Архивы Рәфинә Ганиуллина - Tatar Today - татар яңалыклары.

Рәфинә Ганиуллина: “Кабартылган иренең ошамый дип язгач, филлерларны эретә торган препарат кадаттым”

Р Л — Mon, 14 Apr 2025 07:08:36 +0000

Рәфинә Ганиуллина “Ирек мәйданы” гәзитенә иреннәрен күпертү турындагы сорауга җавап биргән:

“3-4 ел элек, косметолог киңәше белән беренче тапкыр иренәремне бераз гына күперткән идем. Моны сизүче дә булмады. Нәтиҗәсе үземә ошады. Иреннәр табигый, тулышып торалар иде. Бер елдан соң тагын укол кадаттым. Бу юлы косметолог белән бер-беребезне аңламаганбыз, күрәсең. Үзем дә белмичә, иреннәрне күбрәк кабартып җибәргәнмен.

Иреннәр мәсьәләсендә тәнкыйть белән килешәм. Йөземә килешми кебек, үземә дә ошамады. Минемчә, барыбер кешенең табигый матурлыгы күпкә затлырак күренә. Табигыйлек һәрвакыт модада.

Гомумән, “үрдәк иреннәрне” яратмыйм. Тамашачылар да, матур түгел дип комментарийлар яза башлагач, икеләтә авыр кабул иттем. Ахыр чиктә, филлерларны эретә торган препарат кадатырга мәҗбүр булдым. Иреннәрне үземә ошаган рәвешкә китердем.

Бүген кабартылган иреннәр модадан чыкты инде. Табигый матурлыкка өстенлек бирәләр. Тумыштан бик юка, нечкә иренле кызларга, теләсәләр, аз гына күпертеп җибәрергә буладыр. Иң мөһиме – чама хисен онытмаска кирәк. Бит белән бәйле процедуралар ясатканда, алдан укырга, белешергә, косметологлар белән киңәшергә, ышанычлы белгечләр генә сайларга киңәш итәм”.

Рәфинә Ганиуллинага социаль челтәрләрдә: «Рәфинә, үпкәләмәгез! Сез элек бик чибәр идегез, бу иреннәр сезне ямьсезли», – дип язганнар иде. «Әйе, артыграк булган шул. Ярар, бераздан шиңә ул. Минем чибәр булганым да юк, дөресен әйткәндә. Иреннәремне күпертсәм рәт кермәсме, дигән идем. Алай да булмады», – дип җавап биргән җырчы.

ЧЫГАНАК: https://im-tatar.ru/2024/07/4315/

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Рәфинә Ганиуллина: “Кабартылган иренең ошамый дип язгач, филлерларны эретә торган препарат кадаттым” впервые появилась Tatar Today - татар яңалыклары..

Рәфинә Ганиуллина: «Карават бүләк иткәннәре юк иде»

Лейла — Thu, 10 Sep 2020 10:20:41 +0000

Шушы көннәрдә Рәфинә Ганиуллина 35 яшен билгеләп үтте. Гадәттә, алар һәр бәйрәмне биш кыз һәм әниләре белән уздырсалар, быел Резедәләре чит илдә калды. Рәфинәгә ире гадәти булмаган бүләк ясаган. Рәзил аңа икесе бергә йокларга дип карават бүләк иткән. Баянчы белән җырчы ни хәлләрдә яшәп яталар икән? Рәфинәдән әнә шул хакта сораштык.

– Биш кыз туганның икесе генә кияүдә дип беләм. Гаиләле булу рәхәтме, Рәфинә?

– Без кечкенәдән әти исән булып, әтиле ятим үскән балалар. Тулы гаиләдә үскән балалар бүтән төрле, безнең кимсенгән чаклар да күп булды. Әти эчү белән харап булды. Кичен холкы начарланып тавыш чыгарса да, иртәгесен әнидән гел гафу сорый иде. Әни кичерә килде. Күп әйбергә түзде. Китсәм, зыян салыр дип тә уйлагандыр инде. Әни безнен хакка әти белән аерылышты. Ул биш баласы өчен җаваплылыкны тойганга күрә тәвәккәлләгән һәм бу тормышта үзенен җинүче икәнен исбат итте. Безне биш кызын бер үзе аякка бастыра алды. Миңа гаиләм бик кадерле. Кирәк чакта сабыр итеп, юл куеп яшәргә тырышам. Балаларым тигез канатлы булып үссен, дим. Рәзил белән миңа бик рәхәт. Бер-беребезне аңлыйбыз. Икебездә иҗатта булгач без һәрвакыт бергә. Эшебез уртак булганга күрә бәхәсләр дә еш туа, ләкин без уртак фикергә килә беләбез, тавыш чыкса зурга жибәрмибез, ачу саклап йөрмибез. Бу безгә комаучаламый, киресенчә без тик тормыйбыз, үсештә. Иң мөһиме – тавыш чыкмасын.

– Гаилә тормышы рәхәт булгач, нигә сеңелләрен кияүдә түгел?

– Безнен уртанчы кызыбыз Люция кияүдә. Резеда эш буенча Һиндстанда, чикләр ачылгач кайтачак. Калган ике кызыбыз гаилә корырга бик ашыкмый әле. Аларда бәлки ир-атларга карата ышаныч хисе житеп бетмидер дип уйлыйм мин. Бу мәсьәлә аларны борчыганга күрә, Инстаграмда да үзләрен «ымсындыргыч» тоталар. Алар замана шаукымына ияреп халыкка хайп кирәк дип саныйлар, ә үзләренең репутацияләре турында онытып жибәрәләр кебек. Кайчан да булса ялгыш фикер йөртүләрен анларлар дип ышанып калам. Ни дисәң дә, адәм баласы яхшылыкка, сафлыкка омтылырга тиеш!

– Әтиең белән дуслаштыгыз кебек…

– Бөтенебез дә нишләп үзен төзәтә алмады икән ул дип баш ватабыз. Әти бик булдыклы, чибәр кеше. Әмма аңа аракы хуҗа. Ә беләсезме, нинди тырыш, булдыклы нәселдән ул. Аның сеңелләренең тормышын күрсәгез! Кай арада өлгерәләр. Җиләген дә җыялар, бакчада да эшлиләр. Күп итеп маллар тоталар. Һәркайсында 5-6 шар сыер. Шөкер, алар безне бик яратып, үз итеп каршы ала. Без Уразбахтыга кайткач, күбрәк авыл башында яшәүче Гөлнәзирә апага тукталабыз. Шул арада мичкә бәлеш тә кергән була, мунчасын да ягып җибәрә. Без кайтканны белгәч, тиз генә әти дә килеп җитә. Тормышта хаталар булмый тормый, кичерә белергә кирәк дип уйлыйм мин. Безне әни шулай өйрәтте. Ул үзе дә беркемгә дә ачу тотмый. Иремнең әнисен дә бик хөрмәт итәм. Ара ерак дип тормый, килеп хәлләребезне белә. Оныкларын да караша. Мин аңа аерым рәхмәтлемен.

– Әниегезнең хәлләре ничек?

– Әниебез 4 ел элек бик авыр инсульт кичергәннән соң сөйләшә алмый, мөстәкыйль тугел. Сенелләрем белэн чиратлашып карыйбыз, туганнарыбыз да бик булыша. Әнинең аппетитына һәм йокысына зыян килмәде, бөтен нәрсәне анлап яши. Сонгы елларда язучылык белән шөгылльләнеп журналистикага тартылган иде, хикәяләрен китап итеп тупладык, үз хыялын үз куллары белән тотып карарга насыйп булды аңа!

– Бер кыз алып кайтасың килмиме?

– Планда бар ул. Аллаһы Тәгалә ни язган бит. Әгәр бирә икән, ничек алып кайтмыйсың инде. Әлегә улларымны тәрбиялим. Иң мөһиме – сау-сәламәт булсыннар. Мин шөкер итә торган кеше. Булган тормышым өчен бик рәхмәтлемен.

Чыганак: Ватаным Татарстан

Запись Рәфинә Ганиуллина: «Карават бүләк иткәннәре юк иде» впервые появилась Tatar Today - татар яңалыклары..

Рәфинә Ганиуллина: “Бу дөньяда бәхетле яшәр өчен ничә катлы булырга кирәк соң, әни?”

Alina — Wed, 12 Jun 2019 14:34:44 +0000

Рәфинә Ганиуллина үзенең инстаграм битендә әнисенең хаты турында сөйли. Аның әнисе гомер буе көндәлекләр алып барган. Беркөнне җырчы шул көндәлекләр арасыннан әнисенең хатын табып алган. “Өч ел элек, инсульт кичергәннән соң, сөйләшә, яза алмый торган булып калды шул ул безнең, әллә сизенгән инде? – дип яза Рәфинә.

Хатны җырчы нәсихәт дип, атый. Хат, чынлап та, шундый эчтәлектә. Әнисе кызларын үзе кебек беркатлы булмаска өнди, аларның гаиләле булуларын, ялгызлыкта калмауларын тели.

Рәфинә хатны укыган вакыттагы уй-хисләрен дә язмасында әнисенең сүзләренә сорау буларак чагылдыра: “Бу дөньяда бәхетле яшәр өчен ничә катлы булырга кирәк соң, әни? Син бәхетсез идеңмени? Әллә артык көчле булганың өчен сынады микән сине язмыш?”

Әнисенең: “Ярый, кызым! Гөлләремә су сибәргә онытмагыз!” – дигән сүзләренә дә җырчының җавабы әзер. “Юк, әни, онытмабыз! Гөлләрең чәчәк атсын өчен, без бар көчебезне куярбыз!” – ди ул.

https://www.instagram.com/p/Bym5EEInLHv/?igshid=8deds

Мәгълүмат Рәфинә Ганиуллина Инстаграм битеннән

Запись Рәфинә Ганиуллина: “Бу дөньяда бәхетле яшәр өчен ничә катлы булырга кирәк соң, әни?” впервые появилась Tatar Today - татар яңалыклары..

Икенчегә әни булырга җыенучы Рәфинә Ганиуллина фотоларын күрсәтә

Гузель — Mon, 04 Mar 2019 11:06:02 +0000

//Tatar today//

Икенчегә әни булырга җыенучы җырчы Рәфинә Ганиуллина шушы көннәрдә фотосессиядә катнашкан. Ул матур күлмәкләрдән фотоларга төшкән һәм Инстаграмда дусларына күрсәткән.

“Мондый төр фотосессияләр хәзер бик популярлашты, мин дә ясарга булдым Хатын-кызның «күркәм чорын» сәнгатьле итеп, истәлекле фотоларда саклап була, бары тик сузмаска гына кирәк. Əлбәттә, үз эшен чын күңелдән яратып, белеп башкарган оста фотографны да эзләп табу мөһим”, дип уртаклашкан җырчы.

Язылучылары Рәфинәгә бер-бер артлы фикерләр язып калдырган. “Карбыз йотканыңны сизми дә каласы булганмын, үзең әйтмәсәң”, “Кыз алып кайтасызмы?”, “Собханалла! Хайран түгәрәкләнгәнсез икән”, дип уртаклашкан алар.

View this post on Instagram

A post shared by Рафина Ганиуллина (Rafina'D) (@rafinaganiullina)

Запись Икенчегә әни булырга җыенучы Рәфинә Ганиуллина фотоларын күрсәтә впервые появилась Tatar Today - татар яңалыклары..

“Оятсызлыкның чиге юк!” Рәфинә Ганиуллинаның купальниктан төшкән фотосурәтен тәнкыйтьлиләр

Алина — Thu, 21 Feb 2019 17:19:55 +0000

Җырчы Рәфинә Ганиуллина Инстаграмга купальниктан төшкән фото куйган. Ә фото астына башындагы кайбер капма-каршы фикерләрләрен язган:

1. Кагыйдәләргә буйсынырга яратмыйм, әмма режим буенча яшәмәсәң – эш бармый;

2. Үземне чибәр кеше дип санамасам да, тирә-юньгә матурлык өләшергә телим;

3. Укырга яратмыйм дип ялгышкан булганмын, китаплардан үзем өчен бик күп ачышлар ясыйм;

4. Минем турында нәрсә уйларлар икән дип артык кайгырмыйм, ләкин үзем ышанган, үрнәк алырдай кешеләрнең фикеренә колак салам;

5. Мин бик реалист кеше булуга карамастан, гел хыялларыма чумып яшим;

6. Куйган максатларыма ирешеп, хыялларыма тугры буласым килә.

Тик җырчының инстадуслары гына купальниктан төшкән фотоны куену хупламаганнар. Фото астына бик күп негатив фикерләр язганнар:
“Ятсызлыкның чиге юк”

“Кирәкмәс иде”

“Әстәгъфирулла… Татар эстрадасы акылдан яза башлаганмы соң? Бу нинди әкәмәт инде? Берсеннән берсе уздырырга тырышалар. Позор”.

“Башлары китә башлады инде бу артистларның”

“Шәрә тән белән карточка кую хөрмәткә лаек тугел , ни хәтле генә фигураң килешле булса да”

View this post on Instagram

A post shared by Рафина Ганиуллина (Rafina'D) (@rafinaganiullina)

Запись “Оятсызлыкның чиге юк!” Рәфинә Ганиуллинаның купальниктан төшкән фотосурәтен тәнкыйтьлиләр впервые появилась Tatar Today - татар яңалыклары..

Рәфинә Ганиуллина: “Инде яшереп булмас, тагын бер яңалыгыбыз бар”

Лэйсирэ — Mon, 21 Jan 2019 07:43:49 +0000

“Берничә елдан күпләр сәхнәдән төшеп калачак, ә син өскә күтәреләчәксең, иманым камил. Чөнки безнең халык моңлы җырчыларны бик көтеп ала, ярата. Син башкалардан моңың белән аерылып торасың”, – дип язып кадырган бер ханым аның турында интернетта. Әйе, сүз җырчы Рәфинә Ганиуллина хакында бара. Һәм без аның белән бүген әңгәмә корабыз.

– Рәфинә, Яңа ел бәйрәмнәре ничек узды? Ялларда ниләр эшләдегез?

– Яңа елны гаиләм белән каршы алдым. Ялларда Башкортстан якларына юл тоттык, 4 январьда Габделфәт Сафин концертында чыгыш ясадым. Аннан Рәзилнең туган ягы – Тәтешледә бәйрәм концерты куйдык, кунак булдык.

– “Хәлләремне сорама, бар да искечә. Ә менә яңалыклар күп булачак”, – дигәнсең инстаграмда. Нинди яңалыклар көтелә?

– Бүген әзерлек эшләре белән янабыз. 24 январьда Казан тамашачысына Филармониядә “Исемсез хат” дигән концертымны тәкъдим итәбез. Инде яшереп булмас, тагын бер яңалыгыбыз – икенчебезне көтәбез. Әлегә малаймы, кызмы – билгесез. Сәламәтлек булганда әнине куып җитәргә исәп. Рәзилнең 91 яшьлек диндәге дәү әнисе Фәния – ак әбиебез һәр иртәсен дога укудан башлый, үземә атап бик матур теләк теләде: “Ходаем, үзең төйнәгән төеннәрне чишәргә көч бир!” дип әйтергә онытма”, – диде.

Әңгәмәне "Акчарлак" газетасының 2019 елгы 2 нче саныннан укырга була.

Фото: җырчының ВКонтакте битеннән

Запись Рәфинә Ганиуллина: “Инде яшереп булмас, тагын бер яңалыгыбыз бар” впервые появилась Tatar Today - татар яңалыклары..

Зөлфия Мансурның китабы дөнья күрде!

Чулпан — Fri, 19 Jan 2018 14:08:31 +0000

Шушы көннәрдә иҗади кызлар Ганиуллиналарның әниләре Зөлфия Мансуриның китабы дөнья күрде. “Мин көтәрмен, тик син…ашыкма” дип аталган китап чыгу турындп хәбәр белән Рәфинә Ганиуллина Инстаграмда бүлеште. //Tatar today//

Китап чыгаруда “Акчарлак” нәшрият йорты ярдәм иткән. Бу китапта авторның гаилә ыгы-зыгылары, яралы язмышлар, гыйбрәт алырлык хәлләр, мәхәббәт һәм хыянәт тарихлары турындагы хикәяләре кергән.

https://www.instagram.com/p/BeIimp0H–U/?taken-by=rafinaganiullina

Запись Зөлфия Мансурның китабы дөнья күрде! впервые появилась Tatar Today - татар яңалыклары..

“Ярымшәрә тәннәрдән торган клипларга чын ТАТАРЧА клип белән җавап” [видео]

Редактор1 editor1 — Fri, 18 Nov 2016 07:07:59 +0000

Татар халкына хас булмаган, ярымшәрә тәннәрдән торган клиплар караган чакта күңел гел матур клиплар барлыкка килүенә өметләнә, юрый иде. Татар юрап китерә,ди. Менә әлеге көннәрдә генә яшь җырчы Рәфинә Ганиуллина тамашачысы игътибарына, Зәмирә Гәрәева җитәкчелегендә төшерелгән, өр-яңа клибын тәкъдим итте. Ярымшәрә тәннәрдән торган клипларга чын ТАТАРЧА клип белән җавап бирде Рәфинә.

“Кошларга” дип исемләнгән татар халык җырын башкара ул. Клипны тасвирлау өчен нибары ике сүз җитә: моң һәм гүзәллек. Монда артык сүз сөйләп тору урынсыз. Бары тик клипны күңел биреп карарга кирәк.

Афәрин, Рәфинә!

Артистлар.ру

Запись “Ярымшәрә тәннәрдән торган клипларга чын ТАТАРЧА клип белән җавап” [видео] впервые появилась Tatar Today - татар яңалыклары..

Рәфинә Ганиуллина “Кызлы йорт”ның яңа клибындагы аянычлы тарихны сөйли

Габдулла Тукай — Mon, 24 Oct 2016 11:42:36 +0000

“Кызлы йорт”ның “Туганнарым” җырына төшерелгән һәм күптән көтеп алынган клибы табадан төште. Клип беренче күренешләреннән үк күңелгә тәэсир итә, чөнки анда күп сынаулар аша узган көчле рухлы герой Ана Зөлфия ханымның язмышы сурәтләнә.

– “Туганнарым” җыры барлыкка килүгә үк, аңа клип төшерү идеясе туды. Бүгенге көндә эстрадада җиңел һәм шаян җырлар күп. Ә безнең саллырак, мәгънәлерәк тема күтәрәсе килде. Язмыш шулай хәл иткәндер инде: әни биш баласын җитәкләп әтидән китә һәм Арча районы Шушмабаш авылында яшәүче әтисе Мансур бабайга кайта. Әмма әни безне гомере буе әтигә карата яхшы мөнәсәбәттә үстерде. Клип нигезендә шушы күренешләр сурәтләнә, – дип сөйләде Intertat.ru хәбәрчесенә Рәфинә Ганиуллина.

“Клипны Казанда әнинең сыйныфташы Мәүлия апаның бакчасында төшердек. Бабай ролен Мәүлия апаның энесе Фәрит абый башкарды. Эзләсәк тә, бабайга шулкадәр охшаш кешене таба алмас идек. Кыяфәте белән бабайга бик охшаган ул. Әнинең яшь чагын К.Тинчурин театры артисты, җырчы Зөлфия Вәлиева уйнады. Зөлфиянең ышандырып уйнавы мөһим иде һәм ул моны башкарып чыкты. Исеме белән генә түгел, күңел халәте белән дә әнигә охшады. Клипта шулай ук әни белән әтине дә күреп була. Клипның режиcсеры – Замирә Рәҗәпова. Гаиләдәге биш кызның бишесе дә сәнгать өлкәсендә булу – уникаль күренеш. Шуңа күрә безне сәхнәдә бергә күрү – әнинең зур хыялы иде. Киләчәктә тагын да эчтәлеклерәк проектлар башкару нияте бар, Алла теләсә, – диде Рәфинә.

P.S. Клипны төшергәннән соң, “Кызлы йорт”ның әнисе Зөлфия Мансур инсульт кичерә. Бу хәлгә кызлар бик нык борчыла, чөнки клипның дөньяга чыгуын кызлардан бигрәк әниләре көтә. Шөкер, бүгенге көндә Зөлфия ханымның хәле яхшы, әлегә ул хастаханәдә дәвалана. Герой Ананың савыгып өенә кайтуын, озак еллар буе яшәвен телибез!

Эльвира ШАКИРОВА, Интертат.ру

Запись Рәфинә Ганиуллина “Кызлы йорт”ның яңа клибындагы аянычлы тарихны сөйли впервые появилась Tatar Today - татар яңалыклары..

Рәфинә Ганиуллина гаиләсендә зур кайгы [фото]

Редактор1 editor1 — Mon, 12 Sep 2016 06:38:38 +0000

Танылган җырчы Рәфинәнең гаиләсенә бу көннәрдә бик авыр сынау килде.

Биш кызга гомер бүләк иткән, аларны тормыш авырлыкларына карамый аякка бастырган, язучы һәм журналист Зөлфия Мансурга 6 сентябрь көнне инсульт булган. Хәзерге вакытта ул кома хәлендә.

4 сентябрьдә газиз кызының туган көнендә булган Зөлфия ханым бүген гомере өчен көрәшә.

Фото Вконтакте челтәреннән алынды

Зөлфия ханымның терелеп, әле күп еллар яшәвен, ә туганнарына, газиз балаларына сабырлык телибез.

Запись Рәфинә Ганиуллина гаиләсендә зур кайгы [фото] впервые появилась Tatar Today - татар яңалыклары..