Сабыйда – баш мие яман шеше. Шушы кыска гына гомере эчендә ул барлыгы биш операция кичергән. Инсульт булып, уң як гәүдәсен паралич суккан, уң күзе сукырайган…

Бүген Гүзәл табибларның даими күзәтүе астында. Әмма гадәти нурланыш белән дәваларга ярамый. Күрү сәләтен саклап калу өчен, нәкъ менә Протон терапиясен кулланырга кирәк. Табиблар, бу ысул бик нәтиҗәле, яман шеш үсешен озакка, хәтта гелгә дә туктата ала, өстәмә зарарлар да азрак булачак, дип ышандыра.

Гүзәлне Мюнхен шәһәрендәге Ринекер протон терапиясе клиникасында дәвалануга чакырганнар инде. Тик моның өчен шактый зур сумма – 71 мең евро, ягъни 5 миллион 350 мең сум күләмендә акча кирәк. Хәзерге вакытта барлыгы 225 мең 290 сум җыелган. Кызның гомерен саклап калуда һәр минут кадерле. Мондый авыр чакта 10 сум да, 100 сум да сизелерлек өлеш кертә ала.

Татарстан мөселманнарының Диния нәзарәте сайтында Гүзәлгә ярдәм итәргә чакыралар.  Хөрмәтле дин кадәшләребез, әгәр сезнең игелек кыласыгыз һәм кечкенә иңнәренә бик зур сынаулар төшкән Гүзәлгә ярдәм кулы сузасыгыз килсә, ЗАКЯТ сүзен язып, 7715 номерына SMS җибәрегез! Акчаны шулай ук 639002629014626229 номерлы Сбербанк картасына күчерергә мөмкин. (Әлмәтов И.М. картасы).

Фото: dumrt.ru.

Запись Алты яшьлек Гүзәл яман шеш белән көрәшә: инсульт кичергән, уң күзе сукырайган сабыйга ярдәм кирәк впервые появилась Tatar Today - татар яңалыклары..

Бу ананы «балигъ булмаганнарны тәрбияләү буенча вазифаларын үтәмәү» маддәсе буенча гаеплиләр. Ул өч баласын үзләрен генә дүрт көнгә калдырып киткән.

Беркайда да эшләмәүче, спиртлы эчемлекләр кулланучы ана Наумкино авылындагы ташландык йортта балалары белән яши башлый. Икедән сигез яшькә кадәрге өч бала антисанитария шартларында тора. Сабыйлар тамаклары туйганчы ашамыйча яши.

Сентябрь аенда ана өйдән чыгып китә. Балалар исә үзләре генә кала. Дүрт көн буена алар ярымҗимерек бинада олыларсыз яши. Алар янына берничә тапкыр әбиләре килеп китә. Ул да биредә озак тормый. Әби балаларга ашарга китерә. Шуннан соң ул бу вакыйга турында прокуратурага хәбәр бирә.

«Тиз арада прокуратура тикшерү оештыргач, балаларны медицина учреждениесенә китерделәр. Аларны белгечләр карады. Полиция хезмәткәрләре ананы өенә кайтарды. Олырак ике баланы социаль-реабилитация үзәгенә урнаштырдылар. Кечкенә улы медицина учреждениесендә», — дип сөйләгәннәр күзәтчелек ведомствосында.

Чыганак: Интертат

Фото: pixabay.com

Запись Башкортстанда бер ана сабыйларын ач килеш ташландык йортта калдырып китә впервые появилась Tatar Today - татар яңалыклары..

Аларны төрле материаллардан эшлиләр. Гади сатып алучылар уенчыклар җитештерелә торган материаллар турында бөтенләй белми. Уенчыкның тышкы матурлыгына гына игътибар итә күпләр. Әйтик, плюш аю эчендә мамык кына түгел, ә фенол кебек агулы матдәләр, хәтта терекөмеш тә булырга мөмкин икән. Бу хакта сатудагы очсыз уенчыкларны тикшергән белгечләр әйтә. Аларның күбесе Кытайда җитештерелгән. Моңа гаҗәпләнмәсәк тә була. Бүген сатуда булган уенчыкларның 86 проценты Кытай җитештерүчеләренә туры килә. Аннан кайткан бөтен уенчыкларны да сыйфатсыз дип әйтеп булмый. Чөнки Кытай дөньяда иң эре уенчык җитештерүче ил булып санала. Аларның сыйфаты төрле булган кебек бәясе дә төрле. Белгечләр очсыз уенчыкларга алданмаска киңәш итә. 

Фото www.bj-korovka.ru

Запись Уенчык аю эчендә мамык кына түгел, хәтта терекөмеш тә булырга мөмкин впервые появилась Tatar Today - татар яңалыклары..

“Бала тугач, табиблар кат-кат сабыемны карарга керделәр. “Без сезгә экскурсиягә йөргән кебек йөрибез” дип әйтәләр иде”, дип искә ала бәхетле әни Ульяна Смыкова.

Ульяна сүзләренчә, икенче балалары кыз булуын ул алдан ук сизенгән, ә менә ире Антон икеләнгән. Баксаң, Антон гаиләсендә 4 ир-егет икән, барысына 8 малай туган. Һәм менә, ниһаять, күптән көтеп алган кыз да дөньяга аваз сала.

“Беренче балабыз 4,400 кг авырлыкта иде, икенчесе дә зур булачак диде табиблар, ләкин 5 килодан артыр дип уйлап та карамадым” дип, сөйли Ульяна Смыкова. Кызга Василиса дип исем кушарга уйлыйлар алар.

zpravda.ru

Запись Татарстанда гаҗәп зур бала туган [фото] впервые появилась Tatar Today - татар яңалыклары..

Әлеге коточкыч хәл февраль аенда була. Хабаровск өлкәсендә яшәүче хатын-кыз ике яшьлек улын берүзен калдырып чыгып китә. Күршеләр озак вакыт бала елаганын ишеткәч, полиция хезмәткәрләрен чакыртырга булалар. Ишекне ватып кергәч шул ачыклана, бик хәлсезләнгән,талчыккан сабый балалар кораватында елап утырган була. Соңыннан, ана кешенең инде ике атна өйгә кайтмаганы беленә.  Баланың исән калуы – үзе бер могҗиза!

Әлеге хатынның тагын ике олы баласы булуы да билгеле, ул аларга карата ана хокукыннан мәхрүм ителгән. Гаилә полиция бүлегендә учетта торган булса да, алар янына килеп йөрмәгәннәр һәм баланың нинди шартларда үсүен тикшермәгәннәр.

Хәзерге вакытта хатын кызга каршы җинаять эше кузгалтылган,  ә сабый абый-апасы тәрбиягә алынган гаиләгә бирелгән.

Мәгълүмат РИА новости сайтыннан алынды

Запись Ана кечкенә баланы берүзен ике атнага фатирда калдырган впервые появилась Tatar Today - татар яңалыклары..