Архивы Вконтакте - Tatar Today - татар яңалыклары.

Миңнеханов ил башлыклары арасында “ВКонтакте” да кайсы урында?

Редактор1 editor1 — Thu, 06 Apr 2017 08:36:45 +0000

Татарстан Президенты Рөстәм Миңнеханов – “ВКонтакте” социаль челтәрендә иң танылган губернаторларны ачыклау буенча уздырылган сораштыру рейтингында икенче урында. Беренчелекне Чечня башлыгы Рамзан Кадыйров алган. //Татар-информ//

Чыганак хәбәр иткәнчә, Россиядә иң популяр саналган әлеге челтәрдә төбәк җитәкчеләренең бары алтысы гына үз аккаунтын актив алып бара. Кадыйров һәм Миңнехановтан тыш, болар – Сергей Собянин (Мәскәү), Андрей Воробьев (Мәскәү тирәсе регионы), Шолбан Кара-оол (Тыва) һәм Игорь Орлов (Архангельск өлкәсе).

“Интерент-агитация” агентствосы тикшеренү нәтиҗәләре күрсәткәнчә, һәркайсының бастырып чыгарган материалын 10 меңләп кеше кереп карый.

Агентство белдерүенчә, Рөстәм Миңнехановның “пост”ларын уртача 36 мең кеше укый. Болар – нигездә Татарстан кешеләре, һәм Президент аларга туган телендә җавап бирә. Миңнеханов аккаунтында бернинди аңлатмаларсыз бирелгән фотографияләргә зур игътибар бирелә. Иң күп каралган язма – беренче Президент Минтимер Шәймиевның юбилее уңаеннан 2017 елда куелган видеоролик, дип билгеләп үтә чыганак.

Запись Миңнеханов ил башлыклары арасында “ВКонтакте” да кайсы урында? впервые появилась Tatar Today - татар яңалыклары..

Камал театры билетларын “Вконтакте” аша да сата башлады

Редактор1 editor1 — Thu, 15 Sep 2016 11:30:03 +0000

Камал театры, Казан театрлары арасыннан беренче булып, “Вконтакте” социаль челтәрендәге рәсми төркемендә спектакльләргә электрон билетлар сата башлады. Хәзер билетларны театр кассасы яки сайты аша гына түгел, популяр социаль челтәрләр аша да алырга мөмкин. Проект «Инфоматика» оешмасы, “Лента” билет-үткәргеч башкару системасы ярдәме белән тормышка ашырылды.

Спектакльләргә электрон билет сатып алу өчен әлеге сылтама аша театрның рәсми төркеменә керергә һәм “Онлайн билет алу” дигән төймәгә басарга кирәк. Алга таба тәкъдим ителгән исемлектән үзегезгә кирәкле спектакльне, урынны сайлап алырга һәм карта буенча мәгълүматларны тутырырга. Сатып алынган билет берничә минут эчендә сатып алучының электрон почтасына җибәрелә.

«Без заман тамашачысына уңайлыклар булдыру өчен кулыбыздан килгәнчә тырышабыз: электрон билетлар сатуны үстерәбез, интернет-кибетне камилләштерәбез социаль челтәрләрдәге эшчәнлекне киңәйтәбез һ.б. Билетларны социаль челтәрләр аша сата башлау – тамашачыга таба тагын бер адым ясау ул», – ди Камал театрының директоры Илфир Якупов.

Билетларны социаль челтәрләр аша сату хезмәте “Инфоматика” оешмасы хезмәткәрләре эшләгән программа ярдәмендә тормышка ашырылды. Әлеге программа театрның рәсми сайтындагы билетларны онлайн сату сервисын театрның “Вконтакте” бите белән тоташтыру мөмкинлеге булдырды. Якын киләчәктә онлайн билетлар сату Камал театрының Facebook бите аша да тормышка ашырылачак.

Исегезгә төшерәбез, Камал театрында электрон билетлар сату проекты 2013 елның 13 сентябрендә тормышка ашырылды. Беренче айларда сатылган билетлар йөзләр белән исәпләнсә, хәзер ай саен театр сайты аша меңнән артык билет сатыла.

Мәгълүмат kamalteatr.ru сайтыннан алынды

Запись Камал театры билетларын “Вконтакте” аша да сата башлады впервые появилась Tatar Today - татар яңалыклары..

“Вконтакте”да урнаштырылган язма өчен, студент кызга 400 мең сум штраф салганнар

Редактор1 editor1 — Fri, 19 Aug 2016 06:30:29 +0000

Патимат Гаҗиева экстремизм һәм террорны халык алдында аклау маддәләре буенча гаепле дип табылган. //Азатлык радиосы//

Мәскәүнең Сеченов университеты студенты Патимат Гаҗиеваны “ВКонтакте” социаль челтәрендә Русиядә тыелган “Ислам дәүләте” террорчы төркеменең билгесен урнаштырганы өчен мәхкәмәгә биргәннәр.

“Интерфакс” хәбәр иткәнчә, кыз экстремизм һәм террорны халык алдында аклау маддәләре буенча гаепле дип табылган. Гаепләүче як 4 ел колония таләп итсә дә, студент яклаучысы аның гамәлендә җинаять тапмый.

Нәтиҗәдә, Мәскәүнең хәрби мәхкәмәсе Гаҗиевага 400 мең сумлык җәза бирде. Аның адвокаты мәхкәмә карарына шикаять бирергә җыенмыйбыз, ди.

2015 елның июлендә Патимат Гаҗиева үзенең “ВКонтакте” сәхифәсендә “Ислам дәүләте” байрагы төшерелгән видео скриншотын урнаштыра. Ләкин берничә көннән ул аны кире алып куя. Шуңа карамастан, ноябрьдә кызны тоткарлыйлар. Гаҗиева өлешчә үз гаебен таный.

Запись “Вконтакте”да урнаштырылган язма өчен, студент кызга 400 мең сум штраф салганнар впервые появилась Tatar Today - татар яңалыклары..

“Вконтакте”да җырларны тыңлаган өчен акча түләргә туры киләчәк

Редактор1 editor1 — Wed, 20 Jul 2016 06:52:16 +0000

“Вконтакте” социаль челтәрендә аудиоязмалар бүлеге кулланучылар өчен түләүлегә әйләнәчәк.

Дөрес, яраткан җырларыңны бушка да тыңларга була. Ә җырларны үз шәхси битеңә куша башласаң, акча түләргә тиеш буласың.

“Башкаручыларны яратасыз икән, аларга ярдәм дә итәргә тиешсез. Музыкантлар безне яңа иҗат җимешләре белән сөендерсен өчен, акча да эшләргә тиеш бит. “Вконтакте” челтәрендә моның өчен бер чынаяк кофе бәясе генә акча түләргә туры киләчәк”, – дип белдергән “Warner Music Group”ның Россиядәге генераль директоры Александр Блинов.

Аудиоязмаларны түләүле итү ел азагына кадәр кертелергә тиеш. Мөгаен, айлык түләү системасы кулланылыр.

Интертат

Запись “Вконтакте”да җырларны тыңлаган өчен акча түләргә туры киләчәк впервые появилась Tatar Today - татар яңалыклары..