Архивы журналистлар - Tatar Today - татар яңалыклары.

“Медуза” журналисты Иван Голуновка карата җинаять эше туктатылган [видео]

Alina — Tue, 11 Jun 2019 16:19:51 +0000

11 июнь “Медуза” журналисты Иван Голуновка карата җинаять эше туктатылган. Бу хакта Русия эчке эшләр министры Владимир Колкольцев хәбәр итте. Журналистның гаебе дәлилләнмәде диде. Голунов йорт сагыннан сишәмбе азат ителәчәк.

Колкольцев Русия президенты Владимир Путинга Мәскәүнең наркотикларның канунсыз әйләнеше белән көрәш идарәсе җитәкчесен вазифасыннан алу мөрәҗәгате белән чыгачакмын дип белдерде.

Министр шулай ук Мәскәүнең Көнбатыш бүлгесе эчке эшләр идарәсе җитәкчесен дә вазифасыннан алуны таләп итәм диде. Голуновны тоткарлаган полиция хезмәткәрләре эшләреннән бушатылган.

Иван Голунов 6 июнь тоткарланды һәм аңа күп күләмдә наркотиклар сатарга җыенуда гаепләү белдерелде. Мәхкәмә журналистны ике айга йорт сагына җибәрде. Голунов билгесез матдәле ике пакетны рюкзагына ташлаулары турында сөйләде һәм кыйнауларга зарланды.

“Медуза” журналистын яклап Русиянең төрле шәһәрләрендә, шул исәптән Казан һәм Уфада да пикетлар узды.

10 июнь Русиянең иң эре басмалары “Ведомости”, “Коммерсантъ” һәм РБК бер төрле беренче бит белән чыкты. Анда зур хәрефләр белән “Я/Мы Иван Голунов” дип язылган иде.

Tatar Today җитәкчесе, журналист Рөстәм Исхаков та үзенең Инстаграм битендә бу чарага кагылышлы үз фикерләре белән уртаклашыты.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Шимбә Голуновның җинаять эшен Мәскәүнең Көнбатыш бүлгесе полициясеннән Эчке эшләр министрлыгының Мәскәү баш тикшерү идарәсенә күчерделәр.

Мәгълүмат Азатлык радиосы сайтыннан

Медуза порталы сайтыннан

Запись “Медуза” журналисты Иван Голуновка карата җинаять эше туктатылган [видео] впервые появилась Tatar Today - татар яңалыклары..

Искәндәр Сираҗи Радик Юльякшинны сүккәннән соң чыккан шау-шуга җавап бирде

Редактор1 editor1 — Wed, 16 Nov 2016 14:47:41 +0000

“Кызык бу дөнья! Урман уртасында сусыз, газсыз, утын белән ягыла торган иске өйдә ялгыз карчык яшәп ятуын, хакимиятнең аңа фатир биргән булып кыланып, ачкыч тапшырып фотога төшереп китүен, ул ачкычның ярамавын, ә яңа йортның төзелеп тә бетмәгәнлеген язасың, видеорепортаж төшерәсең – дәшүче дә юк! Йөзләгән кибетне рөхсәтсез ачып, салымнар түләмичә халыкны эчереп ятучы эшмәкәрләрне фаш итеп чыгасың – эшереп тә бирмиләр! Ә ниндидер тавышсыз, моңсыз, милләтсез, бер шыңшып йөрүче затсыз эстрада әһеленә сүз әйтәсең икән – дәррәү кәтәреп алалар…”, ди Искәндәр Сираҗи фейсбук битендә.

Аңа кадәр ул КФУның журналистика факультеты студентлары белән булган очрашуда, “Элвин Грейдан татар милләтенә бернинди файда юк, Элвин Грей дигән кушамат алганы өчен генә булса да”, дип белдергән иде. Радик белән таныш түгеллеген, аның популярлыгының сәбәбен дә белмәвен әйтте.

Искәндәр Сираҗи Мәскәүдән журналист Максим Шевченко белән

Tatar Today

Запись Искәндәр Сираҗи Радик Юльякшинны сүккәннән соң чыккан шау-шуга җавап бирде впервые появилась Tatar Today - татар яңалыклары..

Татарстан журналистлары мөфти белән намаз укып, авыз ачты

Редактор1 editor1 — Fri, 24 Jun 2016 06:40:42 +0000

23 июньдә Татарстан мөфтие Камил хәзрәт Сәмигуллин динебезгә дәгъватлаучы каләм әһелләре белән очрашты. Татарстан мөселманнары Диния нәзарәте тарафыннан журналистлар өчен махсус ифтар уздырылды. Әлеге ифтарга республикабызда чыгучы дәүләт һәм шәхси матбугат чараларыннан 60 ка якын журналист катнашты. //ТР мөселманнары Диния нәзарәте//

Бу ифтарда шулай ук мөфтинең беренче урынбасары Рөстәм хәзрәт Батров, урынбасарлары – РИУ ректорый Рәфыйк Мөхәммәтшин, Гаилә мәчете имам-хатыйбы Рөстәм хәзрәт Хәйруллин, Татарстан Президенты аппаратының Дини оешмалар белән эшләүче идарә җитәкчесе Альберт Гарипов, “Татмедиа” агентлыгы җитәкчесе Айрат Зарипов, Казан мэриясенең телләрне үстерү һәм иҗтимагый оешмалар белән эшләү бүлеге җитәкчесе Илнур Шакиров, “Безнең Мирас” журналы мөхәррире Ләбиб Лерон һәм башкалар бар иде.

Татарстан мөфтие ифтарда катнашучыларны рамазан ае белән котлады һәм динебез үсешенә өлеш керткән өчен рәхмәтләрен җиткерде:

“Мөхтәрәм журналистлар, барыгызны да Рамазан белән котлыйм! Тоткан уразаларыбыз, укыган догаларыбыз кабуллардан булсын! Исламда иң мөбәрәк өч бәйрәм бар: Ураза бәйрәме, Корбан бәйрәме һәм җомга. Һәркайсыбызга менә шушы бәйрәмнәрне, Аллаһы Тәгаләгә шөкер кылып, шатланып, бәйрәм итеп уздырырга насыйп булсын. Безгә, хәзрәтләргә, динебезгә дәгъватлау, рухи мирасыбызны саклау һәм халыкка җиткерү иң мөһим эш булып тора. Шушы эшләрне тормышка ашыруга журналистлар да бик зур өлеш кертә. Журналистларга динебезне үстерүгә зур тырышлыклар куйган өчен Аллаһының рәхмәте яусын. Без нәзарәткә республикада чыгучы һәр газетны, журналны алдырып барабыз. Шулай ук үзебезнең дә газетларны чыгарабыз, сайтлар алып барабыз. Барыбызга – журналистларга да, дин әһелләренә дә шушы Рамазан шәриф аенда җыйган рухи көч, иман байлыгы белән алга таба уңышлы эшләргә язсын. Киләсе Рамазан айларын да бердәм каршы алырга насыйп булсын!” – диде мөфти.

Аннары Камил хәзрәт бүгенге ифтарга җыю ул, матбугат аша ислам кыйммәтләрен җиткерү хакында бергәләп фикер алышу да булып торуын билгеләп узды.

Ифтар ашында дин әһелләре һәм матбугат вәкилләре үзара фикер алышты, матбугат аша Исламга дәгъватлау юлларын барлады.

Шушы көннәрдә генә “Хозур” нәшрият йорты Татарстан мөфтие Камил хәзрәт Сәмигуллинның “Коръәни Кәрим. Сайланма сүрәләр” дип аталган дискын чыгарды. Ифтарда Коръән сүрәләре дискы журналистларга бүләк ителде.

Запись Татарстан журналистлары мөфти белән намаз укып, авыз ачты впервые появилась Tatar Today - татар яңалыклары..