Узган атнада Төркиянең Казандагы баш консуллыгы 20 еллыгын билгеләде. Кичәдә баш консул Турхан Дилмачның фотокүргәзмәсе ачылды. Дипломатның Инстаграмын күзәтеп баручылар аның фотографиягә мөкиббән булуын белә һәм сурәтләре белән таныш. Шул ук вакытта Дилмачның аккаунтында Татарстан түрәләренә сабак булырлык үзенчәлекләр дә бар. //Азатлык радиосы//
Дилмач Инстаграм социаль челтәрен актив куллана һәм үзенең эшчәнлеген яктыртып бара. Ләкин иң мөһиме, татар телен камил дәрәҗәдә белгән дипломат барлык диярлек рәсемнәре астында татар телле тасвиралама яза.
https://www.instagram.com/p/BHPbUuhDfgn/?taken-by=tdilmac
Гомумән ул аларга мөкиббән бугай.
Уңышлы Инстаграм аккаунтларына хас булган сыйфатны да игътибардан качырмый баш консул: аның тасмасында мәче фотолары шактый.
Дипломат интернетта шәхси тормышын чагылдыра – бу ачыклык билгесе. Баш консулның сурәтләрендә аның тормыш иптәшен, балаларын, дусларын еш күрергә була.
https://www.instagram.com/p/BIheVhVDozj/?taken-by=tdilmac
Гомумән, фотография белән шөгыльләнгән дипломатның Инстаграмында Татарстанда һәм Төркиядә төшерелгән гаять матур табигать сурәтләре, портретлар бар.