Архивы журналист - Tatar Today - татар яңалыклары.

Алып баручы Гөлназ Сәфәрованың портреты буенча фикер алышалар: кемгә охшатканнар?

Гульназ Рашитова — Thu, 20 Aug 2020 09:32:10 +0000

//Татар Тудей// Татар Бүген//

Гөлназ Сәфәрова инстаграм битенә портретын куйган. «Миңа портрет ошаган сирәк очрак. Миңа охшаганмы?» — дип язган ул.

Алып баручыны кемгә генә түгел, нәрсәгә дә охшатканнар: «Сөембикә ханбикә шундый булгандыр», «Фиргавен кызы Клеопатра», «Тимер ханым», «Аватар», «Тэ 3000» модельле робот, «Бу бит җырчы Алсу», «Юлия Началова дип карадым», «Цилиндрдагы пешкәк кебек күренәсең».

Шагыйрә Сания Әхмәтҗанова: «Сөембикә диюләре ошады», — дип язган.

«Бу портретыгыз бик шәп чыккан. Ниндидер көч беркелә»

«Сезнең кабатланмас булуыгызны чагылдыра»

«Бик шәп булган», – дип язган инстачылар.

Портретны ошатмаучылар да бар.

View this post on Instagram

A post shared by Gulnaz Safarova (@saffarka)

Чыганак: Гөлназ Сәфәрова инстаграмыннан

Запись Алып баручы Гөлназ Сәфәрованың портреты буенча фикер алышалар: кемгә охшатканнар? впервые появилась Tatar Today - татар яңалыклары..

Журналист Эльвира Фатыйхованың 1нче китабы чыга: “Мин аны үзем өчен көндәлек итеп кенә теркәп бардым”

Рамиля Валиахметова — Thu, 06 Aug 2020 17:28:17 +0000

Журналист Эльвира Фатыйхова нон-фикшн жанрында татарча китап чыгарган. Исеме дә кызыклы: “Шаманнар артыннан сәяхәт”. Бу Эльвираның беренче китабы. Аны тәүге адымы белән котлап, берничә соравыбызны да бирми кала алмадык:

– Эльвира, китап кем, нәрсә турында?

-Китабым – сәяхәтләрдән көндәлек форматында. Ул Хакасия, Тыва, Казахстан, Кыргызстан якларына сәяхәтләрем турында. Хакасиягә эш буенча барган идем, беренче баруымда аларның культурасын, тарихи җирләрен өйрәндем, эш беткәч тә сәяхәт итеп йөрдем әле. Андагы шаманизм белән христианлыкның бергә яшәве миндә зур кызыксыну уятты. Аннары бер ай да үтмәде – Тывага чакырдылар. Тывада буддизм белән шаманизм бергә яши. Аны өйрәнү дә бик кызык булды. Алардан кайтып, үз тәэсирләрем белән уртаклашып утырганда, бер танышым Казахстанга баргач, мәрхүмнәрнең җаннары белән аралашулары турында сөйләде. Кызык бит инде! Мин казахларны мөселманнар дип беләм, мәслән. Ә алар анда, каберлекләр буенча сәяхәт итеп, үлгән кешеләрнең җаннары белән сөйләшеп йөри икән. Бу да бит шаманизмның бер чагылышы. Казахстаннан соң Кыргызстанга барып кайттым. Китапның бишенче бүлеге Татарстанга багышланган. Әгәр кызыксыну уятса, ахыргы бүлекне аерым китап итеп, тагын да киңрәк язарга уем бар.

-Татарстанда да шаманизм бар мыни?

-Бездә изге җирләр буенча йөрүче төркемнәр бар икән. Алар да корбан чалып, Габделмансур, Габделхафиз һәм башка аталарның каберенә йөриләр, Иске Казанга баралар… Ул бүлектә мин Татарстандагы биш изге урын турында гына яздым, ләкин безнең республикада андый җирләр 200ләп.

-Иң үзенчәлекле урыннар кайсысы булды?

-Казахстан белән Кыргызстанда һәр көн бер тетрәнү булды: анда төн саен зиратта кунулар, корбан чалулар… Бер кызны корбан сарыгының каны белән коендырдылар… Минем өчен шок кичерә торган вакыйгалар күп булды анда. Шуларны язып бардым, тупладым һәм чыгардым инде. Төрле җирдә мондый кешеләр төрлечә атала: бакшы, акку, кам… Алай дисәм, беркем дә аңламас иде, шаман дигәч, аны бөтен кеше аңлый һәм, ахыр чиктә, аларның барысының асылы бер бит инде.

-Башлаган вакытта да ул китап буларак планлаштырылган идеме, әллә, журналист буларак, моннан мәкалә генә әзерләмәкче идеңме?

-Китап итеп язарга уемда да юк иде. Мин аны үзем өчен көндәлек итеп кенә теркәп бардым. Көндәлекләрем бик күп. Журналистикага укырга кергәч, Илдар абый Низамов көндәлек язарга мәҗбүр итте: һәркөн язарга дигән таләп куйды. Мин моны кайчан да булса бер зачетка кирәк булыр дип шүрләп язып бардым, шуннан сеңеп калган гадәтем. Көндәлекләремне җыештырдым да китап булды. Кыргызстанда бер бакшы: “Син бу юл турында китап язачаксың!” – дигән иде. Ул сүз бөтенләй онытылган, эшемнең азагында гына исемә төште… Сәяхәтләрем турында газетага мәкаләләр дә язылды инде, ләкин анда күпме генә мәгълүмат сыя.

– Тиражы күпме? Үз акчаңа чыгардыңмы, әллә китап нәшрияты ярдәме беләнме?

-1000 данә, үз акчама чыгардым. Чыгаруы да минем өчен бер азарт, уен, эксперимент иде. Редактор, верстальщиклар эзләү, рәссам, тышлык дизайнеры табу бик кыен булды. Бу минем өчен берничек тә таныш булмаган өлкә. Әле типографияләр белән сөйләшүләр, ахыр чиктәге килешүләр, кәгазь боткасы… Ул коточкыч күп эш икән, җылы өйдә китап язып утыру иң җиңеле икән!

– Үзең шаманнарга ышанасыңмы?

-Мин элек андый нәрсәгә көлеп карый идем. Хакасиядә, Тывада аларның сүзләренә колак сала торгач, үзем генә белгән әйберләрне дә алар төп-төгәл әйтеп биргәч, ышана башладым. Казахстанда бөтенләй галәмәт хәлләр булды – ышанмыйча берничек тә булдыра алмадым. Анда безнең нәселдә үлгән бер кешенең җаныннан хәбәр әйттеләр: “Сезнең нәселдәге бер кешене су алып киткән, аның җаны минем янымда тора. Ул сезгә бик рәнҗи, чөнки сез аны догаларда искә алмыйсыз икән”, диде. Сәфәремнән кайткач, ул кешене әбиләрдән сораштыра-сораштыра, шәҗәрәләрне актарып эзләдек һәм чынлап та таптык. Бөек Ватан сугышы вакытында, Днепрны кичкәндә, безнең бер туганыбызны су алып киткән булган. Ничектер ул нәселебездәге әрвахларның исемлегенә керми калган. Без аны ул исемлеккә кертеп, догалар багышладык. Аннары Кыргызстанда да ышанырлык булды инде… Суфый мөселманнарда мистика бик күп, әлбәттә, аларның йолаларын белеп тору татарларга да кызык булыр дип саныйм.

Китапны әлегә нибары бер ноктадан: Тукай урамы, 23 йортта урнашкан китап кибетеннән генә алырга мөмкин.

Чыганак: "Идел" журналы сайты

Запись Журналист Эльвира Фатыйхованың 1нче китабы чыга: “Мин аны үзем өчен көндәлек итеп кенә теркәп бардым” впервые появилась Tatar Today - татар яңалыклары..

Татар ютуберы Фагилә Шакирова белән журналист Алсу Исмәгыйлова яңгыр астында Раифа күлендә катамаранда кая йөзәләр? [видео]

kadria — Sun, 02 Aug 2020 11:22:32 +0000

// Татар тудей // Татар Бүген //

Фагилә Шакирова белән Алсу Исмәгыйлова Раифа күлендә катамаранда йөзәргә чыкканнар. Яңгыр яуса да, рәхәтләнеп ял иткәннәр.

Нишләп йөрисең анда дип сораучыларга Фәгыйлә апа инстаграм битендә җавап язган:

-Биииик нык арган идем соңгы арада. Ял итеп кайттым! Журналистика турында күп сөйләштек! Эх, яраткан темаларымның берсе! Журналистика һәм халык аерылгысыз булырга тиеш – бу закон. Фәгыйлә белән фикерләребез туры килә икән. Буген Татар матбугатының патриоты, Татаринформ журналисты Алсу Исмәгыйлова белән Раифа җирлегендә йөрдек, кулдә катамаранда йөздек. Авылларын аркылы буйлы әйләнеп чыктык, коеп яңгыр яуды. Әле урманына да барып җитә идек, авызлыксыз эт кенә шүрләтте… Яңгыр плащы сатып алдык 100 сумга…Ай матур җирләр, барыгыз , курегез! Тәмле итеп табигатьтә чәй эчеп кайттык. Кайтканда сузгә бирелеп юлны бутаганбыз. Иннополис шәhәрен әйләнеп чыктык. Мин анда беренче тапкыр булдым, кешесе юк, бераз куңелсез шәhәр икән ( марсианнар шәhәре кебек), кайтканда кайнар кофе эчтек. Көн яңгырлы булса да, онытылмаслык узды!)

Видео Фагилә Шакирова инстаграмыннан

Запись Татар ютуберы Фагилә Шакирова белән журналист Алсу Исмәгыйлова яңгыр астында Раифа күлендә катамаранда кая йөзәләр? [видео] впервые появилась Tatar Today - татар яңалыклары..

Күренекле шагыйрь, журналист Рөстәм Акъегет (Рөстәм Фәйзуллин) белән хушлашу… [видео]

kadria — Tue, 21 Jul 2020 15:32:40 +0000

Казанда 70 яшендә, танылган татар шагыйре, журналист, Татарстанның атказанган мәдәният хезмәткәре, Гаяз Исхакый исемендәге язучылар берлеге премиясе иясе, Татарстан радиосы хезмәткәре Рөстәм Фәйзуллин вафат булды. Укучыларга ул Акъегет кебек тә таныш. Бу хакта ТР Язучылар берлегенең Матбугат хезмәте хәбәр итә.

1974 елдан Рөстәм Фәйзуллинның язмышы Татарстан Республикасы дәүләт телерадиокомпаниясе белән бәйле. Соңгы елларда ул Татарстан радиосының әдәби-сәнгать программалары редакциясен җитәкли, аудиоязмалар фонды белгече була.

Ул туган ягында, Балык Бистәсе районы Балтач авылы зиратында җирләнә.

Видео Азатлык Радиосы сайтыннан алынды

Запись Күренекле шагыйрь, журналист Рөстәм Акъегет (Рөстәм Фәйзуллин) белән хушлашу… [видео] впервые появилась Tatar Today - татар яңалыклары..

Татарстанда атнасына 3 тапкыр чыгучы 40 ел тарихы булган газетаны ябалар. Сәбәбе җитди

Лэйсирэ — Wed, 26 Dec 2018 07:55:04 +0000

25 декабрь “Вечерняя Казань” иҗтимагый-сәяси газетын ябу турында карар кабул ителгән. Газетны сатып алырга теләүче булмаган. Татарстанда 1970нче еллар ахырыннан бирле чыгып килүче “Вечерняя Казань” газетының ябылуы турында үз чыганакларына сылтанып “Idel.Реалии” яза.

Чыганак сүзләренчә, сишәмбе редакциядә узган җыелышта газетның шеф-мөхәррире Хазбулат Шәмсетдинов хезмәктәрләрнең килешүе 31 декабрь тәмамлана һәм озайтылмаячак дип белдергән. Шәмсетдинов сүзләренчә, газет җитәкчелеге ярты ел чамасы сатып алучы эзләгән, әмма таба алмаган.

“Вечерняя Казань” 1979 елдан бирле чыга. Газетның гомум тиражы – 17 400 данә. Газет атнасына өч тапкыр чыга.

Соңгы елларда басмадан Марина Юдкевич, Ирина Плотникова, Инна Серова, Айсылу Кадырова, Сергей Козин кебек абруйлы журналистлар китте. “Idel.Реалии” чыганаклары мәгълүматынча, дүрт ел элек газетны “Нәфис Косметикс” ширкәтенә якын эшмәкәр Камил Гайнуллин сатып алган булган.

Азатлык радиосы язмасы  (чит ил агентлыгы)

Фото: https://pixabay.com

Запись Татарстанда атнасына 3 тапкыр чыгучы 40 ел тарихы булган газетаны ябалар. Сәбәбе җитди впервые появилась Tatar Today - татар яңалыклары..

Равил Шәрәфиев: “Төрмәдән качып чыгуым әле” [видео]

Габдулла Тукай — Mon, 16 Jul 2018 20:05:12 +0000

Танылган журналист, “Курай” радиосы алып баручысы Габдрәхим бер атна элек халык артисты Равил Шәрәфиев белән инстаграммына видео кертте. Ул язма 50 меңгә якын карау җыйды. Равил Шәрәфиев анда Габдрәхимгә: “Төрмәдән качып чыгуым әле, кыяфәтемә кара”, дип сүзен башлый. Журналист бу сүзгә үзе дә аздан гына ышанмый кала, “Аңлатып сөйлә әле”, ди. Чынлыкта халык артисты шәһәрдәге фатирын “төрмә” дип атый икән, анда ремонт башланганнар, иптәше калада калган. Равил абый исә әлегә үзе генә бакчасында җәй үткәрергә булган.

View this post on Instagram

A post shared by ГАБДЕРӘХИМ (@gabderahim_official)

ак

Запись Равил Шәрәфиев: “Төрмәдән качып чыгуым әле” [видео] впервые появилась Tatar Today - татар яңалыклары..

Гөлназ Сәфәрова улының туган көненә кыйммәтле һәм кирәкле бүләк ясаган [фото]

Чулпан — Mon, 21 Aug 2017 16:46:15 +0000

Бүген “Татар радиосы” ди-джее Гөлназ Сәфәрованың улы Айданның туган көне. Аңа 6 яшь тулды. Әти-әнисе нәрсә бүләк итте икән үзенә? //Сабантуй//

– Нәрсә алыйк икән дип озак уйлап йөрдем, – ди Гөлназ. – Мин үзем кирәкле бүләк алу ягында. Шуңа да Айданга сәгать-телефон бүләк иттек. Аның элек тә шундый сәгате бар иде. Монысы тагын да камилләшкәнрәк, заманчарак. Сәгать аша бер-беребезгә шалтырата, смслар җибәрә алабыз. Баланың хәзерге вакытта кайдалыгын белеп торам. “SOS” кнопкасы да бар. Телефонны бит югалтырга да мөмкин, ә сәгать һәрвакыт кулда. Иң мөһиме: әлеге сәгатьтә уеннар юк. Нәрсә генә уйлап чыгармыйлар инде, – дип гаҗәпләнә алып баручы.

Запись Гөлназ Сәфәрова улының туган көненә кыйммәтле һәм кирәкле бүләк ясаган [фото] впервые появилась Tatar Today - татар яңалыклары..

Журналист Гөлнара Зиннәтуллина: «Аллаһы Тәгаләм, бакчамда эшләүдән мәхрүм итми тор инде!»

Чулпан — Sat, 22 Jul 2017 12:39:40 +0000

Танылган журналист Гөлнара апа Зиннәтуллинаның хәлен белеп кайттык әле. Гөлнара апа үзгәрмәсә дә үзгәрмәс икән: йөзе – ачык, күзләре ут яна. Шул арада табын әзерли, чәй пешерә, бакчасы турында сөйли. Аның белән очрашкан саен сөйләшеп сүзебез бетми. Хәер, мин авызымны да ачмыйм, ул гына сөйли, оста барда телеңне тый, диләр ич. //Ватаным Татарстан//

Әле кайчан гына урын өстенә калган иде бит. “Кояш апа”бызны кан яман шешенең бер төре – миелома авыруы аяктан еккан иде. Ул чагында да сер бирмәде: килгән-киткәннең кәефен күреп, уен-көлке сөйләп, чып-чын тамаша оештырып ятты. Аннан соң биш ел вакыт узган. Гөлнара апа арка-сөяк мие авыруы белән һаман да көрәшә, көчле дарулар эчә, вакыт-вакыт химия дәвасы алып кайта.

Ә болай гел эштә ул. Аның тавышын соңгы елларда “Тәртип” радиосыннан ишетеп куана идек. Ел башында әлеге радиостанция ябылгач, юксынып өенә шалтыратучылар да күп булган. Тыңлаучылары белән үзе дә күңелсезләнеп алган. Тик озакка түгел. Язлыкта помидор, борыч үсентеләре чәчеп, үстереп, шулар белән әвәрә килеп ятты. Май аенда ире Ринат абый белән шәһәрдәге фатирларыннан бакча йортына күченеп куйдылар. Тартма-тартма үсентеләрен алып. Ринат абыйга да бакча “җен”е кагылган. Кайгы ялгыз йөрми, диләр бит. Гөлнара апаның чиреннән соң Ринат абыйга да ике тапкыр инсульт булды. Гөлнара апа тәүлекләр буе хастаханәдә авыр хәлдәге ирен саклады. Аннан соң яңадан йөрергә, сөйләшергә өйрәнделәр… Шулай да бирешмиләр, бер-берсенә терәк булып, эш-мәшәкатькә күмелеп яши бирәләр. “Чирне җиңүнең иң яхшы ысулы шул”, – ди Гөлнара апа.

Бер юлы мәрхүм драматургыбыз Туфан Миңнуллин белән очрашалар. Туфан абый Гөлнара апаның бүтәннәргә еш бирә торган соравын кабатлый: “Яшәү яме нәрсәдә?” Авырып киткәч, Гөлнара апа әлеге сорауга бик тиз җавап таба. “Яшәү – үзе ямь икән ич”, – ди ул. Чирне артка куалауның тагын бер сере – яратуда. Дөньяны, кешеләрне, кошларны, хәтта кортларны да ярата Гөлнара апа. Эшнең дә тәмен белеп кенә эшли. Кишер сирәкләүне кемдер эчпошыргыч бер нәрсә дияр. Ә ул һәр миллиметры тигез булсын дип тырыша. Сабагын тигез итеп, эскәк белән йолыккан кебек өзеп ала. “Элек исем китми иде. Чүпкә дә, үссәң, үс шунда, дип әйтә идем. Хәзер авырый, сызлана башласам, шулар янына чыгып китәм. Арып-талганчы эшлим дә, чир онытыла”, – ди Гөлнара апа.

Әйбер кирәксә, балаларны борчып тормыйм дип, йөгереп кенә Казанга да барып килә. Быелгы салкынча, яңгырлы һава торышын да сөенеп кабул иткән, чөнки бакчада су сибәсе юк. Яшелчәсе, җиләге елдагыча уңган. Петунияләр җәйрәп үсә, кыярлар ачык һавада чәчәк ата, теплицадагы помидорлар кызарып утыра, җиләкләре бик эре. Әле менә Ринат абый белән һәр җиләк төбенә салам салып чыкканнар. Кырмыска кебек инде, бер минут тик тормыйлар. Күрше-тирә дә уңган-булган Зиннәтуллиннарга шакката. “Сездә үсә, бездә юк, карый белмибез, ахры”, – диләр икән.

Гөлнара апа, иртән чык төшкән бакчасында йөргәндә, эчтән генә бары бер теләк тели: “Аллаһы Тәгаләкәем, син мине үзең яраткансың, рәхмәт сиңа. Байлыклар да сорамыйм, якты дөньядан, шушы бакчамда эшләүдән мәхрүм итми тор инде!”

Фәния АРСЛАНОВА

Запись Журналист Гөлнара Зиннәтуллина: «Аллаһы Тәгаләм, бакчамда эшләүдән мәхрүм итми тор инде!» впервые появилась Tatar Today - татар яңалыклары..

Исмәгыйль Шәрәфиевның кызы: «Әти җан биргәндә тәрәзәбезгә азан тавышы керә иде»

Чулпан — Fri, 23 Jun 2017 10:35:30 +0000

Бүген кич, кояш баткач, ифтарлар узгач, татар дөньясы кайгылы хәбәр алды – “Татарстан яшьләре” газетасының баш мөхәррире, күп татар журналистларының остазы, татар матбугаты үсешенә искиткеч өлеш керткән күренекле шәхес Исмәгыйль Шәрәфиев каты авырудан соң арабыздан киткән. Аңа 66 яшь иде.//Интертат//

Исмәгыйль Шәрәфиевның вафаты турындагы хәбәрне “Татар-информ” агентлыгына озак еллар аның урынбасары булып эшләгән Атлас Гафиятов хәбәр итте. Шулай ук без Исмәгыйль аганың кызы Айгөл белән элемтәгә кердек, ул әтисен озату иртәгә, 23 июнь көнне, 8.30 минутта Салмачы бистәсендә булуын әйтте. Исмәгыйль Шәрәфиев туган ягы Әтнәдә җирләнәчәк.

Айгөл Шәрәфиева әтисенең соңгы айлары, авыруы турында сөйләде.

“Әтинең ямам шеш белән авыруы соң, инде берничек тә ярдәм итеп булмаган стадиядә ачыкланды. Гәрчә әти алданрак медицина тикшеренүе үткән булса да, табиблар аңарда авыру барын күрмәгәннәр. Әти, диагнозын белгәч, тыныч кабул итте. Һәм башы белән хезмәткә чумды. Бары хезмәт, бары хезмәт… Иң беренче секундтан соңгы көнгә кадәр.

Авыру белән ярты ел көрәште ул. Чын көрәшче булды! Авыруны баса торган даруларда гына яшәсә дә, бер тапкыр да авыртудан, хәле булмаудан зарланмады. Авыртып интеккәнен сизсәк, “Мөгаен, укол ясарга вакыттыр”, дип кенә әйтә иде.

Соңгы көнгә кадәр сәламәт кеше кебек яшәдә – бакчада эшләде, җиләк утыртты. Йорт-хуҗалык эшләрен дә алып барды, квартплата түләү дисеңме, лампочканы алыштырумы, бакчага яңа көрәк алумы, барысын да эшләде һәм бер дә авыртуга зарланмады. Ул авыру турында сөйләшергә дә рөхсәт итми иде.

Соңгы арада әти “Татарстан яшьләре” өчен юмористик хикәяләр тәрҗемә итте. Бары тик көлдергеч юмористик хикәяләр генә. Бик күп хикәяләр әзерләде. Кайберләрен безгә сөйләп, көлдерә иде.

Әти бүген кич, кояш батканда, азан вакытында дөньядан китте. Ул җан биргәндә тәрәзәбезгә азан тавышы керә, кояшның соңгы нурлары карый иде”…

Исмәгыйль Шәрәфиев 1950 елның 12 ноябрендә Казанда туа, 1973 елда Казан дәүләт университетын тәмамлый. “Татарстан яшьләре” газетында эшчәнлеген ул тәрҗемәче буларак башлый, аннары хатлар бүлеге җитәкчесе, җаваплы сәркатип, редактор урынбасары була. “Идел” журналының җаваплы сәркатибе булып эшли. 1990 елда “Татарстан яшьләре”нең баш мөхәррире итеп билгеләнә.

Быел Татарстан матбугаты көнендә узган “Бәллүр каләм” чарасында Исмәгыйль Шәрәфиевка күпъеллык нәтиҗәле хезмәте өчен Гран-при бирелгән иде. Ул үзе хастаханәдә булу сәбәпле, бүләккә бирелгән “Лада Калина” автомобиле ачкычлары аның кызы Айгөлгә тапшырылды.

Алсу ИСМӘГЫЙЛЕВА

Запись Исмәгыйль Шәрәфиевның кызы: «Әти җан биргәндә тәрәзәбезгә азан тавышы керә иде» впервые появилась Tatar Today - татар яңалыклары..

“Кайбер хәзрәтләр камерадан, журналистлардан курка” [видео]

Габдулла Тукай — Fri, 19 May 2017 17:30:41 +0000

18 май “Русия – Ислам дөньясы: Казан Саммит 2017” икътисади җыен кысаларында социаль челтәрләрдә экстремизм профилактикасы темасына халыкара фәнни-гамәли конференция узды. Әлеге чара Татарстан мөфтие Камил хәзрәт Сәмигуллин тәкъдиме белән оештырылды. Ул анда үзе дә катнашты.

Конференция Казанның “Корстон” күңел ачу үзәгендәге кечкенә залда үтсә дә, темасы бик киң иде. Фәлсәфи, шәхси фикерләр күп булды, сөйләшү ике сәгатьтән артыкка сузылды. Чараны шәрык белгече Анна Беликова һәм журналист Радик Әмиров алып барды.

Радик әфәнде урыны-урыны белән Русиянең төрле төбәгеннән, чит илләрдән килгән ислам дине вәкилләрен шелтәләп тә алды, барлык борчыган сорауларны, уңайсызларын да уртага салып сөйләшергә тәкъдим итте. Әмма андыйлар табылмады диярлек, күбесе үзенчә сөйләп китте. Шуңа да, ул аларны еш туктатып торды.

“Безгә бүгенге көндә коммуникация җитми. Кайбер хәзрәтләр камерадан, журналистлардан курка, ә аннан соң: “Нигә без күренмибез?” дип сорыйлар. Әлбәттә, күренмисез, чөнки сез журналистлардан куркасыз. Яһүд дини оешмалары мөселманнарга караганда ачыграк. Мин моны үз мисалымда беләм”, диде Радик Әмиров.

Экстремизга килгәндә, ул бүген бар. Безгә моңа каршы көрәшә белергә кирәк, дип сөйләде Мәскәү журналисты.

Экстремизм турында Русия фәннәр академиясенең Көнчыгышны өйрәнү институты фәнни хезмәткәре, сәясәт белгече Илшат Сәетов та конференциядә фикерен белдерде, илкүләм каналда мөселман тапшыруларын башлау тәкъдимен күтәреп чыкты.

“Экстремизм мөселманнарга гына кагылмый, бу проблеманың чишелешен бөтен җәмгыять белән эзләргә кирәк. Шул ук федераль каналларга килсәк, анда мөселманнар турында бер тапшыру да юк. Шартлау, негатив кына бар. Русия халкы мөселманнарның нормаль гадәти тормышын белми диярлек. Шуңа берәр федераль каналда мөселманнар турында тапшыру кирәк. Бу чараның резолюциясенә ул керсен иде”, диде Илшат әфәнде.

Запись “Кайбер хәзрәтләр камерадан, журналистлардан курка” [видео] впервые появилась Tatar Today - татар яңалыклары..