Архивы татар җырлары - Tatar Today - татар яңалыклары.

Tатар тудей Ваһапов фестиваленең сәхнә артын, Гөлсиринне кочагына алучыны күрде [фото-видео]

Чулпан — Tue, 16 May 2017 17:59:49 +0000

15 май Казанда Салих Сәйдәшев залында 2017 елның Ваһапов фестивален йомгаклау чарасы узды. Сәхнәгә чыккан җырчылар арасында Рәшит Ваһапов турында белмәүчеләр дә бар. //Татаr today, Азатлык//

15 май Казанның Салих Сәйдәшев залында 2017 елның Ваһапов фестивален йомгаклау чарасында сәхнәгә чыккан җырчылар арасында Рәшит Ваһаповның кайсы авылда тууын, әлеге чараның беренчесе кайчан узуын белмәүчеләр дә бар. Унлап яшь җырчы арасында Рәшит Ваһаповның җыр сәхнәсенә күтәрелгәнче кемнәр булып эшләвен икәү генә әйтә алды. Азатлык Сәйдәш залында үткән концерт вакытында сораштыру үткәрде.

Быелгы Ваһапов фестивале, тамашачы фикеренчә, көтелгән чишелеш һәм көтелмәгән күренешләр белән истә кала. Көтелгәне – Ваһапов фестивале аша танылган Ранис Габбасовның гран-прилы булуы, көтелмәгәне – җырчы Ришат Төхвәтуллинның “визит картасы” булган, низагка әверелгән “Тыңлачы, сандугач” җырының яңача яңгыраш алуы һәм профессиональ җырчыларның да фестивальдә катнашуы булды.

Ваһапов вакыфы җитәкчесе Рифат Фәттахов фикеренчә, фестиваль үсештә.

Фестивальдә “татар җыры әнисен” дә билгеләделәр. Татарстанның халык артисты Флера Сөләйманованы әнә шулай зурладылар һәм Ваһапов бүләген аңа да тапшырдылар. Ул үз чоры җырчылары арасыннан ялгызы гына калып баруы турында әйтте.

Татар тудей порталы әлеге масштаблы чараның мәгълүмати партнеры иде.

Фотолар: Рөстәм Исхакый

Запись Tатар тудей Ваһапов фестиваленең сәхнә артын, Гөлсиринне кочагына алучыны күрде [фото-видео] впервые появилась Tatar Today - татар яңалыклары..

“Риваять” ансамбле егетләре Мисырда “Ак калфак”ны яңгыратып гарәп кызлары белән ни булганын сөйләде [видео]

Габдулла Тукай — Sun, 14 May 2017 17:24:24 +0000

Май башында Татарстанның “Риваять” фольклор ансамбле Мисырда 5нче халыкара барабан һәм традион сәнгать төрләре фестиваленнән кайтты. Алар Русиядән барган бердәнбер төркем була 12 ил алдында татар моңнарын яңгыраталар, Мисыр урамнарында “Ак калфак”ны көйләп йөриләр. Егетләр гарәп кызлары белән дә фотога төшәргә өлгерә, бары фотога төштек, әллә ниләр уйламагыз диде ансамбльнең җитәкчесе Руслан Габитов //Tatar today//

“Риваять” егетләре Татар тудей хәбәрчесенә үзләре Мисырда төшергән уникаль видеолар тапшырып, әлеге илгә тәүге сәфәрләрендә алган хис-кичерешләр белән уртаклаштылар.

20 апрельдә Мисырның Каһирә шәһәрендә 5нче халыкара барабан һәм традион сәнгать төрләре фестивале уза. “Барабаннар дуслык өчен” дип аталган фестивальдә 23 илдән килгән артист һәм музыкант катнаша, күпчелеге Африка дәүләтләреннән. Бөтенләй башка материкта урнашкан Татарстан фольклор ансамбле монда ничек килеп эләккән соң?

“Риваять” ансамбле әлеге чарада Русиядән бердәнбер вәкил. Төркемнең җитәкчесе Руслан Габитов сүзләренә караганда, ансамбльне монда махсус чакырганнар.

“Без барарлык диннәрне дә, барлык милләтләрне дә хөрмәт итәбез, башкаларга үрнәк тә әле, татарстаныбызда күпме халыклар, диннәр тату яши”, ди ул. Фестивальгә чакырулы булуның сәбәбен Руслан Габитов шуннан күрә. Аның сүзләренчә, Каһирәнең зур сәхнәсендә татарның биш баласы: өч егет һәм ике кыз мисыр халкын шаккаттырып “Алдым кулга думбыра” дип аталган халык җырын башкаралар.

Ачылышытан соң, икенче көнне исә Каһирә урамнарында парад үтә. Дөньяның төрле почмакларынан килүчеләр барабаннарда, тынлы уен коралларында үз көйләрен башкарырга дип шәһәр үзәгенә җыелалар

“Без дә үзебезнең байрак, үзебезнең курай, сорнайларыбыз белән монда килдек. Татарстаныбызның барлыгын, моңын күрсәттек”, ди Руслан Габитов.

Барабаннар шавы астында “Риваять” ансамбле әһелләре Русия һәм Татарстан байракларын күтәреп, татар халкының милли көен “Ак калфак”ны уйнап Мисыр урамнарыннан үтә.

Раилә Вәлиуллина

Запись “Риваять” ансамбле егетләре Мисырда “Ак калфак”ны яңгыратып гарәп кызлары белән ни булганын сөйләде [видео] впервые появилась Tatar Today - татар яңалыклары..

Артур-Марат Камал артисты Алмаз Гәрәевне машинага бәрдертә [яңа клип]

Габдулла Тукай — Tue, 15 Mar 2016 09:35:17 +0000

Татар эстрадасында билгеле Артур-Марат (Артур Минһаҗев һәм Марат Галимов, элекке “Казан егетләре”) дуэтының 13 мартта яңа клибы чыкты. Җыр “Әгәр мине сагынсаң” дип атала. Төп рольләрнең берсен Камал театры артисты, ТНВдагы “Яшьләр тукталышы” тапшыруының элекке алып баручысы Алмаз Гәрәев уйный. Клип азагында аны машина бәрә, ул үз машинасыннын очып чыга, өендә сөйгән ярының кулларыннан стакан төшеп ватыла, аннан соң ни булганын видеодан карый аласыз.

Запись Артур-Марат Камал артисты Алмаз Гәрәевне машинага бәрдертә [яңа клип] впервые появилась Tatar Today - татар яңалыклары..

Илсөя Бәдретдинова продюсеры яңа проекты – Айсылу белән клипта төшә [видеоклип]

Габдулла Тукай — Sat, 05 Mar 2016 11:12:42 +0000

Татар эстрадасының яшь җырчысы Айсылу Габдинова продюсеры Илфак Шиһапов белән яңа клипта төшәләр. “Әкрен генә атлап барам” җырында Айсылу җырлый, Казан үзәгендә йөри, видеоклипта аның продюсеры, журналист Илфак Шиһапов та күренә.

Альтернатив башкаручы, билгеле җырчы Илсөя Бәдретдинованың продюсеры яңа проекты – Айсылуны 40лап яшь башкаручы арасыннан сайлап ала.

– Айсылу проекты – бөтенләй икенче, Илсөя белән кисешми, ләкин шул ук вакытта алар дус-тату, бер үк сәхнәдә, бер үк гастрольләрдә чыгыш ясыйлар. Әле Айсылудан тыш, мин Илназ Гарипов белән дә эшлим. Өчесе өч төрле, шул ук вакытта бер-берсен тулыландырып, тамашачыга төрле форматтагы җыр һәм музыка бүләк итәләр. Тамашачылар тарафыннан артист тормышын җиңел әйбер дип кабул итү – зур ахмаклык”, дигән иде Илфак Шиһапов Азатлык радиосына биргән әңгәмәсендә.

Запись Илсөя Бәдретдинова продюсеры яңа проекты – Айсылу белән клипта төшә [видеоклип] впервые появилась Tatar Today - татар яңалыклары..

Илһам Шакировның популяр биш видеосы

Габдулла Тукай — Mon, 15 Feb 2016 13:37:00 +0000

15 февральдә татар халкының бөек җырчысы, халык артисты, Тукай премиясе лауреаты Илһам Шакировка 81 яшь тулды. Казанның филармония залында кичен аңа багышлап концерт үтә.

Укучыларыбыз беләдер, Илһам Шакиров турында күп легендалар йөри. Шуларның берсе – аны Мәскәүгә эшкә чакыру белән бәйле. Имеш, Мәскәүгә эшкә кыстагач, җырчы чакыруга ризалык та бирмәгән, әмма кире дә какмаган. Бу турыда композитор Рөстәм Яхин ишеткән дә “Китмә, сандугач”ны иҗат иткән дигән сүзләр йөри. Илһам аганың әлеге җырлары интернетта бар, без шуларның популяр биш видеосын тәкъдим итәбез, аларның кайберләрен Татарстанның беренче президенты Миңтимер Шәймиев та яратып тыңлый.

Илһам Шакиров “Ай янында якты йолдыз”

Илһам Шакиров “Сандугач”

Илһам Шакиров “Авыл көе”

Илһам Шакиров&Шакур “Бик еракта идек”

Илһам Шакиров “Саумы, кояш”

Запись Илһам Шакировның популяр биш видеосы впервые появилась Tatar Today - татар яңалыклары..