Архивы район - Tatar Today - татар яңалыклары.

Сабан туйлары кайчан гөрләр? [яңартылган график]

Чулпан — Thu, 06 Jul 2017 16:15:29 +0000

Зәй районында булган фаҗигагә бәйле, күпчелек районнарда Сабан туе кичектерелгән иде. //Татар-информ//

8 июльдә Сабан туе Әгерҗе, Азнакай, Әлмәт, Алексеевск, Арча, Баулы, Теләче, Ютазы һәм Чаллыда узачак.
9 июльдә Сабан туе бәйрәмен Балтач, Буа, Кукмара һәм Аксубай (көне ачыклана) районнарында билгеләп үтәчәкләр.
Актанышта Сабан туе бәйрәме 15 июльгә (16 июльгә үзгәрергә мөмкин), Чирмешәндә –15 июльгә, Мөслимдә –16 июльгә билгеләнгән.

Биектау районында бәйрәм 22 июльдә булыр дип көтелә. Тәтештә һәм Менделеевскида көне ачыкланачак.

Казанда Сабан туе 15 июльдә үтәчәк.

Запись Сабан туйлары кайчан гөрләр? [яңартылган график] впервые появилась Tatar Today - татар яңалыклары..

Татарстанның кайбер районнарында давыл өйләрне җимерә [фото-видео]

Эльвира Шакирова — Thu, 01 Jun 2017 13:44:58 +0000

Күп кенә социаль челтәрләрдә 1 июньдә давыл булачак дигән хәбәр таралган иде. Телефоннарга да смслар килгәләде. Күпләр моңа ышанмады. Ләкин юкка. Мәскәүдәге кебек үк көчле булмаса да, фотолардан күргәнегезчә, республикабызның төрле районнарында яңгырлы, бозлы, көчле җилле давыл үткән. Аеруча да Зәй, Норлат, Чирмешән, Әлмәт яклары зыян күргән.

Запись Татарстанның кайбер районнарында давыл өйләрне җимерә [фото-видео] впервые появилась Tatar Today - татар яңалыклары..

Казанның Киров районын бозлы су баса: гаепләүчеләр бар, гаепне алучылар юк [фотогалерея]

Редактор1 editor1 — Fri, 16 Dec 2016 09:41:37 +0000

15 декабрьда Казанда Киров районының Гончаров урамында торак йортлар кинәт кенә су астына китә башлаган. Ишегаллары, юллар – барысы да бозлы су белән капланганнар. //ProKazan.ru//

Халык әйтүенчә, су бердә көтмәгәндә, санарлык минут эчендә әллә кайдан килеп чыккан. Зур бозлы күл машиналар йөри торган юлны да, трамвай юлларын да баскан.

Килеп чыккан ыгы-зыгыда кеше ничек тәэсир итәргә дә белмичә аптырап калган. Шул районның җирле кешесе Рәис иң беренче булып этне коткарарырга ашыккан. Үзенекен дә түгел, күрше этен коткарган ул. Ник дигәндә, күршеләренең иртән үк эшкә китеп, өйдә булмаганнарын абайлаган, шуңа да тизрәк эткә ашыккан.

“Без берничә сәгать буе коткаручыларга шалтыраттык. Ләкин җавап бирүчеләр булмады”, ди борчылган кешеләр. Берничә сәгатьтән соң, ниһаять, килеп чыккан һәлакәт урынына “Водоканал” коткаручылар бригадасы килгән.

Ләкин Татарстанның Гадәттән тыш хәлләр министрлыгы башлыгы Марат Рәхмәтуллин коткаручыларның соңарып килүләрен аларның гаебе итеп санамый. “Безгә шалтыратучылар булмады. Беренче шалтыратуда ук без юлга чыктык. Безгә Киров районында су ага гына дип әйттеләр. Аңлатып торучы да булмады”, ди ул.

Запись Казанның Киров районын бозлы су баса: гаепләүчеләр бар, гаепне алучылар юк [фотогалерея] впервые появилась Tatar Today - татар яңалыклары..

Башкортстанда салкыннан торбалар тишелә, кешеләр чаң суга [видео]

Редактор1 editor1 — Wed, 14 Dec 2016 16:06:16 +0000

Башкортстанда чатнама суыклар тора. Кайбер районнарда, аеруча Урал аръягында һава 40 дәрәҗәгә кадәр суытты. Декабрьнең икенче яртысы да салкын булыр дип көтелә. Шушы суыкларда республикада торак-коммуналь хезмәтләренә бәйле берничә каза да булды. Каза нәтиҗәләрен төзәтергә килгән “Уфаводоканал” хезмәтләре дә берни эшли алмады. //Azatliq.org//

Запись Башкортстанда салкыннан торбалар тишелә, кешеләр чаң суга [видео] впервые появилась Tatar Today - татар яңалыклары..

Иртәгә Казан кышы үзен ничек күрсәтер

Редактор1 editor1 — Mon, 12 Dec 2016 19:16:07 +0000

13 декабрьда Казанда төнлә һәм иртән аязган вакытларда һава температурасы 25-27 градуска кадәр түбәнәячәк дип көтелә. Бу хакта Татарстанның гидрометеоүзәге хәбәр итә. //Татар-информ//

Төнлә һәм көндез томан, күз күреме 500 метр һәм аннан азрак тәшкил итәчәк, диелә хәбәрдә.

Запись Иртәгә Казан кышы үзен ничек күрсәтер впервые появилась Tatar Today - татар яңалыклары..

Нурлат районында мич якканда янгын чыга, зыян күрүчеләр бар

Редактор1 editor1 — Sat, 10 Dec 2016 09:40:27 +0000

Нурлат районында янгында 54 яшьлек ир-ат үлгән, дип хәбәр итә Россия Гадәттән тыш хәлләр министрлыгының Татарстан буенча Баш идарәсе матбугат хезмәте. //Татар-информ//

Янгын Елаур авылында Ленин урамында урнашкан йортта төнге берләр тирәсендә чыккан. Фаҗига урынына Чулпан авылының ирекле янгын командасы һәм Нурлаттан Федераль янгынга каршы көрәш хезмәтенең янгын-коткару частьләре хезмәткәрләре килгән.

Янгын мәйданы 68 квадрат метр тәшкил иткән. Уттан сарай да зыян күргән. Янгын урынында 54 яшьлек ирнең мәете табылган.

Башлангыч мәгълүмат буенча, ут мич якканда янгын куркынычсызлыгы кагыйдәләрен бозу аркасында чыккан.

Запись Нурлат районында мич якканда янгын чыга, зыян күрүчеләр бар впервые появилась Tatar Today - татар яңалыклары..