Җырчы Алинә Давыдова сәхнәдән югалып торды да, хәзер “Ямьле” төркемендә дә җырлый, үз иҗаты белән дә шөгыльләнә. Бу юлы Алинә белән җыр сәнгате турында сөйләштек.

– Алинә, сәхнәдә күптәннән җырлыйсың. Репертуарыңда җырлар күпме?

– Репертуарымда җырлар күп, ләкин барысының да аранжировкасы сыйфатлы дип әйтмәс идем. Дөресрәге аларның күпчелеге иске вариантта яңгырый. Ә бит замана алга барган саен музыканың яңгырашы да үзгәрә. Элек мәгънәле, эчтәлекле җырларым күбрәк иде дисәм дә ялгыш булмас. Аларны миңа Альфред абый Якшимбетов белән Гөлфия Шакирова язды.

– Бәлки ул җырларны заманча яңгыраш белән янә халыкка чыгарырга кирәктер?

– Ул җырларны яңартып халыкка тәкъдим итәргә дигән фикерләр бар. Беләсеңме, иң кызыгы шунда: ул чакта мин җырларны ала идем, ә ничек башкарырга икәнен белмим. Нәрсә турында җырлаганымны аңламый идем кебек. Хәзер мин ул җырларны бөтенләй башкача башкарыр идем. Җырчы җырны алганда ук аның ни турыда икәнен аңларга, шул җырда яшәргә тиеш. Шул вакытта гына җыр халык күңеленә үтеп керә алачак. Хәтта юк кына җырны да җиткереп башкарырга була.

– Синеңчә, җырның уңышы нәрсәдә? Ничек җырдан хит ясарга?

– Хәзер җырның уңышы – ул шәп һәм сыйфатлы аранжировка. Җырның көе әллә ни искитәрлек булмаска да мөмкин, ләкин аранжировкасы үзенчәлекле, колакка ятышлы булса, ул җыр һичшиксез хит булачак. Аны һәрвакыт тыңлыйсы килеп торачак.

– Алинә, хәзерге җырчыларны бик нык тәнкыйтьлиләр. Бу хакта ни диярсең?

– Хәния апа, Әлфия апа, Илһам абый киткәч, “эстрадада юньле җырчы калмады” диючеләр барлыкка килде. Мондый сүзләр күңелне төшерә, әлбәттә. Ни дисәң дә, киләчәк – яшьләр кулында. Безнең буын шушы ретро җырларда үсте, ләкин бүгенге балалар аларны тыңламаячак. Иң аянычы шул. Балалар башка төрле җырларны тыңлап үсә.

– Яшь җырчыларның ретро җырларны яңартып башкаруын хуплыйсыңмы?

– Әле генә балалар ретро җырларны тыңламый дидем бит әле? Яшь җырчыларның ретро җырларны яңа аранжировка белән башкаруын хуплыйм. Бәлки шул рәвешле үсеп килүче буын халык җырларына тартылыр.

– Алинә, әгәр синең җырларыңны банкетларда башкарсалар, ачуың киләме?

– Әгәр синең җырларыңны җырлыйлар икән, моңа сөенергә генә кирәк! Бу җырчының популярлыгы турында сөйли. Кайбер артистлар, киресенчә, үзләре үк җырларның минус вариантын тарата. Заманында минем үземнән җыр сораучылар булды, мин каршы килмәдем, рәхәтләнеп җырларымны бирдем.

 

Посмотреть эту публикацию в Instagram

 

Как приятно ? Спасибо @ufa_hit ? Без @secret4marina белэн бэхетле ?? А может ещё одну песню выпустить совместно??? _______________Davydova______________ #алинадавыдова #маринакарпова #уфахит #керэшенкызлары

Публикация от Алина Давыдова (@alina.davydova.singer) 20 Янв 2019 в 4:46 PST

– Бүгенге көндә җыентыкларың бармы?

– Җыентыкларым юк. Миңа калса, аларның хәзер кирәге дә юк. Бәлки ялгышамдыр, ләкин бүгенге көндә бар нәрсә интернетта. Минем җырларны интернетта тыңларга була.

– Һәр җырның үз тарихы бар, диләр. Бер җырыңның тарихы турында сөйлә әле.

– “Соңгы бүләк” дигән җырны яздыру авыр булды. Аның үзенең тарихы бар. Бу хакта сөйләргә бик авыр миңа. “Булгария” теплоходы батканда, анда җиде айлык көмәне булган апам батып үлде. Альфред абый язган бу җырны мин апама багышладым. Авыр туфрагы җиңел булсын… Марат Мухин белән бу җырны өч сәгать яздырдык. Бик кыен булды, күңел тулып, күзгә яшь тыгыла, елыйсы килә… Әлеге җыр менә шулай авырдан язылды.

– Ялгышмасам, син үзең дә җырлар язасың?

– Мин үземне композитор дип әйтә алмыйм, мин – композитор түгел. Алай да яңа җырымның көен үзем яздым, сүзләрен Эльвира Сафина иҗат итте. Минем күбрәк салмак җырлар башкарасым килә. Моңлану хас миңа.

– Алинә, җырлар нинди вакыт аралыгында язылырга тиеш? Көн саенмы, ай саенмы, әллә ярты елга бер тапкырмы?

– Җырларны көн саен яздырырга була, ләкин алар сыйфатлы булырмы, халык күңеленә керерме? Аннан соң бит гел тамашачының күз алдында булсаң, тәмең бетә, сиңа карата кызыксыну югалырга мөмкин. Минемчә, халык синең җырларыңны сагынып көтеп алырга тиеш. Мин исә җырларны сирәк яздырам. Дөрес, хәзер бу юнәлештә ныграк эшләргә телим.

– Син – Салават Фәтхетдиновның укучысы. Алай гына да түгел, аның төркемендә эшләдең, гастрольләргә бергә йөрдегез. Укытучыңның нинди сүзе истә калды?

– Салават Зәкиевич миңа “җырлый белмисең” дип әйткән иде. Ул вакытта ул хаклы иде, чөнки эстрада җырлары миңа бик авыр бирелде. Музыка училещесында укыганда, Римма Ибраһимова, Винера Ганиева кебек югары ноталарда лирик сопрано башкардым. Ә инде Казан дәүләт мәдәният һәм сәнгать университетына укырга кергәч, күбрәк эстрада юнәлешендә эшләргә киңәш бирделәр. Хәтерлим, имтихан тапшырганда, түбән ноталарда Альфред абыйның җырын башкардым. Салават Зәкиевичка ошады бит! Беренче курста укыганда ук, Салават Зәкиевич үзе белән гастрольләргә йөрергә тәкъдим итте.

Репетицияләрдә мине орыша иде, чөнки, беренчедән, микрофонга җырлап ияләнмәгән, икенчедән, бер регистрдан икенчесенә күчүе кыен. Хәзер көлеп искә алсам да, ул чакта мин Салават Зәкиевичкә үпкәли идем. Бергә эшләгән елларның соңгы елында гына ул миңа аерым үземә генә җырларга рөхсәт бирде. Мин “Соңлама” җырын башкардым.

– Хәзер Салават Зәкиевичка үпкә саклыйсыңмы?

– Юк! Салават Зәкиевичка үпкәләргә ярамый! Мин моны аңлыйм, хәтта хәзер аңа рәхмәтлемен дә. Ул концертның сыйфатлы булуын теләгән, ә бу – иң мөһиме. Читтән бәлки җырлый белмим дип тоелгандыр, ләкин бу җырлый белмәү түгел, миңа, чынлап та, эстрада җырларын башкару авыр иде.

– Алинә, җырчы булырга теләүчеләргә киңәшләрең?

– Һәркөнне эшләргә, репетиция ясарга, җырларга, тавышны үстерергә, микрофонга җырларга өйрәнергә кирәк. Микрофонга җырлау – үзе бер сәнгать!

Эльвира ШАКИРОВА

Запись “Җырлый белмисең”: Алинә Давыдова Салават Фәтхетдиновка үпкәли впервые появилась Tatar Today - татар яңалыклары..

Ә күптән түгел Алинә “Ямьле” төркемендә җырлый башлады. Җырчы белән шул хакта сөйләштек.

– Алинә, матур гына иҗат иткән җирдән кинәт юкка чыктың. Кая югалдың? Моның сәбәбе нидә?

– Мин үзем 3 яшьтән җырлыйм, ә зур сәхнәгә тәүге тапкыр 2013 елда аяк бастым. Шул елны “Соңлама” җырыма төшерелгән клибым чыкты. Инде таныла башладым дигәндә, иҗат итүдән тукталырга мәҗбүр булдым. Радио-телевидениегә эләгү кыенлашты. Тукталырга ярамаганын аңласам да, башка чарам юк иде. Иң зур хатам шушы булды. Әгәр иҗат итүемне дәвам итсәм, бәлки хәзер танылган җырчы булыр идем инде…

– Гадәттә, җырчылар теге яки бу төркемдә җырлаганнан соң, аерылып чыга, үзенең шәхси иҗаты белән шөгыльләнә. Ә син, киресенчә, башта үзең генә җырладың, хәзер – “Ямьле” төркемендә. Ни өчен төркемгә килергә булдың?

– Бу хәл сентябрь аенда булды. Беркөнне миңа “Ямьле” солисты Вероника Кузнецова смс җибәрде. Һәм шул ук көнне үзе белән бергә гастрольләргә йөрергә тәкъдим итеп Фирдүс Тямаев язды. Әлбәттә, мин каршы килдем, чөнки гастрольдә йөрүнең нәрсә икәнен беләм. Кыскасы, Фирдүснең тәкъдимен кабул итмәдем. Хәтерләсәгез, Салават Зәкиевич белән 4 ел буе гастрольләрдә йөрдем. Андый тормышның нәрсә икәнен бик яхшы беләм. Хәзер миңа бу кызык түгел.

Ә Вероника мине “Ямьле” төркеменә чакырды. Вероникадан кала, анда тагын Альбина Казыйханова бар. Аңа җавап бирергә нибары бер көнем бар иде, тиз генә карар кабул итәргә кирәк булдым. Ул төркемгә эләксәм, үсәчәгемне, зур сәхнәләрдә чыгыш ясаячагымны, репертуарым тагын да бай булачагын белдем. Минемчә, бүгенге көндә “Ямьле” төркеме эстраданың иң дәрәҗәле төркемнәре рәтендә. Ул министрлык дәрәҗәсендә уза торган абруйлы, җитди, мөһим чараларда, хәтта президент каршында чыгыш ясый.

– Шулай да “Ямьле” төркеме шәхси иҗатыңа комачаулар дигән шик-курку булдымы?

– Әлбәттә, булды. Вакытны ничек җиткерермен, дип курыктым. Ләкин теләк бар икән, һәрнәрсәгә өлгерергә була. Төркемгә эләгүемнең бер начарлыгын да күрмим, чөнки бу бөтенләй башка төрле дәрәҗә. Миңа бик ошый, кызларга да ияләндем. Ә инде шәхси иҗатка килгәндә, гомерем буе “Ямьле” төркемендә җырлармын дип уйламыйм. Төркемнең күпме гомере барлыгын бер Алла гына белә. Ләкин мин анда эшләргә бик телим! Шәхси иҗатны ташламыйм, төрле чараларда чыгыш ясыйм. Шулай да “Ямьле” – беренче урында!

– Хатын-кызлар коллективында эшләү авырмы?

– Җиңел дип әйтмәс идем. Төрле чаклар була. Һәркайсыбызның үз холкы, кәефнең дә төрле чагы булырга мөмкин. Ләкин ни генә булса да, без һәрвакыт бер фикергә киләбез, Аллага шөкер.

– “Ямьле” белән уртак җырларыгыз күпме?

– Күп түгел, ләкин шушы вакыт эчендә бик күп эш башкарылды. Бию белән бәйле чыгышлар әзерләнде. Татар җырларын заманчалаштыру өстендә эшлибез. Без – стильле татар кызлары. Шуны да әйтергә кирәк, без татар телендә генә түгел, инглиз, рус телләрендә дә җырлыйбыз. Мин “Ямьле” төркемендә булуым, җырлавым белән горурланам. Һәм башка таныш-белешләрем дә минем өчен шатлана, сөенә. Эстрадада “Ямьле”нең үз урыны бар.

Эльвира Шакирова

Запись Алинә Давыдова Фирдүс Тямаевның “бергә йөрергә” дигән тәкъдименә ни дип җавап кайтара? впервые появилась Tatar Today - татар яңалыклары..

Сүз уңаеннан, әңгәмә барышында Гөлназ Батталова 20 ел буе бер составта эшләп килүче “Зөләйлә” төркеменә соклануын белдерде…

– Гөлназ, “Ямьле”дән киткәндә кызлар үпкәләп калмадымы?

– 8 сентябрьдә “Ямьле” төркеме составында соңгы мәртәбә чыгыш ясадым. Төркемнән китү теләге ел ярым элек туган иде. Озак уйладым һәм бу турыда ярты ел элек кызларга әйттем. Кәефләре төште, башта риза булмадылар. Тора-бара кабул иттеләр. Мин иҗат кешесе, бер урында гына утыра алмыйм. Һаман нидер эшләп торасы, яңа үрләр яулыйсы килә. Башка юнәлешләрдә дә үземне сынап карап, алга таба үсәргә тырышам. Китүемә бер тамчы да үкенмим. Мине аңлаганнары өчен кызларыма бик зур рәхмәт әйтәм.

– “Ямьле”дә үсеп булмас дип киттегез алайса?

– “Ямьле” төркемен таныту өчен без кызлар белән бик күп көч куйдык. Бары тик үз тырышлыгыбыз аркасында зур уңышларга ирештек, тамашачы мәхәббәтен яуладык. Мин дә 5 ел элек алдыма куелган максатларыма ирештем, инде алга таба хәрәкәт итәргә кирәк. Китүемнең сәбәбе, үземне башка юнәлештә сынап карау. Хәзерге вакытта бер проектта эшлим. Тиздән яңа кызлар триосы булачак. Эш башланды, төркемнең исеме бар, программа әзерлибез. Әлегә башка сүз әйтә алмыйм. Озакламый барысын да үзегез күрерсез.

– Бер төркемнән китеп, икенчесен оештыру “Ямьле”гә көндәш әзерләгән кебек булмасмы соң?

– Юк, минем яңа төркем белән “Ямьле” беркайчан да көндәш булмаячаклар. Беренчедән, сүз бөтенләй башка, яңа форматтагы төркем турында бара. Минем әлегә кадәр андый юнәлештә эшләгәнем булмады. Шуңа күрә бик дулкынланам. Икенчедән, кызлар минем ни сәбәпле һәм кайда киткәнне белделәр. Яңа төркемдә үзем җырламаячакмын. Мин аны тудыручы, яңа төркемгә җан өрүче.

– Сезнең урынга кем килә?

– Мин төркемдә вакытта ук кастинг оештырылган иде. “Ямьле”дә эшләргә теләк белдерүчеләр бик күп булды. Кызлар минем урыныма Алинә Давыдованы сайлап алдылар. Аларга уңышлар телим.

– Соңгы вакытта төркемнәр составы еш алышына башлады, сизәсезме? Сезнеңчә бу нәрсәдән килә?

– Минемчә, состав алышынудан куркырга кирәкми. Киресенчә, моңа уңай карыйм. Төркем таралмый бит, киресенчә, яңара, иҗат итүен дәвам итә. Мин “Ямьле” төркемендә 5 ел эшләдем. Хәтта, танылган продюсерлар да җырчы белән контрактны бары 5 елга төзиләр. Чөнки иҗат өлкәсе өчен 5 ел күп. Бигрәк тә ул хатын-кызлар белән бер төркемдә эшләгән вакытта сизелә. Яшермим, безнең дә төрле вакытлар булды. Чын дуслар булуыбыз аркасында гына бөтен авырлыкларны да җиңеп чыга алдык. Хәзер минем бер нинди төркемдә дә җырлыйсым килми.

– 5 ел күп, дисез. Мәсәлән, Зөләйлә төркемендә 20 ел буена бер тапкыр да кызлар алышынмаган бит, алар һаман шул килеш…

– Мин аларга сокланам.

– Социаль челтәрләргә шәхси тормышыгыз турында бер дә язмыйсыз. Күз тиюдән куркасызмы?

– Күз тиюдән курыкмыйм. Соңгы вакытта миңа иң күп бирелгән сорауларның берсе – егетең бармы? Егетем бар. Тик мин шәхси тормышым турында язарга һәм интернетта фотолар таратырга яратмыйм. Егетем дә моны кирәк дип санамый. Ул хәтта инстаграмда да утырмый…

Автор: Юлия НАСЫЙБУЛЛИНА
Фото: Мария Куканова

intertat.tatar

Запись “Китүемә бер тамчы да үкенмим!” – “Ямьле” төркеме таркала? впервые появилась Tatar Today - татар яңалыклары..

View this post on Instagram

A post shared by Вероника Кузнецова (Шакирова) (@verobrika)

Аның 3, 800 авырлыклы 53 смлы баһадир улы дөньяга кигән. Вероника әле РКБда ята, табиблар аны Яңа елга кадәр чыгарабыз дигәннәр.

Җырчы бу сөенечле хәбәр турында: “Алла бирсә, 2017нче елны кечкенә улыбыз белән өйдә гаиләбез янында каршы алачакбыз”, дигән.

Бу шатлыклы хәбәр белән ул эксклюзив рәвештә ТМTV телеканалы белән уртаклашкан.

Запись Вероника Кузнецова Яңа елга сөенче алып кайткан [фото] впервые появилась Tatar Today - татар яңалыклары..