Социаль челтәрләрдә Казанның бер мәктәбе укучыларының вакытсыз араларыннан киткән сыйныфташлары истәлегенә төшерелгән видеолары таралды.
Күп катлы йортның түбәсеннән сикереп үлгән 17 яшьлек егеткә багышланган роликны бүгенге көндә 105 меңнән артык кеше караган. Ул “Без сине тотарга өлгердек. Тик соң инде” дип атала.
Дуслары егетнең фотографиясе ябыштырылган зур катыргы кәгазьне биектән аска ташлыйлар. Аста исә фотографияне сыйныфташлары тотып ала. Дуслары егетнең ни өчен шундый адымга баруын һаман да аңлый алмыйлар.