Архивы проект - Tatar Today - татар яңалыклары.

Вильдан Шәмсетдинов / Вилли Элвин Грей куйган постка туры эфирда үз фикерен белдерде [видео]

Рамиля Валиахметова — Tue, 11 Aug 2020 13:03:23 +0000

// Татар Тудей // Татар Бүген //

9 август, Элвин Грей үзенең инстаграм битендә “VILLI проекты юк” дип язма кертеп, анда Виллиның нәрсәгә хокукы булмавын язган иде. Бүген, 11 август, Вильдан Шәмсетдинов туры эфирга чыгып, әлеге пост буенча үзенең фикерен җиткерде.

Вильдан: ” Проектка кадәр дә, проекттан соң да Вилли булып калачакмын, Вилли ул – мин” , дип җавап бирде.

Видео Вильдан Шәмсетдинов инстаграмыннан

Запись Вильдан Шәмсетдинов / Вилли Элвин Грей куйган постка туры эфирда үз фикерен белдерде [видео] впервые появилась Tatar Today - татар яңалыклары..

“Стопхам” проект катнашучысы Мәскәүдә “Стоп харам” проектын оештыра

Редактор1 editor1 — Thu, 02 Mar 2017 03:27:41 +0000

Шәригать хөкемнәрен бозучыларны ачыклаучы активистлар хәзер Мәскәү урамнарында кизү тора //Татар информ//.

Россия башкаласында «Стоп харам» проектын («хәрәм» – исламда тыелган гамәлләрне шулай атыйлар) танылган «Стопхам» проект катнашучысы Ислам Исмаилов оештырган. Ул мөселманнар арасында гомумкешелекнең әхлакый нормаларын саклауны күзәтергә ниятли. Аерым алганда, бу җәмгыять урыннарында тәмәке тартучы һәм исерткеч эчемлекләр кулланучыларга карый.

“Канун бозучылар” белән проект катнашучылары озаклап әңгәмә үткәрәчәк. Шул ук вакытта YouTube ка видео да яздырачаклар.

“Йөзләгән кеше үзен мөселман дип атаучыларның әдәп, әхлак, дини нормаларны бозганнарын, хәмер эчкәннәрен, кешеләрне куркытып йөргәннәрен күрә. Без аларга киләчәктә болай эшләмәскә кирәклеген аңлатабыз, Аллаһ диненә һәм гомумкешелекнең әхлакый нормаларын үтәргә чакырабыз”, дип белдерә Исмаилов проект катнашучылары төшергән роликта.

Запись “Стопхам” проект катнашучысы Мәскәүдә “Стоп харам” проектын оештыра впервые появилась Tatar Today - татар яңалыклары..

Баланы лагерь урынына авылга җибәрү проектын балалар үзләре ничек кабул итәр?

Редактор1 editor1 — Wed, 14 Dec 2016 09:48:51 +0000

Татарстанда авыл мохитенә “чумарга” теләүчеләр өчен мөмкинлекләр ачыла. Шушы юнәлештәге “Авыл туризмы – шәһәр ыгы-зыгысыннан искиткеч яхшы ял” проекты быел “Татарстан Республикасы өчен иң яхшы 50 инновацион идея” республика конкурсында җиңүгә иреште. Проект “Социаль әһәмияткә ия проектлар” номинациясендә тәкъдим ителгән булган. Бу номинация буенча Татарстанның социаль-икътисади һәм гуманитар үсешенә йөз тоткан проектлар кабул ителгән. //Татар-информ//

Проектның авторы – Яшел Үзән районы Васильево бистәсендә яшәүче Лилия Нургалиева. Ул Казан илкүләм тикшеренү-технологик университеты магистратурасында азык-төлек тармагында бизнес белән идарә программасы буенча икенче курста белем ала. Проектны алар университетның Менеджмент, маркетинг һәм эшмәкәрлек эшчәнлеге кафедрасы мөгаллиме Гүзәл Стрекалова белән берлектә эшләгәннәр.

Лилия Нургалиева быел бизнес-проект төзегәннен әйтте. “Проектны агросәнәгать комплексы үсеше юнәлешләренең берсе буларак карап була. Татарстанда авыл туризмын үстереп була, чөнки яхшы гына рекреацион ресурслар бар”, – диде ул һәм үзләре өчен җиңүнең көтелмәгән булуын әйтте.

Лилия Нургалиева сүзләренчә, бу проект ял белән эшнең бергә үрелеп барылуы белән уникаль. “Без авыл җирлегендә файдалыны күңелле белән бергә үреп, эш белән ялның бергә баруын телибез. Ял итеп берни эшләми яту түгел, ә авыл мохитенә тулысынча чуму күздә тотыла. Алдан килешү нигезендә, әби-бабай янына кайтып, кирәк кадәр вакыт яшисең. Гомере буе шәһәрдә яшәп, авылны күрмәгән кешеләр бар. Менә аларны таңнан торып көтү куып, бакчада эшләтү, кич көтүне каршы алу, сыер саву һәм авылдагы башка эшләргә җәлеп итү күздә тотыла. Билгеле, бакчада эшләтү бушлай ук булмаячак, уңыш өлгергәч, ниндидер продукцияне үзләре белән алып китә алачак. Бу инде экологик чиста азык”, – диде ул.

Лилия Нургалиева социаль сораштыру барышында авылда яшәмәгән кешеләр очраганын, проектның алар күңеленә хуш килүен әйтте. “Авыл туризмының әһәмиятле ягы шунда: балаларын лагерьларга җибәрергә куркучылар бар. Ә болай авылга әби-бабай янына җибәрсә, аларның күңеле тынычрак булачак. Авылдан балалар үсеп-ныгып киләчәк”, – диде ул.

Проект авторы сүзләренә караганда, авылларда балалары белән гаиләләрне кабул итәргә әзер булучылар бар. Проект Яшел Үзән районы Татар Танае авылында, Апас районы Кече Болгаер, Әлмәндәр авылларында инде хуплау тапкан.

Запись Баланы лагерь урынына авылга җибәрү проектын балалар үзләре ничек кабул итәр? впервые появилась Tatar Today - татар яңалыклары..

Нигә “Ревиззоро”ның мәчетләргә йөрүен хәзрәтләр яратмый?

Редактор1 editor1 — Mon, 12 Dec 2016 12:44:26 +0000

Татарстан Диния нәзарәте мәчетләрне тикшерә башлый, ягъни мөселманча «Ревизорро» эшли башлаячак, дигән хәбәр күпләрне пошаманга салган иде. Ни хикмәттер, Казаныбызның берничә мәчетен «барлап» чыкканнан соң, бу проект туктатылды. Әллә инде көтелмәгән кунакларның алдан әйтмичә генә килүе мәчет әһелләрен уңайсыз хәлдә калдырганмы? Әллә проект авторы Рөстәм хәзрәт Батыровның «чеметеп» алулары ошамаганмы?… //Интертат.ру//

Моның сәбәпләрен белер өчен Татарстан мөфтиенең беренче урынбасары Рөстәм хәзрәт Батыровка мөрәҗәгать иттек.

– Безнең максат бер иде: мәчетләребез хакында халыкка күбрәк мәгълүмат бирү. Иман йортларына барып тулы репортаж аша таныштыру. Казанга туристлар агымы артты, алар гыйбадәтханәләр белән шактый кызыксына, ләкин күбесе нинди мәчетне сайларга, кайсына барырга икәнен белми. Хәер, шәһәребездә яшәүчеләр дә барысыннан да мәгълүматлы дип әйтеп булмый. Максатыбыз – мәчет турында тулы репортажлар эшләү иде. Төрле яктан ачыклап, барлап чыгарга иде исәп. Ә «Ревизорро» сүзе башкаларны күбрәк җәлеп итү өчен кулланылды. Эчтәлеге буенча ул «Пятница» каналында бара торган тапшыруга бөтенләй охшамаган. Берничә тапшыру эшләдек тә инде, – ди Рөстәм хәзрәт.

Аның сүзләренә караганда, Алла боерса, бу проект алдагы көннәрдә дә дәвам итәчәк. Кайбер хәзрәтләр, имам-хатыйплар мондый чараларга әзер түгеллеген белдергән. Шуның өчен дә исламча «Ревизорро» туктатылып тора.

– Шәһәребездә урнашкан музей, театр, башка сәнгать объектлары, биналар хакында язмалар әзерләнә, тапшырулар төшерелә, ә нишләп әле без Аллаһ йортларын киң җәмәгатьчелеккә чыгармаска, алар белән таныштырып бармаска тиеш ди?! Миңа калса, бу – бик кызыклы һәм нәтиҗәле проект булачак. Казанда җәмгысы 70-80 гыйбадәтханә бар диләр, ә күпләр аларның кайда урнашканын, анда ничек барасын да белми бит. Шәхсән үземнең дә шәһәребезнең бөтен мәчетләре белән танышып, күреп чыгасым килә. Шулар турында мәгълүматлар тупланып, язылып барса, бер дә гөнаһы булмастыр, – дип җавап бирде Татарстан мөфтиенең беренче урынбасары.

Аллага шөкер, шәһәребез мәчетләргә бай, әле яңалары да төзелеп тора. Бай тарихлы, архитектура ягыннан үзенчәлекле булганнары да җитәрлек. Совет чорында да эшчәнлеген туктатмаганнары аеруча горурлык хисләре уята… Аллаһ йортлары турында даими рәвештә тапшырулар әзерләнсә, материаллар бастырылып торса, һич кенә дә артык булмас иде.

Заманында язучы, журналист Хәйдәр Гайнетдинов телевидениедә «Мәчетләребез» дигән тапшырулар циклы алып бара иде. Аның хезмәтләрен «Татарстан – Яңа гасыр» каналы әле бүген дә файдалана. Мондый тапшыруларны татар телендә бәлкем яңадан башлап җибәрергәдер? Дин әһелләренең төпле фикерләре белән дәлилләнеп барса, тагын да үтемлерәк булачак.

Запись Нигә “Ревиззоро”ның мәчетләргә йөрүен хәзрәтләр яратмый? впервые появилась Tatar Today - татар яңалыклары..

Гүзәл Уразова көнгә ничә сум хәйриягә бирүен әйтте

Редактор1 editor1 — Tue, 27 Sep 2016 04:12:41 +0000

Гүзәл Уразова куркыныч авырулары булган балаларга ярдәм итәргә өнди.

“Минем сезгә бер мөһим проект турында сөйлисем килә, ул бик куркыныч авырулары булган балаларның хыялларын чынга аштыра. Проект “Минем белән бергә хыяллан” дип атала, монда бүләкләр бирмиләр, ә балаларны үзләрен катнаштырып, аларның хыялларын чынга аштыралар. Бу проект балаларны диңгезгә алып барып кайтты, самолетның штурвалы янында очтырды, яраткан футболистлары белән күрештерде. Һәр ай монда яңа хыяллар чынга аша. Сез бу проектка ярдәм итә аласыз! “Мечтайсомной.рф” сайтына кереп, үзегезгә ничек булышырга уңайлырак карагыз. Минем кебек көненә биш сум ала торган иганә биреп бара аласыз һәм сез куркыныч авырулары булган балаларга хыялларын чынга аштырырга ярдәм итәрсез”, дип язган җырчы Инстаграмында.

View this post on Instagram

A post shared by Гузель Уразова певица (@guzelurazova)

Фото: pp.vk.me сайтыннан

Запись Гүзәл Уразова көнгә ничә сум хәйриягә бирүен әйтте впервые появилась Tatar Today - татар яңалыклары..