Архивы юморист - Tatar Today - татар яңалыклары.

Рамил Шәрәпов утырган микроавтобус дамба астына тәгәрәгән

Чулпан — Mon, 05 Feb 2018 12:56:13 +0000

Юморист утырган микроавтобус Чаллы юлында дамба астына тәгәрәгән. //Интертат//

– Бүген төнге өчтә, Вадим Захаровның концертыннан соң мин Казан-Уфа рейсы белән Башкортстанга барырга чыктым, – диде Рамил Шәрәпов“Татар-информ” хәбәрчесенә. – Казанда төнлә мәхшәр иде инде, такси белән “Кольцо”га көчкә барып җиттек. Кичә МЧС шторм булуы хакында кисәтте бит. Мин башта самолет белән очармын дип уйлаган идем, әмма аэропортларны яптылар.

Рамил Шәрәпов Башкортстанга концертка дип юл тоткан.

– Бүген Стәрлетамакта концерт планлаштырылган. Билетлар сатылып беткән, кешене алдап калдырып булмый, ипиең шул булгач, ничек тә барырга кирәк. Микроавтобуста 6 кеше сәфәр чыктык. Артистлардан мин үзем генә. Чаллыга 80 чакрым кала “фура” юлыбызны кисеп, без утырган микроавтобус бозлы юлда шуып, дамба астына тәгәрәде. Ян белән аудык. Сәгать ярым тирәсе шунда яттык. Юлда кеше юк, тарттырып чыгаручы булмады. Аннан соң, бәхетебезгә, бер машина тарттырып чыгарды. Көчкә Уфага барып җиттек, Аллага шөкер. Үзебезгә зыян килмәде, шулай да күңелдә авыр тойгы, – диде Рамил.

Юлларда сак йөрсәк иде!

Запись Рамил Шәрәпов утырган микроавтобус дамба астына тәгәрәгән впервые появилась Tatar Today - татар яңалыклары..

Данир Сабировка күз тигән?

Редактор1 editor1 — Fri, 07 Apr 2017 10:02:08 +0000

Эстраданың юмор остасы, җырчы Данир Сабиров инстаграмдагы аккаунтына фотоларны сирәк куя. Әллә җырчы күз тиюдән куркамы? Башка сәбәбе бармы? Бу хакта Данирның үзеннән сорадык. //Tatar Today//

“Мин үзем бик ачык, аралашучан кеше. Тик интернет челтәрендә утырырга вакыт тими. Күбесенчә тормыш иптәшем Миләүшә утыра, мин исә башка мәсьәләләр белән шөгыльләнәм. Күз тиюгә килгәндә, Яңа елдан соң үземне башка төрле хис итә башладым. Хәлсезлек, кәеф юк. Бер әби “сиңа күз тигән”, диде. Күз тиюгә тулысынча ышанам дип әйтә алмыйм. 50гә 50″, дип белдерде Tatar Today хәбәрчесенә Данир Сабиров.

Данир җырлап-биеп кенә йөрми, спорт белән дә дус. Күптән түгел артистны Казанның бер фитнес үзәгендә күрергә туры килде. “Спортзалга даими йөрер өчен Казанда тору, вакыт һәм теләк булу кирәк. Шулай да җаен табабыз, кунакханәдә булганда да кунегүләр ясыйбыз”, ди хәзерге вакытта Башкортстанда гастрольдә йөрүче Данир Сабиров.

Артистның балалары да спортка тартыла. “Әни (тормыш иптәше Миләүшәнең әнисе) балаларга режим ясаган. Көн саен иртә белән өй тирәли 10 тапкыр йөгерәләр. Гимнастика белән шөгыльләнүче апасы Мәрьямгә Дания дә ияреп йөгерә. Ә кич белән нервыларны тынычландырыр өчен ваннага керәләр. Йоклар алдыннан дога тыңлап йокыга китәләр. Тик без гастрольләрдән кайткач, бу режим бозыла”, диде Данир.

Эльвира ШАКИРОВА

Запись Данир Сабировка күз тигән? впервые появилась Tatar Today - татар яңалыклары..

Ир-атлар колагына: Данир Сабировтан бәйрәм алды лайфхагы [видео]

Редактор1 editor1 — Tue, 07 Mar 2017 18:23:06 +0000

Популяр юморист Данир Сабиров ир-егетләргә 8 март бәйрәме алдыннан шәп киңәш бирә. //Tatar-today//

8 мартка хатын-кызларга бирелүче иң популяр бүләкләрдән булып, әлбәттә, чәчәк санала, монысы сер түгел. Данир ел да чәчәк бирмәс өчен видеода күрсәтелгән шиңмәс гөлне сатып алырга киңәш итә. 5 ел тора, ди.

View this post on Instagram

A post shared by Данир Сабиров (@danir_sabirov87)

Запись Ир-атлар колагына: Данир Сабировтан бәйрәм алды лайфхагы [видео] впервые появилась Tatar Today - татар яңалыклары..

Данир Сабиров кызын кабатлаганда харап була язган [фото]

Редактор1 editor1 — Mon, 23 Jan 2017 16:49:47 +0000

Эстраданың популяр артисты, юмор остасы Данир Сабировның олы кызы Мәрьям бик сәләтле бала булып үсә. Әти-әнисе аны нәфис гимнастика белән шөгыльләнергә биргәннәр. Хәтта яңа гына ял итеп кайткан Дубайда узган чарада катнашып та бүләкләр откан. Хәзер ул бик тырышып өйдәгеләрне үзенең казанышлары белән сөендерә. //Tatar Today//

View this post on Instagram

A post shared by Данир Сабиров (@danir_sabirov87)

Данир үзе дә кызы артыннан кабатлап карамакчы булган да менә, барып чыкмаган ахры. “Үзе елый, ләкин елмайган була. Мин дә эшләп карыйм дигән идем, үлә яздым”, дигән.

Запись Данир Сабиров кызын кабатлаганда харап була язган [фото] впервые появилась Tatar Today - татар яңалыклары..

Данир Сабиров балалары белән күрешү мизгелләре күрсәтә, айлар буе күрмәгән ахры… [видео]

Редактор1 editor1 — Fri, 23 Dec 2016 20:20:40 +0000

Кышның матур, карлы көннәрен файдалы итеп үткәреп калырга өлгерергә кирәк. Әнә Данир Сабиров гаиләсе кебек! Ул кызлары Дания һәм Мәрьям белән тау ясарга чыккан. //Tatar Today//

View this post on Instagram

A post shared by Данир Сабиров (@danir_sabirov87)

Популяр артист, юморист, шоумен, ниһаять, балалары белән уйнарга вакыт тапкан. Ул кызларын телефонга сөйләтә. Кызлары да әтиләре уйнарга чыкканга бик сөенәләр.

Данир Сабировның балалары белән сирәк уйнавы, аның еш концертлар куюы белән бәйледер, мөгаен. Ул концертларын күптән түгел генә Уруссуда, Җәлилдә, Бакалыда, Азнакайда, Чаллыда һәм Казанда куйды.

View this post on Instagram

A post shared by Данир Сабиров (@danir_sabirov87)

Запись Данир Сабиров балалары белән күрешү мизгелләре күрсәтә, айлар буе күрмәгән ахры… [видео] впервые появилась Tatar Today - татар яңалыклары..