– Концерт дигәннән, сине Башкортстанга кертәләрме?

• Көн саен белешеп торган юк. Ишекләр ачылса, шлагбаумнар күтәрелсә, Башкортстан якларына көз көне барырга исәп, Аллаһы боерса. Шәхсән минем Башкортстанда концертларым өзелмәде. Бу проблеманы артистлар күтәреп чыкты. Сөйләштек, аралаштык, аңлаштык. Ахыры хәерле тәмамлансын.

– Сабан туена чакырулар кабул итә башладыңмы?

• Әйе! Шалтыратып бәяләрне сорашып, алдан белешеп куя башладылар. Ул мәсьәләләрне бертуган абыем Илгиз абый хәл итә.

– Тормыш иптәшең бизнес белән шөгыльләнә башлады. Гаиләдә акча җитмәүдән түгелдер бит?

• Аллаһы Тәгалә җан биргәнгә юнь бирә, ди. Пандемияга кереп чумгач, алда ачыклык күренмәде. Унбер ай декретта яттык. Хатыным Диләрә челтәрле бизнеска кереп китте. Башта концертлар гөрләп барганда, “барма, йөрмә, Ислам белән өйдә бул, мине каршы алып, озатып калырга өйдә хатын кирәк” дигән идем. Үзем дә өйдә ята башлагач, фикерләр 180 градуска үзгәрде. Азмы-күпме хезмәт хакы ала башлады. Эшенең нәтиҗәсе күренә.

Эльвира Шакирова

Чыганак: "Шәһри Казан" 

Запись “Ишекләр ачылса, шлагбаумнар күтәрелсә…”. Рифат Зарипов кая җыена? впервые появилась Tatar Today - татар яңалыклары..

Татар эстрадасы артисты Рифат Зарипов 3 июль кич белән балыкка барган. Улы Ислам да әтисе янында йөри.

Рифат Зарипов кайсы күлдә Стерлядка, кайсында Сазан балыгы икәнен күрсәтә. 3-4 сәгать эчендә ярыйсы гына балык тотып өлгерәләр. Балыкның зурысы да, кечкенәсе дә бар!

Видео Рифат Зарипов инстаграмыннан

Запись Рифат Зарипов балыкка барган. Эләктерә алганмы икән? [видео] впервые появилась Tatar Today - татар яңалыклары..

30 август, Республика көнендә, Пирамида концертлар залында «Болгар радиосы»ның бәйрәм концерты булып узды. Республика көне уңаеннан, Tatar Today концертта чыгыш ясаучы җырчыларның әлеге бәйрәм турында беренче тапкыр кайчан ишетүләре турында кызыксынды. Кемдер Республика көнен игълан ителгән көннән башлап белсә, кемдер Казанга килгәч кенә бу бәйрәмне үз күзләре белән күрү бәхетенә ирешкән.

Татарстанның халык артисты Гүзәл Уразова фикеренчә, 30 августны моннан 10 ел элек ныклап бәйрәм итә башлаганнар. “Бу бәйрәм хәзер бөтен милләттәшләребезнең зур бәйрәменә әйләнде. Сабантуйларны да чит илләрдә дә уздырабыз. Читтә яшәгәннәр дә бездә  үткән чараларны карап сөенәләр, горурланалар. Республикам белән мин дә горурланам. Шушы горурлык хисе беркайчан да кимемәсен”, – ди ул.

Татарстан гимны булырлык җыр иҗат итеп, аны тамашачыга җиткерү теләге дә юк түгел аның.

Татарстан бәйсезлеген игълан иткән көнне Татарстанның халык артисты Зәфәр Хәйретдинов Красноярскида концертта була. «Бөтен халык дәррәү килеп кул чапкан иде», – ди ул бу көнне искә алып.

Татарстанның халык артисты Виталий Агапов әйтүенчә, үз Республикасы горурланырлык булсын өчен яшәгән, эшләгән Республикалар аз. “Кайда гына барсак та, горурланып өйтерлек Республикабызның тырыш халкы, әйтер сүзе, күрсәтерлек нәтиҗәләре бар”,-  ди ул.

Илсөя Бәдретдинова Республика көнен бәйрәм иткәнне 1998 елда беренче тапкыр Казанга укырга килгәч күргән. “Гомердә онытасым юк бу көнне”, – ди ул.  “Безгә ел саен үткәрелә торган бәйрәм булгач, алай ук бик хис ителмидер. Ә менә читтә яшәүчеләр өчен бу зур бәйрәм. Концертта читтән килгән милләттәшләребез дә утыра, аларның күзләре янып тора”, – дип уртаклаша ул сәхнәдәге хис-кичерешләре белән.

Оренбург егете җырчы Рифат Зарипов әйтүенчә, Татарстанга килеп керү – ул үзе бер бәйрәм булган. “Әлеге бәйрәмне концертларда тамашачы белән бергә студент елларыннан бирле бәйрәм итә киләбез”, – ди ул.

Башкортстанның атказанган артисты Марат Шәйбаков быел беренче тапкыр әлеге бәйрәмгә килгән. “Күп кенә чараларны карадык, миңа бик ошады. Шушы бәйрәмне күрү бәхете татыганга мин бик шат”, – ди ул.

Татарстанның һәм Башкортстанның халык артисты Айдар Галимов 30 августны төрле чаралар, күп халык һәм салютлар белән искә ала икән.

“Республика көне бик зур бәйрәм, чөнки ул читтә яшәүче татарларны да берләштереп тора. Бәйрәм көнендә генә түгел, һәрвакыт читтә яшәүче милләттәшләребез Татарстанның ничек яшәвен, уңышларын күзәтәләр, сокланалар”, – ди ул.

Айдар Галимовны шулай ук соңгы арада Татарстан белән Башкортстанның сәяси яктан якынаюы сөендерә. “Без һәрвакыт бергә яшәдек. 31 ел элек Башкортстанда Татарстан көннәре булды. Мин 31 ел элек катнашкан идем. һәм менә быел шундый сәяси вакыйга. Иң беренче чараларның берсе булып бөек Тукайга һәйкәл куелды, уйлап карагыз. Шушы ике лидерның бергә баруына сөенәм. Бердәм булып яшик”, – ди җырчы.

Запись Илсөя Бәдретдинова 30 август турында: “Гомердә онытасым юк бу көнне” впервые появилась Tatar Today - татар яңалыклары..

Татар эстрадасының популяр җырчысы Рифат Зарипов халыкны инде ничәнче көн борчуга салган һава торышы мәсьәләләре буенча аралашып алдым, дип шаярта.

“Куркып тормадым, барысын да әйттем. Җәйге яңгырны август ахырында туктатачаклар. Ә инде сентябрь башыннан көзге яңгырлар китәчәк”, – ди ул.

View this post on Instagram

A post shared by Рифат Зарипов (@rifat_zaripov_official)

Мәгълүмат Рифат Зарипов инстаграмыннан

Запись Рифат Зарипов: “Куркып тормадым, барысын да әйттем” впервые появилась Tatar Today - татар яңалыклары..

7 июль көнне Казанның Горки-Әмәт урман паркында “Болгар радиосы”ның ачык һавада узган концертында танылган җырчылар Рифат Зарипов, Булат Нигъмәтуллин һәм Лилия Хәйруллина Лейнаның “Малай на белом Барсе” исемле җырына карата “Tatar Today”га үз фикерләрен җиткерде.

Рифат Лейнаның русча-татарча җырын начармы яки яхшымы димәде, конкрет җаваптан читләшеп, үзенең хөкемдар булмавын белдерде.

– Русча-татарча җырны кирәк дип санасалар, кирәктер инде, мин хөкемдар түгел. Әгәр минем стильгә туры килә, әгәр халык ярата икән, халыкка кирәк икән, нишләп җырламаска, – диде ул.

Булат Нигъмәтуллин уйлавынча, әлеге җыр кызык уйлап табарга кирәк булганга язылган.

– Бу җыр безне русча сөйләшүчеләр арасында популярлаштыра, чөнки үзегез беләсез, татарларның күбесе татар телен белми, шуңа күрә алар кызыксынып тыңлый башлыйлар. Катнаш булса булсын, барыбер Татарстан турында бит. Үзем шундый җырларны җырлар идемме, аны әйтеп булмый. Минем тыңлаучылар 18-56 яшькә кадәр һәм өлкәнрәкләр дә бар, – ди җырчы.

Лилия Хәйруллина да интернетны шаулаткан әлеге җыр турында фикерен үзенчә аңлатырга тырышты. Шаян, яшь кешеләргә мондый җырларны яздыруның гаебе юклыгын әйтте.

– Һәр кешенең үз стиле булырга тиеш. Әгәр синең зур шәхес буласың килә икән, әлбәттә, алай көлеп җырларга кирәкми, культурага игътибар бирергә, халык җырларын, классик җырларны өйрәнергә кирәк. Мин русча-татарча җырны башкарыр идем, бәлки, ләкин андый шаянлыкның чиге булырга, текст яхшы булырга тиеш. Әгәр дә инде культура кысаларында икән, тексты да, музыкасы да матур икән, нигә җырламаска, яшьләргә дә бит нәрсәдер тыңларга кирәк, – дип сөйләде Лилия Хәйруллина

Запись Лейнаның интернетны шаулаткан җыры турында Рифат Зарипов, Булат Нигъмәтуллин, Лилия Хәйруллина ни уйлый? впервые появилась Tatar Today - татар яңалыклары..

Татарстанның һәм Башкортстанның халык артисты Салават Фәтхетдинов үзенең инстаграм битендә  кызыклы видео урнаштырган. Видеода Рифат Зариповны да күрергә мөмкин.

“Җәмәгать, менә Казан урамнарыннан китеп барам әле хисләнеп, яңа машина алдым! Машина йөртүчесе таныш кеше. Барыбер бушка түгел, таксист алдым әле үземә рәхәтләнеп, – ди Салават. Машина йөртүчесе Рифат Зарипов икән бит! Рифат та җавапсыз калмый: “Җәй көне эш юк, эшлибез. Таксига чыктык,” – ди ул.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Фото likes.ru сайтыннан

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Запись Имеш Салават яңа машинасына Рифат Зариповны шофер итеп ала [видео] впервые появилась Tatar Today - татар яңалыклары..

– Концертларыгызга билет бәяләре арттымы? Тауар, ризыклар бәясе үсте, беләсездер..

– Бензинга да, бөтен әйбергә дә артты. Төркемдәге егет-кызларга да артты. Безнең кредитлар да бар. Менә утлар аласың, берсе дә 100-200 мең генә түгел, миллионлап тора. Сәхнәбез дүртәр миллион тора, мин моны үзем сатып алдым. Ничек кредитың булмасын инде?

– Бу кадәр техник база белән алга таба планнарыгыз нинди?

– Казаннан соң Себергә гастрольгә чыгып киттек.

– Себердә дә тамашачы бармы?

– Татар яшәмәгән җир юк бит ул.

– Әгәр сиңа Президент тарафыннан татар эстрадасын “чүп-чар”дан чистарту бурычы куелса, нәрсә тәкъдим итәр идең?

– Кайсыбызны чүп дип әйтеп була? Һәркемнең үз тамашачысы бар. Мин яратмыйм икән, башкалар ярата. Болында ромашка да, кыр чәчәге дә, кычыткан да, шайтан таягы, корыган ботаклар да бар. Алар барысы да табигать өчен кирәк. Барысы да булырга тиеш… Кемгә нәрсә ошый, шуңа соклана

 – Сез милли җанлымы?

– Әйе дип ышанам. Концертларда да әйтәм. Гаиләдән башларга кирәк аны. Сәхнәгә чыгып “Татарча сөйләшегез!” дип акырып кына булмый. Дәүләт тәрбияләмәгәч, сәхнә генә тәрбияли алмый. Мәсәлән, Казанда минем баланы татар балалар бакчасына бирәсе килде. Бардык, язылдык — татар төркеме, татар балалар бакчасы. Татар төркеменә барырга теләүчеләр арасында бары ике генә кеше булды. Камилә исемле бер кыз һәм безнең улыбыз – Ислам. “Ике бала өчен татар төркеме ясап тормыйбыз” диделәр дә, урыс төркеменә керде дә китте. Син телисеңме, теләмисеңме, ул русча сөйләшә. Өйгә кайтып, “Мин сине аңламыйм, улым, татарча сөйлә!”, дим. “Ладно, хорошо!”, дип әйтә дә, китә дә бара. Әнисе белән сөйләшә. Улыбызның теле соңрак ачылып бара әле, чиста татарча да, русча да сөйләшми. Ике телне дә үзләштергәч, авыррак бара.

– Үзегездән канәгатьме сез?

– Аллага шөкер, үземнән канәгать. Мин үзем ялкау. Планнар, хыяллар, уйлар, теләкләр бар, ләкин бөтен теләгәнне эшләргә ялкаулык комачаулый. Иртән торып чапмыйм. Концерттан кайткач, соң ятыла, төштән соң гына уянам.

– Рифат, ни өчен алып баручы буларак ТНВдан, татар телевидениеләреннән югалдыгыз?

– Югалдым дип… Аның сәбәбе мин теләмәгенлектән түгел. ТНВда да, TMTVда да җитәкчеләр алышынды. Яңартып, үзгәртеп торалар. Халыкка һаман бер артистны, безне күрсәтү дә туйдырадыр дип алар башка артистларны чакырдылар, башка артистлар белән эшлиләр. Ходай насыйп итсә, исән булсак, киләчәктә бәлки тагын чакырырлар, тагын бергә эшләрбез.

– TMTVда үзегезнең хисапка тапшырулар эшләгәнсез дигән сүзләр ишетелде. Бу дөресме?

– Әйе, дөрес. TMTV – ул бит коммерцияле канал. Хәзер кайда да клибыңны илтеп бирәсең икән, беркем дә бушка күрсәтми. Фәлән-фәлән сумманы түлисең дә, радиодан да әйләндерәләр. Миңа авылга кайткач, “әй, радиодан да, телевизордан да төшмисең, шулкадәр күп акча эшлисеңдер инде”, диләр. Бу очракта радио, телевидение эшли. Акча заманасы. Кеше булып калыр өчен дә акча кирәк хәзер.

– Остазларың үзләре концертыңны килеп карыйлармы соң?

– Ел да концертлар март аена туры килә. Ул вакытта Салават абыйның Себер якларында гастрольләре була. Аннары ул кайта, без Себергә китәбез. Бер тапкыр да әле аның килеп караганы юк. Мин Салават абыйның шәкерте бит инде. Анда укып, эшләп киттем.

– “Салават аркасында үстең” дигән сүзләр күңелеңә тимиме?

– Ул сүзләр күңелгә тими. Ничек тисен? Дөресе шул бит! Яшермим, мин Салават абыйда эшләп, тәҗрибә тупладым. Күп әйберне аннан алдым. Сәхнәдә ничек сөйләшергә, ничек торырга, тамашачы белән аралашырга өйрәндем. Тамашачы гына түгел, сәхнә артында үзеңне ничек тотарга икәнлеге дә — Салават абый мәктәбе.

– Ничә кеше синең белән хезмәт итә?

– Без төркемдә 10 кеше. Казанда биючеләр өстәлеп, 12 булдык. Ике абыем белән дә гел бергә йөрибез. Гаиләләре белән Казанда яшиләр.

– Ник абыйларыңны видеолар, интернетта күрсәтмисең?

– Күрсәтәм. Сөйләгән бар бит инде. Бөтен җирдә сөйлим. Видеоларда юктыр алар. Әйтүен әйтәм инде. Илдус абыем синтезаторда уйный, ул — музыкант, оркестрда хезмәт иткән кеше. Менә аның белән дә видеолар куярбыз әле. Илгиз абый безнең төркемнең җитәкчесе дә ул, оештыручы да, оператор да. Ул тавыш көйләү аппараты артында да утыра, сәхнәне дә карап тора. Бергә эшлибез, бергә яшибез.

Запись “Кайсыбызны чүп дип әйтеп була?” – Рифат Зариповның туган көнендә иң кәттә җаваплары впервые появилась Tatar Today - татар яңалыклары..

Рифат кызын өе янындагы татар балалар бакчасына бирергә теләгәнен дә искәртеп үтәләр алар.

“Кызым, мин сине эзлим, өйгә кайт әйдә,” – дип шаярып җавап бирә Рифат Зарипов бу хәлгә үзенең Instagram аккаунтында.

 

Посмотреть эту публикацию в Instagram

 

Рифат Зариповның @rifat_zaripov_official кызы бар?! Танылган җырчы, юморист Рифат Зарипов белән мәзәк хәл килеп чыга. Тулырак @tatar_today сайтыннан укый аласыз

Публикация от Tatar today порталы (@tatar_today) 22 Май 2019 в 2:08 PDT

Запись Рифат Зариповның кызы бар?! впервые появилась Tatar Today - татар яңалыклары..

«Юлларда исән-сау йөрергә, игелеген күрергә язсын, энем! Син молодец!» дигән ул артистны яңа машинасы белән котлап.

“Айдар Рифкатович, бик зур рәхмәт сезгә. Бергә куанып яшәргә насыйп булсын” дип җавап кайтарган аңа Рифат Зарипов.

 

Посмотреть эту публикацию в Instagram

 

Котлыйбыыз,@rifat_zaripov_official !!!? Юлларда исэн – сау йорергэ, игелеген курергэ язсын, энем!!!? Син молодец!!!?????

Публикация от Айдар Тимербаев (@aidardus) 5 Апр 2019 в 5:13 PDT

Запись Рифат Зарипов гаиләсендә сөенче [видео] впервые появилась Tatar Today - татар яңалыклары..

Пародияләр остасы һәм җырчы Рифат Зарипов ТМТВ каналында чыгып килүче “Сер булып калсын” тапшыруында кунак булган. Видеоның бер өзеге соцчелтәрләрдә таралды. Сүз барышында әңгәмәдәшләр бала тәрбияләү темасына да кагылып үткәннәр.

“Бала карауны концерт куюга караганда да авыррак дип саныйм. Бала карау – ул зур эш” ди Рифат Зарипов.

Бу сүзләр, әлбәттә инде, тамашачыларның күңеленә хуш килгән. Әлеге теманы күтәреп алып, халык күп итеп комментарийлар язып, зур итеп гәп куерта башлаганнар.

“Моны аңлаган ир-атка молодец диясе генә кала. Рифат, син молодец!” дип язганнар. Ләкин көтмәгәндә моннан да зуррак бәхәс бөтенләй башка сәбәп аркасында кыза башлый. Барысы да Вадим Захаровның “ Җен ачуларымны чыгара шушы рифат Зарипов, акыллы сүзләр сөйли инде янәсе” дип комментарий калдыруыннан башлана.

Башкалар шунда ук җырчыны “атакалый” башлый. Рифат үзе дә: “Кемнән-кемнән?! Синнән көтмәдем Вадииим!” дип яза. Аның сүзен куәтләп башкалар да: “Рифатның уңышларыннан көнләшә дигән фикер уята”, “Вадимның нигә җен ачуы чыга? Дөрес сүзгәме? Димәк үз гаиләсендә шул темага карата проблемасы булган яки хәзер дә бар . Проблемасы булмаса ул кадерле вакытын монда язып әрәм итмәс иде” дигән комментарийлар калдырган.

Ахырга таба гына укучылар моның шундый шаяру икәнен төшенә: “Күңелегезгэ авыр алмагыз, шаяру безнең шулай”, дип аңлата Вадим Захаров. “Шаяру гына булган дип кабул иттем инде” ди аңа җавап итеп Рифат та.

“Чебеннән фил ясадыгыз инде” дип йомгаклап куйган тагын бер укучы.

 

Посмотреть эту публикацию в Instagram

 

Рифат Зарипов белән килешәсезме? ? Бәби ялында утыручы әниләр, Сез ни диярсез? ? . Әңгәмәнең дәвамын бүген 20:00дә #СЕРБУЛЫПКАЛСЫН тапшыруында карый аласыз! ?

Публикация от ТатМузТВ (@tmtvonline) 20 Мар 2019 в 6:42 PDT

Запись Рифат Зарипов: “Кемнән-кемнән?! Синнән көтмәдем Вадииим!” впервые появилась Tatar Today - татар яңалыклары..