“2011 елда “Сөембикә варислары” конкурсында бу җырны беренче ишеткән идем. Һәм шунда ук бу җырга гашыйк булдым. Тарихын белгәч бөтенләй дә үз иттем. Элеккеге җырларның тарихлары белән бик кызыксынам. Һәрбер җырда шул чаклы тирән мәгънә булган бит”, дип яза Гөлназ.

Җыры да моңлы гына үзе. Тик менә игътибарны Гөлназның уң кулының атсыз бармагындагы матур йөзек җәлеп итә. Гореф-гадәт буенча, бу бармакка балдак йә йөзекне кияүдәге хатыннар, йә никахлашкан кызлар гына кия.

Инстачылар да баш вата. “Кияүдә булмагач, ник ул бармагына йөзек киясең”, дип сорыйлар. Гөлназ үзе җавап бирмәгән.

• Гөлназ Асаеваны Элвин Грей белән дә әллә ничә тапкыр кавыштырып, төрле сүзләрчыккан иде. Тик әлегә бу интрига сер булып кала бирә.

http://www.instagram.com/p/BnVszy0h1Mw/?taken-by=asaeva_official

Язма Интертат.ру сайтыннан,

Фото Гөлназ Асаеваның Инстаграмыннан алынды

Запись Гөлназ Асаева кешегә әйтми генә кияүгә чыккан? впервые появилась Tatar Today - татар яңалыклары..

Ул Гөлзадә Сафиуллинаның 70 яшьлек юбилеена багышлана. “Мин шоулар ясамыйм. Халыкка әйтәсе сүземне әйттем, эшлисе эшләрем эшләнде. Бу билгеле бер дәрәҗәдә нокта кую”,  диде Гөлзада ханым. “Бөтенләй туктап бетеп булмаса да, алга профессиональ зур сәхнәдә зур концертлар куеп йөреп булмас инде”, дип аңлатты ул үзенең “нокта кую” фикерен шәрехләп.

Концертта катнашу өчен Гөлзадә Сафиуллинаның Америкада укучы оныгы Ширин Аль-Анси да кайткан. “Оныгым минем концертым өчен ике генә көнгә кайтты. Концертта “Сөембикә варислары” бәйгесе җиңүчеләре дә катнашачак”, ди озак еллар дәвамында “Сөембикә варислары” төрки-татар балалар фестивален оештыручы Гөлзадә ханым.

Концерт программасында Гөлзадә Сафиуллинаның халык күңеленә кереп калган популяр җырлары белән бергә яңа җырлар да яңгыраячак, талантлы яшь режиссер Илшат Рәхимбайның “Әй татарлар” җырына яңа клибы тәкъдим ителәчәк.

Моннан берничә ел элек Гөлзадә Сафиуллина башкаруындагы “Әй, киң төрки даласы!” җырына видеоклипны да Илшат Рәхимбай төшергән иде.

Татар-информ

Запись Гөлзадә Сафиуллина юбилей кичәсе белән иҗатына нокта куймакчы впервые появилась Tatar Today - татар яңалыклары..