя: 049205603

Кор/счет: 30101810600000000603

Код подразделения Банка по месту ведения счета карты (для внутренних переводов по системе Сбербанк): 4286100737

SWIFT-код: SABRRUMMNAI

Номер карты: 4817760116786744

Мәгълүмат Шәһри Казан сайтыннан

Запись “Мондый хәсрәтләрне берәүгә дә күрергә язмасын” – күп балалы гаилә яңа гына йортсыз кала впервые появилась Tatar Today - татар яңалыклары..

Басуда дөрләүче ялкын телләре авылдагы йортлар янына килеп җитмәгән. 150 квадрат метр мәйдандагы янгынны тиз арада сүндерәләр.

Беренче фаразлар буенча, авылда яшәүче ир-ат чүп-чар өеменә тәмәке төпчеге ыргытып, әлеге янгын чыгуга сәбәпче булган.

Запись Түбән Камада авыл янында басу яна [видео] впервые появилась Tatar Today - татар яңалыклары..

Иртәнге сәгать 3тә Югары Ослан районының Октябрьск поселыгында янгын чыга. Янгын сүндерүчеләр 10 минут эчендә килеп җитә. Район үзәгеннән дә машиналар чакыртыла. Әмма йортка тулаем ут капкан булып чыга. 

Күршеләрнең сүзләренчә, әлеге йортның хуҗасы бер бүлмәдә ут капканын күреп, Денис исемле күршесенә хәбәр итә. Әлеге бүлмәдә ханымның 2 яшьлек оныгы Никита булуы да ачыклана. Денис Черностровский ике дә уйлап тормый ярдәмгә килә. Башта ул  ишектән керергә тели, әмма ялкын бик көчле булу сәбәпле, тәрәзәдән генә керергә мәҗбүр була. Сабый бүлмәдә, караватта табыла. Кечкенә Никитаны тиз арада хастаханәгә озаталар. Малай 2-3 дәрәҗәдәге пешү җәрәһәтләре алган, дип хәбәр ителә.

Янгынның нинди сәбәпле чыкканы әлегә билгесез. 

Фаҗига гаиләне тораксыз калдыра. Барлык көн-күреш кирәк-яраклары, документлар янып бетә. Интернетта әлеге гаиләгә ярдәм йөзеннән киемнәр, җиһазлар, акча җыю оештырылган. Һәр теләгән кеше үз өлешен кертә ала. 2 яшьлек Никитага киемнәр, әнисе Настяга 44 размерлы кием-салымнар булса да яхшы. Шулай ук финанс ярдәм күрсәтергә теләүчеләр түбәндәге счетка акча күчерә ала:

5586 2000 2130 4495 “Открытие” банкы. Карта Сапронова Анастасия Владимировна исеменә теркәлгән. Телефон номеры: 89274171953.

Мәгълүмат “Волжская новь” сайтыннан алынды.

Запись Татарстанда ир-ат ике яшьлек баланы янган йорттан алып чыга впервые появилась Tatar Today - татар яңалыклары..

Түбән Камада җитештерү урынында янгында биш кеше һәлак булган. Янгын якшәмбе иртән чыккан. //Азатлык радиосы//

Якшәмбе иртән Татарстанның Түбән Кама шәһәрендә җитештерү урынында (база) янгын чыгып, биш кеше һәлак булган. Бу хакта Русия гадәттән тыш хәлләр министрлыгының Татарстан идарәсе матбугат хезмәте хәбәр итә. Тагын алты кеше төрле дәрәҗәдәге тән җәрәхәтләре алган. Аларның өчесе авыр хәлдә диелә.

Төзүчеләр бистәсендәге Үзәк урамда урнашкан базада янгын чыгуы турында хәбәр 11 декабрьдә 4 сәгать 55 минутта килеп ирешә. Янгын җиде тулганда сүндерелә. Янгын сүндерүдә 68 кеше катнаша. Янгыннан якынча 100 квадрат метр мәйдан зыян күргән.

Башта өч кешенең һәлак булуы мәгълүм була, ләкин коткаручылар соңрак хәрәбәрләр астыннан тагын ике кешенең җәсәден таба.

Әлеге вакыйга нигезендә җинаять эше ачылган. Янгын урынында тикшерүчеләр һәм криминалистлар эшли дип белдерелә.

Запись Түбән Камада биш кешенең гомерен өзгән янгын урыны фотолары чыкты впервые появилась Tatar Today - татар яңалыклары..