Синоптиклар фаразлавы буенча, 14 ноябрьдә Татарстанда аязучан болытлы һава торышы көтелә.
Республиканың кайбер районнарында бераз кар явачак. Аерым районнарда төнлә һәм көндез томан булачак, дип хәбәр итә Гидрометеорология һәм әйләнә-тирә мохитне күзәтү идарәсе.
Төнлә — 5-10 градус, ә көндез – 3-8 градус салкын булачак. Аязган вакытта хәтта 14 градуска кадәр суытачак. Юлларда бозлавык саклана.