23: 25 6 сентябрьдә гадәттән тыш хәлләр министрлыгына 11 кешедән торган төркемнең туганнары белән элемтәгә чыкмавы турында хәбәр килде. Төркем составында тугыздан 16 яшькә кадәрге сигез бала булуы аныклана. Иртән алар урман массивындагы эсто-Садок бистәсеннән, Роза Хуторның көньяк ягында урнашкан күл янына чыгып китәләр һәм кайтмыйлар.

Эзләү-коткару эшләре оештырылды,әмма эзләнүләр нәтиҗә бирмәгән. Хәзерге вакытта туристларны эзләүгә 64 кеше һәм 12 берәмлек техника җәлеп ителгән, дип өстәде гадәттән тыш хәлләр министрлыгына.

Чыганак: Лента.ру

Запись Сочида сигез бала белән туристлар төркеме югала впервые появилась Tatar Today - татар яңалыклары..

Соңгы тәүлектә коронавирусны читтән йоктырып кайтуның 14 очрагы теркәлгән, шуларның икесе — Кырымнан һәм Сочидан. Бу хакта «Татар-информ» мәгълүмат агентлыгында матбугат конференциясендә Роспотребнадзорның Татарстан буенча идарәсе җитәкчесе урынбасары Любовь Авдонина сөйләде.

«Соңгы атнада башка илләрдән һәм төбәкләрдән коронавирус йоктырып кайтуның 14 очрагы булды, өстәвенә Кырымнан һәм Сочидан берәр очрак теркәлде. Бу – ял итеп кайткан гражданнар», — диде Любовь Авдонина.

Татарстанда курорт сезоны ачылганнан бирле алты очрак теркәлгән. Ике очрак Кырымда ял итеп кайтучыларда һәм 4 очрак Краснодар крае яр буйларында ял итүчеләрдә расланган.

Чыганак: Шәһри Казан

Запись Кырымнан һәм Сочидан Татарстанга күпме коронавируслы кайткан? впервые появилась Tatar Today - татар яңалыклары..

Шушы көннәрдә Данир Сабиров гаиләсе белән Сочида ял итә. Күптән түгел инстаграмга салынган фото буенча аның кулында татуировка күреп була. 

“Кызың белән уйнаганда
Онытасың барысын
Чөнки берни кирәк тугел
Кызың гына сау булсын
Бу юлларның авторы @ilseyar.shigapova
Тулы вариантын ютуб каналымда карый аласыз. Шигырьнең исеме БАЛА🤗”

View this post on Instagram

A post shared by Данир Сабиров (@danir_sabirov87)

Комментарийлар буенча, инстачыларга татуировка ошамаган:

“Данир, ул ямьсез тату мәңгелек түгелдер дип уйлыйм. Бигрәк ямьсез”

“Мөселман кешегә татуировка ясарга ярамый!”

Запись Данир Сабиров тәненә рәсем төшергән: вакытлычамы? впервые появилась Tatar Today - татар яңалыклары..

Озак вакыт көчле яңгырлар яву сәбәпле, Сочи үзәгендә, “Джубга-Сочи” автомобиль юлының 10 метр өлеше убылган. Бу хакта “Интерфакс” агентлыгы хәбәр итә. 

Шәһәрнең үзәк районында барлыкка килгән чокырның тирәнлеге якынча 5 метр. Убылган җир А-147 юлының бер өлеше булып санала, дип хәбәр иттеләр Гадәттән тыш хәлләр министрлыгында.

Хәзерге вакытта Сочида шторм кисәтүе игълан ителгән. Елгаларда критик билгеләргә кадәр су күтәрелү һәм ташкыннар агу куркынычы бар.

Алдарак Сочиның Үзәк һәм Лазаревский районнарындагы берничә урамны су басуы һәм шул сәбәпле Барановский авылында ташкыннар агу турында хәбәр ителгән иде.

Мәгълүмат: tatar-inform
Фото: depositphotos.com

Запись Көчле яңгырлар сәбәпле, Сочида күңелсез хәл була впервые появилась Tatar Today - татар яңалыклары..

Тикшерү комитетының җирле идарәсе хәбәр иткәнчә, бала әтисе белән кунакханә номерының балконында булган. Уен вакытында кыз пыяла балкон коймасына бәрелә. Пыяла аның авырлыгына түзми һәм ярыла.

Алынган җәрәхәтләрдән бала һәлак була.

Куркынычсызлык таләпләренә җавап бирми торган хезмәт күрсәтү турындагы маддә буенча җинаять эше кузгатылды.

Мәгълүмат business-gazeta.ru сайтыннан
Фото glassproff.ru сайтыннан

Запись Сочида яшь ярымлык кыз белән кунакханәнең 8 катында фаҗигале хәл була впервые появилась Tatar Today - татар яңалыклары..

Нәкъ шушы көнне имештер ки, 1947 елда Американың Розуэлл шәһәре янындагы чүллеккә билгесез очучы объект килеп төшкән. АКШның махсус хезмәтләре бу һәлакәткә бәйле бөтен мәгълүматны җиде йозак астына бикләп куйганлыктан, моны берәү дә төгәл генә дәллили дә, инкарь итә дә алмый. Әмма ничек кенә булмасын, нәкъ әлеге очрак уфология фәненең үсешенә этәргеч биргән дә инде. Дөрес, галимнәр әле булса уфологияне рәсми рәвештә фән дип танымый. Тик шулай да күп илләрдә зур тикшерү үзәкләре бар. Символик рәвештә уфология ике өлешкә бүленә: берәүләр Җирдән тыш та тормыш барлыгына дәлил эзли, икенчеләр гадәттә тыш хәлләргә логик аңлатма табарга һәм шуның белән фәнни дөнья чикләрен киңәйтергә хыяллана.

Безнең илдә билгесез очучы тәлинкәләрне Сочи шәһәрендә күрергә була икән. Биредә яшәүчеләр бик еш сәер феномен белән очраша ди: күктә билгесез объект барлыкка килә дә, тавышсыз гына бик зур тизлектә диңгезгә таба очып китә һәм суга төшеп кинәт юкка чыга. Моннан тыш, гуманоидлар Бытха тавы янында пәйда булучан, икән. Галимнәр анда ике дөнья арасындагы портал урнашкан дип фаразлый.
Туристларны җәлеп итәр өчен НЛО гына күреп калсалар ярый инде, утырып йөреп тә кайтырлар әле…
Әнә очучы тәлинкә төшкәнлегенә төгәл генә бер дәлил булмаса да, Американың Розуэлл шәһәренә 2 июль көнне ел саен 200 мең кеше килә ди. “НЛО индустриясе” шәһәр икътисадына 5,2 миллион долларлык керем китерә.

Фото: соцсети

Чыганак: Өмет газетасы

Запись Сочида очучы тәлинкә күрәләр впервые появилась Tatar Today - татар яңалыклары..

Зур автобуста җәрәхәтләнүчеләр юк дигән мәгълүмат бар. Әмма медицина хезмәткәрләре 21 кеше хастаханәгә озатылганын дип белдерәләр.

Бу аварияне күрүче җибәргән видео кадрларында әйләнгән автобустан кешеләрне чыгарганнары күренә. Алар арасында балалар да бар. Кайбер туристларның тән җәрәхәтләре һәм канга буялган киемнәре күренә. Шулай ук видеода балалар елаганы һәм кычкырган тавышлар ишетелә. Ашыгыч ярдәм машинасы килеп җиткәнче, кешеләрне җиргә чыгарып салганнар. Мөмкин булган очракларда ярдәм күрсәткәннәр.

Мәгълүмат  Телеканал 360° сайтыннан

Запись Туристлар белән тулы автобусларның бәрелешеннән “кадр”лар [видео] впервые появилась Tatar Today - татар яңалыклары..

Бу хәл артыннан ук проводник вагоннан аның багажын да ыргыта.

Хатын-кызның бетонга бәрелеп, башы җәрәхәтләнүе билгеле. Аны Сочиның бер хастаханәсенә озатканнар. Тимер юл транспорты полициясе бу вакыйганың барлык тулы сәбәпләрен ачыклау максатыннан тикшерү үткәрә.

Запись Татарстаннан булган хатын-кыз бара торган поезддан сикерә [видео] впервые появилась Tatar Today - татар яңалыклары..

“Безнең яраткан, тормышны сөйгән, якты улыбыз Николайны җирләүне оештырган, кайгыбызны уртаклашкан, ярдәм иткән, терәк булган туганнарыбызга, дусларыбызга, танышларыбызга, коллегаларыбызга, администрациягә, дин әһелләренә, миһербанлы кешеләргә чын күңелдән рәхмәтебезне белдерәбез. Сезгә бәхет, сәламәтлек, озын гомер телибез. Безнекедәй кайгы беркайчан да гаиләләрегезгә кермәсен. Балаларыгызны саклагыз, алар – тормышыбыздагы кояшлар”.

Алёна гаилә архивыннан фотолар да куйган.

intertat.tatar

Запись Сочида һәлак булган Коляның әнисе халыкка мөрәҗәгать итә впервые появилась Tatar Today - татар яңалыклары..

3 август Сочиның Лазеревское бистәсендә ливневка чокырына төшеп һәлак булган 7 яшьлек малайның үлеме бөтен илне тетрәндерде. Түбән Камада яшәгән сабый бүген Аксубай районы Иске Илдерәк авылы зиратында җир куенына иңдерелде. Ни кызганыч, быел беренче тапкыр мәктәп бусагасын атлап керергә әзерләнгән Коля Мальков гүр иясе.

Коляның күңел түрендәге иң эчкерсез хыялы диңгезгә бару булган. Күрәчәге шул булгандыр: биредә аны үлем сагалап торган. Аның әтисе Сергей Мальков “Интертат”ка шул хакта белдерде. Коляны әбисе Галя алып барган. Әле яңарак кына баласын җирләп, Аксубайдан Түбән Камага кайткан ата озак сөйләшә алмады, һәм аны аңлап та була. Бала хәсрәтеннән дә ачырагы юк, диләр.

– Коля диңгезгә барырга бик хыяллана иде. Аның күңел түрендәге якты теләге иде бу. Минем әнием көннәр алды да, бер атнага киттеләр. Оныгының хыялын тормышка ашырасы килде. Дөресен генә әйткәндә, мин үзем нидер буласын сизендем, – ди Сергей Мальков.

Сочи мэриясе яңгыр сулары агып төшә торган чокырга егылып һәлак булган малайның үлемендә әбисе дә гаепле дигән. Әби белән онык ливневка каршындагы кунакханәдә яшәгән. Әбинең бу тирәне яхшы белгәне, чокырда рәшәткәләре булмавы турында хәбәрдар булуы турында әйтелә. “Көчле яңгыр һәм шторм турында кисәтүләр берничә тәүлек дәвамында таратылды, куркынычсызлыкны кайгырту, тормышны куркыныч астына куймау турында әйтелде”, – дип аклана мэрия матбугат хезмәте. Белгечләр рәшәткәләр булмауны, инженерларның проект карары булган, дип әйтә. Имеш, тропик көчле яңгырлар була калса, рәшәткәләрнең су басуга китерүе ихтимал. Шул сәбәпле, ливневка ачык булган.

Әби, баланы коткарырга теләп, ливневкага үзе дә сикергән. Әмма коткара алмаган – бала егылган вакытта башын бәреп, аңын югалту сәбәпле, диңгезгә агып киткән. Әби, көчле тетрәнү алу сәбәпле, сырхауханәгә җибәрелгән. Хәзер инде ул Татарстанга кайткан.

Баланың гәүдәсен алырга килгән туганнарын яшәтү чыгымнарын Сочи үз өстенә алса да, гаепне тануның әсәре дә күренми. Кеше хәлен кеше белми. Сергей Мальков та, гаепне, җаваплылыкны кемгәдер аударып калдыру бездә гадәти хәл бит инде, ди. Газизләрен югалткан Мальковларның Сочи администрациясенә карата судка шикаять бирү-бирмәүләре әлегә билгесез.

– Судка бирү мәсьәләсен әле уйлап та карамадык. Компенсацияләр турында да әле беркем берни әйтми. Әле кичә кич кайтып, бүген җирләп, яңа өйгә генә кайттык, – ди Сергей Мальков.

Алена һәм Сергей Мальковлар гаиләсе соңгы ярты елда Түбән Кама районы Ширәмәт авылында яшәгән. Шәһәрдәге фатирларын сатып, биредә шәхси өйләре белән яшәргә ниятләгәннәр. Мальковларның ерак туганнары Эдуард әйтүенчә, балаларына һава да чистарак булыр дип, шулай карар кылганнар. Колядан тыш, Мальковларның 3-4 яшь тирәсендәге кечкенә уллары Кирилл бар.

– Мальковлар Ширәмәткә быел апрель аенда гына күченде. Минем җирлектә 1 меңнән артык кеше яши, бу гаилә белән якыннан таныш түгел идем. Быел Коляның мәктәпкә укырга керергә тиешлеген генә беләм. Кичә баланы алып кайткач, өйләренә кайгы уртаклашырга килдем, – диде Ширәмәт авыл җирлеге башлыгы Владимир Емельянов.

Коляның әти-әнисенең ике яктан да әби-бабайлары чыгышы белән Аксубай районы Иске Илдерәк авылыннан. Алар бүген барысы да Түбән Кама районында яши. Иске Илдерәк авыл җирлеге башлыгы Валерий Альметкин, авылда туганнары күп булганлыктан, баланы шунда җирләргә карар кылганнарын әйтте.

– Күмәргә бөтен әби-бабайлары, туганнары зур автобуста кайтканнар иде. Җирләү бик авыр узды. Улыңны, оныгыңны кинәт кенә югалтып карале син! – ди Валерий Альметкин.

– Без бар кешенең дә Коля, аның гаиләсе һәм якыннары өчен, шушы авыр минутларда Ходай ярдәм итсен, дип дога кылуларын сорыйбыз. Мальковлар гаиләсенә җылы сүзләр, догалар белән ярдәм итәргә кирәк, – дип белдергән Рождество Христова храмы рухание, иерей Артемий Ямашев бүген җирләгән вакытта.

Баланы күмүдә Аксубай районы башлыгы Камил Гыйльманов һәм район җитәкчеләре катнашкан.

– Бик тәртипле гаилә. Сергейның әти-әнисе Василий абый белән Галя апа – бик яхшы кешеләр. Сергей белән без кечкенәдән хоккей уйнап үстек, бүген дә уйнарга тырышабыз. Бер мәктәптә укыдык, – дип сөйләде Сергей Мальковның дусты Виктор Харитонов.

Малайның әти-әнисе эшләүче ТАНЕКО һәм Түбән Кама нефтехим заводлары җитәкчелегенең фаҗига кичерүче гаиләгә тиешле ярдәм күрсәтеләчәген вәгъдә иткәнен язган идек.

РФ Тикшерү комитетының Краснодар крае буенча идарәсе матбугат хезмәте “Саксызлык белән үлемгә китерү” маддәсе буенча җинаять эше кузгатты. Фаҗиганең шаһитлары сораштырыла.

Бүген тирән газап кичерүче Мальковлар гаиләсенең кайгысын уртаклашабыз. Күркәм сабырлыклар телибез!

Автор: Гөлнар ГАРИФУЛЛИНА
Фото: aksubayevo.ru

intertat.tatar

Запись Сочида үлгән улы турында Сергей Мальков: Нидер буласын сизендем впервые появилась Tatar Today - татар яңалыклары..