Архивы зоопарк - Tatar Today - татар яңалыклары.

Акча түләп Казанның яңа зоопаркына баручылар хайваннарны таба алмый кайта [видео]

Alfia — Wed, 22 Jan 2020 22:25:38 +0000

// Татар Тудей // Татар Бүген//

Танылган блогер Татар Малай (Ринат Галиәхмәтов) яңа ачылган Казан зоопаркындагы күренеш турында яза. Аның әйтүенчә, биредә хайваннарның 80% юк икән.

“Бәяләр олы кешегә 300 сум, балаларга 150 сум. Бөтенебезгә 1200 сум түләдек тә, ңәтиҗәдә бернәрсә дә күрмәдек. Зоопарк ачылды дип кул болгап йөрмиләр инде, “Бассейн ачылды, суы гына юк” дигән кебек булды бу. Кергәндә кисәткәннәр иде хайваннарның барсы да юк, “испытательное открытие” дип. Ә бит хайваннарның гомумән 80% юк, хәзер 300 сум булгач, хайваннар керткәч 1000 сум була мени керү бәясе? Күбрәк балалар өчен бит инде ул, аларга ничек аңлатырга аларның кайда икәнен?” – дип яза Ринат Галиәхмәтов үзенең инстаграмында.

Мәгълүмат: tatar__malay

Запись Акча түләп Казанның яңа зоопаркына баручылар хайваннарны таба алмый кайта [видео] впервые появилась Tatar Today - татар яңалыклары..

Диләрә Илалетдинова Казан зоопаркын түгел, ә башка шәһәрнекен тәкъдим итә [фото-видео]

Лэйсирэ — Thu, 28 Jun 2018 14:52:25 +0000

Бүген татар эстрадасы җырчысы Диләрә Илалетдинова якыннары белән бергәләп Татарстанга чиктәш Удмуртия башкаласы Ижау зоопаркында хозурланып йөргән. “Кемнәр генә юк биредә! Исем китте, вольерларда тәртип, чиста! Барыгызга да Ижау зоопаркын барып күрергә киңәш итәм” дип яза җырчы аккаунтында.

Иң кызыгы, халык арасында әлеге зоопарктагы таш бүре сынын, ә төгәлрәк әйтсәк, аның тәпиен сыйпасаң, бөтен хыялларың тормышка аша дигән риваять йөри икән. “Сыпырып карадык”, ди артист.

Кем белә, бәлки бу кызуда Әлмәттән Удмутиягә кадәр 4 сәгать буе барган Диләрә зоопаркка нәкъ шуның өчен килгәндер дә?…

Сегодня поехали в Ижевск чтобы посмотреть зоопарк? Кого там только нет…???????и многие другие Очень впечатлена,животные красивые?ухоженные вольеры, а главное чисто! Вообщем советую!? #зоопаркижевск

Публикация от Диляра Илалтдинова (@dilyara_ilaltdinova) 28 Июн 2018 в 5:22 PDT

Запись Диләрә Илалетдинова Казан зоопаркын түгел, ә башка шәһәрнекен тәкъдим итә [фото-видео] впервые появилась Tatar Today - татар яңалыклары..

Чистай универмагында чыккан янгында 60ка якын зоопарк хайваннары һәлак була [видео]

Редактор1 editor1 — Wed, 21 Dec 2016 08:38:34 +0000

Татарстанда Чистай шәһәренең үзәк универмагында 20 декабрьда янгын чыкканлыгы турында хәбәр ителгән иде. Кичке сәгать 7ләрдә янгын сигнализациясен ишетеп алган“Кедр” фармацевтика даруханәсеннән 67 нче янгын сүндерү частена шалтыраталар. Урынга чыккан Чистай янгынчылык-коткару гарнизоныннан 5 расчет көче белән төнге сәгать 3 тулганда универмагта янгын таралышы туктатылган. Бу хакта Россия Гадәттән тыш хәлләр министрлыгының Татарстан буенча Баш идарәсе матбугат хезмәте хәбәр бирде. //Татар-информ//

Аерым алганда, универмагның 1 нче катына ут капкан булган, 8.14 сәгатьтә янгын сүндерүгә керешкәндә аннан кара төтен ургып чыккан. Күрүчеләр сөйләвенчә, бинаның иске өлешендә урнашкан зәркән остаханәсе турысыннан яна башлаган булган. Сәүдә үзәге хезмәткәрләре, эчтә беркем юк, дисә дә, соңыннан ачыкланганча, икенче катта “Зоофобус” җаваплылыгы чикләнгән җәмгыятьнең зоопарк хайваннары урнаштырылган булган. Анда читлекләрдә Омскидан килгән зоопаркның 60лап хайваны булган.

Янгын үрләгән беренче минутларда күршедәге кибетләрдә эшләүчеләр 4 маймылны, 5 тутый кошны һәм сөйрәлүчеләр төренең 5 вәкилен коткара алган. Төтен таралганга калган хайваннарны коткару мөмкинлеге булмаган.

Бүген иртән сәгать 4 тулып 34 минут узгач янгын тәмам сүндерелгән. Янгын 3 мең квадрат метр мәйданны ялмаган. Янгын сүндерүдә 95 кеше һәм 32 берәмлек техника катнашкан.

Хәзер биредә янгын чыгу сәбәпләрен ачыклау буенча эш алып барыла.

Версияләрнең берсе буенча электр техникасының начар эшләве күрсәтелә. Шулай ук электр белән җылыту приборларыннан һәм инструментлардан янгын чыккан булырга, шулай ук тәмәке төпчеге пыскып ут кабарга мөмкин, диләр. Янгын сүндерүчеләр ут төртү ихтималын да күздән ычкындырмый.

Запись Чистай универмагында чыккан янгында 60ка якын зоопарк хайваннары һәлак була [видео] впервые появилась Tatar Today - татар яңалыклары..