Астролог Нострадамус юрамаларының стилистикасын өйрәнүче тикшеренүчеләр аның 2017 елга булган күрәзәләр өлешен ачыклый алган. Бу хакта «Вечерняя Москва» газетасы яза //Татар-информ//.
Галимнәр мәгълүматы буенча, быел планета цивилизациясе өчен бик мөһим булган бер бала туачак. Нострадамус күрәзәсендә, киләчәктә хәтта аңа дөнья патшалары буйсыначак, дигән.
Галимнәр исәпләп чыгаруынча, сабый, якынча, Франциядә яки Уралда дөньяга киләчәк. Аларның гипотезасы Нострадамусның булачак дөнья идарәчесе ватанын салкын урманнар, таулар белән тасвирлавына нигезләнгән.