13 декабрьда Әлмәт шәһәрендә полиция хезмәткәрләре 42 яшьлек ир-атны хатынын һәм җиде айлык улын кансыз рәвештә кыйнаганы өчен тоткарлыйлар. Бу вазгыятьтән соң, «Аңлы рәвештә сәламәтлеккә зур зыян китерү» маддәсе буенча җинаять эше кузгатыла. //Kazanlive.ru//
42 яшьлек Юрий А. белән декрет ялында булган 42 яшьлек граждан хатыны Елена М. арасында каты гына талаш чыга. Аннан соң, Юрий хатынын кыйный, шунда ук җиде айлык баласының башына да берничә тапкыр китереп суга. Баланы авыр хәлдә баш мие җәрәхәте белән хастаханәгә алып китәләр. Бу хәл буенча тикшерү эшләре алып барыла.