Татарстан Транспорт һәм юл хуҗалыгы министрлыгы мәгълүматларына караганда, агымдагы елда республикада юл эшләре программасын тор­мышка ашыруга 27,3 миллиард сум акча тотылачак. Ча­гыштыру өчен: Түбән Кама­ның еллык бюджеты 5 миллиард сум булыр дип көтелә.

Башкалада быел Зур Казан боҗрасын төзү юнәле­шен­дә эш дәвам иттереләчәк. Казан тирә­сен­дәге бистәләр үсү аркасында, көннән-көн кысылып баручы Имәнлек һәм Максимов урамнарын ки­ңәйтү дә күздә тотыла.
Агымдагы елда Түбән Камада 1,7 миллиард сумлык юл эшләре башкарырга җыена­лар. Алабугада юлларны төзеклән­де­рү­гә 191 миллион сум акча тотылачак, дип хәбәр иткәннәр район­ның рәсми сайтында.

Юл салучыларны Балык Бистәсе районының Керә­шен Казысы авылында да көтәләр. – Быел саланы олы юлга тоташтырачаклар, – ди Балыклы Чүкәй җирле үзи­дарә башлыгы Әлфия Нуретдинова. – Без­нең җирлеккә өч авыл керә. Икесендә юл бар инде. Керә­шен Казысы – кечкенә авыл. Биредә ху­җалык саны йөзгә дә тулмый. Шуңа күрә моңар­чы аны юллы итү мәсь­әләсе шактый кыенлыклар тудырды. Мәсьә­ләне хәл итү җаен эзләдек. Хәер, бер дә юл­сыз авыл түгел ул. Җирле үзи­дарә көче белән Керәшен Казысына таш юл җәйдергән идек инде. Былтыр кирәкле бөтен проектларны әзерләп бетердек. Төзелеш материалларын да кайтардылар. 1 майдан юл салучыларны кө­тәбез.

“Куркынычсыз һәм сыйфатлы юллар“ федераль проекты кысасында, Татарстанга 2021 елга кадәр 12,7 миллиард сум акча бүлеп бире­ләчәк“, – ди респуб­ли­каның икътисад министры Фәрит Абдулганиев. Барлык акча­ның яртысы диярлек – федераль казнадан. Билгеле булганча, проект 2024 елга кадәр гамәлдә булачак. Эш илнең 104 шәһәрендә алып барыла. 2017 ел белән чагыштырганда, илдә шартына туры китереп салынган төбәк юллары артачак дип тә фаразлана. Хәзер әлеге күрсәткеч 43 процентны тәшкил итсә, аны 51 процентка кадәр күтәр­мәк­челәр. Димәк, юл салучыларга кул кушырып утырырга туры килмәячәк.

Әле булганнарын да карап торырга кирәк. Яз ир­тәрәк килгәнгәме, юл салучылар март азагында ук чокырларны ямау эшенә кереште. “Главтатдортранс“ оешмасы мәгъ­лүматларына караганда, 119 мең квадрат метр мәй­данда “ертык“­лар­ны ямаганнар инде. Юлга 10 мең тоннадан артык таш тү­шәгәннәр. Алдагы еллардан аермалы буларак, быел бу эш тынычрак та уза әле. Югыйсә, яз җиттеме, юллар кардан арчылып бетәргә өлгермәс борын, суга таш җәяләр дип, халыктан бер-бер артлы ши­каятьләр ява башлый иде. Ә быел һава торышы ярдәм итте. Юллар тиз чистарды. Оешма белгеч­ләре тынычландырган да әле. Алар әйтүенчә, “ер­тык“­ларны ямау – бер безнең ил өчен генә хас күренеш түгел. “Чит илләрдә дә юллар чокырлана. Ә җитешсезлекне тиз арада юкка чыгаруның иң үтемле чарасы – “ертык“­ларга таш түшәү“, – ди алар. Кыскасы, зарланасы да түгел икән.

Татарстан юлларын сак­лау максатыннан, 15 ап­рель­дән 14 майга кадәр рес­публикада йөк машиналарына хәрәкәт итүне чик­ләделәр. Язгы чорда транспорт чара­сы­ның бер күчә­ренә төшә торган иң зур авырлык алты тоннадан артмаска тиеш. Әлеге тәртип пассажирлар, азык-төлек, ягулык, дару препаратлары, ашлык, ашлама, почта ташу белән шөгыль­ләнү­челәргә, йөк күтәрүчән­леге 16 тоннадан артмаган “тимер ат“­ларга һәм махсус техникага гына кагылмый. Моңа кадәр илнең Транспорт министрлыгы, федераль юлларда язгы чорда йөк машиналары хәрәкәте чикләнмәя­чәк, дип хәбәр итте. Мәсь­әлә­нең икътисади ягын чамалапмы, йөк машиналары товар ташый, шул исәптән, зур пред­прия­тие­ләрне чимал белән тәэ­мин итә дип, күп кенә тө­бәк­ләрдә дә әлеге тәртип­тән баш тарттылар. Бүген чикләү илнең нибары 19 төбәгендә гамәлдә. Татарстанда да юллар кадерле.

Быел кайсы авыллар юллы булачак?

(Эльвира ВӘЛИЕВА/“Ватаным Татарстан”, /№ 56, 17.04.2019/)

Запись Быел Татарстанның кайсы авыллары юллы булачак? [исемлек] впервые появилась Tatar Today - татар яңалыклары..

Авыру хатын-кызның трактор чүмеченә утырып баруы сурәтләнгән рәсемнәр матбугатта һәм социаль челтәрләрдә пәйда булгач, әлеге вакыйга хокук сакчыларының да игътибарын җәлеп иткән. Апас районы прокуратурасы юллар чистартылмаган өчен авыл башлыгын җәзага тартуны таләп итә. Фельдшерга исә премия бирергә җыеналар. Ә сездә юлны ничек чистарталар?

Юрий Степанов (Мамадыш районының бер хуҗалыклы Тәкәрлек авылында яши):

– Кем чистартсын инде аны?! Миннән башка кемгә кирәк ул? Юлларны көрәп йөргәнем юк анысы. Капка төпләрен гел көрәп торам. Кар бик күп, эрергә җыен­мый әле. Тәкәрлектән 1,5 чакрымда гына урнашкан күрше Урта Шүләнгәрдә дә юлларны чистарт­мыйлар. Анда 15ләп кеше яши. Күбесе – өлкәннәр. Авырый башласалар, тизрәк миңа шалтыраталар. Карчанама утырам да тизрәк ярдәмгә ашыгам. Быел ике тапкыр бардым инде. Авыруларны олы юлга чыгарып куям. Гади чанага утыртып алып чыкканнары да булды бугай. Зарланмыйбыз, менә шулай яшәп ятабыз.

Рәсимә Ибраһимова, Гаяз Исхакый музее директоры (Чистай районы, Яуширмә авылы):

– Быел кар бик күп булды. Авылдамы, шәһәрдәме – кайда да көрәп бетерерлек түгел. Зур юлдан авыл­ның үзәгенә кадәр бар­лы-юклы юл бар инде, ә менә кырый урамнарда хәлләр мөшкел. Зиратыбызга да юл капланган. 8 фев­ральдә уздырылган отчет җые­лышына кадәр бераз булса да тәртип урнаштырылган иде, хәзер барысы да янәдән үз хәленә кайтты. Ходай безне әлегә сак­лый, гадәттән тыш хәл булганы юк. Әмма бүгенгесе белән генә яшәп булмый бит. Соң булып куймасын. Авыл юллары – кан тамырлары кебек ул. Юл булмаса, авыл тормышы туктый.

Люция Мусина, Мамадыш районының Түбән Яке урта мәктәбе укытучысы:

– Апастагы хәлне ишеткәч, фельдшерның батырлыгына сок­ландым. Дөрес эшләгән. Авыруны ташлап калдырмаган бит. Безнең якларда мондый хәлләр булганы юк. Авыл җирлеге башлыгы юлларны карап торуга зур игътибар бирә. Аннары фельдшер Нурфия Шәри­фуллинадан да уңдык. Безнең авыл килене ул. Ял да иткәне юк. Нәрсә генә булса да, йөгереп килеп җитә. Кайчак, ире яки малае өйдә булса, машина белән алып киләләр. Бар ке­шегә дә ягымлы, кычкырып сүз дә әйтми. Авылның олы юлга якын урнашуы да бик уңайлы. М7 трассасында МЧС бүлеге урнашкан. Янгын, бәла-каза булса, иң элек алар килеп җитә. Халык та сәла­мәт­легенә битараф түгел. Табибларга күренә­ләр, авыл­га да килеп тикшерәләр.

Илсөяр Гыйниятуллина, пешекче (Кукмара районы, Төркәш авылы):

– Элек Нурия апа фельдшер булып эшләгәндә ат белән йөри иде. Юллар юк вакытта, аеруча кышкы бураннарда, кешегә яр­дәм итәргә дип, ат җигеп баралар иде. Күрше авылда участок хастаханәсе эшли. Элек-электән авырган кеше шунда гына дә­валанды. Бәбигә кадәр табалар иде. Хәзер исә, хастаханәдә кыс­картулар булгач, күбрәк районга барабыз. Әмма иң беренче яр­дәмне барыбер үзебезнең табиб­лар күрсәтә. Хәзер инде районнан авылыбызга кадәр яхшы юл салынды. “Ашыгыч ярдәм” машинасын чакыртмыйбыз. Әле андый хәлләргә калган юк. Юлны да чис­тартып торалар. Дөрес, быел кары да явып күрсәтте. Әмма үзе­без дә ялкауланып тормыйбыз, юлларны ачабыз.

Фәридә Мифтахова (Аксубай районы, Татар Сөнчәлесе авылы):

– Юллар бик әйбәт хәзер, авыл янына хәтле асфальт салдылар. Авыл эчендә туфракны күтәр­деләр, вак таш җәйделәр. Күп эш үзара салым акчасына эшләнә. Кайчандыр пычракка баткан урамнарыбыз шундый нәрсәне дә күрер икән дип сөенәбез. Хәзер язгы-көзге чорда авыл эченә машина белән дә керәләр, элек тилмерәләр иде, хәтта “ашыгыч ярдәм” дә үтә алмады. Авыруларны юлга такталар җәеп, ләгән белән тартып, күтәреп алып чыкканнары да булды. Быел кар күп яуды, урамнарны өч егет – Марсель, Илнур, Фәрит чистартып тора. Кеше иртән эшкә киткәнче юл салынган була.

(“Ватаным Татарстан”, /№ 31, 01.03.2019/)

Запись Сездә юлны ничек чистарталар? [сораштыру] впервые появилась Tatar Today - татар яңалыклары..

 

 

 

Запись Юл фаҗигасе: Ларгус белән автобус бәрелешкән [фото, видео] впервые появилась Tatar Today - татар яңалыклары..

Шулай да мондый һава торышына сөенүчеләр дә, көенүчеләр дә бар. Инстаграмга күзәтү ясадык.

Бу – метрога чират торучылар һәм бүгенгә ябык дип игълан ителгән “Мега” сәүдә үзәге. Бөкеләр дә юк түгел.

View this post on Instagram

A post shared by Мамы Казани и РТ. Блогер (@kazan_mama)

Гөлназ Сафарова мондый буранлы кышка шатлана гына. 

View this post on Instagram

A post shared by Gulnaz Safarova (@saffarka)

Ландыш балаларын кайсын-кая илтеп урнаштырган, “җыеп алып булырмы?” ди.

View this post on Instagram

A post shared by LandyshNigmatjanova (@landyshnigmatjanova)

Универсиада авылыннан күренеш.

View this post on Instagram

A post shared by Деревня Универсиады (@universiadevillage)

https://www.instagram.com/p/BezohIKHrE6/?taken-by=vkazani_interesno_

Запись Буранга кемнәр сөенә, кемнәр көенә… [фото] впервые появилась Tatar Today - татар яңалыклары..

“Согласие” иминият компаниясе 2017 ел нәтиҗәләре буенча иң күп авариягә эләккән клиентларның исемнәрен ачыклаган. 

Ирләр исемлегендә беренче урында Илдар. Былтыр аварияләрнең 29 проценты Илдарлар катнашында ясалган. 

25 процент юл-транспорт һәлакәтләрендә – Марат, өченче урында Алексей (22 процент)

Унынчы урында – Николай. Ул 14 процент аварияләр фигуранты. 

Хатын-кызлар арасында беренче урында (29 процент) – Юлия. 25 процент – Татьяна, өченче урында – Еленалар – 23 процент. 

Иң сак машина йөртүчеләр – Мариналар (12 процент) аварияләр. 

“Согласие” вәкилләре әйтүенчә, иң күп һәлакәтләр җомга көнне була, ә аварияләр иң аз булган көн якшәмбе.

Запись Юлларда йөргәндә исемеңә кара икән [иң күп авариягә эләгүчеләр исемлеге] впервые появилась Tatar Today - татар яңалыклары..

Татарстан куркынычсызлык буенча Россия юллары рейтингында иң азаккы урынга урнашкан. Елның 8 аена ясалган күзәтү һәм тикшерүләрдән чыгып, шундый нәтиҗә ясалган.

“Интертат.ру”дан алынды

Запись Татарстанда юл-транспорт һәлакәте булуның сәбәпләре ачыкланды впервые появилась Tatar Today - татар яңалыклары..