Архивы Шәймиев - Tatar Today - татар яңалыклары.

Тарихи вакыйга: Шәймиевка һәйкәл куела [фото]

Лейла — Mon, 10 Aug 2020 13:37:07 +0000

10 август Актаныш районы Әнәк авылында Татарстанның беренче президенты Минтимер Шәрип улы Шәймиевка беренче һәйкәл куелды. Бу – аның туган авылы. Әлеге вакыйганың шаһиты булган татар теле белгече, сәяхәтче Эльза Нәбиуллина бу хакта үзенең инстаграмында хәбәр итте. Рәсми ачылыш 26 августка билгеләнгән.

View this post on Instagram

A post shared by Эльза Набиуллина (@elza_nabi)

“Рәсми ачылыш 26 августка планлаштырыла. Шул ук көнне “Бабайда кунакта” паркы ачылышы да көтелә. Авылда зур кунаклар (хәтта Мишустин да) киләчәк дип сөйлиләр” – дип яза Эльза.

Запись Тарихи вакыйга: Шәймиевка һәйкәл куела [фото] впервые появилась Tatar Today - татар яңалыклары..

Forbes: Шәймиевләр Русиянең иң бай гаиләләре бишлегендә

Лэйсирэ — Thu, 06 Sep 2018 12:55:00 +0000

Forbes төзегән Русиянең иң бай гаиләләре исемлегендә Татарстанның элекке президенты Миңтимер Шәймиев уллары дүртенче урында.

Forbesның Русиядә чыгучы журналы Татарстан Дәүләт киңәшчесе, элекке президент Миңтимер Шәймиев гаиләсенең керемен 2,48 млрд доллар дип бәяләгән. Басма язуынча, Радик һәм Айрат Шәймиевләр Татарстанның иң бай кешеләре, аларның һәркайсы ТАИФ төркеменең 19,5% хиссәсенә ия. Әлеге төркемгә “ТАИФ-НК” нефть эшкәртү, “Түбән Кама нефтехим”, “Казаноргсинтез” һәм ТГК-16 ширкәтләре керә. “Коммерсант” язуынча, аларның гомум кереме бер елда 300 миллион долларга арткан.

Радик Шәймиевнең кызы Камилә 2014 елның маена кадәр ТАИФның мөдирләр шурасына керә иде. 2015 елны ул кияүгә чыга һәм гаилә бизнесыннан китә. Хәзер ул Doc+ медицина стартапы белән шөгыльләнә.

Басма белдерүенчә, Айрат Шәймиевнең улы Тимур 2016 елны әтисе һәм әтисенең абыйсы белән берәттән җитәкләгән “МНКТ” ширкәтенең 30 процентына ия булган. Ширкәтнең 30 проценты – әтисе Айрат, 40 проценты абыйсы Радик кулында.

Русиядәге иң бай гаиләләр Forbes исемлегендә Шәймиевләр гаиләсе дүртенче урында тора. Алардан алда Михаил Гуцериев гаиләсе (5,97 млрд доллар), Ротенберглар гаиләсе (4,85 млрд доллар), Гапонцевлар гаиләсе (3,14 млрд доллар).

Азатлык радиосы язмасы (чит ил агентлыгы)

Запись Forbes: Шәймиевләр Русиянең иң бай гаиләләре бишлегендә впервые появилась Tatar Today - татар яңалыклары..

Минтимер Шәймиев бүләге булган кар барсы Тамерлан вафат

Редактор1 editor1 — Wed, 01 Mar 2017 17:30:55 +0000

Казан зооботаника бакчасы зур югалту кичерә. Татарстан Республикасының беренче Президенты Минтимер Шәймиев бүләк иткән ике кар барсының берсе – 12 яшьлек Тамерлан вафат була.

Барс 23 февраль көнне үк җан бирә, әмма зооботаника бакчасы хезмәткәрләре моны шул ук көнне күрми, яллар сәбәпле, кизү торулар кыскартылган була.

Үлемнең сәбәбен онкологик авырудан һәм картлыктан күрәләр.

Хәзер Татарстанның тере символы булган Теофания исемле ана барс кына калды.

Кар барсларын Минтимер Шәймиев 2005 елда зоопаркка бүләк иткән иде.

Запись Минтимер Шәймиев бүләге булган кар барсы Тамерлан вафат впервые появилась Tatar Today - татар яңалыклары..

Шәймиевләр Русиянең иң бай гаиләләрнең бишлегенә керә

Редактор1 editor1 — Thu, 25 Aug 2016 13:18:53 +0000

Татарстанның беренче президенты Минтимер Шәймиевның байлыгын журнал 1,7 млрд доллар дип бәяли һәм бишенче урынга куя //Азатлык радиосы//

Татарстанның беренче президенты Миңтимер Шәймиевның уллары – республиканың иң бай кешеләре. Forbes мәгълүматына караганда, ТАИФ төркеменең 19,5 проценты Радик һәм Айрат Шәймиевлар кулында.

“Соңгы ярты елда бертуган Шәймиевларның байлыгы нефть һәм химия оешмаларының хиссә кыйммәте үсеше нәтиҗәсендә 300 млн долларга арткан”, дип яза Forbes.

Русиянең иң бай гаиләләр рейтингы басма инде өченче ел рәттән төзеп килә. Быел беренче урында БИН төркемен җитәкләүче Гуцериевлар гаиләсе. Аларның байлыгы 9,8 млрд доллар тәкшил итә, дип бәяли Forbes.

Запись Шәймиевләр Русиянең иң бай гаиләләрнең бишлегенә керә впервые появилась Tatar Today - татар яңалыклары..

Илһам Шакировның популяр биш видеосы

Габдулла Тукай — Mon, 15 Feb 2016 13:37:00 +0000

15 февральдә татар халкының бөек җырчысы, халык артисты, Тукай премиясе лауреаты Илһам Шакировка 81 яшь тулды. Казанның филармония залында кичен аңа багышлап концерт үтә.

Укучыларыбыз беләдер, Илһам Шакиров турында күп легендалар йөри. Шуларның берсе – аны Мәскәүгә эшкә чакыру белән бәйле. Имеш, Мәскәүгә эшкә кыстагач, җырчы чакыруга ризалык та бирмәгән, әмма кире дә какмаган. Бу турыда композитор Рөстәм Яхин ишеткән дә “Китмә, сандугач”ны иҗат иткән дигән сүзләр йөри. Илһам аганың әлеге җырлары интернетта бар, без шуларның популяр биш видеосын тәкъдим итәбез, аларның кайберләрен Татарстанның беренче президенты Миңтимер Шәймиев та яратып тыңлый.

Илһам Шакиров “Ай янында якты йолдыз”

Илһам Шакиров “Сандугач”

Илһам Шакиров “Авыл көе”

Илһам Шакиров&Шакур “Бик еракта идек”

Илһам Шакиров “Саумы, кояш”

Запись Илһам Шакировның популяр биш видеосы впервые появилась Tatar Today - татар яңалыклары..