“Ничек уйлыйсың, Шәрәпҗан, эстрададагы иң бабник егет ул кем?” – дип сорый Олеся.

“Охо! – ди Шәрәпҗан шундук. – Авызыңны сиксән-туксан! Марат Яруллин! Кичә килде Марат. Әбиләргә карап ята. Көнләштем чукынчык! Ул да яшь! Шаляпин! Махсус әбиләргә карый, беләсеңме нәрсәгә? Чөнки пенсияләре дачурта тегеләрнең!”

“Ә-ә, – ди Олеся. – Мираска алып калырга!”

“Әлбәттә! Юкка гына йөри мәллә көдрә баш химия ясатып!” – ди Шәрәпҗан. Аннары Марат Яруллинга дәшә:

• Марат, тагын минем әбиләргә бәйләнсәң, авызыңны сиксән-туксан!

ЧЫГАНАК: https://vk.com/leesnaya

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Шәрәпҗан татар эстарадасындагы “иң бабник” егетнең кем икәнен әйткән впервые появилась Tatar Today - татар яңалыклары..

– Рамил абый, үзегез белән таныштырып китегез әле.

– Мин зур колаклы, куе кашлы Рамил Шарапов. 1990 елның 13 апрелендә Буа районының Адав-Толымбай авылында тудым. 9 сыйныфны тәмамлап, Казан театр училищесына укырга кердем. Ул вакытта буй бәләкәй, колаклар зур, кап-кара куе каш, шуңа күрә укырга алырга теләмәделәр. “Артист кеше матур булырга тиеш!” — диделәр. Ләкин аңа карамадым: тырыштым, барыбер дә кердем. Миңа ул вакытта Раил абый Садриев та булышты. Мәктәптә укыганда ук, Раил абый миңа бу юнәлештә этәргеч булып тора иде. Училищены бетергәч, Буа дәүләт сатира театрына кайттым. Театрда 5 ел эшләдем. Зур тәҗрибә тупладым. Аннан мин әкрен генә эстрадага кереп киттем. “Елмай”, “Җомга кичләре” проектларында эшләдем. Күпмедер популярлык шушы проектлардан килде миңа. 2009 елдан бирле эстрадада, сәхнәдә.

– Ни өчен театр юнәлешен сайладыгыз?

– Минем ике юл бар иде: хирург булырга яки артист. Мин инде чын-чынлап хирург булам дип уйлаган идем: каннан да курыкмадым, 9 нчы сыйныфны тәмамалап, биология фәненнән экзаменнар да биреп йөрдем, ләкин театр училищесының имтиханнары беренче булу сәбәпле, мин театр училищесына укырга кердем. Башка җиргә документлар да биреп тормадым.

– Бүгенге әңгәмәбездә дә “Театр” сүзе берничә тапкыр кабатланды. Бу сүзне ишеткәч, сез нинди хисләр кичерәсез?

– Дөресен генә әйткәндә, театр – ул чир, аңа аяк бастың икән, ул инде сине җибәрми. Ул — аерым бер дөнья, аерым бер гаилә. Ялганламыйм: бүгенге көндә дә театрны сагынам. Шуңа күрә күңелемдә театр белән бары тик якты һәм җылы хисләр генә.

– Театрда эшли башлаганда уйнаган беренче рольләрегезне хәтерлисезме?

– Театр булгач, төрле рольләрдә уйнарга туры килә. Беренче роль – дурак роле иде. Ул вакытта без дублер белән уйный идек, бер-беребезне алыштырып. Кем яхшы уйный, шул Себергә гастрольләргә барачак. Мин яңа училищены укып бетереп кайткан, миңа бар да кызык булып тоела. Себергә гастрольләргә барырга шул кадәр теләк зур … Авылга кайтып, йомшак кына итеп әйткәндә, табигать ягыннан бераз гына чикләшкән кешеләр белән сөйләшеп, аларга сценарияне укытып, аларның кыланмышларын кабатлый идем. Шулай сеңдереп барып, тырышып уйнап, Себер якларын урап кайттык. Халык бик җылы кабул итте.

– Театрдан китүегезнең сәбәбе нидә?

– Садикны бетереп, мәктәпкә барабыз, мәктәпне тәмамлап, оядан чыгып китәбез бит. Бу да шулай булды. Өйләнгәч, улым тугач, фикерләр үзгәрде. Артист кеше үсәргә тиеш. Ялгышсам да, абынсам да, җиңүгә ирешсәм дә — үзем гаепле.

– Бүгенге көнгә килсәк, сез сольный концертлар белән гострольдә йөрисез. Телевидениедә төрле проектлар алып барасыз. Эстрадага ничек кереп киттегез?

– Театрда эшләгән чакта ук, мин эстрадага кереп киттем. Иң беренче булып, “Елмай” проектында эшли башладым. Күпмедер популярлык миңа шушы проект аша килде дисәм, ялгышмам. Аннан Рифат Зарипов белән “Җомга киче” тапшыруын алып бара башладык. “Татарча солянка” проектларында катнаштым. Шулай әкертен генә эстрадага кереп киттем инде. Сольный карьерама килгәндә, әле бу төпләп чыгып барыш кына дип уйлыйм. Барысы да алда.

– Рамил абый, гастрольләрдән тыш сез әле тамада да булып йөрисез, вакытыгыз ничек җитә?

– Тамада булу – бу бер хобби кебек. Шалтыратып, тамада булырга чакырсалар, вакыт булса, мин бик теләп барам. Шуны әйтәсем килә: вакыт бит ул — ипи. Тырышасың инде, өлгергәненә барасың, өлгермәгәненә “Булдыра алмыйм” дип җавап бирәсең.

– Нәтиҗә ясап әйтсәк, күңелегезгә кайсы өлкә якынрак: театырмы, эстрадамы яки телевидениемы? Беренче урынга кайсын куяр идегез?

– Һәр жанр минем өчен бик якын. Һәр кайсы күңелемдә үз урынын алып тора. Бәлкем, хәзер эстрада дип әйтсәм дә, барыбер күңел күбрәк театрга беренче урынны бирә. Чөнки мин барысын да театрдан башладым. Театр белән бергә үстем.

– Киләчәккә нинди планнар кырасыз? Нәрсә белән янып-көеп йөрисез?

– Киләчәк нигәдер куркыта, уйландыра. Киләчәкне алдан уйлап куеп булмый, чөнки бүген бар, иртәгә булмаска мөмкин. Тик шушы юлны башлаганмын икән иде, Аллага тапшырып, шушы юлдан барып, үсәсе, халык мәхәббәтен югалтмыйсы иде. Сәхнә күңелемә бик якын. Планнарым да сәхнә белән бәйләнгән, шуңа күрә күңелем теләгән, яраткан эшем белән шөгыльләнергә телим. Гаиләмә килгәндә, балаларымны аякка бастырып, тормыш иптәшем белән исән-сау, бәхетле картлыкта оныкларны тәрбиялисе иде. Һәм әлбәттә халыкка хезмәт итәргә.

– Рамил абый, җылы әңгәмәгез өчен бик зур рәхмәт. Иҗади уңышлар сезгә!

Илүзә Ибәтуллина, Идел журналы

Фото: https://vk.com

Запись «Минем ике юл бар иде»: Рамил Шарапов үзен нидә гаепли впервые появилась Tatar Today - татар яңалыклары..

“Рамил Шәрәповның шаян бер сүзе бар:”Алимент – ул акылсыз ир-атның 18 еллык кредиты” Ләкин бүгенге көндә бу бик җитди мәсьәлә. Кукмарада гына алимент буенча бурыч 40 млн. сумнан артык тәшкил итә. Ә бу бит 300 дән артык баланың тормышы. 40 тан артык кеше административ, 4 – җинаять җаваплылыгына тартылган.
Алиментлар түли башласыннар өчен нинди чаралар күрергә кирәк дип уйлыйсыз?” , дип язып Ришат үзенең инстадусларына мөрәҗәгать иткән.

Әлбәттә прокурорның бу язмасы берәүне дә битараф калдырмаган. Инстадуслары бу мәсьәлә буенча аңа үзләренең фикерләрен, тәкъдимнәрен  җиткергәннәр.

“Эш таба алмаган ир-атларга эш табып бирергә, әгәр эшкә чыкмасалар җаваплылыкка тартырга.” , “Алимент түләмәгән аталар белән сөйләшүләр алып барырга, үзләрен бала һәм ялгыз ана урынына куеп карап, уйлау мөмкинлеге бирергә”, “Ялгызың бала үстерүче, ире алимент түләмәүче  аналарга субсидияләрне арттырсыннар иде”, дигән фикерләр язганнар пост астына.

View this post on Instagram

A post shared by Ришат Шакиров (@rishat__shakirov)

Запись Рамил Шәрәповның “Алимент- 18 еллык кредит” дигән сүзләре Кукмара прокурорын 300дән артык бала әтисе 40 миллион сумлап бурычлы булуын әйттерә впервые появилась Tatar Today - татар яңалыклары..

Тамада, алып баручы, юморист Рамил Шәрәпов улы Раянга машина алып биргән! Дөрес, йөри торганны түгел, ятып була торганын. //Tatar-today //

“Улыма машина алдык. Төшми дә хәзер! Атасы “Мазда”, машинасы “Ауди” , дип язган Рамил үзенең Инстаграмдагы битендә. Халык арасында үзенчәлекле караватка кызыгучылар да юк түгел.  “Каян алдың?”, “Бәясе күпме?” кебек сораулар язучылар да бар. Рамил аларга машина-караватны каян алуын әйтә, кибетнең интернеттагы битенә сылтама да бирә. 

View this post on Instagram

A post shared by Рамиль Шарапов (@sharapovramil)

р

Запись Рамил Шәрәпов улына Ауди машинасы алып биргән [фото] впервые появилась Tatar Today - татар яңалыклары..

Күптән түгел балыкка барулары шактый уңышлы тәмамланган. Иртәнге дүрттән төшке ашка кадәр утырганнар. Нәтиҗәдә өч кешегә тоткан балыкларның гомуми авырлыгы 20 килога җитә язган.

Фотодагы байлыкны боҗрага тотканнар. Сулыкның төбенә кыл белән көймәдән туп хәтле кормушка төшерелә, ә кармаклы кылны исә шул кылга боҗра (кольцо) белән беркетеп җибәрәләр. Агымсу кормушкадагы икмәк, ботка һәм башка азык-төлекне юдырып, якын-тирә балыкларны үз янына җыя. Һәм шунда көтмәгәндә татар эстрадасы йолдызы кулыннан төшкән суалчан килеп чыга. Гадәттә, бу ысул белән корбан балыгын (лещ, подлещик) тоталар. Шәрәпов көймәсендә дә шулар ята. «Сомга йөрергә весым җитми, шуңа лещ тотам» — дип көлә Рамил.

Артистлар.ру

Запись “Сомга йөрергә весым җитми” – ди, 20 кг балык тоткан Рамил Шәрәпов [фото] впервые появилась Tatar Today - татар яңалыклары..

“2009 елда – Казан театр училищесын, узган ел Социаль һәм гуманитар белемнәр институтының психология факультетын тәмамладым. Шулай итеп, өч дипломлы булдым! Беренче елларда Россия командасы футбол уйнаган кебек кенә укыдым: укытучыларның күңелен җор телем, матур сүзләр, елмаюлар белән яуладым. Сәбәбе дә юк түгел, ул вакытта гастрольләр белән күп йөрергә туры килде. Әмма соңгы курсларда тырышып укый башладым. Дәүләт имтиханын “бишле” билгесенә тапшырдым. Дөресен генә әйткәндә, хәзерге заманда дипломның нинди төстә булуы мөһим түгел. Диплом эшемнең темасы Әмир Камалиевның “Йонлы кеше” әсәренә багышланды. Бик җиңел якланды, образга да җайлы гына кердем. Комиссиядә Ринат абый Таҗетдинов та бар иде”, – дип сөйләде Рамил.

Рамил магистратурада укуын дәвам итәргә җыена. “Күптәннән режиссер һөнәрен үзләштерәсем килә иде, чөнки сәхнәдәге образларны артист буларак кына түгел, режиссер күзлегеннән дә карарга кирәк. Бәлки киләчәктә балалар белән дә эшләргә насыйп булыр”, – ди ул. Шуны да әйтергә кирәк, быел Рамилнең гаиләсе ике кызыл дипломлы булган! Бертуган сеңлесе Гөлназ Буа медицина училищесын кызыл дипломга тәмамлаган.

Интертат

Запись Рамил Шәрәпов, яңа һөнәр үзләштереп, чираттагы дипломын алган [фото] впервые появилась Tatar Today - татар яңалыклары..