“Татарстан чәчәк атачак” – Рамзан Кадыйров Рөстәм Миңнехановны котлый

Лэйсирэ — Fri, 01 Mar 2019 11:42:27 +0000

Рөстәм Миңнеханов кебек көчле җитәкчесе булганда, Татарстан алга таба да чәчәк атачак һәм үсеш кичерәчәк. Чечня башлыгы Рамзан Кадыйров, Татарстан Президентын туган көне белән котлап, үзенең телеграмм-каналында шундый язма калдырган, дип яза ТИ.

«Татарстан Президенты Рөстәм Миңнехановны туган көне белән тәбрик итәм. Ул, һич икеләнүсез, Россиядә зур хөрмәткә лаеклы сәясәтчеләрнең берсе. Татарстанның барлык тармакларда да күрсәткечләре югары. Без моны күреп торабыз һәм ихлас күңелдән куанабыз», – дип язган Рамзан Кадыйров.

Рөстәм Миңнеханов җитәкчелегендә Татарстанда социаль һәм икътисади мәсьәләләр хәл ителә, республиканың инвесторлар һәм туристлар өчен җәлеп итүчәнлеге көннән-көн арта, дип язган Чечня башлыгы.

Рамзан Кадыйров котлау текстында Рөстәм Миңнеханов белән еш очрашуын әйткән. «Безнең әңгәмәләр төбәкләр өчен һәрвакытта да нәтиҗәле һәм файдалы була. Тирән инануымча, Рөстәм Миңнеханов кебек көчле җитәкчесе булганда, Татарстан алга таба да чәчәк атачак һәм үсеш кичерәчәк. Аңа ныклы сәламәтлек, иминлек һәм уңышлар теләп калам», – дигән ул.

Фото: соцсети

Запись “Татарстан чәчәк атачак” – Рамзан Кадыйров Рөстәм Миңнехановны котлый впервые появилась Tatar Today - татар яңалыклары..

Галустянның Кадыйровка пародиясеннән хәтта Путин көлә [видео]

Редактор1 editor1 — Tue, 29 Nov 2016 13:44:33 +0000

Инстаграммда үтә дә кызыклы видеога тап булдык әле. Шушы ялларда Мәскәүдә легендар “Шаяннар һәм шуклар” (КВН) программасының 55 еллык юбилей кичәсе булды. Алып баручысы Александр Масляковны котларга дип, шоумен, актёр Михаил Галустян да килгән. Аның оста пародист икәнен барыбыз да беләбез.

https://www.instagram.com/p/BNY1IQkFI1e/?tagged=ramzan

Бу чыгышында исә, ул Чечня республикасы башлыгы Рамзан Кадыйровка пародия ясады. Кадыйров ролендә ул Александр Масляковка да төртмәле сүз әйтмичә калмады: “Малаегыз тамашачылар залында утырып торганда, сезнең монда тумба артында басып торуыгыз гел килешле түгел. Икенче юлы, бүтәнчә эшләгез. Ул монда басып торсын, сез утырыгыз”,-диде ул.

“Рамзан Кадыйров” яңа гына АКШ та үткән сайлаулар турында да сүз белән үтмичә булдыра алмады. “Минем Трампның җиңүендә бер генә шигем дә юк иде”,-диде.

Эфирдан соң, Галустянның шушындый курыкмыйча ясаган чыгышы хакында социаль челтәрләрдә кешеләр фикер алыша башлады. Кемдер Михаил өчен кайгырса, кемдер аны идеаль пародиясе өчен мактады.

“Искитмәле пародия. Шәп Галустян! Кадыйров шикелле үк ыштанына кулын сөртүен генә карагыз – икситкеч!”; “Ә Галустян гафу сорадымы инде?”; “Галустян Рамзанга пародия ясаганы өчен укенәчәк әле” дигән фикер алышуларны социаль челтәрләрдә күреп булды.

Tatar Today

Запись Галустянның Кадыйровка пародиясеннән хәтта Путин көлә [видео] впервые появилась Tatar Today - татар яңалыклары..

Архивы Рамзан Кадыйров - Tatar Today - татар яңалыклары.

“Татарстан чәчәк атачак” – Рамзан Кадыйров Рөстәм Миңнехановны котлый

Галустянның Кадыйровка пародиясеннән хәтта Путин көлә [видео]