“Тикшерү мәгълүматларына караганда, 2020 елның 25 июлендә төнлә Саль районы үзәк хастаханәсенең бала табу бүлеге палатасыннан төнге сәгать өчтә  ачыкланмаган зат тарафыннан яңа туган ир – ат җенесеннән бала урланган”, – дип хәбәр иттеләр СКда.

РФ Җинаять кодексының 126нчы маддәсенең 2нче өлеше (“кеше урлау”) буенча эш кузгатылган.

Шулай ук Ростов өлкәсе прокуратурасы тарафыннан тикшерү оештырылды.

Чыганак: ТАСС

Запись Бала табу йортыннан яңа туган баланы урлаганнар впервые появилась Tatar Today - татар яңалыклары..

Ир тәүдә хатынны мәсхәрә иткән, аннары аның банк картасыннан үзенекенә 77,5 мең сум күчергән.

Җинаятьчене хокук сакчылары кулга алган да инде. Аның шәһәрдә таксист булып эшләве ачыкланган.

Мәгълүмат Кызыл Таң

Запись Яшь хатынны көчләгән, ә аннары… впервые появилась Tatar Today - татар яңалыклары..

Видео кадрларында күренгәнчә, йөзенә – битлек, кулларына перчаткалар кигән ир җитди адымнар белән бинага керә дә шул ук моментта менеджерга ташлана. Хатынны идәнгә егып,  аягы белән аны типкәли. Аннары акчаларны җыеп чыгып китә. Тукмалган хатын көч-хәл белән  полиция чакырта. Күп тә үтми һөҗүм итүчене тоткарлыйлар. Ул Агыйделдә яшәүче 31 яшьлек ир булып чыга.

Вакыйга урынына килеп җиткән полиция хезмәткәрләре күзәтү камераларындагы видеозяманы карый һәм һөҗүм итүчегә ориентировка төзи. Нәтиҗәдә патруль-пост хезмәте  тиз арада Нефтекама урамнарының берсендә  шикләнелүчене ачыклый һәм тоткарлый.

Разбойда гаепләнгән Илшат Сәфаргалиев суд утырышында үкенүен белдерә. Әмма коточкыч вәхши гамәлен барыбер аңлата алмый.

Мәгълүмат gtrk.ru

Запись “Коточкыч вәхши гамәлен барыбер аңлата алмый…” [видео] впервые появилась Tatar Today - татар яңалыклары..

Тикшерү версиясе буенча, 20 июльдә бу хатын Лениногорск шәһәрендәге бер йорт янында 9 яшьлек кыз баланы туктаткан. Баланы куркытып, аның алтын алкасын салдырып алган. Шуннан соң бу хатын качкан.

Хөкем ителүче 30 яшьлек хатын гаебен тулысынча таныган. Кыз балага алкасын кайтарып биргән. Суд бу хатынны «Тормыш өчен куркыныч булмаган көчләү гамәлләре кулланып талау» маддәсе буенча гаепле дип тапкан. Алка талаучы хатынны шартлы рәвештә ике елга ирегеннән мәхрүм иткәннәр.

Чыганак: Интертат

Фото: pixabay.com

Запись Барып җиттек: Лениногорскида көпә-көндез бәләкәй баланы талыйлар впервые появилась Tatar Today - татар яңалыклары..

БАШТА ИТ УРЛАГАННАР, СОҢЫННАН СӘДАКА ТАРТМАСЫН

Быел да шушы матур чараны дәвам итәргә планлаштырганнар. Мәхәлләдәгеләр генә түгел, шәһәр мөселманнары да үзләреннән өлеш кертергә ашыккан: кемдер аш пешерү, чәй кайнату өчен чиста су алып килсә, кемнәрдер шикәр яки он биргән, икенче берәүләр йөзем, финики кебек җимешләр китергән. Ризык белән генә түгел, акча белән булышучылар да шактый булган. 100 сумнан башлап, 1000 сумга кадәр сәдака китергәннәр. Бу акчаларга мәчеттә ризыклар сатып алганнар, аларны авыз ачтырганда табынга куярга дип саклаганнар.

– Халкыбыз рамазан аена бик игътибарлы, ул игелек кылырга, авыз ачтыру кебек саваплы эштә үз өлешләрен кертергә ашкына. Шактый ризык тупланган иде. Хәтта татлы, баллы ризыклар, мәсәлән чәк-чәкләр пешереп китерүчеләр дә булды. «Сезгә әбиләр, бабайлар, мохтаҗлар киләләр бит, бездән дә өлешебез керсен, шул очракта, Аллаһы Тәгалә безне дә җәннәткә иңдереп, шатландырыр», – дигән изге нияттә аларның күңелләре. Халык арасында итләр алып килүчеләр дә шактый иде. Мәчетебездә төзекләндерү эшләре бару сәбәпле, без бина эчендәге суыткычларны сүндереп торган идек. Итләр бозылмасын дип, аларны мәчет территориясендә урнашкан бер «будка»га чыгардык. Берничә көннән «будка»га кереп карасам, итләр, пилмәннәр, авылдан килгән каймаклар юкка чыккан. Тукта, үзебезнекеләр арасында берәрсе алып, башка урынга куйды микән әллә, дип уйлап, сораштыра башладым. «Юк, хәзрәт, – диләр. – Кичә шунда торалар иде бит әле!» Аптыраштык. Барлыгы бергә, өстән-өстән генә санаганда, 10 мең сумлык продукцияне алып чыгып киткәннәр. Ярар, хәере белән булсын инде, дип уйладык та, мәчеттәге төзекләндерү эшләрен тиз арада төгәлләп, продукцияләрне мәчеткә кертеп куйдык. Тик безгә булган һөҗүмнәр бетмәгән икән әле: икенче көнне үк сәдака тартмасын урларга маташтылар, – дип аңлата Солтан хәзрәт.

Тартманы тимергә «ябыштырып» торган йозакта кискән һәм чүкеч белән сугылган урыннар әле дә бар

Ә вакыйга болай булган: 26нчы май көнне, төнге 12ләр тирәсендә мәчеттә сакчы булып эшләүче кеше намазын укып бетергән дә, тәрәзә янына килеп караган. Күрә, берәү сакта тора, тагын ике егет, перчаткалар киеп, мәчет капкасына беркетелгән сәдака тартмасын ачып маташа. Пычкы сыман әйбер белән чиратлашып кискәләп тә караганнар, йозакны чүкеч белән дә ватканнар, тик алып китәргә генә өлгермәгәннәр: мәчет хезмәткәрләре полиция чакырткан.

– Ярый әле алар тиз килеп җитте, Аллага шөкер. Полиция килгәнен күрүгә, берсе – бер якка, калган икесе урман эченә торып чаптылар. Әгәр тагын ярты сәгатькә генә булса да полиция соңга калса, алар пычкы белән йозакны кисеп, тартманы урлап китәчәкләр иде. Бу егетләрнең сәдака тартмасын урларга тырышуларын үз күзләребез белән карап тордык, тик берни эшли алмадык. Хезмәткәрләремә: «Урамга чыгып йөрмисез», – дип, алдан ук кисәттем. Чөнки мондый эшкә барган кеше, ул җинаять кылудан да куркып тормый, иманы зәгыйфь була аның. Безнең ул тартмада әллә ни күп акча да җыелмаган иде, тик алар барыбер акчага алданып, шундый гөнаһ гамәл кылдылар. Һәм шунысы да кызганыч: егетләр бик яшь иде, күп дигәндә, 20 яшьләр генә биреп буладыр аларга. Бу хәлләр барысы да видеокамерага төшерелгән, ләкин әлегә җинаятьчеләрне тапмадылар.

Солтан хәзрәт мондый һөҗүмнәрнең элегрәк тә булуы хакында сөйли.

 

БУ – БЕРЕНЧЕ ОЧРАК ТҮГЕЛ

Шунысы да бар, «Рамазан» мәчетенең караклар белән очрашуы беренче мәртәбә генә түгел. Узган ел да сәдака тартмасына кул сузу очраклары күп булган. Берсендә хәтта, тартманы кисеп, урлап ук киткәннәр, соңрак аны зират эченнән буш килеш табып алганнар.

Инде менә быел кешеләрне авыз ачтыру өчен дип җыелган ризыклар да югалгач, Солтан хәзрәт әйтүенчә, мәчеттәгеләр пошаманга төшкән. Авыз ачтыруны ничек башкарып чыгарбыз инде, дип борчылганнар. Тик якын-тирәдә яшәүче халык, бу хакта белеп алгач, мәчеткә дөге, карабодай, май кебек продукцияләр алып килә башлаган. Үзләренчә ярдәм кулын сузарга тырышканнар.

– Бу – авыз ачарга килгән мөселманнар өчен генә түгел, мохтаҗ кешеләрне дә ашатырга, дип исәпләнгән продукция иде. Чөнки без гади эш көннәрендә дә, көн саен диярлек, ялгыз калган, мохтаҗ булган, авыр хәлгә эләккән бабайларны ашатырга тырыша идек. Чөнки хатын-кыз ирсез калса да, барыбер югалмый. Ә ир кеше, хатыны үлгәч, бөтенләй югалып кала. Безнең берничә бабай бар: хатыннары үлгәч, ашарга пешерүче дә юк, алар шулай ачыгып йөриләр. Аларны чакырабыз, ашатабыз. Аннан соң мәчеткә мохтаҗларга дип китергән ризыкларның бер өлешен, өйләргә чыгып, мохтаҗларга таратып та чыгабыз. Район буенча күп балалы авыр хәлдәге гаиләләр, инвалидларның исемлеге бар бездә. Урысмы ул, татармы, бернигә карамастан, шул ризыкларны өләшәбез. «И хәзрәт, ничә ай кызыл ит ашаган юк иде, тавык итен алабыз үзе, тик сарык, сыер итенә акча җитми бит. Рәхмәт сезгә», – дип сөенеп калучылар күп була иде. Ә хәзер шул ризыклар урланды. Бу – урлашу гына түгел, башка кешенең хакына керү. Алар мәчеттән урламыйлар, халыктан, мохтаҗлардан, ураза тотучылардан урлый. Кеше хакына кергәч, кешене рәнҗеткәч, мохтаҗлар ризыгын алгач, алар шушы мохтаҗларның авырлыкларын үзләренә алалар. Әле рәнҗешләрен дә алырга мөмкиннәр. Ул Аллаһ алдында тыелган зур гөнаһлардан санала. Кешегә яманлык эшләсәң, көт: иртәме-соңмы шушы начарлыкның нәтиҗәсе киләчәк, аны күрәчәксең дип, Аллаһ та бит Коръән аятьләрендә пәйгамбәребезгә иңдергән. Аллаһы Тәгаләнең җәзасы иртәме-соңмы, бер булачак бит. Алар урланган ризыкларның рәхәтен күрә алмаслардыр. Кайвакыт кеше, урлап-талап, байлыкка да ия булырга мөмкин, тик андый мал ничек җиңел керсә, шулай җиңел китеп тә бара. Бер генә мисал. Бер егет сөйли: «Хәзрәт, хатын кайдандыр укыган, су счетчигына магнит куйсаң, ул акчаны кимрәк чутлый икән, ди. Бу, миңа әйтмичә, куйды моны. Шул көннән алып, машинам белән камерага эләгеп, безгә килгән штрафларның саны күзгә күренеп артты бит – 15 мең сумлык булды хәтта, – ди. – Шушы штрафларны җыеп, хатынга күрсәттем: «Менә синең экономияң. 500 сум саклап калдың, 15 мең сум булып чыкты», – дидем», – ди. Иң кызыгы – магнитны алып куйгач, штрафлар да кимегән. Югыйсә, элек ничек йөргән, магнит куйгач та шулай ук хәрәкәт иткән ул машинасында – дип сөйли Солтан хәзрәт.

Шунысы да бар: видеокамерадагы язмалардан күренгәнчә, егетләр сәдака тартмасын кисеп ятканда, урамнан машиналар да узып йөргән. Һәм аларның бу эшне күрми калулары бик икеле булыр иде. Тик берәү дә егетләрне туктарга кушып кисәтмәгән һәм полиция чакыртучы да булмаган. Монысы инде, күрәсең, битарафлыктыр.

Иң куркынычы шул: бу – Казандагы мәчетләрне баскан беренче очрак кына түгел. Узган ел да Рамазан ае башлангач, Васильево бистәсендәге «Ихлас» мәчетенең сәдака тартмасын ватканнар иде. Аннан 2 мең сумлап акча алганнар. «Әниләр» мәчетендә дә шул ук хәл булды. Бу вакыйгаларның нәкъ менә мөселманнар өчен изге ай алдыннан гына эшләнүе дә шик тудыра. Әллә җинаятьчеләр халыкның нәкъ менә ураза аена кергәч игелекле гамәлләр кылырга һәм сәдака салырга ашыгуын күз уңында тотып эш итә – белмәссең.

Инде киләчәктә дә мондый хәл кабатланмасын өчен, «Рамазан» мәчете территориясенә видеокүзәтү җайланмалары урнаштырырга җыеналар.

– Сакланганны Аллаһ саклар, диләр бит. Башка әйбер эшләп булмый инде монда. Чөнки һөҗүм итәргә теләгән кеше юлын барыбер таба ул. Инде хәзер камера куйдырырга булдык. Ичмасам, урласалар, бәлки табылырлар. Кешеләрнең күңелендә хәзер Алла да юк, мулла да юк. Үткән ел корбан гаетеннән соң көпә-көндез сәгать биштә килеп, каерып бер алып киткәннәр иде безнең сәдака тартмасын, – дип сөйли «Рамазан» мәчете имам-хатыйбы.

Шушындый кыенлыкларга да карамастан, ураза башланганнан бирле мәчеттә авыз ачтырулар үткәрелеп тора. Иң беренче көнне 120 кеше җыелган булган. Тик мәчет мөселманнарның ярдәменә барыбер дә мохтаҗ. Шуңа күрә, әгәр продукция белән, яки акчалата ярдәм итәргә теләүчеләр булса, +79510673370 номеры аша Солтан хәзрәтнең ярдәмчесе Закир хәзрәткә яки редакциягә шалтыратырга мөмкин.

Бу вакыйганы коточкыч дип атау гына да аздыр. Дин йортларын басарга һәм урлашырга кешеләрне нәрсә мәҗбүр итә? Акчасызлыкмы, әллә җиңел акча эшлисе килүме? Эшсезлекме, әллә эшкә урнашып акча табу теләге булмаумы… Тәрбиясезлекме, әллә имансызлыкмы? Вариантлар күп булса да, аларның берсе дә җинаятьчене акламый. Зиратларны җимергәч, бер аһ иткән идек, мәчет басулары – икенче тапкыр шаккаттырды. Хәзер җинаятьчеләрне тапсыннар да, кылган эшләре өчен җавап тотсыннар дип телисе генә кала.

Айгөл ЗАКИРОВА

Запись Рамазан аеның башы: Казан мәчетеннән сәдака тартмасы урланган, авыз ачтыру ризыклары югалган впервые появилась Tatar Today - татар яңалыклары..

Бер көн алдан җирле полиция бүлегенә кием-салым төзәтү салоныннан гариза килә. Хуҗалар салоннан ремонтка диеп кабул ителгән кием-салым, эш кораллары югалганны хәбәр итә. Видеокүзәтү системасыннан күренгәнчә, ишеге бикләнми калган ательега эш көне беткәч ир-ат килеп керә, бераздан аннан олы сумка тоткан хатын-кыз килеп чыга. Шулай итеп, зыян күләме чама белән 200 мең сумга бәяләнә. Эзли торгач, 43 яшьлек әлмәтленең эзенә төшәләр. Урланган әйберләр кире кайтарылган, гаепләнүчегә карата җинаять эше кузгатылган, дип хәбәр итә Әлмәт Эчке эшләр идарәсе матбугат хезмәте.

Запись Әлмәттә хатын-кыз булып киенгән ир-ат ательедан киемнәр урлаган впервые появилась Tatar Today - татар яңалыклары..

“Кичә кичке 7 тирәсендә Яблочков урамындагы банкка билгесез зат кергән, пистолет белән янап, учреждение хезмәткәрләрен бәйләп куйган һәм сейфтан 21 млн сум урлап качкан”,  дигәннәр матбугат хезмәтендә.

Талау нияте белән һөҗүм итү факты буенча җинаять эше кузгатылган. Оперативниклар җинаятьчене ачыклау һәм тоткарлау өчен видеокүзәтү камералары язмаларын өйрәнә.

Татар-информ

Запись Мәскәүдә банктан 21 миллион сум урлаганнар впервые появилась Tatar Today - татар яңалыклары..

Әбҗәлил районында кошчылык фабрикасы хуҗасы казларның санын алганда 200ләп казның юкка чыгуын абайлап алган. Ир-ат полициягә мөрәҗәгать иткән.

Тикшерү барышында фермер хуҗалыгында эшләүче берәүнең берничә ай эчендә кошларны берәмләп урлавы һәм күрше авылда сатуы ачыкланган. Ул 200ләп каз урлавын яшермичә сөйләп биргән.

Башкортстан республикасы Эчке эшләр министрлыгы матбугат хезмәте хәбәр иткәнчә, ир-атка карата “Урлашу” статьясы буенча җинаять эше кузгатылган. Полиция хезмәткәрләре урланган казларның яртысын диярлек җирле халыктан җыеп алып, кире кошчылык фабрикасына тапшырганнар. “Ә күпме каз ашалып беткәнен әйтү кыен”, – дигәннәр.

Татар-информ

Запись Башкортстанлылар 100 урланган казны ашап бетергән впервые появилась Tatar Today - татар яңалыклары..

28 июль көнне биш кеше сыер урларга дигән нияткә киләләр. Караңгы төшкәч, алар Петровский бистәсе янындагы болыннан 9 сыерны куып алып китәләр. Сыерларның хуҗасы – 31 яшьлек эшмәкәр полициягә хәбәр иткәч, җинаятьчеләр тоткарлана. Маллар иясенә кайтарыла. Урлаучыларның 3 туган һәм аларның 2 танышы булуы ачыклана. Хокук бозучыларның иң яшенә – 30, иң өлкәненә – 59 тулган. Аларның күбесе инде хөкем ителгән булган.

Русиянең Эчке эшләр министрлыгының Чиләбе өлкәсе буенча Дәүләт идарәсендә урланган малларның бәясе 700 мең сумга бәяләнүен әйткәннәр. Җинаять эше кузгатылган. Сыер урлаучыларга 1 миллион сумга кадәр штраф һәм 10 елга кадәр ирекләреннән мәхрүм итү яный.

Татар-информ

Запись Челәбедә көтүе белән сыер урлаучыларга 1 миллион сум штраф яный впервые появилась Tatar Today - татар яңалыклары..