Архивы Яңаел - Tatar Today - татар яңалыклары.

Кремльдә 31 декабрь ял итәбезме юкмы икәнен әйттеләр

Лейла — Wed, 13 Nov 2019 16:13:37 +0000

Яңа ел яллары 1 гыйнвардан 8 гыйнварга кадәр дәвам итәчәк.

Россия Хезмәт министрлыгы билгеләгән график буенча быел 31 декабрь эш көне була. Президентының матбугат сәркатибе Дмитрий Песков бу көнне ял көне итәргә кирәклеге турында бәхәсләшмәскә өндәде. Бу турыда РИА Новости хәбәр итә.

«31 декабрь эш көне булуы турында карар кабул ителде. Димәк, эшләргә кирәк», – диде ул.

Дмитрий Песков шулай ук бу хакта Россиядә яшәүчеләрне алдан ук кисәтүләрен дә әйтте.

Кышкы каникулларның озынлыгы үзгәрергә мөмкин, дип искәртте Россия лидерының матбугат сәркатибе. Киләсе ел каникуллары алдагы елларга караганда кыскарак. Яллар барлыгы сигез көн – 1 гыйнвардан 8 гыйнварга кадәр.

Чыганак: Татар-Информ

Запись Кремльдә 31 декабрь ял итәбезме юкмы икәнен әйттеләр впервые появилась Tatar Today - татар яңалыклары..

Эмиль Талипов: «Сникерс», «Марс» кебек шоколадларны телевизордан гына күрдек»

Чулпан — Sun, 24 Dec 2017 14:00:56 +0000

Яңа ел җитүне барыбыз да зарыгып көтә. Актерлар да искәрмә түгел, әлбәттә. Без Г. Камал театры артистларының да Яңа ел хатирәләрен яңарттык. //Ялкын//

Галиәсгар Камал исемендәге Татар дәүләт академия театры артисты, Муса Җәлил исемендәге республика бүләге лауреаты Эмиль Талипов:

– Балачакта Яңа ел “утреннигы”на кем булып киенә идегез? Ул костюмны сезгә кем текте?

– Мәктәптә башлангыч сыйныфларда Яңа ел бәйрәмен үзем алып бардым. Кар бабай (Снеговик) ролен бирделәр миңа. Роль тапшыргач, аңа әзерләнергә, кешеләр алдында чыгыш ясарга кирәк. Мин «Костюм юк», дип елап утыргач, апамның төне буе костюм әзерләгәне хәтеремдә калган. Ялгышмасам, ул аны марля һәм өйдә булган башка төрле материалдан текте. Кар бабай борынын кәгазьдән ясадылар. Мәктәптә олырак сыйныфларда Кыш Бабай булырга да туры килде. Ләкин шулай да иң җылы тәэсирләр калдырганы – Кар Бабай костюмы. Ул минем бала вакыт иде. Әлеге костюмны бер генә тапкыр кияргә туры килде. Шактый күләмле роль булуга карамастан, ул минем бик яхшы килеп чыкты.

– Иң истә калган Яңа ел бүләге нинди иде? Аны Сезгә кем бүләк иткән иде?

– Безнең заманнарда нинди Яңа ел бүләге булсын инде! Мин 1990нчы елларда укыдым, ул вакытта хәзерге кебек бүләкләр бирешү юк иде. Бүгенге кебек иркенлек булмады. Безнең бәйрәмнәр бик күңелле уза иде. Рәхәт чак! Мәктәпкә чыршы алып килгәндә, аның исе бөтен мәктәпкә тарала. Иң зур һәм иң тәмле бүләк – пакет эченә тутырылган конфетлар. Алар – үзе бер могҗиза, үзе бер тылсым! Ул пакет эчендә тагын 1 мандарин һәм 2 әстерхан чикләвеге дә була иде. Аларны диванга яки идәнгә чәчеп, шуларны барлап, актарып утыру үзе бер рәхәт. Ул вакытта «Сникерс», «Марс» кебек шоколадлар әле чыга гына башлаган иде. Элек без аларны телевизордан гына күрдек. Алып та булмый иде, эләкми дә иде. Яңа ел пакетына тутырылган шушы шоколадларны идәнгә чәчеп, яртылыш-яртылаш тешләп кенә шаккатып ашап утыра идек. Мин моны әллә кайчангы заман кебек сөйлим. Ләкин 90нчы елларда шундый авыр вакытлар булып алды. Без гаиләдә әле өчәү идек бит: миннән кала, тагын ике апам бар. Безгә 3 пакет бирәләр. Ул бүләкләрнең матурлыгын белсәгез сез, аларның савытларына кадәр шундый искиткеч! Аларга чыршылар, Кыш Бабайлар төшерелә иде.

– Яңа елдагы могҗизага ышанасызмы? Сезнең белән шушы бәйрәм алдыннан берәр могҗиза булганы бармы?

– Могҗиза булмаса да, ышанасы килә. Яңа ел – иң матур бәйрәмнәрнең берсе. Чыннан да, ниндидер тылсымлы, могҗизалы бәйрәм.

Г. Камал театры артисты Ләйсән Фәйзуллина:

– Балачакта Яңа ел утреннигына кем булып киенә идегез? Бу костюмны сезгә кем тегә иде?

– 1нче сыйныфта кигән Керпе костюмын бик яхшы хәтерлим. Әнием аны минем өчен каяндыр табып алып кайтты. Бәлки театрдандыр (Ләйсәннең әнисе – Татарстанның халык артисты, Әлмәт татар дәүләт драма театры артисткасы Раушания Фәйзуллина). Башка битлек кебек керпе йөзе киелә иде. Итәге һәм жилеты да бар иде әле ул костюмның. Жилетның артында чуклар ясалган. Әле минем шундый фотографиям дә бар. Мин анда шул костюмнан бик куркып төшкәнмен. Шуңа үземне куркак Керпе, дип исемдә калдырдым. Шушы Керпе костюмын мин бер генә тапкыр кидем. Ә аннары гел Кар бөртеге булып киенә идем.

– Иң истә калган Яңа ел бүләге нинди иде?

– Бөтен бүләкләр дә хәтердә калмаган, әлбәттә. Ләкин әни бервакыт тәмле тартма бүләк итте. Аның һәр тәрәзәсе ачыла. Бәләкәй-бәләкәй тәрәзәләрнең һәрберсендә – шоколад. Яңа ел җиткәнне көтмәдем, әни күрмәгәндә, шоколадны берәм-берәм урлый идем. Әлеге тартма, китап кебек, яссы һәм аның бик күп тәрәзәләре бар иде. Шул тәрәзәләрне ачасың, анда – шоколад. Мин Яңа ел җиткәнне көтеп өлгерә алмадым, бер-ике атна алдан башладым, Яңа елга кадәр шоколадларны бетердем. Моның өчен әнидән дә эләкмәде, ул көлде генә.

– Яңа елдагы могҗизага ышанасызмы?

– Гел ниндидер могҗиза көтәм, ләкин ул булмый. Минемчә, могҗизаны көтәргә кирәкми, аны үзеңә ясарга кирәк.

Алинә МИННЕВӘЛИЕВА

Запись Эмиль Талипов: «Сникерс», «Марс» кебек шоколадларны телевизордан гына күрдек» впервые появилась Tatar Today - татар яңалыклары..

Корпоративларда Салаватның җырлавы күпмегә төшә?

Чулпан — Thu, 21 Dec 2017 09:00:22 +0000

Бусагада Яңа ел. Эстрада йолдызлары өчен корпоративлар чоры башлана.«Башинформ» агентлыгы татар һәм башкорт җырчыларының бер кичтә күпме акча эшләгәннәрен санаган икән. //Сабантуй//

Беренче урында Татарстанның халык, Башкортстанның атказанган артисты Салават Фәтхетдинов. Аның корпоративларда чыгышы 200 мең сумнан башлана. Иң югары бәя — миллион сум. Җырлар саны бәйрәмгә чакыручы белән индивидуаль рәвештә килешенә.

Икенче урында — Татарстанның һәм Башкортстанның халык артисты Айдар Галимов. Кичәдә ике-өч чыгыш өчен җырчы 200 мең сум сорый.

Яңа ел корпоративлары гонорарлар баскычының өченче урынында — Башкортстанның атказанган артисты Элвин Грей псевдонимы белән чыгыш ясаучы Радик Юльякшин. Милли эстрада йолдызының бәясе ике ел дәвамында үзгәрешсез — бер сәгатьлек чыгышы 150 -200 мең сум тора.

Татар һәм башкорт җырларын тыңларга теләүче коллективлар һәм оешмалар өчен иң арзанлы вариант дип җырчы Нурзадәне атадылар. 5-7 җыр өчен җырчы 10 мең сум ала.

Запись Корпоративларда Салаватның җырлавы күпмегә төшә? впервые появилась Tatar Today - татар яңалыклары..

Гүзәл Уразова, Төхвәтуллин, Бәдретдинова Яңа елга 7 көн кала нинди фото-видеолар төшерә икән

Редактор1 editor1 — Sat, 24 Dec 2016 09:41:44 +0000

Яңа еллар җитәргә әз вакыт калып бара, дуслар! Һәр кеше бәйрәм рухында туганнарына, якыннарына бүләкләр, чыршы базарында хуш исле чыршылар, өстәл табынына тәмле сыйлар әзерли. //Tatar Today//

Ә артистлар Яңа елга бер атна кала ниләр майтарып ята икән? Күбесенең инде гаиләләре, балалары белән төшкән беренче Яңа ел фотолары да бар. Сезгә дә тәкъдим итәсебез килә. Яраткан җырчыларыгызга карап, алар белән бергә сөенегез!

Менә Гүзәл Уразова белән Илдар Хәкимовның профессиональ студияда ясалган Яңа ел фотосы. Бәйрәм мизгелләре белән уртаклашып: “Тиздән…”, дигән Гүзәл фото астына.

View this post on Instagram

A post shared by Гузель Уразова певица (@guzelurazova)

Җырчы Ришат Фазлыйәхмәтов үзе генә “Татар радиосы”, “Барс-Медиа”, “ТМTV” дип язылган Яңа ел баннеры алдында эскәмиядә утыра. Мөгаен, Яңа елга яңа иҗади планнарын корып утыруыдыр аның.

View this post on Instagram

A post shared by РИШАТ НУРОВИЧ ФАЗЛИАХМЕТОВ 💫 (@rishat_fazliakhmetov)

Ишеткәнсездер инде, күптән түгел Казан шәһәренә Олы Устюгтан чын Кыш бабай килгән иде. Аның белән очрашырга теләүчеләр саны шактый булды. Менә Гүзәлем белән Салават Миңнехановка бәхет кояшы елмайган. Алар хәтта шул Кыш бабай белән фотога да төшкәннәр. Салават шатлыгыннан: “Ниһаять, минем балачак хыялым чынга ашты”, дип тә язган.

http://www.instagram.com/p/BNwff1ch8Qz/?taken-by=salavat_minnikhanov

Ришат Төхвәтуллин Яңа ел алдыннанмы, әллә инде концертына әзерләнепме тальян гармуннарны уйнатып, күңелләрне өздереп, матур көй башкара. Бәйрәм рухына яраклаштырып Кыш бабай башлыгын да кияргә онытмаган.

View this post on Instagram

A post shared by Ришат Тухватуллин 🎶 (@rishat_thv)

Илсөя Бәдретдинова никтер быел матур фотолар куйса да, моңсу сүзләр язгалый әле. Менә бу юлы да күркәм итеп бизәлгән яшел чыршы янында басып торса да, тирән фикерләре белән бүлешми калмаган: “Бөтен дөньяда Яна ел бәйрәме рухы. Әллә яшь барганга, әллә дөнья мәшәкатьләре күп булганга, күңелдә бәләкәй чактагы кебек бәйрәм көтү хисе юк.
Дөресен генә әйткәндә, ул бала-чагада да юк кебек хәзер. Чөнки битлекләр киеп интекмиләр (мәктәпләрдә Яна ел бәйрәмен уткәреп тә тормыйлар хәзер). Тәмле кәнфитләр, мандариннар ел әйләнәсе ашыйлар. Барысы да ясалма…кызык тугел… Менә уйлап торам әле…Куян кәчтүмен киеп, шапылдаткач күтәреп, урамда “Суык бабай, кил безгә”, дип җырлап йөрсәм, икенче көнгә: Илсөя барып чыккан, дип гәҗитләргә язарлармы икән?”, ди ул.

View this post on Instagram

A post shared by Ильсия Бадретдинова (@ilsiiabadretdinova)

Ләйсән Гимаева һәрвакыттагыча гаилә җанлы кеше булуын күрсәтүдән туктамый. Бу Яңа елы алдыннан ул ире Булат һәм кызлары Таңсылу, Зифабану белән урамда матур фотолар ясаганнар.

View this post on Instagram

A post shared by Лейсан Гимаева (@leisan_gimaeva_official)

Запись Гүзәл Уразова, Төхвәтуллин, Бәдретдинова Яңа елга 7 көн кала нинди фото-видеолар төшерә икән впервые появилась Tatar Today - татар яңалыклары..

Яңа ел бәйрәмнәре татарча алып барылырмы, туризм комитеты башлыгы җавап тота [видео]

Редактор1 editor1 — Wed, 21 Dec 2016 16:07:05 +0000

Яңа ел бәйрәмнәренә багышланган матбугат очрашуында Татарстанның туризм комитеты рәисе Сергей Иванов Азатлыкка бәйрәм чаралары ике телдә дә үтәчәк дип вәгъдә бирмәде. “Дәүләт үткәргән Яңа еллар ике телдә үтәргә мөмкин, бәйрәм чаралары күбесенчә рус телендә үтәчәк, без туристларның ихтыяҗларын кайгыртабыз”, диде ул. //Azatliq.org//

Республиканың туризм комитеты быел Яңа ел бәйрәмнәренә Татарстанга 100 меңләп турист килер дип көтә. Узган ел 130 меңләп булган. Бәйрәм итәр өчен урыннар да билгеле, кунакларны Казан Кирмәне музей-тыюлыгы, Зөя утрау-шәһәрчеге, Болгар һәм Алабуга, Чистай шәһәрләре, Арчада урнашкан Кыш бабай резиденциясе кабул итәргә әзерләнә. Казанда Иске Татар бистәсендә бәйрәм ярминкәләре, Юркин паркка сәяхәт, ипподромда “Кышкы Сабантуй” уздырмакчылар. Азатлык туризм комитеты рәисеннән бу чараларның нинди телдә үтәчәген сорады. Чөнки башка елларда аларның күбесе урыс телендә генә алып барылды. Азатлык хәбәрчесе туризм өчен җаваплы түрәләргә үрнәк күрсәтеп сорауларны Татарстанның ике дәүләт телендә бирде.

– Сергей әфәнде, республикада үтә торган Яңа ел чаралары гомумән ничә һәм аларның ничәсе саф татар телендә булачак?

– Казандагы Яңа ел чараларын алып баручылар ике телдә, ягъни татар һәм рус телләрендә сөйлиячәк. Ләкин кайсысы һәм ничәсе нинди телдә үтәчәк икәнен төгәл генә процент белән күрсәтеп булмас. Шуны әйтә алам, документлар, чараларның исемнәре “Татарстан республикасының милли телләр” кануны нигезендә языла.

Яңа ел бәйрәмнәренең күбесе чит төбәкләрдән килгән туристлар өчен булачагы билгеле. Чынлап әйткәндә, чаралар күбесенчә рус телендә үтәчәк. Чөнки туристларның зур өлеше татар телен белми. Ләкин барлык интерактив програмнарда татар сүзләрен, биюләрен, җырларын өйрәнү өлеше дә каралган. Туристлар шул рәвешле бәйрәмне бик рәхәтләнеп кабул итәләр.

– Елдагыча үткәрелеп килгән “Президент чыршысы” ике дәүләт телендә дә узачакмы?

– Кызганч ки, “Президент чыршысы”н оештыру эшләрен алып бармагач, аңлатма бирә алмыйм.

– Кырлайдагы Кыш бабай никтер урысча гына сөйли, ул татар телен беләме? Чит төбәкләрдән килгән Дед морозлардан безнең Кыш бабай арасында аерма юк диярлек, икесе дә русча гына сөйләшә…

– Кыш Бабай безнең бер генә. Ул Яңа Кырлайда яши. Төрле Кыш бабайлар була алмый. (көлә) Ул берәү генә. Балалар нинди телне күбрәк аңлыйлар, шул телдә сөйли инде ул. Әгәр дә балалар Татарстаннан булып, 100 процент татарча сөйләшәләр икән, Кыш бабай да татарча сөйлиячәк.

– Кырлайда да, Кирмән яр буенда Яңа ел шәһәрчеге ачылды анда да Кыш бабай урысча гына сөйләшә, татар балалары нишләргә тиеш? Барлык чараларда да республикада ике дәүләт теле булган татар теле һәм рус теле тигез дәрәҗәдә кулланылачакмы, баланс сакланачакмы?

– Дәүләт програмнарына килгәндә, ике телнең дә тигез дәрәҗәдә кулланылачагы турында әйтә алам. Инде хосусый ширкәтләр үткәргән чараларны карасак, аудитория нинди – бәйрәм дә шул телдә була. Мәсәлән, Франциядән турист Татарстанга Яңа ел карарга килде ди. Без аңа хәтта програмны рус телендә биреп тә, дөрес эшләмиячәкбез. Аңа француз телендә аңлатма бирергә кирәк.

– Бу очракта, Татарстанның төп халкының милли үзенчәлекләрен ничеккүрсәтмәкче буласыз?

– Төгәллек кертәм, програмны француз телендә, ләкин татар аңлатмалары һәм сүзләре белән бирәчәкбез.

– Сезгә үтенечебез бар: безнең укучыларга Яңа ел белән татарча котлау-теләк әйтә алмассыз микән?

– Мин татар телен тиешле дәрәҗәдә белмим. “Яна ел белэн”нән башканы әйтә алмыйм.

Запись Яңа ел бәйрәмнәре татарча алып барылырмы, туризм комитеты башлыгы җавап тота [видео] впервые появилась Tatar Today - татар яңалыклары..

Иске Татар бистәсендә халык көтеп алган Яңа ел ярминкәсе ачыла

Редактор1 editor1 — Thu, 15 Dec 2016 08:35:14 +0000

24 декабрьдән 7 гыйнварга кадәр Иске-Татар бистәсендә Яңа ел ярминкәсе эшлиячәк, дип хәбәр Татарстанның туристлык буенча дәүләт комитеты матбугат хезмәте. Казанлылар традицион бәйрәмнәрдә катнаша һәм ат җигелгән чаналарда йөри алачак. Кунаклар өчен балалар таучыклары, музыкаль шугалаклар, Яңа ел бүләкләре һәм әйберләре ясау буенча иҗади остаханәләр оештырылачак. Ярминкә территориясендә шулай ук Кыш бабай һәм Кар Кызы белән фотога төшәргә мөмкин булган фотоателье да эшли. Болардан тыш, күп санлы Яңа ел лавкаларында сувенирлар сатып алырга һәм татар кулинариясе тәм-томнарын татып карарга мөмкин булачак. //Татар-информ//

Запись Иске Татар бистәсендә халык көтеп алган Яңа ел ярминкәсе ачыла впервые появилась Tatar Today - татар яңалыклары..

Уразова балалары белән ашарга пешерү ярышында улын да сөйләтте, әмма ул урысча сиптерде [видео]

Редактор1 editor1 — Mon, 12 Dec 2016 10:00:39 +0000

Танылган җырчы Гүзәл Уразова Ютюбка Яңа ел рухында видео урнаштырган. Бу юлы ул чын пешекче ролендә: балалары белән прәннек өе пешерүе белән мәшгүль. Гүзәл шуның рецептын һәм пешерү тәртибен тамашачыларга сөйли. //Tatar Today//

Өч баласы: Эллари, Камилә һәм иң кечкенәсе Самир белән алар ике төркемгә бүленәләр. Самир әле ике яшендә генә булса да, әнисе аның җаен белә, улын эш белән шөгыльләнеп тыныч утырта торган дөрес сүзләр таба: “Самир, улым, утыр, чын ир-ат кеше өй төзергә тиеш”,дип әйтә.

Самир үзе дә: “Мама, быстрей! Мама, я с тобой!”, дип тора. Русча гына сөйләсә дә, әнисен бу сүзләр бик канәгатьләндерә. Башта прәннек өенең диварлары, аннан нигезе, аннан иң матур бизәлештә булырга тиешле түбәсе килеп чыга. Кызлар Эллари һәм Камилә төркеме дә әнисе белән энесеннән калышмыйлар.

Ахырдан бик кызык сурәт: дөрестән дә, кызларның профессиональ дәрәҗәдә диярлек шәп прәннек өе килеп чыга. Ул зур, берничә тәрәзәдән торган, матур бизәлештәге чын Яңа ел бәйрәме табынына куела торган тәмле ризык. Ә менә Гүзәл Уразованың эшләгән прәннеге йомшаграк килеп чыккан әле. Әллә юри кызларына җиңелергә теләгәнме, әллә инде чынлап та шулай гына килеп чыккан микән?

Ике төркем нәтиҗә чыгарыр вакыт җиткәч, икесе дә җиңүче булып чыга. “Чөнки, дуслык җиңәргә тиеш”, ди Гүзәл балаларына өйрәтеп. Аннан Камилә Кыш бабайга шигырен сөйли һәм балалар Гүзәл Уразованың махсус үзенең өч бөртегенә багышланган һәм барлык әни бәхетен татыган хатын-кызлар өчен дә булган “Балаларым” җырына балаларын биетә.

Запись Уразова балалары белән ашарга пешерү ярышында улын да сөйләтте, әмма ул урысча сиптерде [видео] впервые появилась Tatar Today - татар яңалыклары..