1 октябрь Пирамида концертлар залында «Татар радиосы»ның 15 еллык туган көне уңаеннан зур тамаша узды. Радионың ди-джее, ун ел буе «Татар җыры» фестивален алып баручы Гөлназ Сәфәровага татар мәдәнияте үсешенә зур өлеш керткәне өчен Татарстанның атказанган артисты исеме бирелде.
«Тыйнак эшчәнлегемне олы бәяләгән президентыбыз Рөстәм Миңнехановка, халыкка, таныткан «Татар радиосына», продюсерым Радик Ивановичка, гаиләмә, әти-әниемә, әбиемә, ходаема рәхмәт. Ә иң зур рәхмәтем сезгә, мине яратып кабул итүче халкыма», ди Гөлназ Инстаграм битендә.