Руслан Вәлиев судка йөзен яшереп, медицина битлегеннән килде, дип хәбәр итә «Татар-информ». Тикшерү версиясе буенча, Руслан Вәлиев Татарстан Сәламәтлек саклау министрлыгында эшләгән кешеләр белән алдан килешепакча үзләштерүдә гаепләнә. Хастаханәгә “Поликомплекс” һәм “Трейдсервис” дигән фирмалардан җиһаз килергә тиеш була, әмма бу ширкәтләр үз эшләрен тулы күләмдә башкармый – җиһазны китереп бетерми. Алар үз вазифаларын башкармаса да, баш табиб бүлек җитәкчесенә шушы ук фирмалардан өстәмә җиһаз алырга гариза бирергә куша. Ә бу җиһазлар хастаханәдә җитәрлек булган.

Тикшерү версиясе буенча, баш табиб, аның бу гамәлләрен контрольдә тоткан министрлык түрәләре, шушы ширкәтләрнең начар гамәлләре арасында 36 авыруга зыян килгән. Алар планлы операция кичерергә тиеш була, әмма аларга операция ясый алмыйлар. 18 авыру, йөрәк-кан тамырлары системаларына зыян килеп, ашыгыч рәвештә госпитализацияләнә. Ә 7 авыру инфаркт алган.

Хастаханәгә килгән зыян 8,7 миллион сум дип исәпләнә.

Руслан Вәлиев үз гаебен өлешчә таныган. Ул өй арестына түгел, җиңелрәк хөкем сораган. “Качарга теләгем юк”, дигән ул.

«Руслан Вәлиев авыр җинаятьтә гаепләнә, моның өчен 10 елга кадәр иректән мәхрүм итү каралган”, – дигән судта тикшерү комитеты вәкиле Ленар Сабиров.

Хәзерге вакытта Сәламәтлек саклау министрлыгында Руслан Вәлиевне кем “Контрольдә тотканы” ачыклана, икән.

Руслан Вәлиевнең 3 баласы бар, аны яклап 80 хезмәткәр имза куйган.

фото: https://www.business-gazeta.ru/article/668882 

чыганак: https://www.tatar-inform.ru/news/iz-za-afer-s-oborudovaniem-stradali-pacienty-v-cem-obvinyayut-glavvraca-crb-niznekamska-5979915

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Түбән Кама баш табибы суд залында: акча эшлим дип, 7 кешенең инфарктына сәбәпче булган впервые появилась Tatar Today - татар яңалыклары..

Дәүләт социаль ярдәме программасы буенча түләүләр аз керемлеләргә биреләчәк. Шулай ук социаль контракт төзүчеләргә дә.

Хезмәт һәм мәшгульлек үзәгендә яңадан белем алучылар матди ярдәмгә исәп тота ала. Шунысын да билгеләп үтәргә кирәк, күп кенә шәһәр халкы әлеге матди ярдәмнән файдаланган инде.

Чыганак: НТР-24

Запись Кайбер категория гражданнар ай саен 10 мең сум акча ала алалар [видео] впервые появилась Tatar Today - татар яңалыклары..

Исегезгә төшерәбез, 10 августта Төзүчеләр проспектындагы 13В номерлы йорт ишегалдында очраклы узып баручылар дүрт яшьлек малайны күреп алалар.

Сабый куаклар арасында утырган, елый-елый ярдәм сораган. Бу хәл урынына килгән табиблар һәм полиция хезмәткәрләре малайны хастаханәгә алып килгәннәр, анда аны табиблар карап чыккан.

Малайның әнисе иректән мәхрүм итү урыннарында җәза үтә икән. Сабый әтисе һәм әбисе белән яши. Бу кичтә әтисе эштә булган, ә оныгы белән әби утырган. Бер мизгелдә бала фатирдан чыгып китә.

Татарстан Прокуроры Илдус Нәфыйкова балигъ булмаганнарның күзәтүчесезлеге турындагы законнарның үтәлешен тикшерүне йөкләде.

Күзәтчелек ведомствосы белгечләр белән бергә гаиләнең торак-көнкүреш шартларын, малайның тормыш дәрәҗәсен һәм сәламәтлеген, аның үсү өчен кирәкле шартлар булуын, шулай ук ата-аналарның баланы тәрбияләү буенча бурычларын үтәвен тикшерәчәк. Моннан тыш, балигъ булмаганнарның күзәтүчесезлеген профилактикалау системасы органнары эшенә бәя биреләчәк.

Әгәр закон бозу очраклары ачыкланса, прокурор чара күрәчәк, дип ТР Прокуратурасы сайтында әйтелә.

Фото: NTR-24

Чыганак: NTR-24

Запись Түбән Камада баланы куаклар арасында табалар: әти белән әни кая караган? впервые появилась Tatar Today - татар яңалыклары..

Түбән Кама шәһәре халкы куркынычсызлык чаралары булмауга борчыла. Шәһәрдә эвакуация юллары мәсьәләсе һаман хәл ителмәгән.

Түбән Кама шәһәрендә ике якка гына чыгып китү юлы бар (эвакуация юллары). Ә Түбән Кама шәһәре ул – Татарстан өчен генә түгел, Россия күләмендә зур химия заводы. Әгәр “Нижнекамскнефтехим”, “ТАНЕКО”, “ТАИФ” заводларында берәр шартлау, янгын һ.б шундый  хәвәф-хәтәр булса, эвакуацион юл бер якта гына кала. А анда юл тар, бер якка бер машина гына сыярлык. Менә шундый куркынычлык янаса, шәһәр юкка чыгачак, чөнки халык китәргә житешмиячәк.

СССР вакытында шуның турында уйлап, Кама елгасында купер салып, Красный Ключ поселогы аша юл ясамакчы булганнар. Әмма ул планнар ни өчендер тормышка ашмыйча кала. Хәзерге вакытта Соколка тирәсендә купер салмакчы булалар, ләкин ул Тубән Кама халкына куркыныч янаганда берничек тә булышмаячак.

Шәһәр администрациясе бу мәсьәләгә бернинди җавап бирми.

Фото photo.boltai.com

Запись Ни өчен Түбән Кама шәһәре юкка чыгарга мөмкин? впервые появилась Tatar Today - татар яңалыклары..

Сәнәгать зонасы территориясендә бүген кич «Тойота» микроавтобусы һәм «Рено Логан» машинасы бәрелешкән. «Тойота» бәрелүдән соң әйләнеп капланган.

«Татар-информ»га хәбәр итүләренчә, авария нәтиҗәсендә тугыз кеше зыян күргән.

Мәгълүмат һәм фото: tatar-inform.tatar

Запись Түбән Камада юл һәлакәте нәтиҗәсендә 9 кеше зыян күргән впервые появилась Tatar Today - татар яңалыклары..

Бу хәл 15 октябрьдә кич булган. Беренчел мәгълүматлар буенча, Түбән Камада яшәүче 70 яшьлек ир-ат драма театры янында казылган чокырны күрмәгән һәм төшеп киткән. Ул чокырдан үзе чыга алмаган һәм туңып үлгән. Ир-атның мәетен 16 октябрьдә иртән тапканнар.

Тикшерү ачыклаганча, «ЖилэнергоСервис» ҖЧҖ эшчеләре бина янында канализация өчен чокыр казыган, әмма әйләндереп алмаганнар.

Ир-атның үлеменнән соң, «Төзелеш һәм башка эшләр вакытында куркынычсызлык кагыйдәләрен бозу, саксызлык аркасында кеше үлеменә китерү» маддәсе буенча җинаять эше кузгатылган. Хәзер суд-медицина экспертизасы билгеләнгән. Тикшерүчеләр бу хәл килеп чыгу нечкәлекләрен ачыклый. Тикшерү барышында бу хәл килеп чыккан урында ремонт эшләре алып барган төзелеш компаниясе хезмәткәрләре гамәлләренә хокукый бәя биреләчәк.

Мәгълүмат: tatar-inform.tatar

Запись Түбән Камада фаҗига: чокырга төшкән ир-ат туңып үлә впервые появилась Tatar Today - татар яңалыклары..

Кадрларда мәйданчыкта хатын-кыз һәм яшүсмернең югары тонда сөйләшүләре күренә. Күпмедер вакыттан соң үсмер малай хатын-кызның чәчләренә ябыша һәм берничә тапкыр йодрыгы белән сугарга омтыла.

Социаль челтәрләрдән алынган мәгълүматларга караганда, низаг яшүсмернең әлеге хатынның баласыннан акча таләп итүе аркасында килеп чыккан.

«Татар-информ»га хәбәр итүенчә, Түбән Кама полициясендә әлеге факт буенча тикшерү үткәрелә. «Бу факт буенча тикшерү башланды, аның нәтиҗәләре буенча процессуаль карар кабул ителәчәк», – дип хәбәр иттеләр ведомствода.

Мәгълүмат: tatar-inform.tatar

Запись Шаһитлар Түбән Камада яшүсмернең хатын-кызга ташлануын видеога төшерә впервые появилась Tatar Today - татар яңалыклары..

KazanFirst редакциясе килеп туган вәзгыять буенча җавап алган. Мэриянең матбугат хезмәте җитәкчесе Марина Камелина хәбәр иткәнчә, рәсемнәрдә сурәтләнгән төркемнәргә берәү дә йөрми.

“Әйе, балалар бакчасы, чыннан да, капиталь ремонтка мохтаҗ, ул 2020 елгы программага кертелгән. Төркем таратылган, балалар  башка төркемнәргә йөри, анда мондый хәл юк. Атна саен бу мәйданда гөмбәгә каршы көрәш алып баралар.

https://kazanfirst.ru/news/482607

Запись Түбән Камада балалар бакчасында төшерелгән сурәтләр котны ала [фото] впервые появилась Tatar Today - татар яңалыклары..

“- Балалар мәктәптә тараканнарның күп булуына күптәннән зарланалар. Тараканнар дәрес вакытында балаларның башына коела, сыйныфның чүп чиләкләрендә бөҗәкләр йөри, хәтта балалар ашый торган котлетка да тараканнар эләккән, үзем дә мәктәптә тараканнар күргәнем булды. Чарасын  күрүегезне сорыйм!” , дип яза Гүзәл Н.шикаятьтә.

Шикаятьтән соң мәктәптә тикшерү үткәрелә. Тикшерү барышында мәктәптә чисталык сакланмавы ачыклана.

“Мәктәп бинасында  көндәлек җыештыру сыйфатсыз үткәрелә (кайнар цехта өстәл астында һәм  ашау залында азык калдыклары (икмәк кисәкләре) табылды)  Ашау әзерләү һәм ашау бүлмәләрендә тере бөҗәкләр (тараканнар)  йөри. Чиста савыт-саба тора торган урында үле тараканнар ята.” , диелә ведомства хәбәрендә.

Мәктәп җитәкчелегенә штраф сугылды һәм  чисталыкны тиешенчә сакларга күрсәтмә бирелде, дип яза  Progorodchelny

Запись “Тараканнар дәрес вакытында балаларның башына коела” – Түбән Каманың бер мәктәбендә чисталык сакланмый впервые появилась Tatar Today - татар яңалыклары..

Ике атнадан соң Виктория хастәханәдән чыгачак һәм үзенең яңа гаиләсе белән танышачак. Сабыйны үзләренә сыендырачак  гаиләнең үз балалары булуы да мәгълүм.

Исегезгә төшерәбез, әлеге җан өшеткеч хәл Түбән Камада 27 октябрьдә булган иде. Төнлә Евгений Ходырев дигән кеше Сөембикә урамындагы чүп савытында яңа туган сабыйга тап була. Бала бик нык туңса да, исән кала. Соңыннан аның әнисенең кем булуы да ачыклана. Бу сабыйдан кала 39 яшьлек хатынның тагын ике баласы бар, ә кечкенәсен ул өендә генә тапканлыгы билгеле була.

Запись Түбән Камада чүплеккә ташланган сабыйга яңа әти-әни табыла впервые появилась Tatar Today - татар яңалыклары..