Транспорт хәрәкәте Республика клиник хастаханәсеннән (РКХ) ерак түгел урнашкан юл участогында чикләнгән. Яныннан узып киткән ир-атның сүзләренә караганда, барлык машина йөртүчеләр белән ЮХИДИ инспекторлары әңгәмә кора.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Запись Казанда Оренбург трактында машиналар хәрәкәте туктатылды: зур бөкеләр җыелган​ [видео] впервые появилась Tatar Today - татар яңалыклары..

Төп максат – рульдә барганда телефоннан аерыла алмаган шоферларны барлау, юл йөрү кагый­дәләрен бозуга бәйле транспорт һәлакәтләрен кисәтү. Тәҗрибә күрсәткәнчә, машинада барганда телефоннан сөйләшү авария очракларын өч тапкырга арттыра, ди.

Машинада барганда селфи ясап, смс язып, телефоннан сөйләшеп юл һәлакәтендә вафат булучылар, кызганычка, җитәрлек. 2017 елда Татарстанда булган фаҗигане күпләр хәтерлидер. Ситора Баратова туганнары янына авылга кайтканда рульдә барганда интернеттан туры эфирга чыккан. Телефонын махсус җайланма белән панельгә беркеткән, куллары рульдә булса да, гел экранга караган кызның уяулыгы кимегән. Трассада югары тизлек белән барган җиреннән ул идарәне югалткан һәм каршы як полосадан хәрәкәт итүче пассажир автобусына килеп бәрелгән. Кызның үлемен туры эфирдан бөтен кеше күрде ул чакта. Тик бу вакыйга гына сабак булмады, ахры.

Статистика күрсәткәнчә, Россиядә куркыныч тудырганны белә торып, машина йөртүчеләрнең 98 проценты барыбер рульдә барган килеш телефоннан сөйләшә. Смс хәбәр килгәнне ишеткәч, машина йөртүче хатын-кызлар ирләргә караганда телефонны ешрак кулына ала икән. «ПромРейтинг» агентлыгы Казан халкы арасында уздырган сораштыру нәтиҗәләре буенча, башкалада 4,5 процент машина йөртүче, рульдә барганда, телефоннан сөйләшә. Аларның 23 проценты телефонны колагына куя, 77 проценты экрандагы язуны укый. Телефонны күбесенчә светофорда торганда, бөкеләрдә утырганда ешрак кулланалар.

Галимнәр раслаганча, телефонга килгән хәбәрне биш секундка гына карап алу да куркыныч тудырырга мөмкин. Баксаң, сәгатенә 90 километр тизлек белән хәрәкәт иткәндә, 5 секунд эчендә 100 метр араны узарга була. Телефонга килгән хәбәр әллә ни мөһим дә булмаска мөмкин, әмма аның кеше гомерен өзүгә сәбәпче булуы бар.

Юл иминлеге инспекторлары аңлатуынча, юл йөрү кагыйдәләренең 2.7нче пункты нигезендә, транспорт белән идарә иткәндә машина йөртүчегә кулга алмыйча гына сөйләшергә мөмкинлек бирә торган техник җайланма белән җиһазландырылмаган телефоннан файдалану тыела. Бу кагыйдәне бозган өчен Россиянең административ хокук бозулар турындагы кодексының 12.36.1нче маддәсе нигезендә 1500 сум административ штраф каралган.

Әмма телефондамыни эш? Бөтен гаеп тә телефонга игътибарын юнәлткән автомобиль йөртүчедә. Гел игътибарны читкә юнәлтү, смс хәбәргә җавап язарга маташу, аннары шул хәбәргә нинди җавап килер икән дип көтү, телефон аша сөйләшү – болар барысы да кешене уйланыр­га мәҗбүр итә. Хәтта машина йөртүче тиеш­ле борылышын узып китәргә, светофорның кызыл утын, юлдагы чокырны, ташны күрми калырга мөмкин. Кешенең реакциясе салмаклана. Аның юл аша чыгып барган кешене күрмәве дә бар.

Психологлар фикеренчә, ике кул буш булса да, сөйләшкәндә, кешенең башы башка нәрсәләр турында уйларга мәҗбүр, кеше хискә бирелергә, борчылырга мөмкин. Параллель рәвештә берничә эшне башкару шоферны игътибарсызга әйләндерә.
ЮХИДи идарәсе юл йөрү кагыйдәләрен бозучыларны кисәтә, штрафка тарта, рейдларның да нәтиҗәсе булмый калмас. Әмма саклык каешын юл иминлеге инспекторы штраф салмасын өчен генә түгел, үзебезнең куркынычсызлыгыбыз хакына эләктерергә өйрәнергә вакыт. Рульдә барганда телефон шалтыраса, машинада барган җирдән түгел, читкә туктап сөйләшергә гадәтләнсәк иде.

Кызылга киткән өчен җәза катгыйлана?

Дәүләт Думасы иң куркыныч саналган кагыйдә бозулар өчен җәзаны катгыйландырырга уйлый. «Милицейская волна» радиосында эфир вакытында Россия ЮХИДИ җитәкчесе урынбасары Александр Быков кеше гомеренә куркыныч тудырган юл йөрү кагыйдәләрен бозу очракларын атап киткән. Бу – исерек килеш машина йөртү, юл иминлеге инспекторы кушуы буенча медицина тикшерүен узудан баш тарту, автомобиль йөртү танык­лыгы булмаган килеш машина йөртү. Моннан тыш, һәлакәт урыныннан качкан шоферларга, кичектергесез хезмәт машиналарына юл бирмәгән өчен, шулай ук светофорның кызыл утына китүчеләргә дә штрафларны арттырырга кирәк дигән тәкъдимнәр бар.

Сез машинада барганда сөйләшәсезме?

Зөлфәт Зиннуров, «Башваткыч» тапшыруын алып баручы:
– Мин сөйләшәм инде. Туры эфирлар да алып барам. Гадәттә, блютус аша аралашам, куркынычсызлык кагыйдәләрен үтәргә тырышам. Дөньяны онытып сөйләшмәсәң, чамасын белсәң, әллә ни куркыныч түгел кебек. Киресенчә, йокы килүне бетерә.

Рамил Кәримов, укытучы:
– Машинага утыргач та, телефонны читкә алып куям. Син үзеңне генә түгел, башкаларның да гомерен куркыныч астына куясың бит. Юл һәлакәте өчен 2 секунд вакыт җитә. Бездәге юл йөрү культурасын исәпкә алсаң, телефоннан сөйләшмичә дә таман гына. Хәтта юлны өйрәтеп баручы навигаторларга карап алу да игътибарны читкә юнәлтә дип саныйм.

Алинә Җиһаншина, менеджер:
– Юлда еш йөрим. Гел эш буенча шалтыраталар, язалар. Телефонга килгән хәбәрләрне карамыйча мөмкин түгел. Тик берсендә авызым пешкәч, бу мәсьәләгә сак карый башладым. Бер караганда, алдымдагы машина бик еракта кебек иде, тиз генә ватсап аша җавап язарга тотындым. Күзне экраннан алып юлга карасам, теге машинага җитәргә сантиметр калган. Тормозга басу гына ярдәм итмәде – бәрелештек. Ярый, үзебезгә берни булмады.

Динар Хәмидуллин, «Шәһри Казан» газетасында баш мөхәррир урынбасары:
– Машина йөрткәндә, телефоннан сөйләшмим, ватсапка килгән хәбәрне дә укымыйм. Бу нык комачаулый. Рульдә барганда телефоннан сөйләшү куркыныч санала. Бу – начар гадәт.

Запись Зөлфәт Зиннуров: Чамасын белсәң, әллә ни куркыныч түгел кебек впервые появилась Tatar Today - татар яңалыклары..

“10 гыйнварда Кама Тамагы районында яшәүче ир-ат хатыны белән бергәләп Казанның Вахитов урамы буйлап бара. Кисәк кенә аның авырлы хатынының тулгагы башлана”, – дип сөйләделәр министрлыкта.

Ир-ат машинасын юл кырыена туктата һәм ЮХИДИ инспекторларына мөрәҗәгать итә. Автоинспекторлар патруль машинасының зәңгәр утларын һәм тавыш сигналларын яндырып, ир белән хатынны Республика клиник хастаханәсенә бала тудыру йортына озата. Авырлы хатын вакытында бала тудыру йортына барып җитә һәм шунда бәбили.

Казанда ЮХИДИ инспекторлары машинасы зәңгәр утларын яндырып, авырлы хатынны бала тудыру йортына илтешкән. Бу турыда Татарстан буенча Эчке эшләр министрлыгы матбугат хезмәте “Татар-информ”га хәбәр итте.

Фото: Татарстан Эчке эшләр министрлыгы

Запись Казан уртасында бала таба башлаган хатынга ЮХИДИда мөрәҗәгать итә [видео] впервые появилась Tatar Today - татар яңалыклары..

30 октябрь көнне Арчаның Галактионов урамыннан кайтып барганда Фәнәвил Сабиров ЮХИДИ машинасының башкалар өчен уңайсыз урында торуын күреп ала һәм аны фотога төшерә. Бу инспекторларга ошамый. Нәтиҗәдә ир аларның агрессив мөнәсәбәтенә тап булуы хакында әйтә.

– ДПС машинасын әйләнеп узганда, кешеләр транспорт йөреп торучы юлга чыгарга, үзен куркыныч астына куярга мәҗбүр була. Бу урыннан ерак түгел генә музыка мәктәбе бар. Балалар кайткан вакытка туры килдем, аларның ничек итеп юлдан узарга мәҗбүрлеген күреп борчылдым. Юлда басып торган ЮХИДИ хезмәткәрләрен, аларны урап узучы кешеләрне әйләнеп үткәндә, узгынчы машиналарга каршы як юлга керергә туры килә. Бу гына түгел, ЮХИДИ хезмәткәрләре икенче яктан узучы машиналарны да кул болгап кына туктата. Йөртүчеләргә, документын күрсәтергә дип, юлны аркылы чабып чыгарга туры килә. Аларның машинасы парковкада торган машиналарны да каплаган һәм бер машинаның аннан чыкканда ничек интеккәнен карап аптырадым. Шуларның барысын күреп, фотога төшердем дә, ЮХИДИ инспекторларына таба киттем. Ниятем аларга шушы фотоларны күрсәтеп, машиналарын читкәрәк күчереп куюны сорау иде. Баруым булды – шуларның берсе миңа ябышты. “Син юлны тиеш булмаган урыннан чыктың, закон боздың”, диде. “Мин сезгә менә бу фотоларны күрсәтергә килдем”, дия башлаган идем, ул мине курткамнан йолкып, төрткәли-төрткәли машинасына таба этә башлады. Үзен таныштыру, таныклык күрсәтү юк, ә менә шундый дорфа тон. Миңа тиздән 60 яшь тула. Алар миңа төпчек улым сыман бала-чагалар, шулар мине эткәләп-төрткәләп йөртсен әле! Аларның машинасын фотога төшерү шундый агрессиягә китереп җиткерер дип уйламаган идем. Шул моменттан бу хәлләрне видеога төшерә башладым, – дип сөйли Фәнәвил Сабиров.

​Үз янында документы булмау сәбәпле, ул хатынына шалтырата һәм, ярты сәгать эчендә хәләл җефете паспортын китереп бирә. Ул арада Фәнәвил Сабиров үзен йолыккалаган инспекторның исем-фамилиясен ачыклап язып куя: өлкән лейтенант Рөстәм Хәкимов була ул. Аның иптәше – өлкән лейтенант Рамил Сафиев та ирнең гаепле булуын әйтә, гәрчә, вакыйгалар барышында ул бөтенләй машинада гына утырып, протоколлар тутыру белән шөгыльләнсә дә.

– Мине анда ике сәгатьтән артык тоттылар. Янымда документларымның бөтен мәгълүматлары язылган кәгазь бар иде барын. Шунда ук мине танып белүчеләр дә бар иде. Хатыным паспортны китергәч, “Юлны дөрес урында чыкмаганга” дип штраф яздылар. Бу хәлләргә ризалашмасам да, протокол төземәделәр. Туңып, өшеп беттем, чөнки салкын көн иде. Хатыным өченче төркем инвалид – аларның мөнәсәбәтен күреп, кайткач йөрәк белән бөтенләй аяктан егылды. Мин алардан артыгын таләп иттемме? Кешегә комачау итүче урыннан күчеп басыгыз әле дип кенә әйтмәкче идем, дип сөйли ир.

Фәнәвил Сабиров бу эшне болай гына калдырмый һәм район прокуратурасына, Арча эчке эшләр бүлегенә, ЮХИДИ җитәкчесенә хатлар кертә.

– Минем хатны прокуратура эчке эшләр бүлегенә җибәрде, ә алары – ЮХИДИ җитәкчесенә. Эчке эшләр бүлегеннән дә, ЮХИДИдан да җавап алдым. ЮХИДИдан алынганында мине гаепле дип язганнар, “Агропарк” кибете видеокамерасыннан юлны зебрадан чыкмавым күренә, ди. Ә менә инспекторларның канунсыз гамәлләре аннан күренми икән. Парковканы каплап куюлары да, киелергә тиешле жилетларын кими генә юлга чыгып басулары да, күпме кешене юлдан йөрергә мәҗбүр итүләре дә, үзләре белән таныштырмый, таныклык күрсәтми генә миңа ябышулары да. Аларны гаепләрлек дәлилләр китермәвем сәбәпле, алар эшләрен җиренә җиткереп башкарган, ди. Аларның күкрәкләрендә регистраторлары бар, ул бары тик ашаганда һәм бәдрәфкә барганда гына сүндерелергә тиеш, нишләп шуны карамаганнар? Аңлавымча, ул бөтенләй сүндерелгән булган. Күрәсең, канунсыз гамәлләрен шулай яшереп калдырмакчы булалардыр. Алайса нишләп миндәге видеоязмаларны алмаганнар? Нишләп минем фотосурәтләрне соратмаганнар? Мин әйткән шаһитләрнең берсен дә чакырмаганнар? Монда бернинди тикшерү булмавы күренеп тора! – дип аптырый Фәнәвил Сабиров.

Полиция хезмәткәрләренең салым акчасына яшәвен һәм халыкны саклаучы-яклаучы булырга тиешлеген исләренә төшерергә кирәклеген әйтә.

– Шул ЮХИДИ инспекторларының комачау итүен күпме кеше күреп үтә торды, әмма бер сүз әйтмәде. Беләсезме ни өчен? Чөнки полициягә килеп сыенырга, ярдәм сорарга тиешле кеше бүген алардан курка. Безнең салым акчасына яшиләр, шул акчага киенәләр, ашыйлар, ә үзләре шул халыкны мыскыллап, үзләрен Аллаһы Тәгалә урынына куя башлыйлар. Бу ни тамаша? Без кая барабыз? Мин үзем полициягә каршы түгел, ләкин мин полиция киеменнән йөрүче бандитларга каршы! Мондый кешеләр полициядә эшләргә тиеш түгел! Бу системаның череп барганы күренеп тора. Болар үзләренең нинди вазифа үтәргә тиешлекләрен дә белмиләр. Бу система тора-бара бетәчәк дип уйлыйм мин. Дәүләт үзе кешеләрне бетерү өстендә эш алып бара, инде боларына кадәр кешене изү, мыскыллау өстендә эшлиләр һәм аларның җитәкчеләре дә боларны саклау-яклау белән шөгыльләнә икән инде, моның азагы барыбер булачак. Озак калмады моңа, озак калмады, ди Фәнәвил Сабиров.

Вакыйгаларның шаһиты булган Әдһәм Касыймов та инспекторларның үз-үзен тотышына аптырый.

– Без ул көнне ЮХИДИ машинасының җәяүлеләргә комачаулавын күреп, үзара сөйләшеп алдык та, Фәнәвил гел гаделлек яклы кеше буларак, аларга әйтергә дип шул якка таба китте. Ул җәяүлеләр йөри торган урыннан, шуның тирәсеннән чыкты. Мин “Агропарк”ка килдем дә, кереп китмәдем, бер танышымны күреп, аның белән сөйләшеп тора башладым. Берзаман, Фәнәвил барган урында, кул болгый-болгый сөйләшә башладылар. Кеше җыелды. Мин үзем элекке оперативник буларак, ыгы-зыгыга таба киттем. Фәнәвилгә кычкыралар: син безгә буйсынмыйсың, хәзер төркем чакыртабыз, сине утыртабыз, диләр. Мин киткәндә, аның хатыны килеп калды. Кибетләрдә йөреп кайтырга чыккач карасам, һаман торалар. Беләсезме, ул ЮХИДИның хокук бозулары чынлап та күп иде. Мин үзем дә елына ике тапкыр булса да аларга кисәтү ясамый калмыйм: башкаларга комачау итүләренә төртеп күрсәтәм. Фәнәвил бит инде аларга өлкән кеше, шуны тыңлап, тыныч кына реакция белдерсәләр дә була иде. Буш урында шундый тавыш кубарып, аны ике сәгатьтән артык тотып нәрсә күрсәтмәкче булды алар? Үзләренең хакимлегенме? Без аны болай да беләбез, диде Әдһәм Касыймов.

Булган вакыйгаларга аңлатма алу өчен Азатлык Арча эчке эшләр бүлеге җитәкчесе Айдар Баһавиевка мөрәҗәгать итте. Ул ЮХИДИ хезмәткәрләренең бер гаепсез булуын тагын бер кат искәртте.

– Машина тротуарда тормый, ЮХИДИ хезмәткәрләренең бернинди хокук бозуы юк. Монысын мин сезгә тәгаен әйтәм. Бу администрация яны, анда машина йөрү урыны киң. Бу эшне прокуратура да тикшерде, алар хокук бозу тапса, безне гафу итми бит инде, диде Айдар Баһавиев.

– ЮХИДИ хезмәткәрләренең күкрәккә тагыла торган видеорегистраторлары эшли идеме?

– Әйе, бар иде, эшли иде. Беркем беркемне төрткәләми анда. Килегез дә карагыз.

– Әгәр килеп карасак, сез безгә видеоларны күрсәтә аласызмы?

– Тә-әк, ничә көн үтте икән, датасын хәтерләмим бит инде. Ул видеолар булган булса, мәңге сакланмый бит инде, күпмедер вакыттан соң аларны карап булмый. Без ул язмаларны МВДга җибәрәбез, үзебез теләгән чакта яздырып, теләгәндә юкка чыгарып йөри алмыйбыз. Безнең аларны бетерү өчен “код доступа” булырга тиеш.

– Бу видеоязмалар никадәр вакыт саклана?

– Төгәлен әйтә алмыйм. Авто-мототранспортта имтихан алу видеосы өч ай сакланганын беләм. Боларның күпмегә күләме җитәдер.

– Сез тикшерү уздырганда бу видеолар каралдымы соң?

– Көпә-көндез кемнедер этеп җибәрүне күзалдына китерә аласызмы сез? Андый әйбер була алмый бит инде.

– Шаһитләрне сораштыру булдымы?

– Бөтенесен сораштырдык, “служебное расследование” үткәрелде. Прокуратура да тикшерде. Сездә прокуратура җавабы бармы анда?

– Юк, сезнеке генә бар.

– Менә ник юк икән ул? Прокуратурага да гариза язды ул. Прокурор моның өчен җаваплы бит. Хәзер тормыш бик кызык инде: тегендә басарга ярамый, монда ярамый. Без хокук бозарга тиеш дип әйтмим мин, беркем дә хокук бозарга тиеш түгел. Ләкин безгә дә гаепсезгә бәйләнергә беркемнең хакы юк. Ул ягын да карарга кирәк! Погон такканмын икән, миңа теләсә кем хамить итәргә тиеш мәллә? Мин бит хирург операция ясаганда кереп, аңа ничек эшләргә икәнен өйрәтеп тормыйм. Укытучыга да, башка һөнәр иясенә дә кереп кисәтү ясый алмыйм. Ә безгә басып торганда нәрсә дә әйтергә ярый.

– Фәнәвил Сабировның фотосурәтләрендә ЮХИДИ машинасының парковкада торган машиналарны каплавы һәм аларга чыгып китәргә комачау итүе күренеп тора.

– Ул берничек тә комачаулый алмый, чөнки ул урын бик киң. Бер ягында кибетләр торса, икенче ягында администрация гаражлары тора. Анда тагын дүрт метр киңлектә юл бар.

– Каршы яктан килгән машинаны кул болгап туктатып, ул машина йөртүчесенең ЮХИДИ хезмәткәрләре янына, юлның икенче ягына чыгуы дөресме? Ул бит җәяүлеләр өчен булган юлдан йөрми. Димәк, ЮХИДИ хезмәткәрләре үзләре үк аны канун бозарга мәҗбүр итә килеп чыга?

– Моны төрлечә аңлатырга була. Без хокук бозучыны тотабыз, аны җәяүлеләр өчен юлга кадәр йөртеп блумый бит инде. Бу очракта ул җәяүле буларак хокук бозучы түгел, ә йөртүче буларак хокук бозучы. ЮХИДИ хезмәткәре каршы яктан килүченең канун бозганын күрә икән, ул бит аны болай гына уздырып җибәрә алмый.

– ЮХИДИ хезмәткәре үзе аның янына чыксын, кул болгап кына чакырмасын, мәсәлән.

– Әйе, ул үзе аның янына чыгарга тиеш. Протокол язганда гына йөртүчене чакырырга тиеш. Фәнәвил Сабиров очрагына килгәндә, үзен гаепсез дип саный икән, мәхкәмәгә барсын. Мәхкәмә – халыкныкы, ул объектив, аның карарын беркем дә кире кага алмый. Мәхкәмә аны гаепсез дип таный икән, без башны иябез дә гафу үтенәбез, бернинди сораусыз.

Арча эчке эшләр бүлеге прокуратураның да тикшерү уздыруы турында әйткәч, Азатлык район прокуроры Фәнис Шәйхәттаров белән элемтәгә чыкты. Әмма ул үзенең бер ай гына эшләвен һәм бу мәсьәлә белән таныш булмавын әйтте. Гәрчә, Фәнәвил Сабировка прокуратурадан килгән җавап хатында аның имзасы торса да. Җавапта прокуратураның бу хатны Арча районы эчке эшләр бүлегенә җибәрелүе турында әйтелә.

– Арчада ярты ел буе прокурор булмады. Мөгаен, моның белән минем урынбасар шөгыльләнгәндер. Урынбасарым әлегә ялда. Бәлки Фәнәвил Сабировның хаты эчке эшләр бүлегенә җибәрелгәндер. Андый очракта, җавапны эчке эшләр бүлеге генә бирә, без бирмибез. Алар тикшерү үткәрә. Аларның җавабы белән канәгать булмаган очракта, ул республика прокуратурасына мөрәҗәгать итәргә тиеш, диде Фәнис Шәйхәттаров.

Азатлык радиосы язмасы һәм фотосы  (чит ил агентлыгы)

Запись “Мондый кешеләр полициядә эшләргә тиеш түгел!” – Арчада ЮХИДИ инспекторлары белән җәнҗал чыга впервые появилась Tatar Today - татар яңалыклары..

Синоптиклар кисәтүенчә, яз башында яңгырлар, томан, карлы яңгыр, иртәнге якта бозлавык була, дип сөйләде Эчке эшләр министрлыгыныңТатарстан Республикасы буенча ЮХИДИ юл куркынычызлыгы идарәсенең пропаганда бүлеге җитәкчесе вазифаларын вакытлыча башкаручы Хәйдәр Җиһаншин.

Һава шартлары начар булу сәбәпле, Татарстанда күптән түгел ике зур авария булган. Берсендә 10 автомобиль, икенчесендә 29 автомобиль бәрелешкән. ЮХИДИ юл хәрәкәте кагыйдәләрен төгәл үтәргә, сак һәм игътибарлы булырга чакыра. Автомобиль йөртүчеләргә куркынычсыз тизлек сайларга, юлда йөргәндә кыен маневрларга чыкмаска киңәш ителә.

Запись ЮХИДИ кисәтә: Татарстанда һава шартлары начарая, юл һәлакәтләре дә арта впервые появилась Tatar Today - татар яңалыклары..

20 октябрьдә Товарищеская урамында иртәнге сәгать 10 да автомобиль йөртүчесе көйләнми торган җәяүлеләр кичүендә 14 яшьлек кыз баланы бәрдереп киткән. Нәтиҗәдә, мәктәп укучысының уң кул чугы җәрәхәтләнгән. Автомобиль йөртүче һәлакәт урыныннан качкан.

Тәртип сакчылары әлеге хәлнең шаһитларын һәм машина йөртүчене тэзли. Булган мәгълүматны 5-333-819 телефоны аша җиткерү сорала.

Запись Казанда 14 яшьлек кыз бала юл хәләкәтендә җәрәхәтләнә впервые появилась Tatar Today - татар яңалыклары..

Моңа үч итеп полиция хезмәткәре дә юл сагындагыларның кагыйдә бозуын ачыклаган һәм куркынычсызлык каешы эләктермәгән өчен аларга карата административ хокук бозуны теркәгән. Бу видеоязма интернет буйлап кулдан-кулга йөри.

Запись Татарстанда ГАИшникларга участок полициясе штраф салу видеосы Вконтакте чыкты впервые появилась Tatar Today - татар яңалыклары..

“Мондый мөмкинлек биргән өчен җитәкчеләргә рәхмәт. Карар кабул ителде, рапорт язылды, мин әле эштән җибәрелмәгән, әмма ЮХИДИ составыннан чыгарылган. Ведомство башлыгы вазифаларын башкаручы итеп подполковник  Ленар Габдерахманов билгеләнде.

Аның идарә башлыгы булу-булмаячагы әлегә билгесез. Матбугат чараларына да рәхмәтлемен, бу минем соңгы конференция. Миңа барыгыз белән дә эшләү рәхәт булды. Миңа ял тиеш, 2015 ел өчен дә ял итә алам икән әле. Мин 8 ноябрьгә кадәр ялда. Һәр кешедән нәтиҗә булырга тиеш, нәтиҗә булгач, китәргә дә мөмкин”.

Рифкать Миңнехановның гаризасы буенча, Русия эчке эшләр органнарында хезмәт итү турындагы Федераль закон нигезендә, җитәкчелек үтенече буенча, аңа полиция полковнигы буларак ЮХИДИ идарәсенең 80 еллыгына кадәр эшләп бетерергә рөхсәт ителә.

Татар-информ

Запись Рифкать Миңнеханов эш урыныннан китәчәге турында игълан итте впервые появилась Tatar Today - татар яңалыклары..