Күптән түгел “Ялкын”ннан аның элекке мөхәррире Йолдыз Миңнуллина китте. Ул вакытта “Сабантуй”ның баш мөхәррире Айдар Гыймадиев әлегә ике басманы берләштерү турында сүз бармый дигән иде.

“Сабантуй”ның беренче саны 1924 елда “Яшь ленинчы” исеме белән басыла. 1991 елда аның исеме “Сабантуй” дип үзгәртелде. Гыймадиев аны 2004 елдан бирле җитәкли.

Атнага бер тапкыр басылган “Сабантуй” газеты 2014 елдан 20 битлек журнал форматында айга ике тапкыр чыгуга калды. “Татмедиа” җитәкчесе сүзләренчә, бу финансларга бәйле. “Сабантуйны” киләчәктә ешрак чыгару күз уңында тотылмый, диде Кузьмин.

Элегрәк “Сәхнә” һәм “Салават күпере” журналлары бер редакция буларак берләштерелгән иде. Ике журналны да Зиннур Хөснияр җитәкли.

Андрей Кузьмин кайбер редакцияләрне оптимальләштерү процессы бара дип белдергән иде. Шул ук вакытта ул бер генә газет-журнал да ябылмаячак, диде.

2016 елның 5 октябрендә Intertat.ru һәм sntat.ru электрон газетлары “Татар-информ” мәгълүмат агентлыгына кушылды.

“Ялкын” балалар һәм яшүсмерләр журналында 2011 елдан эшләгән шагыйрә Йолдыз Миңнуллина вазифасыннан китте. Аның урынына күптән түгел гәзиттән журналга әйләнеп, айга ике тапкыр чыга башлаган “Сабантуй” журналы мөхәррире Айдар Гыймадиев калачак.

Гыймадиев Азатлыкка белдерүенчә, ул әле бүген генә “Татмедиа” белән килешүгә кул куйган. “Әлегә ике журналда да мөхәррир вазифаларын башкарам, “Сабантуй” белән “Ялкын”ны берләштерү турында сүз булмады. Шулай да бу вазифада вакытлыча булырмын”, диде ул.

Йолдыз Миңнуллина Азатлыкка мөхәррирлек вазифасыннан азат ителүен раслады, әмма үзенең кая китүе турында әйтергә теләмәде. Шагыйрә “Ялкын”да 2002 елдан бирле эшләде.

Журнал бүген якынча 2700 данә тираж белән чыга.

“Татмедиа” ширкәте җитәкчесе Андрей Кузьмин кайбер редакцияләрне оптимальләштерү процессы бара дип белдергән иде. Шул ук вакытта ул бер генә гәзит-журнал да ябылмаячак, диде.

5 октябрьдә Intertat һәм sntat электрон газеталары “Татар-информ” мәгълүмат агентлыгына кушылды.

Бүгенге көндә Зиннур Хөснияр дә ике журнал мөхәррире булып тора. Ул “Салават күпере” һәм “Сәхнә” журналлары белән җитәкчелек итә.