Архивы яңгыр - Tatar Today - татар яңалыклары.

Казанлылар һава торышы турында: боз яуды, җил күтәрелде [видео]

Гульназ Рашитова — Fri, 07 Aug 2020 09:56:14 +0000

6 августта якынча 18.35 сәгатьтә Татарстан башкаласында һава торышы кискен начарланды: җил көчәйде, урыны белән яңгыр явып китте.

Кадрларда боз һәм яңгыр явуы күренә. 10 минуттан соң шәһәр үзәге су белән тулган.

ТР Гидрометеорология һәм әйләнә-тирә мохитне күзәтү идарәсе фаразлары буенча, 7 августта Татарстан буенча урыны белән кыска вакытлы яңгырлар, көндез һәм кичен аерым районнарда көчле яңгырлар көтелә. Җилнең тизлеге секундына 15-20 метрга кадәр, көндез һәм кич белән урыны белән секундына 23 метрга кадәр җитәргә мөмкин. Температура төнлә +14..+19°, көндез +25..+30°, республиканың көнчыгыш районнарында эссе һава торышы +33°ка кадәр саклана.

Чыганак: TATPRESSA.RU

Запись Казанлылар һава торышы турында: боз яуды, җил күтәрелде [видео] впервые появилась Tatar Today - татар яңалыклары..

Татарстанда ял көннәрендә нинди һава торышы көтелә?

Лейла — Fri, 24 Jul 2020 16:18:34 +0000

Киләсе ял көннәрендә һава торышын Татарстанда республика территориясенә килгән циклон билгеләячәк. Бу ТР Гидрометеорология үзәге тарафыннан таратылган фараздан күренә.

Иртәгә, 25 июльдә, төбәктә һава шартлары тотрыксыз булачак. «Татар-информ» хәбәр иткәнчә, яшенле яңгыр һәм көчәючән кыска вакытлы җил булуы ихтимал.

Якшәмбе, 26 июльдә, циклон йогынтысында аязучан болытлы һава торышы булуы көтелә. Яңгырлар явачак, урыны белән яшенле яңгыр һәм тизлеге секундына 15-18 метрга кадәр җитәчәк җил фаразлана.

Киләсе атнаның беренче көнендә, 27 июльдә, Татарстанда түбән атмосфера басымы йогынтысында кыска вакытлы яңгырлар һәм яшенле яңгырлар булырга мөмкин. Төнлә һава температурасы +11дән +16 градуска кадәр көтелә. Көндез һава 21-26 градуска кадәр җылыначак.

Сишәмбе, 28 июльдә генә, республикада һава торышын антициклон билгели башлаячак. Сизелерлек явым-төшемнәр булмаячак. Көндез температура 22-27 градуска кадәр күтәреләчәк.

Метеорологлар чәршәмбе, 28 июль көнне, төнлә югары атмосфера басымы йогынтысы сакланачак, дип фаразлый. Әмма көндез үк кыска вакытлы яңгырлар һәм яшенле яңгырлар явачак. Көндезге сәгатьләрдә һава температурасы +23 градустан +28 градуска кадәр булачак.

Чыганак: Татар-Информ

Запись Татарстанда ял көннәрендә нинди һава торышы көтелә? впервые появилась Tatar Today - татар яңалыклары..

Куркыныч кадрлар: Татарстанда яшен сугып йорт дөрләп яна [видео]

Лэйсирэ — Wed, 15 May 2019 06:37:32 +0000

15 майда Татарстанның Биектау районы Потаних авылында яшен сугу нәтиҗәсендә йорт янган. “Казанский репортер” хәбәр итүенчә, фаҗига урыныннан видео белән интернетта шаһитлар уртаклаша.

Икенче фаразлар буенча, янып беткән төзелеш – мунча булган. Зыян күргән кешеләр турында мәгълүмат юк.

Исегезгә төшерәбез, кичә синоптиклар Татарстанда шторм кисәтүе игълан иткән иде. Яшенле-бозлы яңгыр республиканың күпчелек районнары буенча узды.

Фото: скриншот

Запись Куркыныч кадрлар: Татарстанда яшен сугып йорт дөрләп яна [видео] впервые появилась Tatar Today - татар яңалыклары..

Татарстанда кар-боз машина, өй тәрәзәләрен тишә [фото, видео]

Чулпан — Fri, 23 Jun 2017 15:19:57 +0000

23 июнь Татарстанның кайбер районнарында карлы-бозлы яңгыр яуды. Югары Ослан, Тәтеш, Апас районнарында боз машина, йорт тәрәзәләрен ваткан, җиләк-җимеш агачларын сындырган. Татарстанлылар әлеге гадәттән тыш һава торышын фото-видеога төшереп социаль челтәрләргә урнаштыра. //Азатлык радиосы//

Югары Ослан районында карлы-бозлы яңгырдан соң машина юллары кышкы юлга охшап калган, юлларда бозлавык хасил булган. Бу күренешләрне инстаграм битләрендә күрергә була. Шунда ук кулланучылар гаҗәпләнү белдерә, күргән, белгәннәрен яза. Югары Осланда кайберәүләрнең капка төпләреннән кар көрәүләрен күргәннәр.

https://www.instagram.com/p/BVrYUp_BjaI/?taken-by=vkazani_interesno%20%20%20

https://www.instagram.com/p/BVrjPpAF_0N/?taken-by=radik_fatkulin

Тәтештән Марат исемле кулланучы чикләвек зурлыгында боз явып җиләк-җимеш агачлары сындыруын сурәтләгән фото куйган.

View this post on Instagram

Вот оно такое, наше лето… ❄ 23 июбря. #summer#snow#weather#cold#лето#град#снег#отпуск#холод#природа#июбрь#нижнийуслон#татарстан

A post shared by Marat (@marat_days) on Jun 23, 2017 at 3:12am PDT

“Нәрсә бу? Татарстанда җәен кыш килдеме әллә?” дип гаҗәпләнә инстаграм кулланучылар. Фото-видеоларның күпчелеге Югары Ослан районы Моркваш авылы тирәсендә төшерелгән.

View this post on Instagram

#зималетом #kazanfm

A post shared by @ kazan.fm on Jun 23, 2017 at 5:01am PDT

Казанга килүче кайбер туристлар хәтта куркып калган, Конфедерация беренчелеге уеннарын карарга очып килдем, ә монда кар, стадионны капламаса ярый инде, ди snow_russia исемле кулланучы.

https://www.instagram.com/p/BVrl-avHSqJ/?taken-by=snow_russia%20%20

Апас районында да боз яуган, аннан Акчарлак газетасы укучысы фото җибәргән.

View this post on Instagram

Абау? . Апаста боз яуган ( укучыбыз фотосы) Тулырак akcharlak.com сайтыннан карагыз. . #акчарлакгазетасы #казан #татарстан

A post shared by Акчарлак газетасы (@akcharlak_official) on Jun 23, 2017 at 4:24am PDT

Бусы Тәтештә булган галәмәтләр.

Запись Татарстанда кар-боз машина, өй тәрәзәләрен тишә [фото, видео] впервые появилась Tatar Today - татар яңалыклары..

1-3 май җәй кебек, 7-9ы яңгырлы, салкын була диме? [һава торышы]

Габдулла Тукай — Tue, 02 May 2017 08:13:30 +0000

Татарстан Гидрометеорология һәм әйләнә-тирә мохитне күзәтү идарәсе мәгълүматларына караганда, бүген республикада алмашынучан болытлы һава торышы саклана. Көндез Татарстан районнарында һәм аның башкаласы Казанда көньяк-көнчыгыштан искән җилнең көчәю ихтималы бар. Көчәйгән вакытта җил секундына 15-16 метрга җитәчәк, ди синоптиклар.

2 майда республикада явым-төшем көтелми. Көндезге һава температурасы +22..+27 градуска кадәр күтәрелә. Казанда да явымсыз көн көтелә. Һава температурасы +23..+25 градус булачак.

8-9 майларда болытлы, яңгырлы көн, һава температурасы төнлә 3, көндез 10 градус җылы булачак дип көтелә.

Запись 1-3 май җәй кебек, 7-9ы яңгырлы, салкын була диме? [һава торышы] впервые появилась Tatar Today - татар яңалыклары..

Көчле яңгырлар сәбәпле, Русия туристлары Тайландтан өйләренә кайта алмый

Редактор1 editor1 — Sat, 07 Jan 2017 16:23:13 +0000

Русия туристларының кайберләре Таиландның Самуи уртавыннан, күп итеп яңгыр яву сәбәпле, чыга алмый калган. Бу хакта Таиландтан хәбәр алынды.

Биредә яңгыр суы утрауның төп юлын күмеп киткән, шуңа күрә җирле аэропорттан авиарейсларны тоткарларга туры килгән. Русиялеләрдән беркем дә каза күрмәгән, оештырылган рәвештә ял итүчеләр Самуида күп түгел, алар барысы да туроператорлар белән элемтәдә, диелә хәбәрдә.

Вазгыятьне һәм россиялеләрнең хәлен Русия Туризм буенча федераль агентлыгы күзәтә. “Интерфакс” агентлыгы бу мәсьәләдә билгеләп үткәнчә, Таиландның көньягында яуган көчле яңгырларда 12 кеше һәлак булган. Корольлек хакимияте каза күрүчеләргә ярдәмгә армияне җәлеп иткән.

Татар-информ

Фото: mirnews.su

Запись Көчле яңгырлар сәбәпле, Русия туристлары Тайландтан өйләренә кайта алмый впервые появилась Tatar Today - татар яңалыклары..

Кичә – карлы-буран, бүген – чиләкләп яңгыр

Редактор1 editor1 — Tue, 08 Nov 2016 12:12:15 +0000

Урамда күбәләк-күбәләк кар яуды кичә. Бәйрәм көннәрендә чана тоткан, Кар бабай әвәләгән балаларны күреп, әллә соң чынлап торып кыш җиттеме дип тә уйлап куйдым.

Юктыр, чия яфрагын коеп бетерми торып, кыш булмый диләр түгелме соң? Авылга кайткач, күреп килдем: чия яфрагын коярга өлгермәгән.
Балтач районының Янгул авылында яшәүче халыкка табигать белән бәйле фаразларны җиткереп торучы Әмир абый Шәрәфиевкә шалтыратып, чын кышны кайчанрак көтәргә дип сорадым. Аның да иң беренче әйткән сүзе шул булды: сеңлем, әле чия яфрагын коеп бетермәгән. Халык әйтсә, хак әйтә. Димәк, әле бу чын кыш түгел.

– Беренче кар 11 октябрьдә төште. Беренче кардан соң алты атна үткәч, ул кырык ике көн була инде, чын кыш җитә. Быел ул егерменче ноябрьләрдән соң булачак. Аңа кадәр әле ике тапкыр җылытып алачак. Алар арасында суыклар да булыр дип торам. Салкынлык унбиш градуска кадәр җитмәгәе. Табигатьтә бит барысы да исәпләнгән, үсемлекләргә дә, хайваннарга да кышка әзерләнергә кирәк. Беренче салкыннар алар өчен кисәтү була, – ди Әмир абый.

Көннәр суытуга, авыл халкы казлар суйдыра башлады. Хәер, хәзер мал суяр өчен көннең суытуын көтеп тә тормыйбыз. Һәр кешенең өендә зур-зур суыткычлар тора. Әмир абый да бабасын искә алды.

– Бабайдан халык, мал суярга буламы әле, дип сорый иде. Ул аларга, кар шыгырдамый бит әле, мал суярга ашыкмагыз, дия иде. Минем киңәшем кемгә дә булса кирәксә, малны ике атнадан гына суярга ниятләгез, – ди ул.

Синоптиклар фаразына килсәк, бүген Татарстан һәм Казан буенча һава торышы шартлары бозылу көтелә. Республиканың Гидрометеорология һәм әйләнә-тирә мохитне күзәтү идарәсе хәбәр итүенчә, көндез юеш кар һәм пыскак яңгыр көтелә. 15-17 метрга кадәр көчәючән җил, бозлавык һәм томан да булуы көтелә. 9 ноябрьдә көндез 0 градус күрсәтә, карлы яңгыр явачак.
Сүз уңаеннан: Кабан күлендә җәй чыккан аккошлар да кышка керергә ашыкмый. Боз ката башлаган күлдәге аккошларны күреп, шәһәр халкы 112 диспетчер хезмәтенә шалтыратып, аккошларны коткарырга сораган. Хәбәр килеп ирешү белән, коткаручылар инде күл янына килеп җитә. Ярдан 50 метр ераклыкта йөзеп йөргән аккошлар янына алар көймәгә утырып, әле бик нык катарга өлгермәгән бозны вата-вата бара. Ләкин кошларны алай җиңел генә тота алмыйлар. Икесен тотуга, ярты сәгатьтән артык вакыт китә, аларның берсенең канаты сынганлыгы ачыклана. Ә өченче аккошны бер сәгатьтән соң гына тоталар. Кошлар Казан зоопаркындагы ветеринария табибларына тапшырылган.

Шәһри Казан

Запись Кичә – карлы-буран, бүген – чиләкләп яңгыр впервые появилась Tatar Today - татар яңалыклары..

2,3 сентябрьдә һава торышы нинди булыр?

Редактор1 editor1 — Fri, 02 Sep 2016 03:08:29 +0000

Татарстан Гидрометеорология һәм әйләнә-тирә мохитне күзәтү идарәсе мәгълүматларына караганда, 2 сентябрьгә каршы төндә, шулай ук көндез төньяк-көнчыгыш тарафтан көчле җил исүе көтелә. Көчәйгән вакытта җилнең тизлеге секундына 15-18 метр тизлеккә җитә.

Республиканың көнчыгыш районнарында көчле яңгыр яву ихтималы зур.

Һава температурасы төнлә – 8-13, көндез 13-18 градус җылы булачак. Төньяк-көнчыгыш районнарында – иң салкыны, ә иң җылы һава температурасы көньяк-көнбатыш төбәкләрдә булыр дип фараз кылына.

2 сентябрьдә Казанда болытлы, вакытлы яңгырлар, көчәючән җил күзәтелә. Төнлә – 9-11, көндез 15-17 градус җылы булачак.

3 сентябрьгә каршы төндә күпчелек районнарда яңгыр явачак. Төньяк-көнбатыштан уртача тизлектә җил исә. Һава температурасы – 7-12 градус җылы.

Интертат

Фото: www.ria56.ru

Запись 2,3 сентябрьдә һава торышы нинди булыр? впервые появилась Tatar Today - татар яңалыклары..

Игътибар, һава торышы үзгәрә: яшенле яңгыр, боз, өермәле җил көтелә

Редактор1 editor1 — Thu, 25 Aug 2016 06:26:49 +0000

Татарстан Гидрометеорология һәм әйләнә-тирә мохитны күзәтү идарәсе һава торышы бозылу турында кисәтә.

Җәйнең санаулы көннәре калып бара. Эссе көннәр дә тиздән чигенәчәк дип вәгъдә итә синоптиклар. Ләкин һава температурасының югары булуы үз нәтиҗәләрен бирә. Шулай итеп, 25 августта, көндез һәм кичен Татарстан буенча яшен һә 17-22 метрга кадәр көчәючән өермәле җил булуы фаразлана. Кайбер районнарда боз яварга да мөмкин.

Казанда яшен булуы ихтимал, җил секундына 15-20 метрга кадәр көчәергә мөмкин.

Фото: www.riakchr.ru

Запись Игътибар, һава торышы үзгәрә: яшенле яңгыр, боз, өермәле җил көтелә впервые появилась Tatar Today - татар яңалыклары..

Синоптиклар кисәтә…

Редактор1 editor1 — Sun, 21 Aug 2016 20:07:23 +0000

Татарстан Гидрометеорология һәм әйләнә-тирә мохитне күзәтү идарәсе һава торышының көйсезләнүе һәм урманнарда янгын чыгу ихтималы турында кисәтә. Кисәтү 26 августка кадәр дәвам итә.

“20-26 август көннәрендә урманнарда 4-5 класс янгын чыгу куркынычы саклана” диелә Татарстан Гидрометеорология һәм әйләнә-тирә мохитне күзәтү идарәсе хәбәрендә.

Август ае тотрыклы эсе һава торышы белән истә калыр, мөгаен, чөнки бу атнада да термометр баганасы 30 градустан төшмиячәк. Мондый һава торышы кеше сәламәтлеге өчен начар йогынты ясый ала. Шулай ук янгын чыгу куркынычы да саклана.

Запись Синоптиклар кисәтә… впервые появилась Tatar Today - татар яңалыклары..