Архивы транспорт - Tatar Today - татар яңалыклары.

Казанда транспортта йөрү бәясе арта!

Алсу Мансурова — Thu, 18 Feb 2021 04:25:50 +0000

Автотранспортчыларның билет бәясен арттыру турындагы тәкъдимен Тарифлар буенча Татарстан дәүләт комитетында хуплаганнар.

Тарифлар комитетының бәяне арттыру турындагы карарын Юстиция министрлыгына юллаганнар.

Бәянең кайчан үзгәрәчәге әлегә билгесез. Әмма шунысы ачык: транспорт һәм банк картасы белән түләгәндә, билет бәясе үзгәрешсез калачак. Салонда акча түләп алганда, аны 35 сум итәчәкләр. Бүген Тарифлар комитеты утырышында җәмәгать транспортының узган елдагы зыянны анализлаганнар. Бу сумма 150 миллион сумга тиң икән. Пандемия аркасында пассажирлар агымы 30 процентка кимегән. Вирус сәбәпле, салоннарны махсус чаралар белән эшкәртүгә дә акча тотылган. Тарифлар комитетының бәяне арттыру турындагы карарын Юстиция министрлыгына юллаганнар. Министрлык раслаганнан соң документ үз көченә керә.

Чыганак : "Шәһри Казан" сайты.

Запись Казанда транспортта йөрү бәясе арта! впервые появилась Tatar Today - татар яңалыклары..

Автобуста бушлай йөрү өчен нәрсә эшләргә кирәк?

Alina — Wed, 19 Feb 2020 15:52:50 +0000

Казанда автобус кондукторларына үз кесәсенә эшләү мөмкинлекләре көннән-көн кими. 43 нче автобус маршруты пассажирларын кондукторның хилафлыгы турында хәбәр иткән өчен бушлай йөртә башлаганнар әнә.

Билет сатучының, әйтик, билет бирмичә, яки ярты бәясен генә алып, акча белән “уйнавын” “кайнар линия” телефонының WhatsApp номерына язып җибәрүче кешегә автобуста ун тапкыр бушлай бару мөмкинлеге бирелә. Татарстан Автомобиль транспорты предприятиеләре ассоциациясе рәисе Сергей Темляков “Татар-информ” агентлыгына хәбәр иткәнчә, 43 нче маршрутта эшләүче автотранспорт оешмасы тәкъдиме белән уйлап табылган гамәл бу. WhatsApp аша алынган хәбәр башта тикшерелә, шуннан соң гына хәбәр итүче бүләкләнә. Казанның башка транспорт оешмалары бу тәкъдимне хуплармы – анысы әлегә билгесез.

Ә менә башкалабызның ПАТП-2 предприятиесе “иҗади” ысул белән автобус йөртүчеләргә кытлыкны бетерүгә керешкән. Биредә шоферлар эзләү максатыннан кызык кына акция башланып киткән. Оешма карамагындагы автобуслар салонында “Дустыңны йөртүче булып эшләргә алып килсәң – 3 мең сум аласың” дигән белдерүләр күрергә була хәзер. Автотранспорт предприятиесе җитәкчелеге хезмәткәргә, алып килгән кеше кимендә 90 көн эшләгән очракта, 3 мең сум күләмендә премия түләргә вәгъдә итә.

Магълүмат Ватаным Татарстан

Запись Автобуста бушлай йөрү өчен нәрсә эшләргә кирәк? впервые появилась Tatar Today - татар яңалыклары..

Илсур Метшин студентларның транспорт чыгымнарын компенсацияләү турында сорауларына ачыклык кертте

Гузель — Tue, 26 Feb 2019 08:17:01 +0000

25 февральдә Казан Мэры Илсур Метшин хисап очрашулары кысаларында Казан дәүләт аграр университеты студентлары һәм укытучылары белән очрашкан. Мэр докладның коры саннарында гына тукталмыйча, студентлар белән сораулар һәм җаваплар ярдәмендә аралашу төзегән.

Бу очрашуда транспорт чыгымнарын матди компенсацияләү турында сораулар күтәрелгән. Әлеге югары уку йорты биналары шәһәрнең төрле районнарында урнашканлыктан, студентларга берсеннән икенчесенә барып җитү өчен күп вакыт һәм акча сарыф итәргә туры килә.

Шәһәр Мэры билгеләп үткәнчә, ул 45 мең имза җыйган петиция белән таныш, әмма проблеманы хәл итү шәһәр хакимияте компетенциясеннән тыш тора. “Ташламалы юл йөрү билетларын компенсацияләү яки кертү – бу акча мәсьәләсе генә. Кызганычка каршы, шәһәрнең әлегә андый акчасы юк. Казан елына 157 млрд сум салым җыя, һәм бары тик 30 млрд сум гына Казанда кала. Калганы югары бюджетларга китә”, – дип аңлаткан ул.

Моннан тыш, И.Метшин шәһәрдә җәмәгать транспортында бушлай йөрү турында хыяллары белән уртаклашкан. Ул моның өчен барлык дәрәҗәләрдә дә икътисади тотрыклылык һәм зур салым базасы кирәк, дип билгеләп үткән.

“Дөньяда шундый системалы 15 шәһәр бар – бу 200-300 мең кеше яшәгән кечкенә шәһәрләр. Буш калган акчаны кешеләр мәдәнияткә, кинога, театрларга, концертларга, музейларга тота. Мондый тәҗрибә бар, ул, әлбәттә, фантастика булып тоела, әмма әйдәгез, хыялланыйк. Өстәвенә, мондый шәһәрләрдә юллардагы машиналар саны 30-35% кими, экология яхшыра һәм чикләнгән бюджетлы студентларны җәлеп итә торган туризм үсә”, – дип сөйләгән И.Метшин.

Казан Мәриясе

Запись Илсур Метшин студентларның транспорт чыгымнарын компенсацияләү турында сорауларына ачыклык кертте впервые появилась Tatar Today - татар яңалыклары..

3 февральдән Казанда җәмәгать транспорты бәясе күтәрелә

Гузель — Thu, 24 Jan 2019 18:48:49 +0000

Казанда февраль башыннан җәмәгать транспортында билет бәясе 27 торачак.

Юл йөрү бәясе 3 февральдән артачак. Кулга акча белән түләгәндә, автобус һәм электр транспортында бер билет 27 сум торачак. Электрон карта белән түләгәндә, билет бәясе 25 сум була. Бу хакта Татарстанның тарифлар комитеты карарында язылган, дип хәбәр итә Azatliq radiosi.

100 тапкыр йөрү өчен электрон карта алганда, бер бару бәясе 18 сум булачак. Аны 1800 сум түләп аласы.

750 сумлык транспорт картасы гамәлдән чыгарылды.

Былтыр көз Казанның автотранспорт оешмалары вәкилләре шәһәр автобусларында йөрү бәясен 25 сумнан 32 сумга кадәр күтәрүне сораган иде.

Әмма тарифларны арттыруның төп сәбәбе – шәһәр халкының юл йөрү бәясен электрон карталар белән түләүгә күчүе. “Халык айга 750 сумлык бер транспорт картасы ала да, 25 сум түлисе урынга 15 сум түләп йөри. Ә үзкыйммәт – 30 сум. Электрон карта алып йөрүчеләр саны ел саен геометрик прогрессиядә арта. 2016 елның апрелендә йөрү хакын биш сумга күтәрүгә ирештек, ә нәтиҗәдә сигез сум югалттык”, ди берничә маршрутта автобуслар тотучы Руслан Йосыпов.

Azatliq radiosi
фото: Казанский репортер

Запись 3 февральдән Казанда җәмәгать транспорты бәясе күтәрелә впервые появилась Tatar Today - татар яңалыклары..

Казанда җәмәгать транспорына билет бәясе артты

Люция — Tue, 15 Jan 2019 05:28:29 +0000

Татарстан башкаласында җәмәгать транспортында транспорт картасы – электрон проездной буенча түләү өчен билет бәясе артты. Шулай ук лимитсыз проезднойлар кертелде. Бу турыда “Транспортная карта” ААҖ сайтында хәбәр ителә.

Гыйнвар азагына кадәр транспорт картасы буенча түләү бер бару өчен 23 сум күләмендә калып тора.

Тарифлар таблицасыннан аңлашылганча, автобуста 50 тапкыр бару өчен проездной бетерелә. Ул 750 сум тора иде. Барлык электрон проезднойлар да лимитсыз була. Шәһәр транспортының барлык төрләре (шул исәптән метрода 50 тапкыр бару) өчен транспорт картасының бәясе 2500 сумга кадәр артты.

Барлык автобус маршрутлары өчен лимитсыз проездной 2300 сум торачак. Җир өстендәге электр транспортында чиксез санда йөри торган проездной 1600 сум тора.

Трамвай яки троллейбусның бер маршруты өчен проездной 1500 сум, бер автобус маршруты өчен проездной 1300 сум була.

Татарстанның Тарифлар буенча дәүләт комитеты Казанда җәмәгать транспортына акча белән түләгәндә, пассажирлар өчен билет бәясенең максималь суммасын 27 сум итеп билгеләде, дип яза “Татар-информ”.

Фото: pixabay.com

Запись Казанда җәмәгать транспорына билет бәясе артты впервые появилась Tatar Today - татар яңалыклары..

Җәмәгать транспортында йөрү бәясен башка сыймаслык суммага күтәрмәкчеләр [фикер алышыйк]

Гузель — Wed, 17 Oct 2018 12:50:47 +0000

Казанда җәмәгать транспортында йөрү бәясе 33 сумга кадәр җитәргә мөмкин. Башкала хакимияте әнә шул мәсьәләне тикшерергә тәкъдим иткән. Юлда йөрү бәясен хәзерге 25 сумнан 33 сумга кадәр җиткерүне пассажир ташучылар үзләре сораган. Тарифлар буенча дәүләт комитетының матбугат хезмәтендә хәбәр итүләренчә, әлеге мәсьәләне җентекләп өйрәнәчәкләр, шуннан соң гына бәяне арттыру-арттырмау турында карар кабул ителәчәк. Күпчелек исә утсыз төтен чыкмый, дигән фикердә. Өстәвенә дизель ягулыгы бәясе артканнан-арта. Мәсәлән, 2015 елда ягулыкның бер литры 32 сум 75 тиен торса, бүген ул 42 сум 80 тиенгә җиткән. Юлда йөрү бәясен арттыру кесәгә сугачакмы?

Гөлшат ГАНИЕВА, Казандагы “Фактор будущего” фонды мөхәррире:

– Әлеге яңалыкны ишеткәннән бирле ачуым чыгып йөри. Хезмәт хакларын арттырмыйлар, ә бәяләр гел сикереп тора. Мин үзем әлегә айга 750 сумлык юл картасы сатып алам. 50 тапкыр барырга җитә бу. Юлда йөрү бәясе артса, анысы да кыйммәтләнәчәк бит. Башта автобусларда йөрүнең сыйфатын арттырсыннар иде. Йөртүчеләр арасында бик дуамаллары да бар. Кайбер чакта, исән-сау кайтып җитеп булырмы икән, дип борчыласың. Озак көтәргә дә туры килә. Аннан бөтенесе бер-берсен этешә-төртешә башлый. Юлда йөрү – үзе бер газап. Башта әнә шуларны тәртипкә салсыннар иде. Бар да яхшы булса, утыз өч сум акчамны да кызганмас идем анысы.

Марат САБИТОВ, тамада:

– Юк, сукмаячак. Чөнки җәмәгать транспортында йөрмим. Шул ук вакытта юлда йөрү бәясен арттыру белән килешәм. Чөнки иртә таңнан алып караңгы төнгә кадәр рульне кулыннан ычкындырмаган автобус, трамвай, троллейбус йөртүчеләрне бик кызганам. Әллә аларга бик күп хезмәт хакы түлиләр дип уйлыйсызмы? Билет бәясен арттырудан кергән акчадан шоферларга, кондукторларга да өлеш чыгарсалар, аларның үз-үзен тотышы да үзгәрәчәк, минемчә. Югыйсә автобус шоферлары кара болыттан да караңгырак чырайлы әнә.

Венера ХАРИСОВА, теш табибы:

– Бәя күтәрелүгә каршы. Ике балам да җәмәгать транспортында йөри. 33 сум бик кыйммәт бит. 25 сумннан 30 сумга кадәр күтәрелсә дә, бер хәл. Миңа калса, дәүләт ярдәм итәргә тиеш. Акчалы кешеләр болай да “иномарка”да гына җилдерә. Бәя артып кына автобуста тәртип урнашмаячак. Әлеге төр җәмәгать транспорты катнашындагы аварияләр көн саен диярлек булып тора. Куып йөриләр, җәяүлеләр кичүеннән уздырмыйлар. Пассажирларны йөртүләрен онытып та җибәрәләр хәтта. Автотранспорт оешмасы җитәкчеләре бәяне арттырганчы, автобуста тәртип урнаштырсын иде. Ул чакта күбрәк түләргә дә жәл түгел.

Рөстәм ГЫЙЛЬМАНОВ, башкаладагы төзелеш оешмасы хезмәткәре:

– Соңгы тапкыр җәмәгать транспортына моннан ун ел элек утырганмындыр. Анысы да трамвай иде. Кондукторы яныма килмәде, бушка кайттым. Бәяләр артуга тыныч карыйм. Көн саен бәяләр күтәрелеп тора. Машинада йөрүчеләр бензин кыйммәт булудан зарлана. Кибетләрдә ризык бәясе гел артып тора. Кешегә бер генә юл кала – акчаны тагын да күбрәк эшләргә кирәк булачак.

Мансур МОСТАФИН, автобус йөртүче:

– Юлда йөрү бәясен йөз сумга кадәр күтәрсәләр дә, моңа карап кына юл хәлләре яхшы якка үзгәрмәячәк. Мин моны егерме елдан артык автобус йөртүче шофер буларак әйтәм. Җәмәгать транспорты төгәл билгеләнгән расписание буенча хәрәкәт итәргә тиеш. Бездә исә автобус шоферлары, пассажирлар саны күбрәк булсын дип, үзара узышырга тотыналар. Юлда үзләрен артык дорфа тоталар. Юлда йөрү бәясен арттырганчы, гади халыкның хезмәт хакын күтәрергә кирәктер, минемчә. Җәяү йөри башласалар, безгә пассажирлар да калмаячак.

Алинә ШӘМСЕТДИНОВА, студент:

– Без тулай торактан укырга барганда, кич өйгә кайтканда, кызлар белән җыелышып, такси чакыртабыз. Алай күпкә арзанрак чыга. Өстәвенә тиз һәм уңайлы. Юлда йөрү бәясен тагын да арттырсалар, таксига өстенлек бирүчеләр күбәячәк.

Чыганак: Ватаным Татарстан

Фото: pixabay.com

Запись Җәмәгать транспортында йөрү бәясен башка сыймаслык суммага күтәрмәкчеләр [фикер алышыйк] впервые появилась Tatar Today - татар яңалыклары..

Биектауда ике җиңел машина “маңгайга-маңгай” бәрелешкән: зыян күрүчеләр бар

Редактор1 editor1 — Wed, 04 Jan 2017 14:05:03 +0000

4нче гыйнварда сәгать 10 тулып 5 минут узгач Биектау районында 112 кичектергесез хезмәт телефонына Казан – Малмыж машина юлының 30 нчы чакрымында транспорт һәлакәте булуы, анда кешеләр каза күрүе турында хәбәр килеп ирешкән. Россия Гадәттән тыш хәлләр министрлыгының Татарстан буенча Баш идарәсе матбугат хезмәтеннән “Татар-информ” мәгълүмат агентлыгына шул хакта мәгълүмат килде. //Татар-информ//

Аерым алганда, Казан – Малмыж трассасының 30 нчы чакрымында “Лада Приора” белән “КИА” автомобильләре “маңгайга-маңгай” бәрелешкән. Нәтиҗәдә, дүрт кеше каза күргән, аларның икесе – балигълык яшенә җитмәгән ир бала. Гадәттән тыш хәлләр министрлыгы хезмәткәрләре аларны ашыгыч медицина ярдәме бригадасына тапшырган, соңгысы тәне казаланганнарны Казанның 7 нче номерлы хастаханәсенә илткән.

Запись Биектауда ике җиңел машина “маңгайга-маңгай” бәрелешкән: зыян күрүчеләр бар впервые появилась Tatar Today - татар яңалыклары..

Казанда автобус “Гоголь” тукталыш павильонын бәрдерә [фото]

Редактор1 editor1 — Sat, 10 Dec 2016 08:47:43 +0000

Казанда шәһәр автобусы тукталыш павильонын бәрдергән, дип хәбәр итә социаль челтәрләр кулланучылары. //Татар-информ//

Бу хәл кичә кич “Гоголь” тукталышында килеп чыккан. 89нчы маршрут автобусы йөртүчесе идарәне югалткан һәм тукталыш павильонын бәрдергән, дип хәбәр итә бу вакыйганың шаһитлары. Юл-транспорт һәлакәте нәтиҗәсендә зыян күрүчеләр булмаган.

Запись Казанда автобус “Гоголь” тукталыш павильонын бәрдерә [фото] впервые появилась Tatar Today - татар яңалыклары..