Архивы юл - Tatar Today - татар яңалыклары.

Машина йөртүчеләр урамда сугыша: Казанда ир-атлар нәрсә бүлешә алмаган? [видео]

Гульназ Рашитова — Sat, 15 Aug 2020 16:05:34 +0000

Казанда юлны бүлә алмаган автомобильчеләрне видеога төшергәннәр.

Социаль челтәрдә хәбәр итүләренчә, бу хәл Кулагин урамында булган. Кадрлар буенча, сугышта берничә кеше катнашкан.

«Баш мие эшләми башлагач, йодрыклар эшли башлый», – дип язалар казанлылар.

Фото: видеодан скриншот

Чыганак: Вечерняя Казань

Запись Машина йөртүчеләр урамда сугыша: Казанда ир-атлар нәрсә бүлешә алмаган? [видео] впервые появилась Tatar Today - татар яңалыклары..

Казанда Оренбург трактында машиналар хәрәкәте туктатылды: зур бөкеләр җыелган [видео]

Лейла — Tue, 31 Mar 2020 14:56:41 +0000

Казанда Оренбург трактында автомобильләр хәрәкәте туктатылды.

Транспорт хәрәкәте Республика клиник хастаханәсеннән (РКХ) ерак түгел урнашкан юл участогында чикләнгән. Яныннан узып киткән ир-атның сүзләренә караганда, барлык машина йөртүчеләр белән ЮХИДИ инспекторлары әңгәмә кора.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Запись Казанда Оренбург трактында машиналар хәрәкәте туктатылды: зур бөкеләр җыелган [видео] впервые появилась Tatar Today - татар яңалыклары..

Юл кырыена төшеп киткән машинадан чыга алмыйча, яшь егет янып үлә

Алина — Tue, 09 Oct 2018 14:13:01 +0000

6 октябрьдә Чувашстанда М7 федераль трассасыннан баручы автомобиль юл кырыена төшеп киткән һәм яна башлаган. Машина эчендәге ир-ат янып үлгән. Бу турыда «Вести» каналы хәбәр итте.

Юл һәлакәте Моргауш районының Юнгапоси авылы тирәсендә була. «Лада» машинасы идарәсен югалта һәм юл кырыена төшеп китә. Берничә мизгел эчендә машинага ут каба. Җиңел машинаны йөртүче 25 яшьлек ир-ат яна торган машина эченнән чыга алмый һәм һәлак була, диелгән әлеге хәбәрдә. Әлегә фаҗиганең сәбәпләре билгеле түгел.

«Лада» автомобиле юл һәлакәтенә очраган мизгел сурәтләнгән видео кадрлары na-svyazi.ru сайты каналында чыкты.

Интертат электрон газетасы

Запись Юл кырыена төшеп киткән машинадан чыга алмыйча, яшь егет янып үлә впервые появилась Tatar Today - татар яңалыклары..

180 км/сәг тизлектә барган машинада биш яшь егет үлә

Алина — Sun, 23 Sep 2018 13:10:56 +0000

21 яшьлек егет идарә иткән”Лада Приора” асфальт салучы машинага килеп бәрелгән, аның 18 яшьлек дүрт пассажиры һәлак булган.

Тамбов шәһәрендәге Мичуринская һәм Пролетарская урамнары чатында коточкыч юл һәлакәте 22 сентябрьдә иртәнге якта булган. Фаҗигадә биш яшь егет үлгән. Бу турыда РЕН ТВ хәбәр итте.

“Лада Приора” арттан куып килүче юл инспекторлары машинасыннан качып барган. Шаһитлар сүзе буенча, бу автомобиль сәгатенә 180 км чамасы тизлек белән килгән.

Иске автовокзал тирәсендә җиңел машина йөртүчесе идарәне югалткан. Шулай итеп “Лада Приора” асфальт салучы машинага килеп бәрелгән. Бары тик могҗиза белән генә, асфальт салучы эшчеләрнең берсе дә имгәнмәгән, диелгән әлеге хәбәрдә.

“Лада Приора” руле артында утырган егет, тагын өч пассажир егет урында ук һәлак булган. Дүртенче пассажирны хастаханәгә озатканнар. Тик бу егет тә үлгән.

Машина йөртүче егет 21 яшьтә, пассажир егетләр барысы да 18 яшьтә .Якынча версия буенча, егетләр барысы да исерек булган.

Чыганак: Интертат электрон газетасы

Запись 180 км/сәг тизлектә барган машинада биш яшь егет үлә впервые появилась Tatar Today - татар яңалыклары..

Казанда автобус “Гоголь” тукталыш павильонын бәрдерә [фото]

Редактор1 editor1 — Sat, 10 Dec 2016 08:47:43 +0000

Казанда шәһәр автобусы тукталыш павильонын бәрдергән, дип хәбәр итә социаль челтәрләр кулланучылары. //Татар-информ//

Бу хәл кичә кич “Гоголь” тукталышында килеп чыккан. 89нчы маршрут автобусы йөртүчесе идарәне югалткан һәм тукталыш павильонын бәрдергән, дип хәбәр итә бу вакыйганың шаһитлары. Юл-транспорт һәлакәте нәтиҗәсендә зыян күрүчеләр булмаган.

Запись Казанда автобус “Гоголь” тукталыш павильонын бәрдерә [фото] впервые появилась Tatar Today - татар яңалыклары..

Казанга беренче карлы-бураннар килә, ГАИ халыкны куркытып куйды

Редактор1 editor1 — Sat, 29 Oct 2016 06:58:58 +0000

Һава шартлары начарлану, кар яву көтелү сәбәпле, автомобильчеләргә шәһәрдән читкә чыгарга киңәш ителми, дип хәбәр итә Россия Эчке эшләр министрлыгының Казан буенча идарәсе ЮХИДИ бүлеге матбугат хезмәте.

Автомобиль хуҗаларына транспорт чарасын кышкы сезонга әзерләргә һәм автомобильнең техник төзеклелегенә игътибар итәргә, яктырткыч приборларны, тәрәзә чистарткычны, электрүткәргечләрне аккумляторны һәр сәфәр алдыннан тикшерергә киңәш ителә.

Көзге-кышкы чорда автомобильчеләргә катлаулы юл-метеорологик шартларда юл хәрәкәте куркынычсызлыгын тәэмин итә торган тизлек сайларга кирәк. Куркыныч маневрлар ясаудан һәм каршы як полосага чыгудан тыелу, куркынычсыз дистанция һәм ян интервал саклау зарур.

Дәүләт автоинспекциясе кышкы шина җитештерүчеләр аларны бер атна дәвамында температура 5-7 градуска төшкәндә куярга киңәш итә, дип искәртә. Шиналарны вакытында алыштыру начар һава шартлары белән бәйле юл вазгыятендә йөртүчеләргә ышанычлы идарә итү мөмкинлеге бирәчәк.

Татар-информ

Запись Казанга беренче карлы-бураннар килә, ГАИ халыкны куркытып куйды впервые появилась Tatar Today - татар яңалыклары..