Хатын-кызның машина йөртүенә ияләштек инде. Авыл хуҗалыгы техникасын иярләүче, үзе сварка тотып, кирәк-ярак ясаучы ханымнар сирәктер. Спас районының Иске Рәҗәп авылында яшәүче Наилә апа Габделхакова шундый һөнәр ияләренең берсе.

View this post on Instagram

A post shared by "ИРЕК МӘЙДАНЫ" газетасы (@irekmaydani)

— Авылыбызда тракторчы хатын-кызга аптыраучы юк, — дип елмая Наилә апа. — Эшсез тормыйм, элегрәк ел саен 25 әр кешегә бакча эшкәртә идем. Хәзер яшь тә бара, халык та бәрәңгене киметте.

Наилә апа җәй буе хәрәкәттә. Бакчадагы 10 баш умартаны карыйсы, 6 гектар җирдә печән әзерлисе бар аның. Печән җыюны да җиңеләйткән ул.
.
— Покосны эттерә торган агрегат ясадым. Шуның белән җыйдырам да, арбага бер урыннан гына төйисе, басу буйлап йөрисе юк. Авылдаш ирләр дә килеп, өйрәнеп китте әле аны, — дип елмая Наилә апа.

Запись Апас районының Иске Рәҗәп авылы остабикәсе: “Тракторчы Наилә” диюләренә ияләшкән инде” впервые появилась Tatar Today - татар яңалыклары..

— Тимер-томырсыз яши алмыйм, шулар арасында казынудан тәм табам, — дип сөйләде 72 яшьлек Булат абый. — 8 яшемдә кулыма шөреп боргыч һәм каргаборын (плоскогубцы) тотып, трактор астына кереп яткан идем, шуннан бирле тимер арасында инде мин (көлә).

Беренче тракторымны Бакалыда яшәгән чакта фатирда җыйдым. 3 бүлмәнең берсен остаханә иттем дә, эштән кайткач (Булат абый механик, инженер булып эшләгән — Р.Р.), төне буе трактор җыя идем. Күршеләр стенага шакый башлагач кына туктыйм. Әнә шул 32 ел элек җыйган тракторым әле дә хезмәт итә. “К-700” кебек биленнән бөгелә торган ул, бакчаның ат керә алмаган почмагына да барып, борылып чыга. Аңа тагарга 15 ләп җайланма ясадым: бакча эшкәртергә сабан, тырма, бәрәңге утырту, алу җайланмасы, печән чапкыч һ.б. бар. Авылда яшәгән кеше өчен менә дигән!

Әмма моның белән генә тукталмадым, тагын ике трактор ясадым. Икенчесен арба тагып, әйбер ташырга тотам, өченчесе исә тирес, туфрак, вак таш төяү, йөк күчерү, авыр әйберләрне күтәрү өчен җайланган. Өчесенә дә 32 ат көчле “Урал” мотоциклы двигателен куйдым. Бензинны күп тотмый, көче дә җитәрлек. Тракторларым җәй көне генә түгел, кышын да эшкә ярый. Күрше-тирәнең карын җыеп, балаларга шуып уйнарга тау өеп куйдым. Кар көрәү өчен дә җайланма ясадым: ул карны читкә аттырып, сибеп бара…

— Кирәкле бөтен әйбер булса, тракторны җыю озакка сузылмый, — диде Булат абый. — Хәзер тәҗрибәм шактый, өйрәнчекләргә интернет ярдәм итә. Өйгә килеп сораучылар да күп, Сабантуйга: “Трактор белән чык әле”, — дип чакыралар, анда да кызыксынучылар була. Нигездә, интернет аша аралашабыз. Трактор ясарга тотынучылар: “Моны ничек эшлисе икән?” — дип сораса, “Ютуб”ка үзем куйган видеоның ссылкасын бирәм…

Рәзилә РӘСИМ. Ирек мәйданы

Запись Булат Хәкимов 8 яшендә трактор астына кереп ята һәм… “интернет-йолдызга” әверелә впервые появилась Tatar Today - татар яңалыклары..

Запись Әлмәттә җир шофер белән тракторны йота [фото] впервые появилась Tatar Today - татар яңалыклары..