Чаллыда 39 яшьлек Рузилә Тимированың 13 гыйнварда өеннән эшенә киткән җирдән югалуы турында «Татар-информ» мәгълүмат агентлыгына Россия Эчке эшләр министрлыгының Чаллы буенча идарәсенең гаммәви матбугат чаралары белән элемтә бүлеге җитәкчесе Артур Муллин хәбәр иткән иде. Рузилә Тимирова исән-сау табылган.
Волонтерлар әлеге хатын-кызны 26нчы комплекста үзе яшәгән 15нче йорт янында очраталар. Ул өенә кайтып бара торган булган. Рузилә үзен шулкадәр кеше эзләгәненә бик нык аптыраган. Шушы вакыт эчендә ул үзенең кайда булганын сөйләмәгән.
Искәртеп үтик, Рузилә Тимированың «Эссен» сәүдә үзәге каршындагы 26/15тәге йортыннан 12 гыйнварда иртәнге 7 сәгатьтә чыккан һәм “Балалар поликлиникасы” трамвай тукталышына юнәлгәнлеге, «Джумба» сәүдә үзәгенә кадәр барырга һәм аннан эшкә алып барып җиткерә торган вахта автобусына күчеп утырырга тиешлеге, автобуста коллегалары аны күрмәгәнлеге, эшенә барып җитәлмәгәнлеге, мобиль телефонына тәүлектән артык шалтырату бармавы турында хәбәр ителгән иде.