View this post on Instagram

A post shared by Раяз Фасихов (@rayazfasikhov)

Запись Раяз Фасыйховның гаиләсендә авыр кайгы впервые появилась Tatar Today - татар яңалыклары..

Тыңлаучылар тора-бара моңа күнегәләр, җыр сәнгате шундый булырга тиештер дип уйлый башлыйлар, аларның бу мәсьәләдәге ихтыяҗлары да табигый хәлдән тайпыла. Әмма шул зәвыксыз, бертөсле башкаручылар арасында, ком эчендә сирәк-мирәк алтын бөртекләренә дә тап булынган кебек, чын җырчыларны да очратырга мөмкин. Алар җырны сайлап алуда ук үзләренең сәхнәдәге вазыйфаларына үтә җаваплы карауларын сиздерәләр. Иркен, саф, иң мөһиме – халыкчан тавышлары, башкару осталыклары белән игътибарны җәлеп итәләр. Халкыбызның моң хәзинәсендәге асыл үзенчәлекләрне уңышлы тотып алып, тыңлаучылар күңеленә юл салалар. Сәхнәдәге җырчы белән залдагы тыңлаучы, шул рәвешле, җыр яңгыраган мизгелләрдә фикердәш кенә түгел, моңдаш булып та әверелә. Җыр тәмамлангач, тамашачы тынлык саклауны дәвам итә, чөнки ул әле җыр тәэсирендә кала. Бераздан соң гына, исенә килеп, инде шушы ләззәтне биргән җырчыга рәхмәт әйтергә кирәклекне исенә төшерә, һәм, үз-үзен онытып, кул чабарга керешә.

Әнә шундый җырчыларның берсе – Раяз Фасыйхов. Мөлаем, ягымлы тавышка ия бу егетнең тагын бер өстенлеге бар, ул шул сыйфатлары өстенә җырлау һәм аралашу культурасы белән дә аерылып тора.

Белүемчә, ул иҗат юлын Татар дәүләт фольклор ансамблендә эшләүдән башлады. Авыл егетләречә шаян-шук итеп гармунда уйнавы, шул ук вакытта оста җырлавы ансамбль чыгышлары вакытында да күзгә ташланмый калмады. Ул әлеге иҗат коллективының аерылмас бөтен бер мохитендә, әнә шулай, матур бизәк кебек, балкып-балкып ала белде. Бигрәк тә теге яки бу номерның иң хәрәкәтчән өлешләрендә гармунны киң итеп тартып, төрле урынлы хәрәкәтләр ясап, гомуми башкарылышка егәрлек өстәп җибәргәләве әле дә күз алдында тора. Ягъни ул фольклор ансамбленең үзәген тәшкил итүче, бөтен моңлы-биюле мохитне оештыручы булып кабул ителә башлады.

Инде эстрадага күчкәч, бәлки аннан да элегрәк, ул үз алдында тагын да зуррак бурычлар торганлыгын аңлагандыр дип уйларга кирәк. Аны шушы иҗат төркемендә күрүне табигый хәл дип санап, яратып өлгергән тамашачылар да борчылып калдылар кебек. Ник дигәндә, аңа хәзер эстрада мәйданындагы йөзләрчә башкаручылар арасыннан үзенә хас сыйфатларны тагын да ачыграк итеп күрсәтергә, тамашачылар тарафыннан үзен яраттырырга кирәк иде. Монысы да аның өчен үтәлмәстәй бурыч булып чыкмады. Ихласлылыгы, тамашачысын яратуы, хөрмәт итүе, халкыбыз моңнарына тугрылыклыгы аны бу юлы да адаштырмады. Репертуар сайлаудагы талымлылыгы, җырлау алымнарындагы профессиональлекнең халыкчанлык белән табигый гармониясе аңа уңыш китерде. Шул ук вакытта сәхнәдә үз-үзен тотышындагы табигыйлек, зәвыклы киеме, хәрәкәтләренең акланганлыгы да уңышның саллы өлешен тәшкил итте. Хәзерге вакытта Раяз Фасыйхов һәркайда көтелгән кунак, яраткан җырчы. Аны Казаныбызның иң затлы залларында, зур илебезнең күп кенә шәһәрләрендә, татар халкы яшәүче авыл җирләрендә дә күрәбез. Әләзәнме, Шәлеме, әллә бер кечкенә генә Чәбия Чүрчи авылымы – ул, башкала тамашачысы алдында чыгыш ясаган кебек, үзен җаваплы тоеп җырлый, бердәй мөнәсәбәт күрсәтә.

Дөнья булгач, без дә йөрибез, күрәбез, ишетәбез бит инде. Авылга ярар дип, хәзерге көннең иң зур афәте “плюсовка” белән авыз ачып кына торган “җырчылар” да бар. Раяз ләззәтләнеп, рәхәтләнеп үзе җырлый, шуннан тәм таба. Шуңа күрә тавышы да торган саен камилләшә, зуррак мөмкинлекләргә ия була бара – соңгы еллар концерт сезоннарындагы чыгышлары шуны күрсәтте. Шул ук вакытта ул һаман кешеләр белән мөнәсәбәтләрдә гадилеген, садәлеген саклап кала. Бу аның нәсел-нәсәбеннән, гаиләдәге тәрбиясеннән дә килә дип беләм. Дөрес, минем бу яктан әллә нинди мәгълүматым юк, аның каравы әнисе ягыннан бабасы Нәфыйк абыйны яхшы ук беләм.

Эш шунда, илленче еллар урталарында ул безнең Кукмара районындагы “Әсәнбаш” колхозында рәис булып эшли башлады. Ул вакытта “рәис” сүзе оныттырылган, аның урынына авыл халкы председатель сүзен кыска гына итеп “пред” дип йөртә иде. Нәфыйк абый Нәҗипов бездәге менә шундый “пред”ларның берсе булды. Гаиләсе Кукмараның үзендә яши, шуңа күрә аңа еш кына ун чакрым араны кайтып-килеп йөрергә туры килә иде. Моңа кадәр “пред” булып үзебезнең хуҗалык кешеләре эшләде. Нәфыйк абый читтән китереп куелган беренче җитәкче булды кебек. Шуңа башта аңа сагаебрак та карадылар. Ниндирәк кеше булуы маңгаена язылмаган. Шулай да сугышта катнашканлыгы, күкрәгенә тагылган орден планкаларыннан аның фронттагы егетлегенең шактый югары бәяләнгәнлеге күренеп тора.

Моңа кадәрге рәисләр авыл, басу арасында ат җигеп йөриләр иде. Яңа рәис исә өсте брезент белән капланган машина белән чаба башлады. Ул вакытта колхозында полуторка дип йөртелгән бер машина бар иде. Икенчесе – хуҗа йөри торганы. Дөрес булгандырмы-юкмы, анысын да шул фронттагы казанышлары өчен биргәннәр дип сөйләделәр. Менә шушы беренче карашка шактый кырыс, кешеләр белән таләпчән сөйләшә торган абыйны тора-бара авылыбызда үз кеше итеп таныдылар. Ул үзе дә тиз арада кешеләрне белеп, исемнәре белән эндәшә-аралаша башлады. Эшләр әкренләп алга китте, элеккеге “Нати” урынына бер-ике яңа “ДТ-54” тракторы, чәчкечләр, комбайн кайтара алды. Дөрес, олылар сөйләвеннән, без малай-шалайлар боларның әҗәткә алынган акчага кайтарылганын ишеттек. Әмма, Ягъфәр абый әйтмешли, хөкүмәт бурычка акчаны шулай ук теләсә-кемгә тоттырмый икән. Димәк, Нәфыйк абыйны беләләр, кире кайтара аласына ышаналар. Фермалар, ат абзарлары, амбар тирәләре төзекләндерелде, яңалары салынды. Арпаяздагы башлангыч мәктәпкә ремонт ясатулары, түбәсен ябулары хәтердә калган. Шушында эшләүче Гыйният, Гали Нәҗибе кебек абыйларга ул: “Монда безнең балалар укый бит, әйбәтләп ясарга тырышыгыз, малайлар-кызларның күңелләре булсын!” – дип әйткән.

Менә шулай колхозны күтәреп килгәндә, Нәфыйк абыйны эшкә Кукмарага күчерделәр, поселок советы рәисе итеп сайладылар. Ул Кукмараны төзекләндерү буенча да күп эшләр башкарды дип беләм, чөнки ул вакытта мин инде үзем дә Кукмарада мәдәният йортында, комсомол райкомында эшли башладым, Нәфыйк абыйны эш барышында күрергә туры килгәли иде. Аның каравы, без аның улы Илгизәр белән яшьләр оешмаларында бергәләп эшләдек. Соңыннан ул байтак еллар район финанс бүлеген җитәкләде. Менә хәзер Кукмараның урманлы таулары әллә кайлардан күренеп тора. Алтмышынчы еллар башында шәрә тау битләренә агачлар утыртуда Илгизәрләр белән безгә дә турыдан-туры катнашырга туры килгән иде. Шул эшләребезнең матур нәтиҗәләре өчен хәзер дә сөенеп йөрим.

Раяз халык күзенә күренә башлагач, мин аны талантлы җырчы буларак кына бәяли идем. Аның шушы Нәфыйк абый оныгы икәнен белгәч, аерым игътибар итә башладым. Аңарда Нәфыйк абыйның чалымнарын күргәндәй булдым. Булдыклы нәселдән чыккан егетнең үз дигәненә ирешәчәге минем өчен ачык иде, чөнки аның әнисе Илсөяр шушы затлы гаиләдән. Балтач авылының Нөнәгәр авылы егете Наил белән тормыш корып, 5 биш бала үстергәннәр. Расим исемлесен дә ара-тирә сәхнәдә күрергә туры килә. Бу яктан Ләлә әбинең оныкларына тәэсире дә булган икән, аның олыгайган көндә дә җырдан аерылмаганын Балтач ягы кешеләре яратып искә алалар.

Мин үзем Раяз белән ныклап аралашкан кеше түгел. Шулай да бер-ике тапкыр очрашуда ул миндә бик матур тәэсир калдырды. 2005 елны каршылаганда, ТНВ каналы телевидениедән котлау кичәсе оештырды. Ул 31 декабрьдә эфирга чыкса да, берәр ай алдан язылды. Аны тамашачылар белән тулы цирк бинасында төшерделәр. Кызык булсын дигәннәрдер инде, артистлар чыгышы арасында Дәүләт Советы рәисе Фәрит Мөхәммәтшин белән Айгөл Бариева, Зөбәрҗәт исемле яшь җырчы кыз белән мин дә шушы кичәдә җырларга тиеш булдым. Безгә режиссер Зөбәрҗәт белән өстән – купол астыннан, текә баскычлардан җырлый-җырлый аска төшәргә кушты. Дөресрәге, җырлавыбыз инде алдан язылган, без, җырлаганга салынып, авызны кыймылдата-кыймылдата текә баскычтан әкрен генә төштек. Бөтен уем – сөртенеп егылмасам гына ярар иде дигән хәвеф иде. Халык мул итеп кул чапты. Бу газаптан котылып, манеждан үтеп барганда, каршыма бер егет килеп кулын сузды: “Фоат абый, котлыйм, җырлый-җырлый өстән төшүегез бик матур чыкты…” – диде.

Кем булыр бу елмаеп торучы егет?.. Кинәт хәтерем яктырып китте. Карасана, бу бит теге Татар дәүләт фольклор ансамблендә җырлаучы егет!

Мин аңа игътибары өчен рәхмәт әйттем. Менә бу үзе генә дә кешене матур яктан күрсәтә, бер таныш булмаган кешегә шушындый киеренке вакытта җылы сүз әйтү өчен шулай ук яхшы күңелле булу кирәк.

Икенчесе шуннан соң ун ел үткәч булды. 2015 ел, июльнең беренче шимбәсе. Казан дәүләт педагогия институтының Татар теле, әдәбияты һәм тарих бүлеген 1995 елда тәмамлаган студентлар егерме елдан соң очрашу кичәсенә җыелдылар. Алар биш ел саен шушы көндә очрашып, сагынышып күрешеп, хәл-әхвәлләрен белешеп алалар икән. Мине дә онытмыйча, укытучылары буларак, шушы мәҗлестә күрергә теләгәннәр. Шушы студентларның берсе Рамил Хәмит улы атна-ун көн элек, һич кире какмаслык итеп, чылтыратып әйтте: “Фоат абый, шул көнгә нинди дә булса бүтән бер эш билгеләмәсәгез иде, нык ышанып көтәбез!”

Дөресен әйткәндә, бу чакыруны кабул итәргәме-юкмы дигән уй башыма да килмәде, чөнки әлеге югары уку йортында кырык елдан артык эшләү дәверемдә бу курс минем өчен иң якыннарыннан берсе иде. Алар арасыннан күренекле кешеләр дә байтак үсеп чыкты. Хәзерге көндә КФУның Филология һәм мәдәниятара багланышлар институты директоры Рәдиф Җамалетдинов, аның урынбасары Рамил Мирзаһитов, Саба сәләтле балалар мәктәбе директоры Ләйсән Билалова, Кырлай җирле идарәсе башлыгы Газинур Сәфәров һәм башкалар. Күбесе мәктәп директорлары, уку-укыту бүлеге мөдирләре, мәгариф бүлекләре җитәкчеләре… Саный китсәң, бик күп.

Чәй мәҗлесе матур гына башланып китте. Истәлекләр сөйли-сөйли, кайчакта күз яшьләре аша көлә-көлә утырганда, көтмәгәндә җырчы Раяз Фасыйхов килеп керде. Ачык йөзле бу егетнең пәйда булуын барыбыз да сөенеп каршы алдык. Хәл-әхвәл сорашкач, Раязыбыз сөйләп китте:

– Сезнең шушы бүлектә укып чыккан Илназ Бах бу мәҗлескә килергә сүз биргән, әмма бик җитди сәбәп белән килә алмый икән. Шуңа күрә миннән үзен алыштыруымны үтенде. Менә мин монда, алыштыра алсам, әлбәттә…

Өстәл артында утыручылар шаулатып кул чаптылар. Безгә мондый алыштырылу да бик ошый дигән сүз иде бу. Раяз, моны күреп, тагын да яңгыравыклы тавыш белән:

-Мин Илназга әйттем, хуш, анда барырмын да, ә анда беркемне дә белмәсәм, җайсыз булыр. Ә Илназ, син белмәсәң, алар сине беләләр, баш тартма инде син, дустым, диде.

Ул арада Раяз тирә-якка күз йөртеп алырга да өлгерде:

– Биредә мин белгән кешеләр дә бар икән ич. Менә Фоат абый утыра. Арча педколледжында укыганда сезнең башкаруда шигырьләр тыңлый идек, сәнгатькә мәхәббәт уянуда аның да әһәмияте булды дип саныйм. Хәзер менә чыгышларыгызны “Тәртип” радиосыннан тыңлып йөрибез. Болай булгач, бер-ике җыр белән генә котылып булмас.

Оператор булып утырган студентыбыз шулвакыт җырчының минусовкасын тоташтырды. Раяз гадәттәгечә иркен генә итеп җырлап җибәрде, биредәгеләр онытылып тыңлый башлады. Икенче җыры “Исән генә була күрегез” дип атала икән. “Мин аны Фоат абыйга багышлап җырлыйм”, – диде ул.

Әлбәттә, мондый игътибар мине бик дулкынландырды. Әйе, Раяз Фасыйхов бөтен барлыгы белән матур күңелле, чын сәнгать кешесе. Аның бу сыйфатлары тормышының буеннан-буена дәвам итсен, ә гомере яраткан тамашачылары бәхетенә озын булсын. Миңа багышлап башкарган җырында әйтелгән теләкләр үзенә дә рәхмәт хисләре булып әйләнеп кайтсын. Хәер, моның шулай буласына шик юк. Башкаларга яхшы теләктәге кеше гадәттә үзе дә әйләнә-тирәдәгеләрдән күңел сафлыгы, җан сихәте ала. Амин, шулай булсын!

Фоат ГАЛИМУЛЛИН, КФУ профессоры.

tatyash.ru

Фото: клиптан кадр

Запись “Раяз Фасыйховның тамашачылары борчыла” впервые появилась Tatar Today - татар яңалыклары..

– Бер пот ук ашамасам да, башта шактый йөздем инде. Фольклор ансамблендә эшләп, шактый илләр гизеп йөрергә туры килде, ресторан-мәҗлесләрдә дә чыгыш ясый идем. Нәкъ авыл малайларынча инде – эштән куркып тормадык анысы.

– Аннан, тәҗрибәле кулларга эләгеп, җиде еллык килешү, танылу, очышлар…

– Әйе, килешү нигезендә бер срок эшләдем. Танылу, очышлар, дип… Бүгенге күзлегемнән чыгып әйтә алам – гаеп-хаталар шактый булган. Минем акылым җитмәгәнме, тәҗрибә дигәннәре аксаганмы – әмма миңа җиде ел буе ябык боҗра эчендә йөзәсе калмаган. Ике-өч елдан, команда туплап, үз сольникларым белән чыгып китәсем калган. Ниндидер прагматик продюсер кулына килеп эләккән булсам шул вакытта, бүген бөтенләй башкача булыр иде…

– Нинди мәгънәдә инде ул башкача?

– Мин үзе генә дә ышанычлы йөзә алучы «акулалар» арасыннан төшеп калдым. Ә аның өчен башта эшләп күрсәтергә, аннан үзеңнең эшли алуыңны исбатлау белән аерым үз юлыңны башларга кирәк. Ә минем ул вакытта аны үземә генә аңларлыкмыни? Юк бит ул бездә продюсерлар үзәге дә, яшьләр белән эшләрлек проектлар да – мин солянкаларда йөреп, үземнең иң актуаль, иң пик вакытымны кулдан ычкындырдым.

– Монда эш продюсер булмауда гынамы, әллә Раязның тырышып җиткермәвендәме?

– Анысы да бардыр. Миңа ул яктан зур үрнәк – Гүзәл Уразова. Ул шул популяр булган вакытында җигелеп эшләп, үз урынын, тамашачысын, дәрәҗәсен булдырып калды. Әмма, ул бизнес проектларга бөтен кешенең дә теше үтми – җырчыларны күреп алып, үз канаты астына алып, үстерә белерлек продюсерлар кирәк. Менә Элвин Грейны гына алыйк. Аңа карап, әлифне таяк дип тә белмәгән – татар теленең «ә»се белән дә таныш булмаган татар балалары тел өйрәнә. Әйе, кемдер аны тавышсыз дияр, элеккеге җырларны кабатлап җырлый дияр – булсын, шулай булган яллыкта да ул хәзер номер бер. Аның кебек зал җыя алган, бөтен кешене авызына гына каратып тоткан кеше юк. Әмма, кабатлап әйтәм, коры талант, харизма белән генә ерак китеп булмый – Радикның да проекты эшлекле продюсерлык үзәгенең эше. Һәм бик уңышлы проект.

Автор – Гөлнара Җәлилова

“Сәхнә“, 2019 (№3)

Запись Раяз Фасыйхов Элвин Грейга карата фикерен әйтә впервые появилась Tatar Today - татар яңалыклары..

— Быел иң авыр көн 1 октябрь булды. Кызыбыз Венераның эче авыртып, хастаханәгә алып киттеләр. Мин ул көнне чыгыш ясый идем, әнисе аның белән барды. Операция эшләделәр. Тик аннары наркоздан уянуы авыр булды. Баксаң, балага тиеш наркоз ясалмаган икән. Операциядән соң озак вакытны реанимациядә уздырдык, бик борчылдык. Башка төрле начар уйлар да кергәләде… Шөкер, хәзер бар да яхшы. 1 ноябрьдә авыр көннәрнең берсе булды, ул көнне улыбыз егылды. Бу бәлаләрдән соң, 1 декабрьне бик сагаеп кына каршы алдым… — дигән ул.

Фото: https://vk.com

Запись Раяз Фасыйховның иң авыр көннәре впервые появилась Tatar Today - татар яңалыклары..

– Әнвәр, җырлап йөреп кенә акча эшләп буламы?

– Бүген мин тулысынча иҗат дөньясында кайныйм. Бизнесым юк, бары тик концертлар куеп кына акча эшлим. Гаиләне алып барырга җитә, зарлана алмыйм.

– Барлык җырларыгыз да мәхәббәт хакында…

– Мин – мәхәббәт җырчысы, шуңа күрә барлык җырларым ярату һәм сөю хакында. Андый җырлар тамашачыга да якын бит.

– Фонограммага җырлауга мөнәсәбәтегез нинди?

– Җырчы исемен йөртәсен икән, димәк, син тере тавышка җырлый белергә тиеш. Төрле мәҗлесләрдә чыгыш ясарга туры килә. “Әнвәр, әйдә шул җырыңны башкарып кит әле”, – дип әйтәләр. Шул вакытта тере тавышка җырлый алмый торсаң оят бит. Тамашачы сине кабул итмәсә, син җырчы була алмыйсың. Барысы да уңыш эше, компьютердан тавышны матурлап кына җырчы булырга мөмкин түгел. Аннан соң хәзер халык артистларны иләк аша үткәрә, барлык сынауларны уңышлы үтә алсаң эстрадага кереп китү җиңел булачак. Сәхнәгә менеп фонограммага сикереп йөрүчеләрне тамашачы яхшы белә. Шунысы куандыра, моңлы яшьләр бик күп. Аларга урын бирергә һәм киңәшләр белән ярдәм итәргә кирәк. Күбесе эстрадага ничек кереп китәргә кирәклеген белми. Сәхнәгә күтәрелү минем өчен җиңел булмады, шуңа күрә аның нәрсә икәнлеген яхшы беләм. Йолдызлы сәгатен җитәргә тиеш.

– Эстрадада көндәшлек бармы?

– Көндәшлек белән күзгә-күз очрашканым булмады, алай артымнан сөйләп йөрүчеләр дә юк бугай. Көнләшү булса, ак көнләшү генә булсын иде ул. Кайбер җырчылардан үрнәк алам һәм күбрәк эшләргә тырышам. Үземне көнче кешегә санамыйм, сәхнәдә һәркемгә урын җитә. Кемдер миннән алда бар икән, куанам гына.

– Белемегез буенча сез опера җырчысы, ни өчен бу юнәлешне сайламадыгыз?

– Татар эстрадасында классик җырчылар бармак белән генә санарлык. Дәрәҗәле исемлеккә Филүс Каһиров, Илшат Вәлиев, Раяз Фасыйхов кебек җырчыларны кертә алам. Алар затлы һәм югары катлам өчен җырлар башкара. Андый җырчыларга электән үк байлар иганәчелек ярдәме күрсәткән. Аларның иҗатын күзәтеп барам, үз тыңлаучылары бик күп. Мин дә опера җырчысы булырга тиеш идем, ләкин башка юлны сайладым. Безнең халыкка гади җырлар кирәк. Уфаның Сәнгать академиясенә опера җырчысы булырга укыдым. Минем тавыш – лирик баритон. Мин – гади халык җырчысы һәм шуның белән үземне бәхетле саныйм.

Автор: Ләйлә ХӘКИМОВА
Фото: инстаграм
intertat.tatar

Запись Әнвәр Нургалиев нинди шартларда җырлауны оят булуын әйтә впервые появилась Tatar Today - татар яңалыклары..

Әлфия Авзалованың фестивале турында тискәре фикерләр күп булды. Гала-концертны, мәсәлән, халыкара “солянка”га әйләнде дип тә сөйләделәр. Бәйгенең жюри рәисе Венера Ганиева бу сүзләр белән килешмәде. Ул безгә акча артыннан кумавын, чын күңелдән иҗат, шәкертләрен укыту белән шөгыльләнүен сөйләде.

– Халыкара “солянка” дип әйтү дөрес түгел. Бу безнең тар күңелле булуыбызны күрсәтә. Әлегә кадәр республикабызда узучы бер бәйге турында да уңай фикер ишеткәнем булмады. “Татар моңы”, “Үзгәреш җиле”, Ваһапов фестиваль-концертыннан соң да “менә ичмасам шәп узды” дип язмадылар. Бәйге булгач фикерләр дә төрле була, моны дөрес аңларга кирәк,  дип башлады сүзен Әлфия Авзалова фестиваленең жюри рәисе.

– Венера ханым, ни өчен мәшһүр татар халык җырчысы фестивалендә әллә ни билгеле булмаган чит ил кешеләрен чакыртып җырлату, биетү кирәк иде?

– Конкурсның нигезләмәсе әзер булгач, Әлфия апаның кызы белән кияве Зөлфия һәм Равил Нигъмәтҗановлар, бәйгенең дәрәҗәсен күтәрү ниятеннән Европа ассоциациясенә мөрәҗәгать иттеләр. Европада узучы конкурсларда катнашу өчен бөтен дөньядагы музыкантлар, җырчылар һәм биючеләр шушы ассоциация аша анкета тутыра. Чит илдән килгән катнашучыларыбыз да безгә әнә шулай үзләре теләк белдереп килделәр. Килешәм, безнең биюләр белән аларныкын чагыштырып та булмый. Махсус шушы бәйге өчен барлык чыгымнарны үзләре күтәреп Һиндстаннан, Американың Монтана штатыннан килгән катнашучыларны гала-концертта күрсәтмичә кире борып кайтару безнең тарафтан матур булмас иде. Читтән килгән кунакларны ачык йөз белән каршы алып, мең еллык Казаныбызның истәлекле урыннарын күрсәтеп, тиешле дәрәҗәдә кунак итеп озатып җибәрә алуыбыз белән без бәхетле.

– Алып баручылар Салават Фәтхетдиновны да жюри әгъзасы дип әйтте, Салават әфәнде безгә, минем монда бернинди катнашым юк диде. Моны ничек аңларга?

– Конкурсның генераль продюсеры итеп Салават Зәки улының кулы куелды һәм ул җюри әгъзасы булып билгеләнде. Аның килү-килмәве миннән тормый. Шуңа күрә кеше өчен җавап бирә алмыйм. Бәйгегә килмәгәч, жюрида утырмагач нәрсә дисен инде? Әлбәттә катнашым юк, дип әйтәчәк. Минемчә, продюсер ул бик зур вазыйфа. Әлеге фестивальгә ул да үзенең өлешен кертә ала иде. Бәлки, соңгы нәтиҗәләргә йогынты да ясаган булыр иде. Ләкин ул килмәде.

– Венера ханым, Әлфия Авзалова фестивале сезнең укучылардан торган “йолдызлар фабрикасы”на охшап калды дигән фикерләр әйттеләр. Моңа бит җирлек бар, катнашучылар, җиңүчеләр арасында сезнең укучылар балкыды!? Нигә сез гел үзегезнең укучыларны гына үстерү яклы?

– Минем укучыларым җырлый белгәнгә мин гаепле түгел бит! Жюри әгъзалары абруйлы шәхесләр. Алар белән ике көн дәвамында сайлап алу турларын үткәрдек. Җиңүчеләрне дә гадел итеп, бер фикергә килеп барладык. Гран-прины бирү буенча гына бераз канәгатьсезлек белдерүчеләр булды. Ләкин минем намусым чиста. Илнар Миранов эстрада жанрында, ә халыкчан җырлау буенча Лилия Хөсәенова гран-прига ия булды. Әлфия апа җырчы булгач, гран-прины да җыр жанрларына бирергә булдык. Үзем жюри рәисе буларак, концертта шәкертем Марсель Вәгыйзов белән җырладым. Конкурста “Элмәлек”не Лилиана Ирназаровадан да яхшырак җырлаучылар булмады. Илнар Мирановны алкышлаган кебек берәүне дә алкышламадылар. Илнар Ялаловка килгәндә, ул триода, ә Раяз Фасыйхов ялгыз җырлады. Алинә Шәрипҗанова жюрида утырды һәм концертта кунак буларак катнашты. Укучыларым яхшы җырлаганга минем гаеп юк. Яхшы укытучы булсаң, шәкертләрең дә яхшы булачак. Җиңүчеләр арасында сезнең укучылар балкыды, дисез. Минем укучыларым бик сәләтле һәм актив. Бу безнең алар белән уртак тырышлыгыбыз нәтиҗәсе. Мин теләгәнгә генә түгел, алар үз тырышлыклары белән сәхнәгә менгән җырчылар. Бүгенге көндә Ваһапов фондында хезмәт куючы җырчыларның дүртесе дә минем укучыларым. Җыр һәм бию дәүләт ансамблендә дә, “Бермәнчек”тә, Опера театрында, Айдар Фәйзрахмановның ансамблендә, Казан шәһәр филармониясендә һәм тагын бик күп дәрәҗәле урыннарда эшли миндә белем алып, тәҗрибә туплап чыгып киткән укучыларым. Шуннан чыгып безнең институтны йолдызлар чыгаручы фабрика дип атарга була. “Йолдызлар фабрикасы” дигән сүз дә минем күңелемә хуш килә.

– Фестиваль дәүләт һәм спонсорлар ярдәме белән үтте. Нигә катнашучылардан 2 мең сум акча җыярга кирәк булды?

– Финанслау бик әз булды. Гомумән, конкурсның чыгымнары күп. Мисал өчен “Татар моңы” конкурсын уздырырга 5 миллион, Ваһапов фондына 12 миллион бирсәләр, Әлфия Азвалова исемендәге бәйгегә нибары 600 мең сум күчерелде. Гомер буе татар җыр сәнгатенә хезмәт иткән олугъ җырчыны шулай түбән бәяләргә ярамый дип саныйм. Конкурс кысаларында Әлфия апага кабер ташын да куярга теләгән идек. Президенттан акча бирелүгә карамастан, таш әлегә кадәр әзерләнеп бетмәде, кызганыч.

– Ни өчен үзегезгә шулкадәр күп авырлык аласыз – “Үзгәреш җиле“, “Сөембикә“ операсы, Әлфия Авзалова фестивале... Жюри рәисе булырга, оештыручы эшләрен үз өстенә алучы башка шәхес юкмы, әллә үзегез теләк белдердегезме?

– Фонд оешты, конкурс уздырасым килә. Әни үлгәч бәйгеләрен уздырырбыз, ярдәм итәрбез, дип вәгъдәләр биргәннәр иде. Оныттылар. Барысы да үз эшләре белән мәшгулъ, дип март аенда Зөлфия ханым аптырап миңа мөрәҗәгать итте. Бәйгеләр уздыру буенча тәҗрибәм дә булгач, бик теләп ризалаштым. Юк, бу бернинди дә авырлык түгел, рәхәтлек кенә. Мәсәлән, Салават “Татар моңы”ның жюри рәисе, Зилә Сөнгатуллина “Йолдызлык” (“Созвездие”) та утыра. Шушы дәрәҗәле конкурсның жюри рәисе булып миңа нигә утырмаска?

Минем күптән укып бетергән шәкертләрем дә бар. Алар күбесе “Үзгәреш җиле” фестивалендә катнаша. Әгәр алар начар җырласа, анда катнашмаслар инде. Чөнки анда начар җырлаган берәүне дә тотмыйлар. Начар җырлаучылар конкурстан төшеп кала бара. Анда алга таба яңа катнашучылар булачак. Мин аларны ел буе барлыйм. Аларга репертуарлар туплыйм, аранжировкага җибәрәм. Минем өчен бу бер рәхәтлек кенә. Мин сәнгатьтә үз урынымны таптым. Файдалы кеше булып яшәргә кирәк. Тегесе начар, монысы начар дип сүз болгатып утыру кирәкми.

Шулкадәр күп авырлык аласыз, дисез. Хезмәт беркайчан да җиңел булмый. Ничек уйлыйсыз, айлар буе гастрольләрдә йөргән Салаватка авыр түгелме?  Тавышым, Аллага шөкер ялтырап тора әле. Гастрольләргә дә йөри алам. Ләкин мин акча артыннан кумыйм, башка юл сайладым. Бүгенге көндә иң зур байлыгым – ике театрда күп көч һәм хезмәт куеп тупланган тәҗрибәмне укучыларыма өләшәм, аларга төпле белем биреп, зур сәхнәгә әзерлим. Бу минем изге бурыч.

Запись Айлар буе гастрольләрдә йөргән Салаватка авыр түгелме? Мин акча артыннан кумыйм, ди Венера Ганиева впервые появилась Tatar Today - татар яңалыклары..

Концертка татар эстрадасының берничә танылган артисты да килгән. Иң беренчеләрдән булып, Хәния Фәрхи белән ИлСАФ Инстаграммда концерттан бердәм фото төшереп куйганнар. Салават Фәтхетдинов та сәхнәдәшен котларга килгән, җыр да башкарып китте.

View this post on Instagram

A post shared by Ильсур Сафин.(ИлСАФ) (@ilsaf_rt)

http://www.instagram.com/p/BNNLwmuAaWT/?tagged=раязфасихов

Раяз тамашачылары яратып өлгергән җырларыннан кала, яңаларын да башкарды. Күптән түгел генә “Алма кебек кызарма” өр яңа җырына бик үзенчәлекле мультфильмлы клип чыгарган иде. Клиптагы баш герой ат та сәхнә түрендә булды. Бергә җырлап-биеп, күңел ачканнан соң, ахры бергә-бергә өйгә дә кайтып киткәннәр. Бүген ул Инстаграммда балалары һәм хаман шул дусты-аты белән: “Кичәге концерттан соң ял итәбез, ат та бик арган” дип,  язып фото куйган.

View this post on Instagram

A post shared by rgumer (@rgumer)

View this post on Instagram

A post shared by Эльмира Б@йр@мчик (@elmira_bairamchik)

Tatar Today

Запись Әллә Раяз концерттагы аты белән өенә кайткан инде? [видео] впервые появилась Tatar Today - татар яңалыклары..

Улан-Удэ шәһәреннән Башкортстанга күченеп кайткан урыс кызы белән таныштым. Уртак темалар күп булгач, якыннан аралаша башладык.

Запись Раяз Фасыйхов акчаларын кайда саклавын, штрафларын кем түләвен әйтеп ата впервые появилась Tatar Today - татар яңалыклары..

Чыннан да, Раяз бик шәп аучы икән. Инде берничә сәгатьтән ул инстаграм битендә  аткан үрдәкләрен тотып төшкән фотоны урнаштырды:

“Ау бик уңышлы булды!” дигән җырчы.

Ләкин әлеге фото астында калдырылган фикерләргә игътибар итсәк, күп кешеләр Раязны гаеп итеп чыкты:

“Кошлар , хайваннар рәнҗешеннән дә курыкмыйлар бу аучылар”, “Ачлык заманы түгел бит, нигә инде атарга ул кошларны? Кызык ясау өчен мени???? Кош ите ашыйсың килсә, рәхәтләнеп йорт кошларын : тавыгын, казын, үрдәген һәм башкасын үстер дә аша инде.”

“Монысы да үрдәк тоткан. Бик круто дип уйлый торгандыр инде. Фасихов – минус ике. Хуш.”, дигән интернет кулланучыларның берсе.

Шул ук вакытта, җырчыны яклап чыгучылар да күренде:

“Бик әйбәт ачкансыз ауны. Котлыйм. Һәрберебезнең үз шөгыле бар. Черки белән чебеннәрнең рәнҗешеннән куркып утырыйкмы инде хәзер. Машинада йөргәндә чыккан газлар жирдәге бар тереклеккә зыян сала. Тик аңа карап күбебез машинада йөрүдән баш тартмыйбыз. Кешене өйрәтү жиңел. Үзебездән башлыйк.”

Фото: kazan24.ru

Запись Раяз Фасыйховны тамашачылар атып үтергән кыр үрдәкләре өчен сүгә [фото] впервые появилась Tatar Today - татар яңалыклары..

Көзге ау сезоны 15 августта ачык дип игълан ителсә дә, Раяз әле бу көннәрдә генә табигатькә чыга алган. Сөенече белән инстаграм битендә  дә бүлешә ул:

С открытием охоты! Удачи всем!

Фото опубликовано Rayaz (@rayazfasikhov) Сен 3 2016 в 5:56 PDT

Әлеге фотоны урнаштыргач, кемдер Раязга соклануын белдерде, ә менә кайбер интернет кулланучылар аучылыкны бик өнәп бетермиләр икән. Шулай, җырчы битенә язылган бер кеше менә мондый фикерен калдырды:

“Шулкадэр ерак араларны очып кайтып, аннан авырлыклар белән балаларын үстергән кошларны бер кисәк ит яки “ради куража” атып алуны масаерлык дан диеп саныйсыздыр…”

Запись Раяз Фасыйхов ауга чыга [фото] впервые появилась Tatar Today - татар яңалыклары..