Архивы прокурор - Tatar Today - татар яңалыклары.

Башын ярып хатынын үтерә, ә аннары…

Alina — Fri, 14 Feb 2020 05:55:58 +0000

Төньяк Осетиянең элекке прокуроры Игорь Чельдиев үз дачасында хатыны Ирина Боженконың мәете табылганнан соң гаебен таныган.
Ул белдерүенчә, алар арасында конфликт килеп чыккан, аның барышында ул хатынның башын ярган. Шуннан соң участогында чүп-чар арасына күмеп куйган.

Чельдиевны тоткарлаганнар, «Кеше үтерү» мәддәсе буенча җинаять эше кузгатылган.

Элегрәк Эчке эшләр министрлыгы оперативниклары югалган хатын-кызны эзләү барышында Чельдиевның ихатасында калкыбрак торган урынга игътибар иткән. Шул вакытта ир хатынының мәете шунда ятуын таный. Шул ук вакытта ул, хатын үзе егылды һәм башын ярды, шул сәбәпле үлде, дип белдерә.

Игорь Чельдиев Федераль иминлек, милләтара мөнәсәбәтләр һәм экстремизмга каршы тору турындагы законнарның үтәлешенә күзәтчелек бүлегенең өлкән прокуроры вазыйфасын башкарган.

Мәгълүмат Кызыл Таң

Запись Башын ярып хатынын үтерә, ә аннары… впервые появилась Tatar Today - татар яңалыклары..

Рамил Шәрәповның “Алимент- 18 еллык кредит” дигән сүзләре Кукмара прокурорын 300дән артык бала әтисе 40 миллион сумлап бурычлы булуын әйттерә

Алина — Mon, 29 Oct 2018 17:31:05 +0000

Кукмара районы прокуроры Ришат Шакиров үзенең инстаграм битенә борчулы язма урнаштырган. Язмада сүз җитди мәсьәлә- алимент турында бара. Постка ул Рамил Шәрәпов белән төшкән фотосын куйган. Язмасын да Шәрәповның сүзләреннән башлый.

“Рамил Шәрәповның шаян бер сүзе бар:”Алимент – ул акылсыз ир-атның 18 еллык кредиты” Ләкин бүгенге көндә бу бик җитди мәсьәлә. Кукмарада гына алимент буенча бурыч 40 млн. сумнан артык тәшкил итә. Ә бу бит 300 дән артык баланың тормышы. 40 тан артык кеше административ, 4 – җинаять җаваплылыгына тартылган.
Алиментлар түли башласыннар өчен нинди чаралар күрергә кирәк дип уйлыйсыз?” , дип язып Ришат үзенең инстадусларына мөрәҗәгать иткән.

Әлбәттә прокурорның бу язмасы берәүне дә битараф калдырмаган. Инстадуслары бу мәсьәлә буенча аңа үзләренең фикерләрен, тәкъдимнәрен җиткергәннәр.

“Эш таба алмаган ир-атларга эш табып бирергә, әгәр эшкә чыкмасалар җаваплылыкка тартырга.” , “Алимент түләмәгән аталар белән сөйләшүләр алып барырга, үзләрен бала һәм ялгыз ана урынына куеп карап, уйлау мөмкинлеге бирергә”, “Ялгызың бала үстерүче, ире алимент түләмәүче аналарга субсидияләрне арттырсыннар иде”, дигән фикерләр язганнар пост астына.

View this post on Instagram

A post shared by Ришат Шакиров (@rishat__shakirov)

Запись Рамил Шәрәповның “Алимент- 18 еллык кредит” дигән сүзләре Кукмара прокурорын 300дән артык бала әтисе 40 миллион сумлап бурычлы булуын әйттерә впервые появилась Tatar Today - татар яңалыклары..

Кукмара прокурорының баш прокурорга бүләк турында шаяруы интернет-хитка әйләнде [видео]

Лэйсирэ — Mon, 18 Jun 2018 16:55:47 +0000

Кукмара прокуроры Ришат Шакировның Татарстан баш прокуроры Илдус Нәфыйковның туган көненә нәрсә бүләк итәргә кирәклеге турында шаяруы интернетта бик кыска вакыт эчендә популярлык казанып өлгерде. Әлеге минутларга аны 9 мең кеше карап, 100дән артык комментарий калдырган.

Роликта Ришат Шакиров һәм “Рәвеш” юмор театры артистлары Әбри Хәбриев белән Фәрит Галиев Илдус әфәндегә ни-нәрсә бүләк итәргә дип баш ваталар.

«Әйдәгез 100 литр бензин бүләк итик. Ә бәлки хатынына берәр ни кирәктер?» — дип фикер алыша егетләр. Ахыр чиктә Илдус Нәфыйковка җыр бүләк итәргә карар кылалар.

С Вашим днём, Илдус Саидович! P.S. Сегодня босс будет шутить исчерпывающе: другим будет не до шуток…?? P.P.S. Респект @abri_xabrieff @farit_galiev за участие.✊?#деньрождения #ИлдусНафиков #прокуратурареспублики #Кукмор #РишатШакиров #прокурорскаявысота

Публикация от Ришат Шакиров (@kukmor_prokuror) 11 Июн 2018 в 9:19 PDT

Запись Кукмара прокурорының баш прокурорга бүләк турында шаяруы интернет-хитка әйләнде [видео] впервые появилась Tatar Today - татар яңалыклары..

Elvin Grey кабат Кукмара прокуроры янына килә, Тямаевның да аңа сүзе бар

Редактор1 editor1 — Fri, 13 Jan 2017 17:05:45 +0000

12 гыйнвар Русиядә прокуратура хезмәткәре көне билгеләп үтелә. Прокуратура вәкилләреннән кала, җырчы Elvin Grey белән Фирдүс Тямаев өчен дә якын икән бу көн. //Tatar Today//

View this post on Instagram

A post shared by Elvin Grey (@elvin_grey_music)

Ник дигәндә, ул махсус Кукмара районы прокурорын – Ришат Шакировны котларга дип, Кукмарага ук барган.

Радик Юльякшинны, гомумән, соңгы арада нигәдер шул районга тарта. Исегездәдер әле, күптән түгел, Elvin Grey белән Кукмара район мәдәният йорты директоры Алмаз Мостафин арасында килеп чыккан хәл бөтен интернетны шаулаткан иде.

Инде менә бу юлы бәйрәм форсаттыннан булса да, җырчының җаны һаман шул төбәккә алып барган. Прокурорны ул шәхсән кул биреп профессиональ бәйрәме белән котлый.

Радик кына түгел, җырчы Фирдүс Тямаев та Ришат Наилевичны хокук сагында торучылар көне белән тәбрикли. Ләкин Кукмарага барып түгел, видео гына матур сүзләр җиткерә.

View this post on Instagram

A post shared by Фирдус Тямаев (@firdustyamaev_official)

Запись Elvin Grey кабат Кукмара прокуроры янына килә, Тямаевның да аңа сүзе бар впервые появилась Tatar Today - татар яңалыклары..

Элек казлар таптатып танылган Татарстандагы прокурор балалар арасында рәсем бәйгесе игълан итә

Редактор1 editor1 — Thu, 22 Sep 2016 12:20:50 +0000

Нюренберг процессының 70 еллыгына багышланган бу бәйгедә мәктәп укучылары рәсемнәр төшереп, төрле эшләнмәләр ясап катнаша ала. //Азатлык радиосы//

Бүгенге көндә Татарстанның Кукмара районында эшләгән һәм аңарчы Апаста каз түшкәләрен таптату кыйссасы белән танылган прокурор Ришат Шакиров Нюренберг процессының 70 еллыгы алдыннан мәктәп укучылары арасында рәсем һәм эшләнмәләр бәйгесе игълан иткән.

“Наци Германиясенең баш җинаятьчеләрен мәхкәмәгә тапшыру өчен оештырылган Нюрнбергтагы халыкара хәрби трибуналның 70 еллыгы уңаеннан Кукмара районы прокуратурасы мәктәп укучылары арасында рәсем һәм эшләнмәләр бәйгесе игълан итте”, диелә Татарстан прокуратурасы сайтында.

Әлеге рәсемнәр һәм эшләмәләр Кукмараның җәмәгать урыннарында экспозиция буларак куелачак икән.

Бәйге җиңүчеләре район прокурорыннан истәлекле бүләкләр алачак.

Кукмарага кадәр Ришат Шакиров Апас районы прокуроры булып торды. Путин хакимияте Европа берлегеннән Русиягә азык-төлек кертүне тыю фәрманын чыгаргач, Апасның бер кибететендә Маҗарстаннан кайтарылган өч каз түшкәсен табып, аларны бульдозер белән таптату аркасында танылды. Шул гамәл төшерелгән видеосы интернетта таралып, Татарстанны бөтен дөньяга хур иткән иде.

2014 октябрендә Ришат Шакиров тәкъдиме белән Апас район мәхкәмәсе мөселман галиме Сахих әл-Бохариның 52нче хәдисләр җыентыгын экстремистик дип тапкан иде. Прокурор анда бер динне башкаларыннан өстен кую тырышлыгын ачыклаган булып чыкты.

Соңрак Апас район прокуратурасы дәгъвасы белән бар Русия буйлап 136 порнография сәхифәсе ябылырга тиеш дигән карар чыгарылды.

Шакиров Апаста эшләгәндә прокуратура бинасы каршында урыс патшасы, татарларга каршы кырыс эзәрлекләү сәясәте алып барган Петр Беренчегә дә таш сын урнаштырды.

Фото: kukmor.tatarstan.ru сайтыннан

Запись Элек казлар таптатып танылган Татарстандагы прокурор балалар арасында рәсем бәйгесе игълан итә впервые появилась Tatar Today - татар яңалыклары..