Архивы завод - Tatar Today - татар яңалыклары.

Дары заводында янгын, үлүче дә бар [фото, видео]

Редактор1 editor1 — Fri, 24 Mar 2017 18:35:27 +0000

Казанда дары заводында янгын чыккан. Гадәттән тыш хәл турында хәбәр 20 сәгать 27 минутта килеп ирешә. //Tatar-today//

Янгын 200 кв. метрлы мәйданны урап алган, катлаулылыгы ягыннан аңа өченче дәрәҗәдәге янгын, дип бәя бирелгән. Шаһитләр янгын чыгар алдыннан булган тавышны диварларны тетрәтерлек көчле иде дип искәртә.

Килеп чыккан янгында бер үлүче барлыгы билгеле. Күпчелеге төрле тән җәрәхәтләре ала.

Запись Дары заводында янгын, үлүче дә бар [фото, видео] впервые появилась Tatar Today - татар яңалыклары..

Гүзәл Уразова һинд кызларын да уздырган: яңа образдагы язгы клибын карыйк [видео]

Редактор1 editor1 — Thu, 09 Mar 2017 15:31:45 +0000

Һәр бәйрәмгә – яңа клип! Җырчы Гүзәл Уразова Халыкара хатын-кызлар көненә язгы “Соңлама” җырын һәм клибын тәкъдим итте. Тамашачы күңелендә нәрсә белән истә калырлык соң ул клип?//Tatar Today//

Беренчедән, Гүзәл яңа образда. Бу юлы һинд кызларына хас булган кием (сари) кигән. Ул шәмәхә һәм алсу төсләрдә, шартына китереп тагылган беләзек-алкалар да бар. Икенчедән, ул клибын “Завод” фотостудиясенең төрле фотозоналарында төшергән.

Җыр гашыйк парлар, көтү хисе, мәхәббәт турында. Гүзәл Уразованың иҗатының тагын бер җимеше белән видеоны карагач таныша алырсыз.

Запись Гүзәл Уразова һинд кызларын да уздырган: яңа образдагы язгы клибын карыйк [видео] впервые появилась Tatar Today - татар яңалыклары..

Данис Зарипов Чаллы шәһәрендә Русиядә тиңе булмаган завод ачты [фото]

Редактор1 editor1 — Fri, 19 Aug 2016 03:18:07 +0000

17 августта Чаллыда хоккей кәшәкәләре җитештерә торган “ЗаряД” заводы ачылда. Анда «АК», «С», «Балалар өчен» һәм «Махсус серия»дә тәкъдим ителгән тугыз төр товар эшләп чыгарылачак.

Заводны ачу тантанасында Татарстан Премьер-министры Илдар Халиков, Чаллы мэры Наил Мәһдиев, хоккейчы, дүрт тапкыр Гагарин Кубогы иясе, өч тапкыр дөнья чемпионы Данис Зарипов катнашты.

Заводның гомум мәйданы 2500 кв метр тәшкил итә. Бүгенге көндә биредә 73 кеше хезмәт куя, киләчәктә тагын 50 эш урыны булдыру күздә тотыла. Завод хезмәткәрләре композит материаллардан хоккей кәшәкәләре җитештерү буенча уку узган, шул ук вакытта җитештерүнең һәр этабында җаваплы белгечләр билгеләнгән.

Илдар Халиков җыелучыларга сәламләү сүзе белән мөрәҗәгать итте. Аның сүзләренчә, агач һәм алюминийның иң яхшы сыйфатларын үзенә туплаган карбоннан ясалган кәшәкәләр әлегә кадәр Россиядә җитештерелмәгән. Шуңа да Чаллы заводы илдәге беренче предприятие. Ул заводның социаль-икътисади мөмкинлекләре алдан билгеләнгән территория (ТОСЭР) резиденты булганын да әйтеп узды һәм аңа киләчәктә уңышлар теләде.

Аннары кунаклар заводның җитештерү линиясе белән танышты, әзер продукцияне карады. Аңлатмаларны предприятие генераль директоры Иван Савин биреп барды. Аның сүзләренчә, әлеге проектның бер инициаторы Данис Зарипов булган.

Башлангыч исәпләүләр буенча, 2018 елда завод елына 40 мең кәшәкә җитештерүгә ирешергә җыена. Әлеге вакытка бюджетка күчерелгән салым елына якынча 60 миллион сум тәшкил итәргә тиеш.

Татар-информ, фотолар Чемпионат сайтыннан алынды.

Запись Данис Зарипов Чаллы шәһәрендә Русиядә тиңе булмаган завод ачты [фото] впервые появилась Tatar Today - татар яңалыклары..