Иван бик озак вакыт дәвамында үпкә вентиляциясе системасына тоташтырылган булган. Ләкин Иванның трахеясында җөйләр барлыкка килгән. Сулыш алу юлына зыян килеп, ир-егетнең тыны кысыла, суларга һава җитми башлый. Иван аңын югалта башлагач, шундук “ашыгыч ярдәм” чакырткан. Егеткә вакытында ярдәм күрсәтелмәгән очракта, аның трахеясы җөйле тукыма белән капланып, әлеге хәл фаҗигале тәмамланырга мөмкин булган.

Сарман районы үзәк хастаханәсенә егет үлем хәлендә китерелгән. Табиблар ничек ярдәм итәргә белмәгәч, видео аша Республика клиника хастаханәсендәге коллегаларына мөрәҗәгать иткән.

Мөрәҗәгать 7:30 сәгатьтә кабул ителгән, Казан табибы 8:15 сәгатьтә вертолет белән районга юл тоткан. Табиб килгәндә, Иван аңсыз яткан. Трахеядагы яктылыкның диаметры нибары 2 миллиметр булган, һава кермәгән диярлек.

Республика клиника хастаханәсенең торакаль хирургия бүлеге (күкрәк читлеге органнары хирургиясе) мөдире Евгений Тришин трахеяны киңәйтү буенча операция ясаган. Гадәттә, мондый операцияне Россиянең алдынгы клиникаларында гына ясыйлар.

Бу операция – Иванны коткару, яшәтү өчен бердәнбер чара булган. Шулай итеп, егет Казан һәм Сарман табиблары ярдәме белән исән калган.

Чыганак: Шәһри Казан сайты

Запись Табиблар видео аша егетне теге дөньядан кире кайтаралар впервые появилась Tatar Today - татар яңалыклары..

Бу очракта тукмашу малайлар түгел, 5 нче сыйныфта укучы кыз белән 7 нче сыйныфта укучы малай арасында килеп чыккан. Интернет челтәренә эләккән видеоязмадан аңлашылганча, икәү сугыша, ә калганнар җанатарлар кебек, әйдәгез инде сугышыгыз, дип көч биреп тора. Вакыйганы бер үсмер видеога төшереп, барысын да шәрехләп сөйли. Башкалар исә тамашаны читтән күзәтә. Укучылар арасында, ярты мәктәп җыелды бит инде, дигән сүзләр дә ишетелә. Кыз гәүдәгә тулырак, шуңа күрә җавапны яхшырак кайтара. Малайның борыныннан кан чыккач кына, көрәш тәмамлана. Ахырдан, бу сугышта, кыз малайны җиңде, дип нәтиҗә ясый “кыздырып торучылар”.

Үсмерләр сугышмыйча тормый, мондый хәл элек тә булган, хәзер дә бар. Интернет дигәнең генә барын да читкә чыгарырга булыша. Вакыйгага бәя бирүчеләрнең күбесе шундый фикердә. Чынлыкта кул күтәрүгә нәрсә сәбәп булган соң?

– Бу малай безгә чит түгел, иптәш егетнең улы. Малайлар шук була инде, кызыбызны берничә тапкыр үртәп йөргән. Ахыр чиктә, менә шундый хәл килеп чыккан. Бала–чага сугышмыйча тормый. Хәзер бит шоу ясап, тизрәк интернетка куярга тырышалар. Әгәр “ватсап”ка куймаган булсалар, болай тирәнгә китмәс тә иде. Әлеге гаиләгә карата дәгъвабыз юк, – ди кызның әтисе Илдар (исеме үзгәртелде). – Гадәттә, берәр хәл килеп чыкса, гаиләдән гаеп эзләргә яраталар. Берәү дә баласын начарлыкка өйрәтми. Гаиләбездә – тәртип. Җәмгыятьнең йогынтысы бу. Кызыбыз кечкенәдән эшләп үсте: мал–туар карарга булыша, кар көрәшә, идән юа. Мәктәптә яхшы укый, башта бию түгәрәгенә йөргән иде, соңгы вакытта баскетбол яки бокска язалам дигән иде. Мондый хәлдән соң сиңа бокс юк, дидек.

Бу вакыйгага әти-әниләр, укытучылар гына түгел, җитәкчеләр дә борчыла.

– Мәктәп ишегалдына түгел, кибет янындагы тыкрыкта булган бу хәл. Малайлар этешмичә–төртешмичә тормыйлар, аның кыз белән малай арасында килеп чыгу күңелле түгел. Ике көн буе бертуктаусыз шушы хәлне уйлап йөрим. Укучылар белән үзем дә очраштым. Бу вакыйгада катнашучылар арасында “5ле” гә генә укучылар да бар. Аларга, яхшы уку гына түгел, башкаларга карата миһербанлы булу да кирәк, дип аңлаттым. Әле ярый бер–берсенә зыян китермәгәннәр. Әлеге балалар бер–берсен гафу иткәннәр. Шуның белән дуслашсыннар, ахырдан үпкәләшеп йөрмәсеннәр иде инде, – ди Сарман районы хакимияте башлыгы урынбасары Гүзәл Гәрәева. – Тәрбиядән дә күп нәрсә тора. Ике ул үстердек, йөзгә кызыллык китермәделәр, рәхмәт аларга. Кешенең күңелендә рухи кыйммәтләр сакланырга тиеш. Элек, аны әбиләр иман дип тә әйтә иде. Кемгәдер әби–бабасының, әти–әнисенең, йә булмаса чит кешенең бер үтемле сүзе җитә һәм күңелдә гомерлеккә орлык сала. Балалар үз хокукларын белә, вазыйфаларын белеп җиткермиләр. Гаиләдә үк хокукларны аңлату кирәк. Замана балалары кызык ясыйм дип тискәре мәгълүматларны интернетка чыгарырга ярата. Алар блогерлар күп акча эшли дип уйлый. Хәзер бит яшләр җиңел акча эшләү турында уйлыйлар.

Әлеге хәлне Татарстан Мәгариф һәм фән министрлыгы да тикшерә башлаган. Мәктәптә нинди тәрбия чаралары күрергә җыеналар?

– Мәктәптә эшли башлавыма ярты ел. Килүгә үк тәрбия мәсьәләсенә игътибар иттем. Мәктәптә телефон куллануны тыйдык. Бу малай укыган 7 нче сыйныфны контрольгә алдык. Шук сыйныф иде. Әти–әниләр дүрт ай буе дәресләргә йөрделәр. Укучыларның тәртибе үзгәрде. Анда 17 бала укый. Гимназиядә бик күп түгәрәкләр эшли, – ди Сарман гимназиясе директоры Ленар Сафиуллин. – Бу хәл укучылар өйләренә кайтып киткәч, кар атышудан башланган. Вакыйгада катнашучыларның барысын да мәктәп контроленә алдык. Буш вакытларын калдырмыйча, түгәрәкләргә җәлеп итәчәкбез. Әти–әниләр белән эшне көчәйтергә җыенабыз. Дөрес, без мәктәптәге 600 баланы да өенә озата алмыйбыз. Ләкин балалар өйләренә кайтып җиткәч, сыйныф җитәкчеләре әти–әниләр белән элемтәгә керәчәк. Монда әти–әниләрнең дә балалары белән даими кызыксынып торуы кирәк.

Вакыйга Сарман районы буенча эчке эшләр бүлегеннән дә ачыклык керттек.

– Сарманда мондый хәлнең булганы юк һәм башка булмаячак та. Бу төркемләп сугышу түгел, балаларның бары кызык ясарга теләве, берсе видеога төшергән дә “ватсап”ка җибәргән. Авылда кызлар эшләп үсә, нык. Бу үртәү булгандыр. Бу хәлдән соң балигъ булмаган балалар буенча комиссия утырышы узды. Әти–әниләр, укучылар белән сөйләшүләр үткәрелде. Хәзерге вакытта балаларның нинди гаиләдән булуы, үз–үзләрен тотышын тикшерәбез, – диделәр эчке эшләр бүлегендә.

Мәгълүмат Ватаным Татарстан

Запись Үсмерләр нәрсә бүлешә алмаган? Сарманда укучыларның сугышуы социаль челтәрдә бәхәс уятты впервые появилась Tatar Today - татар яңалыклары..

17 июнь Сарман районында чын тузан давылы күтәрелгән. Социаль челтәрдән килгән видеода күренгәнчә, торак пунктын куркыныч итеп, тузан болыты каплый, бернәрсә дә күренми башлый.

Бу күренеш хәтта куркыныч Голиливуд фильмын хәтерләтә.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Запись Сарманда давыл күтәрелә [видео] впервые появилась Tatar Today - татар яңалыклары..

Шаһитлар язганча, песи өстенә менмәскә тырышкан машина йөртүче идарәсен югалткан.  Машина юл кырыена төшеп китә һәм баганага бәрелә. Нәтиҗәдә  машина урталайга диярлек бөкләнә.

Машина йөртүчесе имгәнмәгән, тик машинаны төзәтеп булырлык түгел дип хәбәр ителә.

Фотолар социаль челтәрдән алынды.

Запись Читтән күрүчеләр: “Сарманда юлга чыккан песине таптатмыйм дип машина төзәтеп булмаслык хәлгә килә” [фото] впервые появилась Tatar Today - татар яңалыклары..

— Алты бала үстек, үземнең дә алты бала иде, — диде Фатыйма апа. – Туганнар инде үлеп бетте, мин генә калдым. Бер улым белән бер кызымны да югалттым. Бик тату гомер иткән иремне дә җирләдем. Тик барыбер кайгыларга бирешмәдем, Аллаһы Тәгалә ярдәм итә, күрәсең. Якыннарымны бик сагынган вакытларда гармун алам да яртышар сәгать уйныйм. Бөтен гомерем күз алдымнан уза.

Фатыйма апа безгә дә гармунда уйнап күрсәтте. Җырлый да, уйный да. Татар халык җырлары, бию көйләре – берсе дә калмады. Дөресен әйтим, көчкә туктаттык үзен.

— Өч сәгать тә уйный алам, — диде әбиебез.

Фатыйма апа безне дә кыстый-кыстый чәй белән сыйлады. Колмактан ипи пешергән. (Чүпрә урынына колмак үләне суын сала икән). Миче бар. Күз алдына китерегез: әбинең өстәле буйлап тезелешеп утырдык. Фатыйма апа исә гел йөреп тора: әле кайнатмасын алга төртә, әле маен. Ә үзенең йөзе кояш кебек балкый, сабый бала кебек сөенә…

Бүген, мул заманда, кеше килә башласа, кунакларны шаккатырырга, яки гәеп итеп китмәсеннәр дип, ят ризыклар әзерлибез. Ә табынның җылысы юк. Бу әбинең өстәлендә әллә нинди нигъмәтләр дә юк, ә гаҗәеп затлы ризык ашагандай булдык. Менә шушыдыр инде күңел җылысын бирү. Ни кызганыч, бүген ул кыйммәтләр югалып бара…

Иске Имәннең гармунчы ак әбиен 95 яшьлеге белән котлыйсы килә. Фатыйма апа, тагын дистә еллар авылга моң, яктылык чыганагы булып торыгыз. Сезнең кебек кешеләр, без яшьләргә, үрнәк тә, шатлык өләшүче дә.

Автор: Руфия Фазылова

Чыганак, фото һәм видео: Татарстан

Запись Сарманнан Фатыйма апа Гайнанова 95 яшендә өч сәгать гармун уйный [видео] впервые появилась Tatar Today - татар яңалыклары..