Эремчекле шарлотка рецепты

Редактор1 editor1 — Sat, 03 Sep 2016 20:35:35 +0000

Кирәк булачак: 2 йомырка, 50 г он, 30 г шикәр комы (ванильный), 2 зур алма, эремчек (0%), 5 г разрыхлитель.

Пешерү тәртибе:

Йомыркага шикәр комы кушып яхшы итеп, күбекләнгәнче болгатырга.

Он, разрыхлитель салып, тагын бераз болгатырга.

Барлыкка килгән массага, болгата-болгата, эремчек салырга.

Алмаларны чистартырга һәм, шакмаклап турап, камырга кушарга.

Майланган табага камырны бушатырга һәм 180 градуста пешерергә.

Фото: kulinariya.goodhouse.com.ua

Запись Эремчекле шарлотка рецепты впервые появилась Tatar Today - татар яңалыклары..

“Җәйге” шарлотка рецепты

Редактор1 editor1 — Thu, 14 Jul 2016 20:44:24 +0000

Ни өчен җәйге? Барысы да гади: бу шарлотканың эченә алмадан тыш төрле җиләк-җимеш салып була. Ясарга бик җиңел булса да, бик тәмле килеп чыга.

Кирәк булачак: 1 стакан шикәр комы, 1 стакан он, 3 күкәй, 2 уртача күләмле алма (шарлоткага әчкелтем алма кирәк) яки җиләк-җимеш, 1 бал кашыгы разрыхлитель яисә аш серкәсе белән сүндерелгән ярты бал кашыгы сода.

Бер савытка 3 күкәйне сытабыз, өстенә 1 стакан шикәр комы салып, бик яхшылап болгатабыз. Килеп чыккан катнашма икеләтә күбәеп, саргылт төскә керергә тиеш. Аннан соң өстенә 1 стакан он, разрыхлитель салып болгатабыз.

Шарлотканың эченә алма, чия, карлыган, кура яисә җир җиләге салырга була.

Табаны майлыйбыз, катнашманың яртысын салабыз һәм эчлеген җәябез. Катнашманың калган яртысын салып бетерәбез һәм духовкага куябыз. 40-45 минуттан “җәйге” шарлотка әзер булып, өйгә хуш исләр чыгарачак.

Ашыгыз тәмле булсын!

Запись “Җәйге” шарлотка рецепты впервые появилась Tatar Today - татар яңалыклары..

Архивы шарлотка - Tatar Today - татар яңалыклары.

Эремчекле шарлотка рецепты

“Җәйге” шарлотка рецепты