Вакыйга урынында «Tatar TODAY» репортаж төшерде.

Йортның хуҗасы – Марс Хәйруллин. Ул 2009 елдан бирле йорты диварларына чиновникларга һәм дәүләт органнарына каршы кискен язулар урнаштыра: «Менә бу оешмада караклар!», «Менә бу оешма җитәкчесе – ришвәт алучы!» һ.б. Түрәләр аны куркытырга да тырышып карады, килешмәкче дә булдылар. Судта карарлар кабул итеп, Хәйруллиның үзеннән язуларны бетертмәкче дә булдылар – ләкин нәтиҗәсез. Марс Хәйруллин “протестлы язулы йорт хуҗасы” буларак яши бирде.

Бүген коммуналь хезмәткәрләре һәм полиция белән килеп, кран ярдәмендә йорт стенасына күтәрелеп, язуларны алып ташлады. Хәйруллин полицияне өенә кертмәгән. Алар килгәч, йорттан чыкмаган,  тәрәзәләргә кимсеткән сүзләр язган, шулай ук полиция хезмәткәрләренә берничә чиләк су сипкән.

Хәйруллин элек Казан башкарма комитеты архитектура идарәсендә эшләгән. 2000-елларда суд приставлары тарафыннан арестланган милек сату белән шөгыльләнгән. 2006 елда ул суд приставлары белән конфликтка керә, аны лицензиясеннән мәхрүм итәләр. Аның складыннан каравылчыларны алалар, аннары кемнәрдер арестланган милекне урлап киткән. Хәйруллин компенсация ала алмый, шуңа үч итеп, 2009 елда суд приставларын гаепләп, йорты стенасына беренче язуны элә. Шуннан соң ул бу эш белән даими шөгыльләнә башлый. Ул йортына өченче кат та төзи, ләкин хакимият бинаның бер өлешен сүтерүгә ирешә.

ММЧ хәбәрләренә караганда, Татарстан туризм комитеты күптән түгел аның белән килешергә тырышкан, әмма сөйләшүләре барып чыкмаган.

Марс Хәйруллин әйтүенчә, түрәләр аны бер дә яратмый – Кремль төбендә үк хакимиятне тәнкыйтьләгән, караклыкта гаепләгән сүзләрне куюны кабул итмиләр:
«Аларга диварларга хакыйкатьне язу ошамый. Ләкин мин барыбер язам!» 

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Кремль янындагы йорт стенасындагы түрәләрне сүккән язуларны юкка чыгардылар впервые появилась Tatar Today - татар яңалыклары..

Ир Русия эчке эшләр министрлыгының “Цивильский” муниципаль ЮХИДИ идарәсе башлыгы вазифаларын башкарган.

Тикшерүчеләр версиясе буенча, 2015 елның август аенда авыл хуҗалыгы предприятиесендә эшләүче тракторчыларны эшкә чыгар алдыннан табиб тикшеренүе үтүдән азат иткән булган. Ул гына да түгел, аның күрсәтмәсе буенча ялган документлар эшләнгән. Анда компаниянең машина йөртү хокукыннан мәхрүм ителгән бер хезмәткәре 500 сум күләмендә штраф каралган законны бозган итеп күрсәтелә.

Полицейскийга әлеге хезмәтләре өчен предприятиедә җитештерелгән продукция – тавык һәм казылык белән түлиләр. Әлеге продуктларның гомум бәясе 180 сум тәшкил иткән.

Моннан тыш, 2014 елның июль аеннан башлап 2015 елның декабренә кадәр махсус стоянка оештырган хатын-кызны үзенә һәр машинадан “комиссия” түләргә мәҗбүр иткән. Түләмәгән очракта аңа машиналар җибәрмәү белән янаган. Зыян күрүче аңа 13 мең сум акча күчерсә дә, җитәкче барыбер үзенекен эшләгән.

2015 елның декабрендә полицейский берничә тапкыр дисциплина бозган өчен органнардан куылган. Аның эше карау өчен судка тапшырылган.

Татар-информ

Фото: www.securitylab.ru

Запись Казылык һәм тавык белән ришвәт алган өчен полиция хезмәткәрен хөкем итәчәкләр впервые появилась Tatar Today - татар яңалыклары..