Архивы сәяхәт - Tatar Today - татар яңалыклары.

Россия туристларын ни өчен Швейцарияга кертмиләр?

kadria — Sat, 01 Aug 2020 19:18:27 +0000

// Татар Тудей // Татар Бүген //

15 августтан Швейцариягә анда яшәүгә хокукы булган гражданнар гына керә алачак һәм 10 көнлек карантин үтәргә тиеш булачаклар. Русия туристлары өчен әлегә керү ябык.

“Русия югары куркынычлы илләр төркеменә керә, шуңа күрә яшәү урыны буенча 10 көнлек карантинны узу мәҗбүри, әлегә Швейцариягә яшәүгә хокукы булган гражданнар гына йөри ала. Россия туристлары өчен әлегә керү ябык”, диде агентлык әңгәмәдәше, тиешле сорауга җавап биреп.

Элегрәк РФ территориясендә яңа коронавирус инфекциясен кертү һәм таратуны кисәтү буенча оператив штаб 2020 елның 15 августыннан Швейцария белән авиаэлемтәнең яңартылуы турында хәбәр иткән иде. Рейслар атнага бер тапкыр Мәскәү – Женева – Мәскәү маршруты буенча башкарылачак.

Чыганак: ТАСС сайты

Запись Россия туристларын ни өчен Швейцарияга кертмиләр? впервые появилась Tatar Today - татар яңалыклары..

Данир Сабиров: “Гадәти булмаган сәяхәт булды бу!”

Alina — Fri, 07 Feb 2020 12:04:03 +0000

// Татар Тудей // Татар Бүген //

Данир Сабиров тормыш иптәше Миләүшә белән Парижда ял иттеләр. Бу сәяхәтләре турында алар Инстаграм битләренә кызыклы язмалар керттеләр.

“Гадәти булмаган сәяхәт булды бу! «Хорошо там, где нас нет», – дип әйтәләр бит. Әйе, өйдә, Казаныбызда бик рәхәт. Кәртинкәләрдә матур булып күренгән Парижда да бик күп ярлылар яши, анда да халыкның үз мәшәкатьләре.
Әмма! Тарихын саклап калган ил! Шаккатыргыч! Әллә ничәнче гасырда төзелгән чиркәүләр әле дә булса Франциянең күрке булып тора”- дип язган Данир.

View this post on Instagram

A post shared by Данир Сабиров (@danir_sabirov87)

Мәгълүмат Данир Сабиров Инстаграм битеннән

Запись Данир Сабиров: “Гадәти булмаган сәяхәт булды бу!” впервые появилась Tatar Today - татар яңалыклары..

Филүс Каһировның хатыны Эльмира ханым: “Иң кызганычы шул – моның турында бик аз кеше белә”

Гузель — Sat, 04 May 2019 12:50:08 +0000

//Tatar today// Гүзәл Гыйбадуллина//

Җырчы Филүс Каһировның хатыны Эльмира ханым Инстаграмында еш кына круиз белән ял итү турында хәбәрләр урнаштыра. Бу төр ял итү белән ничек кызыксына башлаган? Ни өчен аны сайлаган? Каһировлар гаиләсе үзләре дә круизда ял итәргә җыенамы? Бу турында Эльмира ханымның үзеннән сораштык.

– Эльмира ханым, кайчаннан круизлар белән кызыксына башладыгыз?

– Элегрәк круизлар турында берни дә белми идем. Танышымның Инстаграмында бу төр ял итү, InCruises клубы турында язма күрдем дә, миңа да аңлатуын сорадым. Шул вакытта круиз белән ял итү төре барлыгын белдем. Әлбәттә, бу хакта Филүскә дә сөйләдем. «Зур лайнерда ялны татып карау турында күптән уйлаган идем», диде ул. Моңа кадәр круизларда булган кешеләрнең фикерләрен дә ишеткән булган. Танышым клуб шартлары турында аңлаткач, без дә киңәшләшеп, керергә булдык.

– Ни өчен нәкъ менә бу төр ял итүне сайладыгыз?

– Чөнки без моны тирәннән өйрәндек тә, элиталы ял итү икәнен аңладык. Бу планетабызның барлык илләрендә, матур почмакларында 4-5 ел эчендә булып чыгу өчен уникаль мөмкинлек. Лайнерларда бер сәяхәт итеп кайтканда 3-4 ил һәм 6-7 шәһәрне күрергә була.

Иң кызганычы шул, мондый ял турында кешеләр бик аз белә. Белгәннәре дә аны кыйммәтле дип саный. Статистика буенча, безнең планетадагы халыкның нибары 2 проценты гына кайчан да булса круизда булган.

View this post on Instagram

A post shared by Гастроли Путешествия Бизнес (@kagirovaelmira86)

Нәкъ менә шундый круизларда ял итәргә мөмкинлек бирү өчен, InCruises клубы төзелгән. Чөнки бу ялны бер тапкыр күргән кеше, аңа гашыйк була һәм ел саен йөри башлый.

– Әлеге клуб турында тирәнерәк сөйләп китсәгез иде?

– InCruises клубы эре круиз линияләре белән озак вакытлы мөнәсәбәтләр төзеп, үз сайтын булдырган. Анда турыдан-туры, турагентларсыз круизларны мөстәкыйль рәвештә броньлап була. Сайтта бөтен дөнья буенча 5000 юнәлеш бар. Монда круизларга иң түбән бәяләр куела һәм болар барысы да яхшылап уйланылган партнерлык программасы аркасында булдырыла.

Хәзер ял итәргә һәм дөньяны үз күзләре белән күрергә теләүчеләр бу уңайлы программа аша тур сайлый ала. Компания легаль, рәсми рәвештә теркәлгән. Моны бик күп кешеләр һәм шул исәптән без дә, тикшердек.

View this post on Instagram

A post shared by Гастроли Путешествия Бизнес (@kagirovaelmira86)

Заманча круиз лайнерлары – су өстендә зур шәһәр дияргә була, анда балалар өчен дә, өлкәннәр өчен дә барысы да каралган. Куркынычсызлык һәм стабильләштерү системалары булдырылган.

– Димәк, үзегез дә ял итәргә барачаксыз?

– Әйе, сентябрь аенда бөтен гаиләбез белән Европа буенча беренче круизга барырга планлаштырабыз. 3 ил, 6 шәһәр күрәчәкбез. Шунысын да әйтергә кирәк, Төркиягә 7 көнлек юллама бәясе белән чагыштырганда, бу круиз безгә арзанракка төште.

Әлбәттә, бу круизлар турында бик күп сөйләргә була. Кызыксынучылар булса, минем белән элемтәгә керсен. Барысын да җентекләп аңлатам.

https://www.instagram.com/p/Bw94SEHAvvt/

Запись Филүс Каһировның хатыны Эльмира ханым: “Иң кызганычы шул – моның турында бик аз кеше белә” впервые появилась Tatar Today - татар яңалыклары..

Быел Изге Болгарны карар өчен күпме акча кирәк? [журналист барып кайта]

Габдулла Тукай — Fri, 05 May 2017 10:11:11 +0000

Гадәттә, Казанны Россиянең өченче туристлык башкаласы диләр. Ләкин аннан тыш та республикабызда Алабуга, Болгар, Зөя утрау-шәһәрчеге, Чистай кебек популяр туристлык үзәкләре бар бит әле. Сәяхәтләр сезоны ачылган вакытта бу үзәкләрнең берсе – Болгар шәһәрен “сынап” карадык. //Шәһри Казан//

X гасырда нигез салынган бу тарихи шәһәр заманында Явыз Иван, Екатерина II, Ибн Фадлан кебек бөек шәхесләрне сокландырган. Бүген дә ул Идел буе татарларының Ислам дине кабул итү урыны буларак изге җир дип санала. Экскурсоводлар 400 гектар мәйданны биләп торган тыюлыкны бер көндә генә өйрәнеп булмый, ди. Аның асылына төшү өчен кимендә өч көн кирәк. Быел Болгар дәүләт тарихи-архитектура музей-тыюлыгы туристларны “Кунакчыл Болгар” дигән программа белән каршы ала.

– 2016 елда безгә 472 мең кеше килде. Туристлар агымы ел саен 30 процентка арта. Быел Болгарга су юлы белән килүчеләр саны күбәячәк. Казан, Мәскәү, Самара шәһәрләреннән, Кама буеннан 150гә якын теплоход көтәбез, – ди Болгар дәүләт тарихи-архитектура музей-тыюлыгын үстерү эшләре буенча директор урынбасары Лилия Сафина.

Көненә утызар туристлар төркемен кабул иткән тыюлык экскурсоводлар кытлыгын кичерми. Казанда аккредитация узган белгечләр дә үз төркемнәренә Болгар тарихы турында сөйли.

– Безгә Чабаксар, Түбән-Новгород, Мәскәү, Волгоград шәһәрләреннән, Америка, Кытай, Төркия, Финляндия кебек илләрдән киләләр. Туристларны аеруча тарих кызыксындыра, алар биредәге архитектурага – Ак мәчеткә, зур Коръән китабына соклана, – ди музей-тыюлык методисты Люция Габдрахманова.

Татарлар белән бәйле кайбер тарихи фактлар туристларны шактый ук уйланырга да мәҗбүр итә икән.

– Безнең тарих чит ил кешесенең акылына сыймый. Кайбер туристлар: “Ни өчен сез Җәмигъ мәчете янына Успение чиркәвен төзеттегез?”- дип сорыйлар. Без ике диннең янәшә булуына күнеккән инде. Ә алар моңа шакката. Германиядән килгән бер төркем турист чирәм өстендә бөҗәк күреп бар булганын онытты. Аларда бит бөҗәкләр юк. Болгарның бөҗәкләренә кадәр сокланалар, – дип елмая музей-агарту бүлеге мөдире Ренат Ваһапов.

Быелдан туристларны электрон туристлык-мәгълүмати үзәк каршы алачак. Биредә экскурсияләргә билетлар алып була. Болгарга килгән кешеләрнең исәбе дә шушы үзәктә санала.

Болгар динеңне, тарихыңны тирәнтен өйрәнү өчен иң кулай җир. Биредә яшәгән бабаларыбызның фән-гыйлемгә омтылышын күреп таң каласың. Әйтик, алхимия өчен савытларны беренчеләрдән булып Болгарда ясый башлаганнар. Бездә Көнчыгыш медицина да алга киткән булган. Аның үрнәге буларак бүген тыюлыкта “Табиб йорты” музее эшли.

Төрек-татар язуы музее кунакларны Ислам билгесе булган чалма, таяк һәм кара савыты белән каршы ала. Бу билгеләр “татарларның традицион исламы нәрсәдән гыйбарәт?” дигән сорауга җавап бирә. Чалма – татарларның суфичылык традицияләренә иярүләре нәтиҗәсендәге рухи иреге, таяк – тынычлык, кара савыты – мәгърифәтле Ислам билгесе.

Су юлы белән килүчеләрне Болгар цивилизациясе музее каршылый. Ул бер үк вакытта вокзал функциясен дә үти. Биредә архелогик казылмалар тарихын, Болгарның чәчәк ату чорын, татарларның ген формуласын, Дунай болгарлары белән Идел болгарлары тарихын белеп була.

Ак пулат – Болгар дәүләтенең танылган алты мунчасының берсе. Шәһәрдә барлыгы егерме мунча булган. Бүген бинаның нигезе генә сакланган. Аңа карамастан ике зур миче әле дә үз урынында. Бу мичләр 200 ел буена өзлексез янган. Алардан килгән пар идән аша йөргән, аяк пешмәсен өчен шәһәр халкы мунчада агач сандалилар кияргә мәҗбүр булган.

Кара пулат үзе кара булмаса да, тарихы шомлы. Болгарны Тамерлан яулап алган вакытта гаиләсе белән хан бу бинага кача. Тамерлан да озак уйлап тормый, пулатны яндырырга әмер бирә. Янгында бары хан кызы Алтынчәч кенә исән кала. Тамерлан аның матурлыгына сокланып, кияүгә сорый. Ләкин кыз риза булмый. Шунда ул Алтынчәчнең Алтынбәк белән Галимбәк исемле ике энесен үтерерү белән яный. Туганнарын җибәрү шарты белән Алтынчәч Тамерланга хатын булырга ризалык бирә. Дошман энеләрен җибәргәч кыз Кара пулат тирәсендәге утлы күмерләргә сикерә.

Музей-тыюлыкта тарихи биналарның сакланып калган өлешен яңа төзелгәненнән кызыл тасма белән аералар. Бу туристларга тарихны ничек бар, шулай күрсәтү максатыннан эшләнә.
– Израильдән килгән кешеләр безнең өчен 2000 елдан да яшьрәк булган бина яңа бина санала, ди. Ләкин Болгар аларны менә монысы тарихи корылма, ә менә монысы реставрациядән соң дип яшермичә күрсәтә алуы белән шаккаттырды, – ди Ренат Ваһапов.

Туристларның иң яраткан урын Ак мәчеттер, мөгаен. Ул Кол Шәриф мәчете архитекторы Айвар Саттаров проекты буенча төзелгән. Татарстанның беренче Президенты Минтимер Шәймиев архитекторга бу эшне Кол Шәрифне кабатламау шарты белән тапшыра. Ләкин Айвар Саттаров Ак мәчетнең манараларын зәңгәр төскә “буяп куя”. Соңыннан аны алтынсу итеп үзгәртәләр, ахырдан исә ул ак мәрмәрдән эшләнә. Мәчетнең исеме дә җисеменә тәңгәл килеп тора.

– Ак мәчет Мәдинә шәһәрендәге пәйгамбәр мәчетенә охшаш. Һәр мөселман да изге җиргә бара алмый, шуңа да Мәдинәнең бер кисәге Болгарда булсын дигән Минтимер Шәймиев. Мәчетнең ян-якларында студентлар һәм мөгаллимнәр өчен тору урыны, уку корпусы урнашкан.

Болгар республикада һөнәрчелекне үстерүче шәһәр дә әле. Тыюлыкта урнашкан остаханәләрдә сувенирлар җитештерәләр. Болгар тирәсендә даими оештырылган крос-биатлон бабаларыбызның сугыш коралларын кулланып карарга, тарихны яңа яктан ачарга ярдәм итә. Тарихи белем туплаганнан соң башны ял иттерү өчен дөяләр утары менә дигән урын. Биредә 80 баш дөя асрала. Алар фотога төшәргә, тристлар белән “аралашырга” ярата.

Петр I Болгарга сәяхәте вакытында биредә 77 тарихи бина сакланган булган. Екатерина патша заманында алар 44 кә калган була. Бүген исә Көнчыгыш мавзолей, Кече манара һәм Кара пулат кына исән.

– XVIII-XIX гасырда биредә ак таш чыгарганнар. Ни кызык, бу җирдә беркайчан да табигый ак таш булмаган. Аның урынына шәһәр калдыкларын каезлаганнар булып чыга. Болгар үз гомере бәрабәренә Россия империясен торгызырга, төзекләндерергә булышкан дигән сүз бу. Аяныч һәм сокландыргыч тарих, – ди Ренат Ваһапов.

Болгар цивилизациясе музее – 200 сум (ташлама белән — 100 сум)

Идел буе болгарларының ислам динен кабул итүгә багышланган истәлек билгесе — 150 сум (ташлама белән— 70 сум)

«Табиб йорты» музее — 50 сум ( ташлама белән — 30 сум)

Успение чиркәве тарихы музее — 50 сум ( ташлама белән— 30 сум)

Габдрахман коесы — 30 сум ( ташлама белән — 20 сум)

Калган объектларга керү ирекле.

Алисә Сабирова

Запись Быел Изге Болгарны карар өчен күпме акча кирәк? [журналист барып кайта] впервые появилась Tatar Today - татар яңалыклары..

Велосипед һәм скутерда хаҗга киткән егетләр Бакуга барып җитте [фото]

Редактор1 editor1 — Fri, 15 Jul 2016 05:01:14 +0000

Өч айда Мәккәгә барып җитәргә планаштырган егетләр Бакуда татарлар белән очрашты. Аларның сәфәре дәвам итә. //Азатлык радиосы//

Татарстаннан велосипед һәм скутерда утырып хаҗга киткән Булат Насыйбуллин һәм Марат Фәйзи Бакуга килеп җитеп андагы татарлар белән очрашкан. Егетләр Азәрбайҗанның истәлекле урыннары һәм Гейдар мәчете белән дә танышкан.

Татарларның бу якларга килеп эләгүе белән кызыксынганнар. Азәрбайҗандагы татар оешмасы вәкиле Эмин Рамазанов белән Каспий диңгезендә теплоходта авыз ачканнар. Бөтендөнья азәрбайҗаннар конгрессының Татарстандагы рәисе Сарраф Кәримов хаҗга чыгучыларны торак һәм ризык белән тәэмин иткән. Егетләр сүзләренчә, Кәримов аларның шулай Русиядән кадәр велосипед һәм скутерда юлга чыгуына сокланган. Егетләргә ярдәм итүне үзенең бурычы дип санаган.

Баштарак егетләр хаҗга Азәрбайҗанга кереп тормыйча туры Грузия аркылы гына китмәкче булса, ниндидер проблемнар чыгу сәбәпле, Баку аркылы барырга булганнар. Азәрбайҗаннан соң алар Грузия, Төркия, Кыпрыс, Мисыр, Үрдүн, Согуд Гарәбстаны буйлап сәфәр кылачак.

“Кыпрыстан Мисырга очкыч булырга тиеш”, ди Булат. Мисырдан алар йә Үрдүнгә, йә турыдан-туры Согуд Гарәбстанына юл алырга телиләр. Азәрбайҗанга кадәр алар “куркыныч очрарга мөмкин булган” Калмыкстан һәм Дагыстан, аннары Чечня, Осетия юлларын икәүләп гизгән.

Булат Казаннан Рамазан аенда, 7 июньдә чыгып китте. Марат аны скутерда бераз соңрак куып җитте. Алар өч айда Мәккәгә барып җитеп Хаҗ кылырга ниятли.

Насыйбуллин 2015 елда да хаҗга барырга талпынып караган. Ул Мәккәгә Азәрбайҗан, Иран, Күвәйт аша 5400 чакрым узып барырга теләгән. Тик Якын Көнчыгышта “Ислам дәүләте” исемле сугышчан оешма һәм сугыш килеп чыккач, юл тагын да катлауланган. Башта планлаштырган сәфәрдә “Аллаһка якынаю юлы” дигән документаль фильм төшерергә, турыдан-туры репортажлар биреп барырга да теләгән. Тик быел исә “шыпырт” кына бару ысулын сайлаган. Булат Иран һәм Кувәйт аша сызылган юлын, Төркия һәм Мисыр кебек махсус виза сорамаучы илләргә һәм сугыштан ерак торучы юлларга алмаштырган.

“Яңа туган сабый бала кебек гөнаһлардан чистарып кайтырга телим. Хәдис шуны вәгъдә итә”, ди. Очкычта очып кына тиз барып кайту аны ризалата алмаган. “Тагын да ихласрак юлны сайлыйсым килде”, ди ул. Бу идея бала чагында ук күңеленә кергән. Күптән инде җәяүләп Мәккәгә чыгып китәргә теләгән, тик фикердәшләр тапмаган.

Запись Велосипед һәм скутерда хаҗга киткән егетләр Бакуга барып җитте [фото] впервые появилась Tatar Today - татар яңалыклары..