«Рубин»ның тренеры Грасия Казан турында ни уйлый? Җиңелүләр күп булгач аны кумаслармы?

“Рубин”ның баш тренеры Хавьер Грасия Казан турында үзенең хисләрен белдерде.

“Ул миңа хәзер бик чит түгел,  минеке дә булып тоела. Халык кунакчыл, барысы да бик әйбәт, шәһәр буйлап йөреп, аңа сокланып кына торасы килә, ләкин эш бу барысын да икенче планга куярга мәҗбүр итә. Буш вакыт юк дисәм дә була, әмма гаиләм белән яр буе урамы буйлап йөреп килергә яки ресторанга кереп, каһвә эчәргә берничә сәгать тапкач, шәһәр кунакларын бик ягымлы итеп кабул иткәнен аңлыйсың. Гаиләм белән безгә бәхет өчен күп кирәкми, без барысына да кәнәгать. Шәһәр минем өметләрне аклады димәс идем, ул миндә зур тәэсир калдырды. Балаларны халыкара мәктәбенә урнаштырдык, барысы да яхшы”, ди ул.

Исегезгә төшершбез, Хавьер Грасия “Рубин” белән бу елның май ахырында җитәкчелек итә башлады. 19 сентябрьдә алар Петерда «Зенит»ка 4:1 белән җиңелделәр. Күзәтүчеләр  болай барса Грасия эшеннән куарлар диләр. Тренер үзе, «Бу сорау миңа түгел» дип җавап бирә.

Мәгълүмат realnoevremya.ru сайтыннан алынды
Фото: scoopnest.com сайтыннан
Загрузка...

Бәйле

Добавить комментарий