Башлангыч версия буенча, ике ир кәеф-сафа корып утырган. Ә аннары алар арасында конфликт чыккан. Йорт хуҗасы өлкән яшьтәге кунакка пычак белән 15 яра салган. Зыян күрүче табиблар тырышлыгы нәтиҗәсендә генә исән калган.

Әлеге очрак буенча материаллар төбәк Тикшерү комитетына тапшырылган, җинаять эше кузгатылган. Шикләнелүче кулга алынган, дип хәбәр итә Башкортстан буенча Эчке эшләр министрлыгының матбугат хезмәте.

Чыганак: Кызыл Таң

Запись Пычак белән 15 яра салганнар… впервые появилась Tatar Today - татар яңалыклары..

Новосибирск өлкәсенең Смоленский поселогында 8нче сыйныф укучысын мәктәпнең завучын үтерүдә гаепләп кулга алганнар. Бу хакта “Вести Новосибирска” хәбәр итә.

Фаҗига 9 июль төнендә булган. Хокук сакчылары фаразы буенча, үсмер хатынны таларга уйлый, моның өчен аның торагына үтеп кергән. Күрәсең, ханым, шау-шудан уянып, укучыны тоткарларга маташкан, шунда ул аңа берничә тапкыр пычак белән чәнечкән. 56 яшьлек укытучы шунда ук җан биргән.

Полиция хезмәткәрләре үсмерне калдырган әйберләре — перчаткасы һәм кроссовкасы аркасында оператив тоткарлый алган. Ул җинаять кылуда гаебен таныган. Үтерү факты буенча җинаять эше кузгатылган, укучы кулга алынган.

Фото: vladtime.ru

Чыганак: Кызыл Таң

Запись Үсмер укытучысын таларга өенә керә һәм пычак белән… впервые появилась Tatar Today - татар яңалыклары..

Җинаятьче кулыннан зыян күрүчеләрне ашыгыч рәвештә хастаханәгә озатканнар. Ләкин 22 яшьлек егетнең гомерен табиблар саклап кала алмый. Ул реанимация бүлегендә һәлак була. Тагын бер 24 яшьлек егетнең гомере өчен табиблар көрәшә.

Полиция хезмәткәрләре җинаятьчене эзли.

Фото: Реальное время

Запись Чаллыда полиция урамда кешеләргә пычак белән һөҗүм итеп йөрүчене эзли впервые появилась Tatar Today - татар яңалыклары..

Яшь ир-ат берничә пычак ярасы, баш җәрәхәте алган һәм госпитализацияләнгән. Шәһәрнең 7нче клиник хастаханәсендә хәбәр итүләренчә, егетнең хәле уртача авыр дәрәҗәдә. Операциядән соң аны нейрохирургия бүлегенә күчергәннәр.

«Әлеге һөҗүм КФУда укыган Чад Республикасы гражданины үлеменә кагылышлы дип матбугатта таралган хәбәрләр дөреслеккә туры килми. Бу ике очрак бер-берсе белән бөтенләй бәйләнмәгән», – дип аңлатты Россия Эчке эшләр министрлыгының Казан буенча идарәсенең җәмәгатьчелек буенча элемтәләр бүлеге җитәкчесе Рәшит Хмидуллин. Һөҗүм итүдә ике яшь егет шикләнелә. Зыян күргән егетнең алар белән таныш булу ихтималы кире кагылмый.

Хәзерге вакытта җинаять эше кузгатылган.

Запись Казанда тагын бер яшь егетне пычак белән кадаганнар [коточкыч һөҗүм] впервые появилась Tatar Today - татар яңалыклары..

Бу куркыныч хәл Раштуа бәйрәме алдыннан Буаның мәдәният йорты янында була.

Шаһитләрнең сүзләре буенча егет белән кыз талашкан мәлдә, егет ачуланып, башка берәү белән аңа хыянәт итүен әйтә. Шуннан соң, кыз аңа уйламыйча да пычак кадый.

Егетне ашыгыч рәвештә Буа районының хастаханәсенә алып китәләр. Операция ясыйлар.

Хәзерге вакытта кызга “Аңлы рәвештә сәламәтлеккә авыр зыян салу” маддәсе буенча җинаять эше кузгатылган. Аңа 10 елга кадәр иректән мәхрүм итү җәзасы каралган.

Запись Егетләр генә түгел, кызлар да көнләшеп җинаятькә бара ала… [Буадагы фаҗига] впервые появилась Tatar Today - татар яңалыклары..

Әлеге хәл бер атна элек була. Ир белән хатын сүзгә килеп, әрләшә башлый. Күп тә үтми, ир сабырлыгын җуеп хатынына пычак ыргыта. Ләкин пычак хатынга түгел, ә аның кулында булган 3 яшьлек балага кадала. Баланың аркасы җәрәхәтләнә.

Хәзерге вакытта ана белән бала хастаханәдән чыгарылган. Әлеге очрак буенча тикшерү эшләре бара.

Мәгълүмат Слава труду сайтыннан алынды

Запись Баулы районында ир-ат 3 яшьлек улына пычак аткан впервые появилась Tatar Today - татар яңалыклары..