Җырчы Салават Фәтхетдиновның озын буйлы спортсменнар белән фотога төшергә гадәткә кергән ахры. Бу юлы ул волейболчы Александр Волков белән Инстаграмда фото урнаштырган. //Tatar Today//
Белгәнебезчә, Александр Волков — Русиянең атказанган спорт мастеры, «Динамо» төркеме уенчысы, Лонданда үткән ХХХ Олимпиада уеннары чемпионы.
Салават әфәнде бу юлы: «Монда да буй җитми», дип язган. Шулай ук, фото астына төрле фикерләре белән уртаклашучылар да шактый. «Салават абый озын буй турында хыялланган ахрысы», «Кечкенә кеше — чикләвек төше, зур кеше — дуңгыз төше», «Сезгә кечкенә булу килешә», «Икенче серия», дип язучылар бар.