Архивы янгын - Tatar Today - татар яңалыклары.

Кукмара районында коточкыч янгын: ике йорт янган

Р Л — Sat, 03 May 2025 13:12:53 +0000

Кукмара районы Аш-Буҗи авылындагы коточкыч янгында ике гаилә зур каза күрде. Бер йорт тулысынча янып беткән, икенче йортка зур зыян килгән. Ул йортны саклап кала алганнар, әмма аның эче дә, түбәләре дә янган.

Янгын сүндерүчеләр хәбәр итүенчә, янгын төзек булмаган электр җиһазларыннан чыккан. Социаль челтәрләрдә чебиләргә куелган җылыткычтан дип язалар. Янгын чыккан йорттан ут сарайларга, күрше йортның түбәсенә күченә. Ул йорттан җиһазларны чыгарып өлгерәләр, янгын сүндерүчеләр соңга калып килеп булса да, утны туктатып кала.

Уттан зыян күрүчеләр юк, әмма йорт хуҗасына ашыгыч ярдәм чакыртырга кирәк булган.

Блогер Ләйсән Хәмәтдинова авылдашларына ярдәм сорап мөрәҗәгать итте.

“Бурдан кала, уттан калмый дип юкка әйтмәгәннәр шул. Күрәчәкләр булмасын, күргәннәргә күркәм сабырлыклар. Фирзия апа авылда почта таратты. Яңгыр дими, кар дими – һәрвакыт чыкты. Шулкадәр тырыш, булган. Ялгыз ике бала тәрбияләп үстерде. Тырышып тормыш алып барды. Аның башында ни икәнен беркем дә белми… Мизгел эчендә бернәрсәсез калдылар…

Авыл халкы, тирә-яклар да килде. Рәхмәт. Мондый хәл безнең белән булмас дип беркем дә әйтә алмый. Кемнең нинди мөмкинлеге бар, ярдәм итсәгез иде. Минем 50-100 сум берни хәл итми дип уйлый күрмәгез, тамчыдан күл җыела. Борчулы вакытта ярдәм кулы сузсагыз, меңе белән әйләнеп кайтыр”, – дип сөйли Ләйсән Хәмәтдинова.

“Күршеләре Шариповлар гаиләсенең дә йортлары торырлык хәлдә түгел”, дигән ул.

Ярдәм итәргә теләүчеләр өчен:

+7 953 496 74 19 Муллахметов Ильмир Ильнурович (Тинькофф, Авангард, Сбербанк).

+7 937 528 49 81 Шарипова Айгуль Ильдаровна (ВТБ, Сбербанк)

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Кукмара районында коточкыч янгын: ике йорт янган впервые появилась Tatar Today - татар яңалыклары..

Яшел Үзән районы Татар Әҗәлендә тулаемы белән йорт янып бетә [фото]

Лейла — Thu, 09 Sep 2021 09:51:57 +0000

9 сентябрь төнге сәгать 2дә Яшел Үзән районы Татар Әҗәле авылында йорт янып бетә.

Йорт яна башлаганда хуҗалар бөтенесе дә өйдә булалар. Бәхеткә каршы, бөтенесе дә уттан чыгып өлгерә. Әмма йортларыннан бернәрсә дә калмый.

Хәзерге вакытта уттан зыян күргән гаиләгә ярдәм итү бара. Кирәкле әйберләр:
– Ирләргә 41нче үлчәмле аяк киеме, 50-52нче үлчәмле өс киеме;
– Хатын-кызларга 37, 38, 40, 41нче үлчәмле аяк киеме һәм 48,50-52нче өс киеме.

Татар Әҗәлендә яшәүчеләр киемнәрне Рус Әҗәле авылы башкарма комитетына илтеп бирә алалар. Ә шәһәрдә яшәүчеләр «Яшел Үзән» газетасы редакциясенә алып килә ала (адресы Гоголь урамы, 23а йорты).

Материаль ярдәм күрсәтергә теләүчеләр зыян күргән гаиләнең Сбербанктагы исәп-хисап счетларына акча күчерә алалар. Счет номеры: 42307 810 5 6248 6700406.

Запись Яшел Үзән районы Татар Әҗәлендә тулаемы белән йорт янып бетә [фото] впервые появилась Tatar Today - татар яңалыклары..

Солтановлар гаиләсе: “Аллаһы Тәгалә бүтәннәрне мондый кайгыдан сакласын”

Рамиля Валиахметова — Mon, 03 May 2021 08:13:46 +0000

Башкортстанның Ялгыз-Нарат авылындагы Гүзәлия һәм Данил Солтановлар гаиләсендә фаҗига: 29 апрель кичендә аларның йортларына ут каба. Кинәт кенә чыккан ялкынны җил өйгә, мунчага, сарайга һәм башка корылмаларга тарата. Барысы да мизгел эчендә янып, көлгә кала.

Солтановлар 5 бала тәрбияләп үстергән. Шуларның 2се – тәрбиягә алган балалар. Кызлары Наилә бу хәлдән соң әле дә шок хәлендә. Фаҗига турында менә ни ди ул:

– Булган хәлләрдән соң әле дә бик авыр. Ни өчен без, дигән сорау гына туа. Безнең әти-әниләр начар кешеләр түгел, берәүгә дә зыян салганнары юк. Әти безнең өчен тырышты, Төньякта эшләде, зур гаилә өчен кечкенә йорттан иркен өй җиткерде. Әни аз хезмәт хакына балалар бакчасында эшләде, гомере буе бер үзе хуҗалыкны алып барды, ардым дип зарланганы да булмады. Бу йорт өчен алар шактый тырышты, 2 сәгать эчендә бу хезмәт юк булды. Бу хәлгә әле дә ышанасы килми. Барысы да томанда булган төсле, начар төш күрәм кебек. Аллаһы Тәгалә бүтәннәрне мондый кайгыдан сакласын. Мизгел эчендә бернәрсәсез калу – бик куркыныч ул. Безгә ярдәм иткән кешеләргә зур рәхмәт, – диде ул.

Хәзер дә Наилә битараф булмаган кешеләр ярдәменә өмет итә.

Солтановларга булышырга теләүчеләр түбәндәге номерлар буенча ярдәм күрсәтә ала:

2202 2002 2672 5156
89324707648
89270866581

Чыганак һәм фото: Ватаным Татарстан

Запись Солтановлар гаиләсе: “Аллаһы Тәгалә бүтәннәрне мондый кайгыдан сакласын” впервые появилась Tatar Today - татар яңалыклары..

“Янгын туганнарыбызны урамда калдырды, өйләрендәге бер әйбер дә исән калмаган!

Алсу Мансурова — Mon, 22 Mar 2021 13:27:16 +0000

– Зинһар, кем ничек булыша ала. Бернәрсә дә чыгара алмадык. Документлар да, киемнәр, җиһазлар да…барысы да янды. Өйне сүтеп җирне тигезләделәр. Тиз арада йорт торгызасы була. Беркемгә дә күрергә язмасын! Аллам сакласын!- дип өзгәләнә Саба районы Эзмә авылында яшәүче олы яшьтәге Гөлнур апа.

21 март көнне Эзмә авылында чыккан янгын нәтиҗәсендә торак йорт янып, күмер өеменә әверелә һәм Шәйдуллинар гаиләсе урамда кала.

— Безнен туганнарыбыз янды,-дип сөйләде безгә Гүзәл Сафина, – Кодагыйларыбызга зур хәсрәт килде. Гөлнур апа белән Илсур ут чыккан вакытта эштә булган, Язнур шул авылда яшәүче туганнарында иде. Беренчел фаразларга караганда, янгын зал ягыннан, электр чыбыгындагы кыска ялганыш аркасында чыккан, дип исәпләнә. Ут телләрен күргән күршеләре бу хакта тизрәк коткару номеры буенча шалтыраткан. Беренче булып каза урынына авылның үз янгын машинасы килеп җиткән. Бераздан соң аңа район янгын сүндерүчеләре дә кушылган. Гомумән, бөтен авыл халкы көрәшкән ут белән. Әмма янгын телләре санаулы вакыт эчендә бөтен йортны ялмап алган. Саклап калып булмаган, ихатага гына зыян килмәгән. Гомер буе шул нигездә яшәгән, балаларын үстергән Гөлнур апага бигрәк кыен. Бүген йорттан калган хәрәбәләрне трактор белән тигезләү турында ишеткәч, кан басымы нык күтәрелгән, дарулар белән генә тора икән.
Гөлнур апа, Илсур һәм аның 7 яшьлек улы Язнур бүгенге көндә Гөлнур апаның олы улында вакытлыча гомер кичерә. Хәзер бөтен хуҗалыкны яңадан булдырырга кирәк аларга, ә бу бик күп чыгымнар таләп итә.
Хөрмәтле укучыларбыз, әлеге гаиләнең кайгысына битараф калмасак, кулдан килгәнчә ярдәм итсәк иде.

Лилия ГАЙНУЛЛИНА

Фото: “Шәһри Казан”

Чыганак: "Шәһри Казан" сайты

Запись “Янгын туганнарыбызны урамда калдырды, өйләрендәге бер әйбер дә исән калмаган! впервые появилась Tatar Today - татар яңалыклары..

Коточкыч янгын: “Паспорттан башка, бернәрсәбезне дә алып кала алмадык. Кунарга урыныбыз да юк”

Лейла — Fri, 11 Sep 2020 06:10:47 +0000

Биектау районы Өнсә авылында яшәүче Закировлар гаиләсендә янгын чыга. Нәтиҗәдә гаилә йортсыз-җирсез, каралты-курасыз кала.

“Янгын иртәнге якта, өчләр тирәсендә чыкты. Паспорттан башка, бернәрсәбезне дә алып кала алмадык. Бүген кунарга урыныбыз да юк хәтта. Безнең өч бала, олы улыбыз өйләнгән, гаиләсе белән Биектауда тора. Шуларда кунабыз”, – ди фаҗига кичергән Алсу ханым.

Закировларның тагын ике балалары бар. Төпчекләренә 14 яшь.

Янгынның сәбәбен сүндерелмәгән тәмәке төпчеге, дип фаразлыйлар.

Закировларга ярдәм итәргә теләүчеләр 2202 2022 2051 8488 номерына акча күчерә ала. Карта Закирова Алсу Назыр кызы исеменә теркәлгән.

Чыганак: Шәһри Казан

Запись Коточкыч янгын: “Паспорттан башка, бернәрсәбезне дә алып кала алмадык. Кунарга урыныбыз да юк” впервые появилась Tatar Today - татар яңалыклары..

Балтачта янгын чыгып, дүрт пенсионер йортсыз кала. Үзләре…

Алсу Мансурова — Mon, 31 Aug 2020 14:40:03 +0000

//Татар Тудей// Татар Бүген//

29 август көнне Балтач районының Таузар авылында Рашат Шәрифуллиннар хуҗалыгында янгын чыккан. Анда әби белән бабай, аларның улы һәм килене яшәгән була.

– Янгын көндез чыкты. Сәбәбен – электр чыбыкларында, диләр. Ярый әле янгын төнлә булмаган. Бәхеткә, өйдәгеләр чыгып котылган, – ди Карадуган җирлеге башлыгы урынбасары Фәйрүзә Миннебаева. – Авылдашларыбызның бар каралты-курасы янып бетте. Лапастан башланган янгын, тиз арада бөтен өйләрен камап алды. Күршедә кеше тормый торган иске өй бар иде. Аңа да үрелгән иде, вакытында күреп сүндерделәр. Әле ярый башка йортларга күчмәде дип сөенәбез. Әлегә Шәрифуллиннар авылдагы туганнарында яшәп тора. Безнең җирлеккә кергән авыллардан акча җыйдык инде. Тагын да ярдәм кирәк. Ничек тә бу гаиләне йортлы итәсе иде, – ди Фәйрүзә ханым.

Чыганак: Ватаным Татарстан

Запись Балтачта янгын чыгып, дүрт пенсионер йортсыз кала. Үзләре… впервые появилась Tatar Today - татар яңалыклары..

Казанда яшәүче хатын-кыз плитәдә ризык җылытырга уйлый, ләкин ут халат җиңенә…

Гульназ Рашитова — Sat, 15 Aug 2020 11:18:57 +0000

Бу хәл 14 августта Мусин урамындагы 49нчы йорт фатирында була.

83 яшьлек хатын-кыз плитәдә ризык җылыткан. Пенсионер ханым халат җиңе белән горелканың ялкынына бәрелеп киткәнен сизми дә кала.

Нәтиҗәдә, II дәрәҗә тән җәрәхәтләре ала (60%) һәм РКХ хастаханәсенә җибәрелә. Шулай ук фатирда тәрәзә төбе һәм газ плитәсенең пластик урыны яна. Янгын мәйданы 0,5 кв. метр тәшкил итте, дип Татарстан буенча матбугат хезмәте хәбәр итә.

Фото: quality21

Чыганак: TATPRESSA.RU

Запись Казанда яшәүче хатын-кыз плитәдә ризык җылытырга уйлый, ләкин ут халат җиңенә… впервые появилась Tatar Today - татар яңалыклары..

Чаллыда фаҗига: 17 яшьлек егет янгында…

Гульназ Рашитова — Wed, 12 Aug 2020 20:36:35 +0000

Чаллыда Рябинушка бистәсендә булган янгында 17 яшьлек егет зыян күргән. Аны шәһәрнең клиник-диагностика медицина үзәгенә җибәргәннәр.

Башлангыч мәгълүматлар буенча, ул яну продуктлары белән агуланган, дип ТР буенча гадәттән тыш хәлләр министрлыгы Баш идарәсе матбугат хезмәте хәбәр итә.

Исегезгә төшерәбез, бүген Чаллыда Рябинушка бистәсендә ике шәхси йорт янды. Гадәттән тыш хәлләр министрлыгы мәгълүматларына караганда, хәбәр 18.56 сәгатьтә килде. Янгын 19.43 сәгатьтә локализацияләнде.

Бистәдәге дүрт участоктагы ике йорттан тыш, ут төрле корылмаларга да кагылып үтте.

Чыганак: Реальное Время

Запись Чаллыда фаҗига: 17 яшьлек егет янгында… впервые появилась Tatar Today - татар яңалыклары..

Казан янында 4 йорт яна: зыян күрүчеләр бар

Лейла — Wed, 05 Aug 2020 04:36:23 +0000

Казан янындагы ял базасында йортлар янган, бер хатын-кызның тәне пешкән. Бу хакта ТР буенча Россия Гадәттән тыш хәлләр министрлыгы Баш идарәсенең матбугат хезмәтендә хәбәр иттеләр.

Бүген кичке алтыда Лаеш районындагы «Хезмәт ветераннары – 9» дача ширкәтенең Зеленый Бор ял базасында янгын чыгуы турында хәбәр килгән. Кичке җидедә янгын сүндерелгән.

Янгында 28 яшьлек хатын-кыз зыян күргән, аның җилкәсе һәм табаны пешкән.

Чыганак: Бизнес-Онлайн

Запись Казан янында 4 йорт яна: зыян күрүчеләр бар впервые появилась Tatar Today - татар яңалыклары..

Әлмәт-Лениногорск юлында җиңел машина яна. Сәбәбе …

Алсу Мансурова — Tue, 28 Jul 2020 10:35:07 +0000

//Татар Тудей// Татар Бүген//

27 июль көндезге сәгать 2дә Лениногорск янындагы трассада җиңел автомобиль тулысынча янып беткән. Бу хакта Русия Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.

Әлмәт- Лениногорск юлында янучы машина

Лениногорск – Әлмәт автомобиль юлында — Воздвиженка торак пункты янында 7нче модельле «Жигули» автомобиле януы турындагы хәбәр кичә 14.25 сәгатьтә килгән. Урынга юл тоткан 11нче янгын-коткару часте хезмәткәрләре янгынны бик тиз сүндерсә дә, машинаны коткарып кала алмаган.

Әлмәт-Лениногорск юлында янучы машина

Янгынның мәйданы 3 квадрат метр тәшкил иткән. Автомобильгә машинаның механизмнары төзек булмау нәтиҗәсендә ут капкан дип фаразлана.

Чыганак: татар - информ мәгълүмат агентлыгы

Запись Әлмәт-Лениногорск юлында җиңел машина яна. Сәбәбе … впервые появилась Tatar Today - татар яңалыклары..