Архивы Тапшырылмаган хатлар - Tatar Today - татар яңалыклары. https://tatar-today.ru/tag/tapshyrylmagan-hatlar/ Татар шоу бизнесы, экономика, дин, татар җырлары яңалыклары. Новости на татарском языке. Татарская пресса. Wed, 07 Dec 2016 07:16:32 +0000 ru-RU hourly 1 https://wordpress.org/?v=6.1.12 105180419 “Татар моңы”нда чыгыш ясар өчен, култык таякта да барырга риза https://tatar-today.ru/2016/12/14486/ Wed, 07 Dec 2016 07:16:32 +0000 http://tatar-today.ru/?p=14486 6 нчы декабрьда Камал театры сәхнәсендә үткән «Татар моңы» яшь башкаручылар телевизион конкурсының гала-концерты тамашачысы…

Запись “Татар моңы”нда чыгыш ясар өчен, култык таякта да барырга риза впервые появилась Tatar Today - татар яңалыклары..

]]> 6 нчы декабрьда Камал театры сәхнәсендә үткән «Татар моңы» яшь башкаручылар телевизион конкурсының гала-концерты тамашачысы кинофильм төшерү процессының шаһиты булды. Әмма зал үзе бу хакта белми дә калды. Алып баручылар чираттагы башкаручыны игълан иткәндә аның конкурста катнашмавын искәрттеләр, шулай да мөмкинлекләре чикләнгән яшь җырчыны алкышлауны сорадылар.

Сәхнәгә култык таяклары белән Гөлназ Галимуллина килеп чыкты. Гөлназны театраль тамашачы Г.Кариев театры артисты буларак белсә, телевизор караучылар “Ак чәчәкләр” фильмы аша танып калды. “Ни булды икән Гөлназга?” дип аптырады аны сәхнәдә шушы хәлендә күргән тамашачы.

Залда татар кинофильмын зур экраннар аша карарга яраткан тамашачы булса, эшнең нидә икәнлеген тиз төшенгән булыр иде.

Эш шунда ки, моннан ел ярым чамасы элек – 2015 елның башында Казанның “Мир” кинотеатрында премьера – режиссер Рөстәм Рәшитов төшергән “Айсылу” татар фильмын тәкъдим итү чарасы булган иде. Картинаның сценарий авторы һәм башкарма продюсеры Алексей Барыкин.

Ә сюжеты болайрак. Картинаның төп герое — әнисе белән авылда яшәүче Айсылу исемле яшь кыз. Ул чибәр, матур тавышка ия, әмма гарип һәм бары култык таяклары белән генә йөри ала. Көннәрдән бер көнне бер җырчы кызга клип төшерергә дип аларның күршесенә уңышлы гына продюсер кайта. “Талант — ул берни түгел, иң мөһиме – яхшы продюсерың булу. Шул чагында гына уңышка ирешә аласың. Мин теләсә кемнән дә йолдыз ясый алам”, – дип масая шоу-бизнес вәкиле Йосыф. Ә оператор егетнең күзе Айсылуга төшә. Ул Йосыф белән бәхәсләшә һәм Айсылуны җырчы итәргә күндерә, кызга клип төшерә. Шулай итеп, Айсылуның язмышында яңа этап башлана…

Берничә өлештән торачак итеп уйланылган фильмның әлегә беренче өлеше генә төшерелгән. Фильмның режиссеры Рөстәм Рәшитовны башка эшләрен, аерым алганда “Тапшырылмаган хатлар” фильмын төшерүен күреп, әле “Айсылу”ның үз чиратын көткәнен чамаларга була иде.

“Татар моңы”ның гала концерты фильмның дәвамлы булачагын раслады. Айсылу ролен башкаручы Гөлназ Галимуллина сәхнәгә чыгып “Илкәем” җырын ( Нәкый Исәнбәт сүзләре, халык көе) башкарды. Халык аягүрә басып алкышлады. Сәхнәгә кинооператорлар чыкты. Халык үзенең прокатка чыгасы татар фильмын төшерү шаһиты булуын сизми дә калды.

Татар-информ

Запись “Татар моңы”нда чыгыш ясар өчен, култык таякта да барырга риза впервые появилась Tatar Today - татар яңалыклары..

]]> 14486 Миләүшә Айтуганова чираттагы фильмын төшерә. Бу юлы “Тапшырылмаган хатлар” әсәре буенча [фото-видео] https://tatar-today.ru/2016/10/12814/ Mon, 24 Oct 2016 17:55:33 +0000 http://tatar-today.ru/?p=12814 Гадел Кутуйның “Тапшырылмаган хатлар” әсәре буенча төшерелә торган фильмның беренче рәсми тизеры чыкты. Билгеле булганча…

Запись Миләүшә Айтуганова чираттагы фильмын төшерә. Бу юлы “Тапшырылмаган хатлар” әсәре буенча [фото-видео] впервые появилась Tatar Today - татар яңалыклары..

]]> Гадел Кутуйның “Тапшырылмаган хатлар” әсәре буенча төшерелә торган фильмның беренче рәсми тизеры чыкты. Билгеле булганча әлеге фильм “2014-2020 елларда Татарстан Республикасы дәүләт телләрен һәм Татарстан Республикасының башка телләрен саклау, өйрәнү һәм үстерү” программасы кысаларында төшерелә.

Фильмның продюсеры Миләүшә Айтуганова хәбәр итүенчә, авылда кино төшерү эшләре төгәлләнгән, хәзер Казанда төшерү эшләре бара. Әсәрдәге Әдрәс авылы урынына Биектау районының Зур Кавал авылы сайланган. Төп рольне башкаручы Камал театры актрисасы Гүзәл Минакова: “Галиянең ике периоды бар. 29-30 яшьлек чагын Зур Кавал авылында төшереп кайттык. Хәзер аның студент елларын, 18 яшьлек чорын төшерәбез. КФУ, Иске татар бистәсе, театр янында төштек,”  дип сөйләде.

Миләүшә Айтуганова сүзләренә караганда, фильмның чыгу вакыты әлегә төгәл билгеле түгел. “Хәзер безнең төп бурыч – сыйфатлы кино төшерү. Яратып укылган әсәр, шуңа халык кабул итәр дип уйлыйм,”  дип белдерде ул.

Галия ролен башкаручы Гүзәл Минакова төшерү эшләре уңышлы баруын әйтеп үтте. “Моңа кадәр төрле эпизодларда төшкәнем булса да, кинода бу минем беренче зур ролем,  ди ул.  Роль өчен бик борчылам, бик катлаулы, шул ук вакытта ул миңа бик якын да. Галия саф, чиста, шул ук вакытта күпьяклы образ. Аның белән килешмәгән чакларым да була. Ләкин уртак якларыбыз да бар. Мин дә ул укыган китапларны укыдым, классик музыка яратам,” ди ул.

Гүзәл Минакова кинога төшерү барышында балаларының да янында булуын әйтте. “Минем ике улым бар: Арысланга 3 яшь тә 5 ай, Әскәргә 1 генә яшь. Кечкенәсен әлегә үзем ашатам. Балаларны янымда әнием карап тора. Шул ягы бераз кыенрак,”  диде ул.

Татар-информ

Запись Миләүшә Айтуганова чираттагы фильмын төшерә. Бу юлы “Тапшырылмаган хатлар” әсәре буенча [фото-видео] впервые появилась Tatar Today - татар яңалыклары..

]]> 12814