Яңа закон сайлаулар һәм референдумнар үткәрүгә бәйле документларны узган ел Россия Конституциясенә кабул ителгән төзәтмәләр нигезендә туры китерә. Аны Дәүләт Думасы депутатлары Павел Крашенинников һәм Ольга Савастьянова, шулай ук сенатор Андрей Клишас эшләгән, дип хәбәр итә РИА Новости.

Яңалык нигезендә, ил җитәкчесе постына ике тапкырдан артык сайлануны тыю гамәлдә кала. Әмма хәзер Төп законга төзәтмәләр керткәнче президент постында уздырылган вакыт исәпкә алынмый.

Каденцияләр санын чикләү турындагы нигезләмә «РФ Президенты вазифасын биләгән һәм (яки) биләүче затка, тиешле чикләүләр булган РФ Конституциясенә төзәтмәләр үз көченә кергән вакытта бу вазифаны күпме вакыт биләгән һәм (яки) били торган сроклар вакытын исәпкә алмыйча кулланыла», — дип искәртелә документта.

Моннан тыш, хәзер дәүләт башлыгы постына бары тик 35 яшькә җиткән, «илдә даими рәвештә яшәве 25 елдан да ким булмаган, элек чит ил гражданлыгы булмаган яки башка дәүләт территориясендә озак вакытка яшәү хокукы теркәлмәгән яки башка документка ия булмаган граждан гына дәгъва итә ала».

Шул ук вакытта тиешле норма элегрәк РФ составына тулысынча яки өлешчә кергән дәүләт гражданы булган һәм әлеге территориядә даими яшәгән россиялеләргә кагылмый.

Чыганак: "Татар-информ" МА

Запись Дәүләт Думасы Путинга тагын ике срокка сайлану хокукы бирә торган закон кабул итте впервые появилась Tatar Today - татар яңалыклары..

Хәзер аның исеме – Россия, фамилиясе – Президент.

Россия ике тапкыр кияүдә булган. Ике бала тапкан. Улы Саша 2013 елда үлгән, кызы Полинага тиздән 20 яшь тула. Хәзерге вакытта Россия аерылган. Ул сайтлар ясау белән шөгыльләнә.

Яңа исеме Россиягә берникадәр өстенлекләр китерә икән. Әйтик, 14 февраль көнне ул җәмәгать транспортында бушлай йөргән. Ә менә штрафлардан кача алмый ул. Күптән түгел ул поездда тәмәке тартканы өчен штрафка тартылган. Хәтта фамилиясе дә ярдәм итмәгән аңа.

Запись Ирина Президентка ничек әйләнгән? впервые появилась Tatar Today - татар яңалыклары..

2020 ел – ТАССР оешканга 100 тула. Шул уңайдан республикабыз төрле төбәк вәкилләреннән котлаулар кабул итә. “Хәзинә Тур” җитәкчесе Комил Сираҗетдинов та үзенең котлау сүзләрен, матур теләкләрен юллады.

“Хәерле кич, хөрмәтле Рөстәм Нургалиевич, хөрмәтле Минтимер Шәрипович, хөрмәтле Татарстан халкы Сезгә Уфадан “Хәзинә Тур” компаниясе җитәкчесе Комил Олим улы Сираҗетдинов кайнар сәламнәр җиткерә.

Безнең оешма күп еллар дәвамында Башкортстан белән Татарстан арасын бәйләп тора. Әлеге хезмәттәшлеккә без дә, туристлар да шат.

Добрый час, здравствуйте, уважаемый Рустам Нургалиевич, дорогой Минтимер Шарипович, уважаемые татарстанцы!
Мы с удовольствием сегодня хотим поздравить вас с наступившем праздником со 100 летием Республики Татарстан, со 100 летием ТАССР. Направляем вам свои поздравления и наилучшие пожелания. Хотелось бы выразить чувства благодарности за то, что вы делаете для жителей и гостей Татарстана. Каждый турист, который съездил в Казань, Болгар, Свияжск и другие интересные места благодарен вам и всем организаторам этих впечатлений. Мы в свою очередь тоже благодарим вас и надеемся в дальнейшем еще больше укрепим наши связи и отношения. Будем направлять больше туристов и из Башкортостана и из других регионов России и мира. Мы благодарим вас за такой труд, за развитие республики. Татарстан, Казань! Живи, расцветай! Вам желаем успехов, всех побед. Поздравляем! Башкортостан с тобой! Дружба народов – навсегда!”

Чыганак: Комил Сираҗетдинов

Запись “Хәзинә Тур” җитәкчесе Комил Сираҗетдинов ТАССРның 100 еллыгы уңаеннан Татарстан халкына котлау юллый [видео] впервые появилась Tatar Today - татар яңалыклары..

Бүген Актаныш районы Әнәк авылында зур тарихи вакыйга булды. Беренче Президентыбыз, Татарстанның Россия Федерациясе Хезмәт Герое Минтимер Шәрип улы Шәймиевның туган авылында аның бюстының ачылыш тантанасы узды.

Актанышта “Бабайда кунакта” паркын ачу тантанасы

Чарада “ШАЯН ТВ” каналының төп алып баручысы Шаян – Эльдар Гыйниятов Минтимер абыйның кечкенә чагын – Миркәйне уйнады. “ШАЯН” алып баручыбыз Аяз Минтимер Шәрип улының балачак дусты ролен башкарды. Хөрмәтле Президентыбыз барыбыз өчен дә үрнәк шәхес! Бүген шулай ук аның эшчәнлегенә багышланган “Бабайда кунакта” паркы да кунакларны кабул итте.

View this post on Instagram

A post shared by "ШАЯН ТВ" (@shaiantv)

Чыганак: Шаян ТВ Инстаграмы

Запись Шаяннар “Бабайда кунакта” впервые появилась Tatar Today - татар яңалыклары..

Балаларны мәктәпкә әзерләү өчен яңа еллык түләүләр барлыкка килергә мөмкин. Бу яңалыкны Дәүләт Думасының Хезмәт, социаль сәясәт һәм ветераннар эше буенча комитет рәисе Ярослав Нилов тәкъдим иткән.

Пособие күләме һәр укучыга 10 мең сум булырга һәм ел саен февраль аенда индексакцияләнергә тиеш. “Мәктәп кирәк-яраклары бәясе елдан-ел арта бара. Бүгенге көндә пандемия аркасында бөтенләй эшсез калучылар яки хезмәт хаклары азайган кешеләр күп”, – дип аңлаткан Нилов.

Депутат исәпләве буенча, баланы беренче сыйныфка әзерләү 20 мең сумга төшәргә мөмкин. Түләүләр федераль бюджеттан булачак. Акчаны алу өчен Россия гражданнары Күпфункцияле үзәккә яки Пенсия фондына мөрәҗәгать итәргә тиеш була. Закон Дәүләт Думасында каралганнан соң, 2021 елның 1 гыйнварыннан гамәлгә керер, дип планлаштырыла.

Чыганак: "Шәһри Казан" газетасы

Запись Балаларны мәктәпкә әзерләү өчен акчалата ярдәм күрсәтеләчәк? впервые появилась Tatar Today - татар яңалыклары..

«Кызым экспериментта катнашты. Беренче прививкадан соң аның температурасы 38 иде, икенче көнне – 37дә күпмедер», дигән ул («РИА Новости» китергән цитата). Путин Россиянең коронавируска каршы вакцинаны беренче булып теркәвен белдереп, препаратның нәтиҗәле булуын һәм иммунитет барлыкка китерүен әйткән.

Фото: http://www.kremlin.ru/

Чыганак: Шәһри Казан

Запись Путинның кызы коронавирустан прививка ясаткан: хәле ничек? впервые появилась Tatar Today - татар яңалыклары..

Татарстанда Татарстан Республикасы Президенты вазифасына кандидатлар күрсәтү өчен документлар кабул итү тәмамланды. Кандидатлар сәяси партияләр тарафыннан гына күрсәтелде, бу очракта үз-үзеңне күрсәтү законнар белән каралмаган.

“Бердәм Россия” партиясеннән кандидат сыйфатында Татарстан Республикасы Президенты Миңнеханов Рөстәм Нургали улы тәкъдим ителде.

“Гадел Россия” партиясенең төбәк бүлекчәсе “Гадел Россия” партиясенең Татарстан Республикасындагы төбәк бүлекчәсе Советы рәисе Михеев Альмир Александровичны күрсәтте.

“Россия комунистлары” партиясенең төбәк бүлекчәсе партиянең Татарстан комитеты беренче секретаре Вәлиев Альфред Рәкыйб улын тәкъдим итте.

ЛДПРның төбәк конференциясе Татарстан президентлыгына кандидат итеп партиянең республика бүлекчәсе координаторы Сурчилов Владимир Валерьевичны күрсәтте.

“Үсеш партиясе” Татарстан Республикасындагы төбәк бүлекчәсе әлеге партия бүлекчәсе рәисе Коробченко Олег Владимировичны тәкъдим итте.

• Татарстан Республикасы Президенты вазифасына кандидатлар күрсәтү өчен документлар кабул итү рәсми рәвештә 12 июль көнне тәмамланды, – дип шәрехли Татарстан Республикасы Үзәк сайлау комиссиясе рәисе Андрей Кондратьев. – Хәзер кандидатлар  күрсәтүне хуплап имзалар җыю бара. Һәр кандидат үзләрен хуплауга республика муниципаль берәмлекләренең 387 депутаты имзасын алырга тиеш. Документларны Татарстан Республикасы Үзәк сайлау комиссиясенә тапшыргач, кандидатлар биргән белешмәләрнең дөреслеге тикшереләчәк.

Татарстан Республикасы Президентын сайлаулар 2020 елның 13 сентябрендә була.

Чыганак:Татарстан Республикасы Үзәк сайлау комиссиясе сайты

Запись Татарстан Республикасы Президенты вазифасына дәгъва кылучылар кем? впервые появилась Tatar Today - татар яңалыклары..

20 июнь Россия президенты белән турыдан-туры элемтә булып үтте. Владимир Путинга сораулар бирүчеләр шактый иде. Кемне нәрсә борчый. Әгерҗедән Алсу Мулләхмәтова да үзенең сүзен әйтергә теләп, Вконтакте социаль челтәрендәге битендә дәүләт башлыгына мөрәҗәгатен язган.

“Исәнмесез, хөрмәтле Владимир Владимирович!

Сезгә төрле социаль челтәрләр аша да мөрәҗәгать итергә мөмкин дип беләм. Мин дә сезгә язарга булдым. Бәлки халыкның тавышы Кремльның бөек стеналары аша сезгә үтеп керә алмыйдыр, бәлки безнең теләкләр сезгә барып җитүгә төрлечә комаучаулыйлардыр да. Бүгенге көндә социаль челтәрләрнең көче зур, шуңа күрә сез мине ишетерсез дип өметләнәм.

Миңа 35 яшь. Мин кечкенә генә шәһәрдә яшим. Минем әйтәсе сүзләрем, теләкләрем дә Россиядә яшәүчеләрнең күбесенеке шикелле үк. Владимир Владимирович, зинһар, ишетегез халыкны!

Кешеләр зыянлы матдәләргә бай ризык ашап үлә, көндәлек ашау рационыбызда гел углеводлар диярлек. Кибетләрдә азык-төлек бәясе узган ел белән чагыштырганда 2-3 тапкырга артты. Ризык киштәләре химия белән тулы. Мондый бәяләр белән җиләк-җимеш, яшелчәләр тиздән кызыл уылдык кебек торачак, бәйрәмнәрдә генә ашый торган деликатеска әйләнәчәк…. Балалар бакчаларында, мәктәпләрдә азык-төлекне арзанрак бәягә тәэмин итүчедән алалар, сыйфатына карап тору юк.

Меңләгән кешеләр яшьли онкология һәм инсульт нәтиҗәсендә үлеп китәләр. Яңгырдан соң үскән гөмбәләр сыман аптекалар саны арта, тик авырулар саны кимеми.

Кешеләр кредитларда “баттылар”. 7 ел элек минем дә бизнесым бар иде, кызганычка каршы, 2014 елдагы кризис аркасында үз эшемне туктатырга мәҗбүр булдым. Әмма күп санлы бурычларым бүген дә тыныч йокларга ирек бирми.

Эш хакы кимеде, шуңа да карамастан, кешеләр эш урыннарын үзгәртә алмый. Чөнки башка эш юк, ипотека да түләргә кирәк. Күпчелек түзеп яшәргә мәҗбүр.

Халыкның чит илгә түгел, үзебезнең көнъякка да барырга мөмкинлеге юк. Үз гомеремдә мин 2 тапкыр диңгездә булдым. Беренче тапкыр балаларым белән бер атна ял итергә бер ел буе акча җыйдым, ә икенче тапкыр эш белән ике көнгә бардым…

Тагын бер куркыныч факт: безнең дәүләт ата – аналары ташлап калдырган балаларны ярата, бу җавапсызлыкны хуплау дигән сүз. Ата – аналары ташлаган балаларны дәүләт үз тәрбиясенә ала. Кайбер кешеләр балалар йортыннан 5-6 баланы тәрбиягә ала, билгеле инде, күпчелекнең чын сәбәбе нидән гыйбәрәт. Аларның балачаклары бәхетсез булса да, киләчәкләре тотрыклы. Аларны чиратсыз балалар бакчаларына алалар, мәктәпкә керергәндә ярдәм итәләр, югары уку йортларына бәйгесез кабул итәләр. Баланың яхшы киләчәге булсын өчен аны хәзерге көндә ташлап китәргә кирәкме? Бу бит абсурд!

Сез статистикага карамагыз! Ул саннар реаль чынбарлыктан ерак!”

Алсу Мулләхмәтованың хаты киң таралды, аның сүзләре белән килешүчеләр күп. Алсу ханым үзен ишетүләренә ышана.

Мәгълүмат Алсу Мулләхмәтованың Вконтакте битеннән

Запись “Бәяләр арта, кешеләр үлә, кредитларда баттык” – Әгерҗедән Путинга халыкның реаль тормышы турында язганнар впервые появилась Tatar Today - татар яңалыклары..

Яшәү урыныбыз – ипотекага алынган 43 кв.метрлы фатир. Күп балалы гаилә буларак, 10 сутый җир алдык, йорт төзеп яшисебез килә. Тик аны менә нинди акчаларга гына төзергә дип баш ватам. Район түрәләренә йөреп арыдым, беркайда да безнең ишегә бернәрсә тиеш түгел булып чыкты, бюджетта да эшләмибез имеш, керемебез дә яшәү минимумыннан арткан. Артмыйча, ирем 30 мең сумга якын акча эшли, мин балага 1,5 яшь тулганчы пособие алам, инвалид балабызның 12 мең пособиесе бар – без «бай» булып чыктык. Ләкин чыгымнарыбыз да дүрт балалык шул. Өстәвенә йорт төзергә банклар акча бирергә җыенмый. Эшләүчебез бер генә, ә иждивенецларыбыз күп. Бирсә дә, 3 миллион алып, 7-8 миллион тирәсе кайтарасы булып чыга. Фатирыбызны да сатып булмый, ичмасам. Ана капиталын кушып алганга, балалар да өлешкә кергән, аларга башка өлеш чыгармыйча, бу фатирны сата алмыйбыз – закон шундый, ә өлеш чыгарыр торак урыныбыз бүтән юк!

Аптырап, Президентыбызга хат язарга уйладым. Яздым да, 2018нче елның сентябрендә гади хат белән юллап җибәрдем, Рөстәм абый, шулай-шулай, ничегрәк йорт салырга, балаларны хезмәткә өйрәтеп, җир эшкәртеп яшисе иде бит, берәр чара юкмы икән, банклар әзрәк процент каерып, безнең ишегә акча бирмәс микән, кем булыша алыр икән, диеп.

Быел февраль башында соцработниклар килеп төште. Ничек яшәвебезне, күпме акча алып, күпме туздырганыбызны теркәп, җавап көтегез, диделәр. Беркөнне менә җавап килде, анда үз районыгыз социаль яклау бүлегенә мөрәҗәгать итегез диелгән. Ул ярдәм Татарстан Республикасы Министрлар кабинетының 2014нче елның 2нче сентябрендәге №635нче карары нигезендә күрсәтелә диелгән иде. Укып чыктым мин ул карарны, анда да безнең ише «байларга» берни каралмаган, шулай итеп, барып йөрүнең мәгънәсе юк булып чыкты.

Бер генә сорау борчый мине Володя абый, Рөстәм абый! Ничек соң үз халкына ярдәм күрсәтә алмый безнең илебез, республикабыз, ә менә Сүрия белән Украина халкына вагонлап булышабыз?

Пенсионерларыбыз хәерче тормышында яши, торыр урыннары булмаганга интегеп туйгач, яшь гаиләләр тарала, балаларны дәваларга СМС аркылы акча җыябыз?! Ә безгә соң кем ярдәм итә ала?

Нигә безгә ул җирләрне таратасыз? Юк бит безнең акчаларыбыз ул йортларны төзеп, балаларыбыз белән рәхәтләнеп яшәргә, эшләргә! Болар бит барысы да чираттагы «показуха». Минем хатым да автомат рәвештә мин юл таптаган шул ук район түрәләренә әйләнеп кайтты да, чара юк дип кенә җавап яздылар. Аны укучы да булмагандыр, укыган булсагыз, ишеткән булыр идегез, бәлки?!

Ил башлыклары, кайчан Сез үзебезнең кешеләр турында уйлый башлыйсыз? Кайчан үзебезнең ил халкына йөзегез белән борылып карап ярдәм кулы суза алырсыз икән?

Түрәләр! Булышыгыз инде безгә – җир алган күп балалы гаиләләргә шул җирләрдә яшәү өчен йортлар күтәрергә.

Сез бит көн саен диярлек чит илләргә очасыз, илебезнең һәм республикабызның отышлы проектларына инвесторлар эзлисез, килешүләр төзисез. Ә бит уйлап карасак, безнең балалар ул – илебезнең дә үзебезнең дә киләчәгебез, димәк, иң отышлы проектлар – алар. Табыгыз чарасын, бирегез безгә ул акчаларны, билгеле, кайтару шарты белән, ләкин кеше күтәрә алмаслык процентларсыз, күпмедер күләмен субсидияләгез, бу бит эшләп булмаслык әйбер түгел безнең бай республикабыз өчен! Ә без үз чиратыбызда шул йортларны тиз арада төзи алыр идек, һәм балаларыбызның яшәү шартларын яхшыртыр идек, һәм дә балаларыбызны илебезнең хезмәт сөючән, лаеклы дәвамчылары итеп тәрбияләрбез, Алла боерса!

Ләйсән ГАЗИЗУЛЛИНА,

Биектау районы, Безнең гәҗит

Фото: Коммерсант

Запись “Володя абый, Рөстәм абый! Кайчан уйлый башлыйсыз?” – Биектаудан Ләйсән Президентларга хат яза впервые появилась Tatar Today - татар яңалыклары..

ХӨРМӘТЛЕ ПРЕЗИДЕНТЫБЫЗ!

Сез дөньядагы татарларның, Татарстаныбызның президенты! Сезне хөрмәт итәбез, сәламәтлек, җан тынычлыгы, ир-ат бәхете, ата бәхете телибез!!!

Сезгә үз конституциябез булган Татарстан республикабыз өчен җаваплы ТАТАР ШӘХЕСЕ буларак тәнкыйть тә ишетергә туры килә, без дә кайвакыт Сезнең милли мәсьәләләрдә кыюрак адымнар ясавыгызны телибез, әйтәбез! Зинһар гафу итегез, әгәр эшкә караганда сүзебез күп китсә! Тәнкыйтьләү яки “Нигә болай булды соң бу?” дип язу ул Сезгә каршы килүебез түгел, ә хәлне уңай якка үзгәртү юлларын эзләү. Сезнең аша татар теле әйбәтрәк халыкка таралачак дип әйтергә теләү! Шуңа да безнең кебек үз көннәрен үзе күрүче, татарлар өчен эшләүче, татар телен күбрәк кулланырга, татарларның хокукларын якларга тырышкан, үзләре татар порталлары, сайтлары ачкан, татар гәҗит-журналлары ачып дөньяга таныткан шәхесләргә, безнең кебек журналистларга да игътибар итсәгез иде. Рәсми матбугат чаралары вәкилләре белән очрашуда без дә Сезгә теләк-сорауларыбызны бирә алсак иде!

2018 елга йомгак ясау очрашуында рәсми матбугат чараларына Сез Рөстәм әфәнде татар теленә бәйле шәп фикерләр әйттегез – “БАРСЫДА ҮЗЕБЕЗДӘН ТОРА. ТАТАР ТЕЛЕН БЕЛМӘҮ – ҮЗЕҢНЕҢ ТАРИХЫҢНЫ, АТА-БАБАЛАРЫҢНЫ ХӨРМӘТ ИТМӘҮ. УЛ ДӨРЕС ӘЙБЕР ТҮГЕЛ! ЭШНЕ ҮЗЕБЕЗДӘН БАШЛАРГА КИРӘК!”дидегез. Шул сүзләрегезнең чынга ашыун, бөек, зирәк, батыр йөрәкле, халкының сулышын тоеп яшәүче, рухи һәм материал хәлен кайгырткан ТАТАРСТАН ПРЕЗИДЕНТ булып калуыгызны телибез! Дин кардәшебез, БРАТЫГЫЗ РАМЗАН КАДЫЙРОВ ӘЙТКӘНЧӘ, СЕЗНЕҢ БЕЛӘН ТАТАРСТАН ЧӘЧӘК АТАЧАК! Аллаһ рәхмәте белән шулай булсын!

СЕЗНЕҢ ХЕЗМӘТЕГЕЗГӘ, АКТИВЛЫККА, 24 СӘГАТЬ ХӘРӘКӘТТӘ БУЛЫП ТАТАРСТАНЫБЫЗ ӨЧЕН ТЫРЫШУЫГЫЗГА БАШ ИЯМ! ИҢ ИХЛАС ТЕЛӘКЛӘР БЕЛӘН “ТАТАР ТУДЕЙ” ПОРТАЛЫ ХУҖАСЫ, ЖУРНАЛИСТ, ҖӘМӘГАТЬ ЭШЛЕКЛЕСЕ, ХӘЙРИЯЧЕ РӨСТӘМ ИСХАКЫЙ!

Запись Tatar Today порталы хуҗасы Рөстәм Исхакый Рөстәм Миңнехановны туган көне белән котлый [видео] впервые появилась Tatar Today - татар яңалыклары..