View this post on Instagram

A post shared by ТАТАР ТУДЕЙ / ТАТАР БҮГЕН (@tatar_today_116)

2020 елның август аенда, ә ул вакытта Юлиянең 8 айлык корсагы була, ул үзен бик начар хис итә башлый. Юлия ашаудан, эчүдән кала, авызына бер ризык каба алмый интегә. Шуннан соң аны тиз арада бала табу йортына алып китәләр һәм кесерево сечение ярдәмендә бала таптыралар. Юлиянең тап-таза, сау-сәламәт малае туа.

Икенче көнне Юлия Арташинаны Казанның 16нчы номерлы хастаханәсенә алып китәләр. Монда аңа ФГДС үткәрәләр һәм озак вакытка сузылган дәвалау курсы кирәк булачак дип әйтәләр. Ә бер атна үткәч, аны онкологик диспансерга салалар. Юлия әле бер нәрсә турында да белмәгән була! Аның “Ник мине онкологиягә алып килдегез?” дигән соравын бер җавапсыз калдыралар. Икенче көнне үк Юлиягә операция ясыйлар һәм диагнозын әйтәләр. Анда ашказаны яман шеше була! Ә стадиясе тагын да куркынычрак – 4нче һәм соңгысы!

Моннан соң Юлиянең тормышы, чын мәгънәсендә, асты өскә килә. Шул вакыттан ук дәвалау курсы башлана, хатын инде 13 курс химиотерапиянең 9ын үткән инде.

– Кызганыч, соңгы 2 курс химиотерапияне бик авыр кичердем. Минем препаратларга аллергия башланды. Организм Россия химиотерапия курсын кабул итми… Миңа операция ясау инде куркыныч. Без Төркиянең бер хастаханәсенә мөрәҗәгать иттек. Миңа Европа препаратлары белән тагын 6 курс химиятерапия курсы билгеләделәр. Көрәшәм! Үземдә көрәшергә көч табарга тырышам! Иң беренче чиратта, 10 айлык кечкенә малаем өчен мин яшәргә тырышам! Мин аның өчен көрәшергә тиеш! – ди көчле рухлы, сынмас Юлия.

Хәзерге вакытта Юлия Германиянең Берлин шәһәрендә дәвалау курсы үтә. Аңа зур суммадагы акча ярдәме кирәк. Төгәлрәк әйтсәк – 222​ 241 евро – бу 19 млн 712 мең 830 сум дигән сүз. Бу сумма, әлбәттә, бер гаилә өчен генә күтәреп чыга торган түгел. Юля яшәргә тиеш! Сабыен үзе үстергә хаклы ул!

Юлия Арташинага ярдәм итәргә теләүчеләр өчен:

Карта СБЕРБАНК
4817 7602 0295 0436
Привязана к номеру телефона :
+7 912 901 86 86
Система Быстрых платежей :
+7 912 901 86 86
(Оформлена на учредителя фонда, Мазур Наталию Юрьевну)
✅PayPal: helpugra86@mail.ru
✅Киви кошелёк
+7 952 841-91-55
Отправить БОНУСЫ СПАСИБО 👇 📲
+7-922-788-16-33 Роман Сухотько
+7-909-735-19-61 Ирина Ткачук
+7-912-811-84-22 Наталья Пайкова
+7-922-764-71-69 Ландыш Ибатуллина
Реквизиты Фонда⬇️
Реквизиты🏦Организация:​ БЛАГОТВОРИТЕЛЬНЫЙ ФОНД “ЮГРА В БЕДЕ НЕ​ БРОСАЕТ” ИМЕНИ АНТОНА КУЛЬШ​
ИНН: 8622026778​
КПП: 862201001​
ОГРН/ОГРНИП:​ 1208600013313​
Расчетный счет:40701810167460000304​
БИК:​ 047102651​
БАНК:​ ЗАПАДНО-СИБИРСКОЕ ОТДЕЛЕНИЕ№8647 ПАО СБЕРБАНК​
Корр.счет:30101810800000000651​

Запись Казаннан Юлия Арташина: «1 яшьлек кечкенә малаем өчен мин яшәргә тырышам!» [видео] впервые появилась Tatar Today - татар яңалыклары..

“Сочидан кайтканнан соң авырып киттем. Үземә-үзем аяк ботына уколлар кадыйм, әмма нәрсәдер булды. Аяк шешеп, үлек җыя башлады. Табиблар абсцесс барлыкка килүдән курка. Тиздән операция ярдәмендә шешне алачаклар. Яраткан улым да минем белән. Мин ансыз нишлим?” ди Айгөл.

Запись Айгөл Фазыйлова үзенә үзе укол кадаган. Хәзер операция кирәк впервые появилась Tatar Today - татар яңалыклары..

«Майлы ризык, төрле азык өстәмәләре, шул исәптән — фастфудта кулланыла торганнары, дөрес булмаган күләмдә кызыл ит, эчкечелек, аз хәрәкәтле яшәү рәвеше һәм симерү. Бу канцероген булып санала торган төгәл факторлар», — диде Андрей Каприн меланоманы диагностикалау көненә багышланган матбугат конференциясендә.

Баш һәм муен тиресенең вак-төякләрен диагностикалау һәм дәвалау буенча эшче төркем җитәкчесе Андрей Поляков бу авыруны иртә стадиядә диагностикалау мөһим, дип өстәде.

Ул билгеләп үткәнчә, меланоманың хәзерге вакытта беренче яки икенче стадиясендә ачыклануы 79 процент тәшкил итә. «Бу начар түгел, чөнки мондый стадиядә ун еллап яшәү 90 процентны тәшкил итә», — дип аңлатты Поляков.

Аның сүзләренә караганда, меланоманың үсеш куркынычы күп очракта кешенең үз организмына игътибары белән бәйле. «Миңнәргә һәм аларның үзгәрешләренә игътибар итәргә кирәк: үсешенә, төсләренең үзгәрүенә, тиредә яңалары барлыкка килүгә, кан саркуына…», — дип сөйләде ул.

Фото: пиксабай

Запись Яман шеш китереп чыгаручы продуктлар исемлеге билгеле впервые появилась Tatar Today - татар яңалыклары..

Әзер чималның барысын да өсте ябылган савытта саклыйлар. Агачның кайрысын 3-5 ел кулланырга мөмкин. Яфрагы белән чәчәге 1 елдан дәвалау үзлекләрен югалта.

Агачның яшь ботакларыннан салдырып алынган кайры бәвелне кудыручы чара булып санала.

Ул ревматизм, бронхит, ютәл булганда файдалы. Төнәтмә ясау өчен 10 г кайрыны 1 стакан суга салалар һәм ярты сәгать кайнаталар. Сөзеп, стакан тулганчы кайнаган су өстиләр. Суынгач, көнгә 3 мәртәбә 1/3әр стакан эчәләр.

Эчке органнарда яман шеш булганда, эмаль яки пыяла савытка 2шәр аш кашыгы кипкән шомырт чәчәге һәм кайры салалар. 3 стакан кайнар су өстәп, 6-8 сәгать төнәтәләр. Сыеклык караңгы төскә керергә тиеш. Сөзеп, ашарга ярты сәгать кала, көнгә 3 мәртәбә яртышар стакан эчәләр. Төнәтмәне салкынча урында 2 тәүлеккә кадәр сакларга мөмкин.

Артрит белән авырганда 50 г шомырт кайрысын, 1 стакан аракы яки 40 процентлы спиртка салып, 14 көн караңгы урында төнәтәләр, вакыт-вакыт болгатып торалар. Сөзеп, көнгә 2 мәртәбә авырткан буынны уу өчен кулланалар.

Шомырт белән эч кипкәндә, геморрой булганда, туры эчәк ярылганда дәваланырга ярамый. Ул шулай ук йөкле хатыннарга зыянлы. Шомырт белән күп дәвалану агулануга китерергә мөмкин. Кулланыр алдыннан табиб белән киңәшләшергә онытмагыз.

* * *

Язма “Акчарлак” газетасының архив саннарыннан алынды, 07 май 2015 ел № 19

Запись Шомырт яман шештән саклый. Әзерләү рецепты һәм куллану тәртибе впервые появилась Tatar Today - татар яңалыклары..

Очрашуның башында төрле әгъзаларда яман чир­нең ни сәбәпле килеп чыгуын ачыкларга ярдәм иткән фильм күрсәттеләр. Болар – аз хәрәкәтләнү, дөрес тукланмау, тәмәке тарту, исерткеч эчемлекләрне күп эчү, кояш нуры астында озак йөрү, стресслар. Аларның зыяны хакында еш ишетәбез, ләкин аңа карап яшәешебез үзгәр­ми. Хәер, чирне булдырмый калу бездән генә торамы икән? Бу сорауны гади кеше генә түгел, табиблар да үз-үзенә бирә һәм һәр ике як та, юк, мин генә моны үзгәртә алмыйм, ди. Министр фике­ренчә, аңа каршы бергәләп көрәшкәндә генә ниндидер нәтиҗәләр күренәчәк.

Ә бүгенгә ничек? Ел саен 16 мең кешедә яман шеш табыла. Узган ел шу­ның аркасында үлем-китем 4 процентка арткан. Алдагы ел белән чагыштырганда 269 кешене күбрәк югалтканбыз. Марат Садыйков тагын бер статистика китерде: чир 30 процент очракта соңга калып, өченче, дүртенче ста­дия­дә генә ачыклана. Күп­леге буенча беренче урында – тире яман шеше, икенче баскычта – юан эчәк, өченчедә – күкрәк бизе яман шеше. Рес­публика онкология клиник дис­пансеры бел­геч­ләрендә яман шеш белән авыручы 110 меңгә якын хаста исәптә тора.

Татарстанда яшәүче һәр 35 нче кешегә онкология диаг­нозы куелган. Үлем-җитем­нәр, беренче чиратта, йөрәк-кан тамырлары системасы авырулары аркасында килеп чыкса, икенче урында – яман шеш чирләре.

Быелдан хезмәткә ярак­лы яшьтәгеләргә игътибарны кө­чәйтү җәһәтеннән ил­күләм проект эшли башлаган. Рес­публикадагы яңалык­ларга кил­сәк, Әлмәттә яман шеш авыруларын дәвалау өчен радиология комплексы тө­зелә. Анда шул төбәккә якын районнарның халкы дә­ва­ланачак. Чаллыда рес­публика онкология диспансеры фи­лиалы булдырылачак. Яман шеш белән авыручы балаларны хәзергә Рес­публика балалар клиник хас­таханә­се­нең онкогематология бүле­гендә дәвалый­лар. Тик ул мәйдан гына җитәрлек түгел, шуңа күрә быел балалар өчен онкология, гематология һәм хирургия үзәге бинасы төзелә башлый. Респуб­лика яман шеш авырулары клиник диспансерына яңа җиһазлар алыначак, шунда ук төрле тикшеренүләр үт­кәрү өчен мөмкинлекләр артачак. Онкология белән авыручыларны да яхшы хәбәр көтә, дарулар белән тәэмин итү, химия дәвасы өчен быел казна акчасы күбрәк бү­лен­гән.

Ә гади кеше нишли ала соң? Белгечләр, чир алданрак табылсын өчен, диспансеризация тикшеренүе узарга чакыра. 2018 елда 1,5 мең очрак шундый тикшеренүләр узганда ачыкланган. 70 проценты – башлангыч стадиядә. “Яман шешнең алданрак бе­ленүе аның аркасында бер ел эчендә үлем-җитемне 26 процентка киметте, 5 ел һәм аннан да озаграк яшәүчеләр санын 58 процентка җит­керде”, – ди министр. Казан дәүләт медицина академиясе ректоры Рөстәм Хәсәнов фике­рен­чә, авырый башлагач, табибка баралар, ә тикшеренү өчен авырганны көтеп тормаска кирәк. Кан ки­лү, кан төкерү, беленеп торган шешләр исә чирнең инде азуы турында искәртә. Шунда министр 2018 елда кайсы жур­налистның дис­пансеризация тик­шере­нүе узуы бе­лән кызыксынды, андыйлар аз иде. Белгечләр, ярар, яшь­ләре туры килмә­гәндер, дип тынычланды. Тик әңгәмә тә­мам­ланмады, журналистлар арасыннан мондый сорау яңгырады: “Төрле оешмаларда диспансеризация тик­ше­ренүе үткәрүегез турында беләбез. Һөнәрләр буенча да аерым тикшермисезме? Әйтик, укытучыларны – аерым, журналистлар ише ка­ләм әһелләрен үзлә­рен генә? Күп кенә чирләрнең стресс ар­касында килеп чыгуын бе­ләбез. Алар­ның тормышында да андый күре­нешләр аз түгел”. Марат Наил улыннан: “Диспансеризация буенча андый бүле­неш юк. Укытучыларны республика про­грам­масы буенча ел саен тикше­рә­без. Иҗат кешеләре өчен дә программа кирәк дигән тәкъ­дим булса, без каршы түгел, аны эшләячәкбез”, – дигән җавап ишеттек.

Диспансеризация тикше­ренүе уздыру өчен урыннарда белгечләрнең булуы да бик мөһим. Күптән түгел генә узган ел йомгаклары коллегия утырышында министр чыгышыннан кайбер районнарда табиблар белән тәэмин ителеш 45-50 процент кына икәнен ишеттек. Бу да тик­шеренү эшенең нәтиҗәле­леген киметмәсме һәм “тамга” өчен генә эшләүгә юл куймасмы? Яңа ачылган фельд­шер-акушерлык пункт­ларын медицина җиһазлары белән тәэмин итү каралганмы? Без­нең әлеге сорауларыбызга министрның җа­вабы мондый булды:

– Фельдшер-акушерлык пунктлары 2017 елдан үзәк хастаханәләр белән телемедицина буенча тоташтырылган. Быел Питрәч, Саба районнарында шундый яңа­лык­лар кертелә: авыл кешесе медпунктта электрокардиограмма үтә, кан, бәвел анализы тапшыра ала. Анализлар районга җибә­релә һәм андагы белгечләр тиз арада нәтиҗә чыгара. Ке­шегә мо­ның өчен районга барып йө­рер­гә ки­рәкми. Киләчәктә әлеге тәҗ­рибә башка районнарда да җәел­дере­ләчәк. Диспансеризация тик­шере­нүе, шә­һәр­дә­ме, райондамы, сыйфатлы үтәр­гә тиеш. Табибның бурычы – кечкенә генә шик табылса да, пациентны онко­дис­пансерга җи­бәрү. Юллама биргәч тә, шуның белән эше бетми. Яман шеш бармы, юкмы икәнлеге хакындагы ахыргы нәтиҗә билгеле булганчы, кешене күздән ычкындырмаячак ул. Сәла­мәтлек сак­лау министрлыгы яман шеш табылган һәр очракны аерым тикшерә. Кеше кайчан диспансеризация үткән, аны кем караган, нинди тикше­ренүләр оештырганнар. Бө­тен чылбырны җен­текләп өй­рәнәбез. Беркем дә җа­ваптан качып котыла алмый.

(Фәния Арсланова, “Ватаным Татарстан”, /№ 17, 06.02.2019/)

Запись “Онкология белән авыручыларны яхшы хәбәр көтә” впервые появилась Tatar Today - татар яңалыклары..

Яман чирне түндербаш (болиголов) белән дәвалауларын белмәгән кеше калмагандыр инде, чыннан да, ул бу чирдән иң яхшы дәва. Аны сусын (сабельник) төнәтмәсе белән бергә эчәләр. Тырнак гөл (календула) төнәтмәсе эчкәндә дә файдасы бик зур.

Табиблар чирне соңгы стадиядә инде дәвалап та тормыйлар, фәлән көн яки фәлән ай гомере калган дип, авыруны тизрәк өенә озаталар. Мондый очракта өметсезлеккә бирелмичә, үлән белән дәвалаучыга (күрәзәчегә түгел!) барып күренеп кайтырга кирәк. Мин беренче тапкыр чирләгәч үк шундый кешегә бардым. Ул миңа галәмәт сасы, үләксә исе килеп торган сыеклык бирде, һәм түндербаш үләне белән дәваланырга, 3 курс үткәч, кабат килергә кушып озатты. Ничек, күпме эчәргә кирәклеген язып бирде. 240 көнгә сузылган дәвалану курсларын үтеп беткәч, сул күкрәгемдәге шешләр, төерләр бөтенләй юкка чыкты.

Ләкин 1986 елда уң күкрәктә шундый биз-шешләр барлыкка килгәч, Казан сырхауханәсенә киттем. Бүген дә иң зур ялгышым шул дип исәплим. Үлән белән дәвалаучы теге апага яңадан күренмәвемә үкенеп бетә алмадым. Ник дигәндә, химия белән дәваланганда чәчем коелып бетте, күкрәгемне телеп-кисеп гарипләп бетерделәр генә түгел, бөтенләй кисеп ташлыйсылар иде, үзем этләшеп кенә кистермәдем. Табиблар шешләрнең яңадан барлыкка килеп, бүтән органнарга да таралачагын (метастазалар) әйтеп, бик “сөендереп” озаттылар. Чыннан да, 1987 елда култык астымда борчак зурлыгындагы шеш тойдым. Әкренләп үсеп, ул чыпчык йомыркасы кадәр булды. Тагын теге апага киттем. Ул миңа яңадан түндербаш бирде дә, бер китаптан тагын бер үлән рәсемен күрсәтте. Ул мин белгән гап-гади, хәтта бер елны үзебезнең бакча башында күргән үлән булып чыкты. Израильдә ул алтын бәясенә йөри дип ишеткәнем бар иде, ә бездә аяк астыбызда ук үсә икән!

Белорусиядә түндербашның 100 граммын 50 еврога саталар дип язалар. Беренче курсны эчкәч, яман шеш вирусы үрчеми башлый, икенче курсны эчкәндә вируслар үлә. Өченче курс инде сәламәтлекне ныгыту өчен эчелә. Тик аны сусынның өй шартларында ясалган, кызыл төстәге төнәтмәсе белән бергә эчәргә кирәк. Үләннәрне эчеп, бер сәгать үткәч, 3 процентлы водород перекисе эчәргә тәкъдим ителә. Шунысы бар, түндербаш яман шештән генә түгел, дистәләгән авыр чирдән дәва. 240 көн эчендә мин моңа тәмам ышандым. Тагын бер нәрсәгә: дәва барышында чир көчәя икән, дәвачы миңа моннан куркырга кирәкми, шул рәвешле чир белән дару көрәшә, дәвалануны туктатасы түгел диде.

Яман чир каршында медицина әле бик көчсез. Үләннәр белән эш итүче халык дәвачылары һәр районда бар. Табиблар шул чирне сездә таба икән, һичшиксез, бу үләнчеләрне эзләп табарга кирәк. Сусын (сазкылыч үләне дип тә йөртәләр) төнәтмәсе өчен аның яфракларын – июльдә, ә тамырларын көзен җыялар. Төнәтмә яман шешнең элпәсен юкарта (түндербашка дәваларга юл ача), шешнең бүтән органнарга таралуыннан саклый. Түндербаш төнәтмәсе белән шулай ук ишәк колак (окопник) үләненнән ясалганын да эчәләр. Ул шешләрнең тизрәк суырылуына ярдәм итә. Аның тамырын иттарткычтан чыгарып, 21 көн аракыда төнәтәсе. Шуннан ул желатин, җилем кебек куера. Бу үләннәр аптекада сатыла, ләкин үзең җыеп ясасаң, төнәтмәләре куәтлерәк була.

Сүз уңаеннан шунысын да әйтим әле, сусын үләне онкологик чирдән генә түгел, ревматизм, полиартрит кебек буын чирләреннән дә дәвалый. Тик бер эчә башлагач, өзмичә 3 ай эчәргә кирәк. Ишәк колак төнәтмәсен сөяк сынганда эчкән һәм компресс ясаган кешеләрнең сөякләре тизрәк ялгана.

Кыскасы, бу өч дару үләне могҗизалар ясарга сәләтле. Шулар белән 3 курс дәвалангач, үзеңдә бик зур көч-куәт сизәсең, тик 3 курсны да үтмәсәң, чир бөтенләйгә чигенми. Чир алдында башыгызны ияргә ашыкмагыз.

Язилә САБИРОВА. Мамадыш районы.

tatyash.ru

Фото: https://pixabay.com

Запись “Яман шешне гап-гади бер ысул белән дәвалыйлар. Аяк астыбызда үсә” впервые появилась Tatar Today - татар яңалыклары..

Подъезд буенча өлкән ханым яман шеш белән авыручыларга фатир арендалауны тыярга дигән чакыру белән йортта яшәүчеләргә мөрәҗәгать иткән. Ханым үзенең петициясендә яман шешнең йогышлы чир икәнен язган. Онкология белән чирләүчеләр йортта яшәүчеләр сәламәтлеген хәвеф астына куя дигән.

Машкова исә бу язуның юридик көче юк ди, чөнки хуҗалар фатирны кемгә тели, шуңа арендаларга хокуклы. Наталья Машкова яман шешнең һава-тамчы юлы белән йокмавы хакында подъездда мәгълүмат элеп куймакчы.

Имзалар җыю фатир хуҗаларының хәйрия фонды белән килешү төзегәч башлануы билгеле. Оешма онкология авыруларыннан интеккән балалары булган гаиләләрне фатир белән тәэмин итә. Алар Рогачёв исемендәге клиникага дәваланырга килә. Бу гадәти хәл: яман шештән башкалада дәваланыр өчен гаиләләр дәүләттән квота ала. Ләкин Мәскәүдә дәвалану вакытында аларның фатир снимать итеп торырга мөмкинлекләре юк.

Фото: ТАСС

Запись Яман шеш авырулы балаларга каршы көрәшәләр? впервые появилась Tatar Today - татар яңалыклары..

“Үлем буенча Татарстан Идел буе федераль округы һәм Россия Федерациясе белән чагыштырганда түбән дәрәҗәдә. Шул ук вакытта рак белән авыру очраклары ил һәм гомумән ИФО буенча бераз түбәнрәк. Бу алга таба эшләү өчен сәбәп”, – диде онколог.

2017 ел мәгълүматлары буенча Татарстанда рактан үлүчеләр саны 100 мең халыкка 189 кеше, ә Россия буенча 100 мең халыкка 197 кеше туры килә.

Бүген Казанда иҗтимагый совет утырышында Татарстанда онкология ярдәменә кагылышлы сораулар һәм проблемалар буенча фикер алыштылар.

Онкологлар ТР Сәламәтлек саклау министры Марат Садыйков, РФ Дәүләт Думасы депутаты Айрат Фәррахов һәм Казан шәһәре Думасы депутаты Рафаэль Шәвәлиев белән онкология авыруларына каршы көрәш программасы, кадрлар әзерләү һәм балалар гематологиясе мәсьәләләре турында сөйләштеләр.

Бу хакта тулырак: tatar-inform

фото: https://pixabay.com

Запись “Бу алга таба эшләү өчен сәбәп” – Онкологлар Татарстанда яман чирдән үлүчеләр санын атый впервые появилась Tatar Today - татар яңалыклары..

Клиник сынауда 700дән артык кеше катнашкан, дип хәбәр итә РИА Новости. Аларны дүрт төркемгә бүләләр. Беренче төркемдәгеләр ел дәвамында көн саен 300 миллиграмм аспирин, икенчеләре — ике грамм эйкозапентаен кислотасы, өченчеләре — ике препаратны бергә, дүртенчеләре — плацебо эчә.

Колоноскопия үткәргәннән соң, экспертлар беренче төркемдәге пациентларның полиплар саны башкалар белән чагыштырганда 22 процентка кимүен ачыклаган.

Галимнәр аспиринның яман авыруга каршы йогынтысын билгеләү өчен, өстәмә тикшеренүләр үткәрергә кирәклеген ассызыклый.

Фото: https://pixabay.com

Запись Аспирин яман шеш авыруына каршы көрәшә? впервые появилась Tatar Today - татар яңалыклары..

Аның хыялы – кызының чыгарылыш кичәсендә булу

Лилиянең ярдәмгә мохтаҗ булуы турында “Татар-информ” агентлыгына аның дус кызы Регина хат язган. Аның белән элемтәгә кердек. 2017 елның сентябрендә Лилиягә 4 нче стадиягә җиткән вак күзәнәкле үпкә рагы диагнозы куела. Шуннан ул дүрт курс химия терапиясе уза. 2018 елның гыйнварында оча сөяге тирәсенә шеш чыгу аркасында сызлана башлый. Дәвалауны үзгәртеп, “кызыл” химия билгелиләр. Өч курс уза, тик контроль тестта шеш үсүен күрәләр.

– Кызганыч, безнең Казан онкологлары хәле авыраюын күрергә теләмәгәнме, аңламаганмы – өенә кайтарып җибәргәннәр. “Шеш авырта, зурая бит”, дигәч тә, табиб җилкәсен генә күтәргән. Аннары аны Мәскәүдә профессорлар кабул итте, анализлар алдылар, тик анда да диагноз кую белән авырлыклар килеп чыга. Лилия инде урын өстеннән дә тормый, сөйләшми, ашаудан калган иде.

Төгәл диагнозны Төркиядә куйдылар. 2018 елның маенда 10 көнлек радиотерапия курсы узды. Аннары бер препарат эчәргә куштылар. Аны 1,5 айлап өйдә дә эчеп, августта яңадан Төркиягә бардылар. Контроль ПЭТ-тестта уң як үпкәсендә, ботта шешнең үсүен күргәннәр, ләкин үпкәдә шеш ачыграк төскә керә башлаган. Мөгаен, радиотерапия файдасы булгандыр. Шуңа күрә радиотерапияне дәвам итеп, профессор аның гомере өчен соңгы иммунотерапия вариантын тәкъдим иткән. Бу соңгы шанс, – дип сөйләде Регина дусты өчен борчылып.

Иммунотерапия өчен Лилиянең үзенең кан күзәнәкләреннән вакцина эшләнеп, дүрт этапта кертеләчәк.

Лилиянең ире Илназ һәм 4 яшьлек кызы Эльза һәрвакыт янәшә.

– Бик кайгыртучан әни Лилия. Кызы яныннан киткәне дә юк. Баласы үзе дә әнисеннән башка тора алмый, Төркиягә дәваланырга да бергә очачаклар. Аның хыялы – кызының үсүен күрү, мәктәптә чыгарылыш кичәсендә булу, – ди Регина.

Гаилә архивыннан. Бәла килгәнче

Нуруллиннар гаиләсе бүген

“Ваемсызлыктырмы, хатамы – хәзер инде монысы мөһим түгел”

Мондый хәсрәткә ничек дучар булганын Лилиянең үзеннән дә сораштык. Тамак төбендә төер тыгылганы сизелсә дә, аның тавышы әле шактый көр. Балавыз сыгып утырырга җыенмый. Төркия табибларына ышанычы зур.

Барысы да 2017 елның җәендә ялдан кайткач башланган.

– Ялдан кайткач, температурам күтәрелә башлады. Кичләрен шул 37,2 булгалый иде. Аннары тыным кысылды, йөткерә башладым, кырын ятканда авырту тоя идем. Ютәл тагы да көчәйгәч, хастаханәгә бардым. Снимок ясадылар да, ашыгыч рәвештә салдылар. Пневмония диагнозы куйдылар. 12 нче шәһәр хастаханәсенең пульмонология бүлегендә ятып чыккач, онкология бүлегенә юллама кәгазе бирделәр. Берәр атна әле шунда эләгергә тырышып йөрдем. Снимок ясадылар, биопсия ясадылар. Шуннан үпкә рагы диагнозы куеп, химия терапиясе билгеләделәр.

Сентябрьдән март аена кадәр барлыгы 7 курс уздым. “Кызыл” химия ул – күкрәк рагы, я гинекологиядә онкология авыруларына билгеләнә торган дәвалау. Нәрсәгә билгеләгәннәрен аңлатмадылар да. Бот өлешендә пәйда булган шешне мин үзем үк тойдым, басып карагач сизелә иде ул. Аягым, ботым сызлый башлагач, шеш чыкканын тойдым. Ул шешне нәрсә дип уйлаганнардыр инде табиблар. Ваемсызлыктырмы, хатамы – хәзер инде монысы мөһим түгел. Файдага булмавы гына билгеле, – дип сөйләп үтте Лилия авыру тарихының башын.

Аның сүзләренчә, соңгы компьютер томографиясендә шеш үскәнен күргәч, табиблар аптырашта калып, “без сине бүтән бернишләтә алмыйбыз”, дип сырхауханәгә химиотерапевтка барырга кушканнар.

– Табиблар, үпкә рагын химия терапиясе яхшы дәвалый дип үзләре үк әйтә килде. Ике ай эчендә хәлем яхшырырга да тиеш иде кебек. Дөрес якка бармыйбыз ахырысы дигән шик керде күңелгә. Шуннан Мәскәүгә юл тоттык. Биопсия алдылар. Анда да диагноз кую белән авыррак булды. Хәлем начарайганын күргәч, андагы бер онколог Төркиядәге табибларны киңәш итте. Без барлык мәгълүматны җибәреп, ике көн эчендә диярлек Төркиядә идек инде. Анда да биопсия алгач, йомшак тукымалар саркомасы диагнозы куйдылар.

Тәгаенләү өчен тагы бер кат анализ бирдерттеләр, һәм диагноз расланды. Шулай итеп ботның йомшак тукымасы саркомасыннан дәвалый башладылар. Монда без тиешсез дәваланулар аркасында вакыт югалтканбыз булып чыга. Химия препаратлары белән организмны көчләдек дисәк тә була. Дөрес дәваламау нәтиҗәсендә шеш тиз үскән, ә саркома ул болай да агрессив чир. Табиблар яшьләрдә, гормоннар уйнаган вакытта, бигрәк тә тиз үсә дип аңлатканнар иде. Шуңа күрә шеш тиз үсеп, кан әйләнешен дә каплаган.

Нуруллиннар иммунотерапиягә гомерне озайтуның соңгы чарасы дип карый.

– Бүтән вариантлар юк. 100 процент гарантия дә юк, ләкин ничек тә булса дәваланып карамасак, чир мине “ашаячак”. Без инде булышыр дип өметләнәбез. Төркиядә табиблар болай дәвалану шешне туктатырга тиеш, дип аңлаттылар. Үз күзәнәкләрең дә көрәшәчәк, рак күзәнәкләрен үтерергә өйрәтәчәк, диделәр, ди Лилия.

Төркиядә табиблар Лилияне дәвалауга 26 октябрьдә керешергә тиеш. Лилиянең ире Илназ сүзләренчә, хәле начарайгач, Лилия иртәрәк барып карарга теләгән.

– Фатирда бер бүлмәдән икенчесенә күчеп йөргәндә дә хәлсезләнә. Шуңа күрә инде 26сын көтеп тормыйча ук җибәрергә уйладык. Көчләп ашый, ашарга кирәк икәнен аңлап мәҗбүриләп ашый. Бөтен өмет – Төркиядәге табибларда. Лилия барып җитеп, бераз көч җыйгач, иммунотерапиягә тотынырлар дип өметләнәбез. Табиблар гомерен озайтып була дип ышандыра, – ди Илназ.

Лилиянең декрет ялына кадәр соңгы эш урыны сәүдә үзәгендә булган. Аңа кадәр банкта да эшләгән.

– Узган елның ноябрендә кызыма өч яшь тулгач, мин эшкә чыгарга тиеш идем, тик рак ачыклангач, чыгып җитә алмадым, – дип уфтана Лилия.

Кызым: “Мин сиңа терелергә ярдәм итәмме?” дип сорый

Эльза бакчага йөри, ләкин Лилия аны Төркиягә үзе белән ала.

– Балам белән аерылышасым килми. Төркия клиникасындагы консультантка, “сезгә иртәрәк киләсем килә, хәлем начарая” дигәч, “монда күпме буласың билгесез, тиз генә кайтып китә алмавың ихтимал, шуңа күрә балагызны алсагыз, хәерлерәк” диде. Бала бит ул – зур стимул, ул яныңда булмаса, авыр. Самолотека билетлар да арзан туры килде, шунысы яхшы булды, әнием озата барачак.

Тернәкләнүемә өметем зур. Мин барысына да әзер, дөресен генә әйткәндә. Көчле авыртуларга да түзәргә әзермен, ләкин мин шунысын беләм: минем вакыт җитмәде әле, иртә әле миңа… Баланы аякка бастырырга, җәмгыять өчен файдалы кеше булырга тиешмен. “Барысы да бетте” дип башыма да кертмим. Кызым “әнием, синең терелүеңне телим”, дип гел кабатлап тора. “Мине үзең белән Төркиягә нигә аласың? Мин сиңа терелергә ярдәм итәмме” дип сорый. “Әйе, кызым, әлбәттә, шулай” диям. Ул минем каты авыруымны белә. Әни кайчан терелер инде, дип зарыгып көтә. Мин һәр нәрсәгә реаль карыйм, үзеңне алдау ник кирәк? 70 яшькә кадәр яши алмам, ләкин кызымны мәктәптән институтка озату көннәрен булса да күрәсе иде дип хыялланам… Иң зур хыялым шул.

Иммунотерапия алдыннан тагын бер курс химия терапиясе узу, ә аннары төп дәвалану өчен барлыгы 70 мең доллар акча кирәк. Безнең акчага әйләндергәндә, 5 млн сумга якын акча. Саллы гына өлеше рәхимле кешеләр ярдәме белән инде җыелган, тик калганын җыеп бетерергә вакыт бик аз калып бара. Регина сүзләреннән аңлашылганча, Россиядә дәваланмагач, хәйрия фондлары булышырга атлыгып тормый. Дәвалану гына түгел, иммунотерапиядән соң да тернәкләнү, аякка басар өчен әле байтак акча кирәк булачак. Лилиягә кызчыгын ире Илназ белән тигезлектә үстерергә насыйп булсын иде, дип телик.

Ярдәм күрсәтү өчен реквизитлар:

Сбербанк: 4279 6200 2933 6808 Нуруллин Илназ Ильясович (ире)
Сбербанк: 5469 6200 1547 4701 Камалова Рәмзия Игъламовна (әнисе)
ВТБ: 4714 8700 8826 4655
Киви кошелёк: 8 962 561 35 36
Билайн:8 965 592 68 85
Мегафон: 8 927 679 95 44
МТС: 8 987 239 97 94

Чыганак һәм фото: Интертат

Запись Рактан авыручы Лилия: “Көчле авыртуларга да түзәрмен… Минем вакыт җитмәде, иртә әле миңа” впервые появилась Tatar Today - татар яңалыклары..