Русия параолимпиячеләрнең Олимпия дәрәҗәсендә махсус ярышлары булачак

Русия параолимпиячеләр өчен махсус ярышлар уздырачак, анда җиңүчеләр һәм призерлар өчен бүләкләр Олимпия дәрәҗәсендә булачак. Бу хакта Русия Федерациясе Президенты Владимир Путин белдерә.

«Безнең параолимпиячеләрне дисквалификацияләү карары хокукый, әхлакый, кешелек кысаларына сыешмый» дип билгеләп үтте ул. «Бу спорт яшәү мәгънәсенә әйләнгән кешеләргә, сәламәтлекләре буенча мөмкинлекләре чикләнгән миллионлаган кешегә үз көченә ышануда үрнәк булып торучы спортчыларга явызлык кылу оятсызлык», диде Русия башлыгы.

Президент фикеренчә, законнан тыш, зиһенле һәм сәламәт акыл белән фикер йөртүче кешеләр Русия атлетлары яклы, күптән түгел ике тапкыр Олимпия чемпионы Елана Исинбаеваның халыкара Олимпия комитеты әгъзасы итеп сайлануы да дәлил булып тора. Путин спортчыга яңа эшендә уңышлар теләде.

Допингка каршы комиссия эше ачык, үтә күренмәле, сәясәт ягыннан басымга бәйле булырга тиеш түгел дип саный Путин. Аның сүзләренчә, күп кенә илләрдә спорт һәм олимпизм принциплары сәясәт тарафыннан оятсыз рәвештә бозыла.

Татар-информ

фото: sobkor02.ru

Загрузка...

Бәйле

Добавить комментарий